Zeinu Hizkuntza kurtsoak

Taxilari bat atxilotu dute Santurtzin, beste bati labanaz erasotzeagatik

Zauritua Gurutzetako Ospitalera eraman behar izan zuten. Erasotzailea Muskizko polizia-etxean entregatu zen, eta erasoa egiteko erabilitako arma eraman zuen

Ertzaintzak taxi-gidari bat atxilotu zuen atzo goizaldean, beste bati labanaz erasotzeagatik, Santurtzin. Biek eztabaida beroa izan zuten taxi geltoki batean, eta labana batez eraso zion.

Segurtasun Sailak ohar baten bidez zabaldu duenez, astearte goizaldean gertatu zen erasoa, 02:00etan. Lekuko batek ohartarazi zuen Ertzaintza, gizonezko batek beste bati aizto batez eraso ziola ikusi ostean. Lekukoaren esanetan, erasotzaileak ihes egin zuen bere autoan.

Erasoa izan zen lekuan bertaratu ziren agenteek baieztatu zutenez, biktimak bi zauri zituen beso batean, eta beste bat kokotsean. Biktimak azaldu zuenaren arabera, lankide batek eraso zion, elkarrekin eztabaidatu eta gero. Zauriak ikusita, zauritua Gurutzetako Ospitalera eraman behar izan zuten.

Handik gutxira, ustezko erasotzailea Muskizko polizia-etxean entregatu zen, eta erasoa egiteko erabilitako arma eraman zuen, oraindik odol arrastoak zituela. Horren aurrean, agenteek atxilotu egin zuten ustezko erasotzailea (56 urte), eta epailearen esku utzi dute jada.

Susmagarri bat atxilotu dute Vigon, Ourensen sute bat piztea egotzita

Egonkortu dute, dagoeneko, hori ere egin gabe zuen Ourenseko sutea. Hortaz, ez dago egonkortu gabeko suterik, asteazken honetan

Gizon bat atxilotu dute Vigon, igandean zuhurtziagabekeriaz jokatuta Ourenseko Os Blancos udalerrian sute bat piztu izana egotzita, Juan Ignacio Zoido Espainiako Barne ministroak sare sozial batean duen kontuan jakitera eman duenez. Asteazken eguerdian, egonkortu dute, dagoeneko, hori ere egin gabe zuen Ourenseko sute bat. Hortaz, ez dago egonkortu gabeko suterik, Galizian; guztira, 16 sute daude egonkortuta Ourensen eta Pontevedran. Lau lagun hil dira azken egunotan autonomia erkidego horretan piztu diren suteen ondorioz. Inguruneko kontseilariaren esanetan, suteak piztu dituztenen "jarduera su-emaile eta eraileak" du hondamendi horren errua; izan ere, sute guztiak nahita piztu dituzte, horren arabera.

Polizia Nazionalak, bitartean, helbide elektroniko bat zabaldu du, herritarrek, izenik eman gabe, asteburuan Vigon eta Redondelan piztutako suteen gaineko informazioa eman dezaten, gertatutakoa argitzen laguntzeko.

Oposizioa, baina, kritiko agertu da. BNG, PSOE eta En Marea alderdien ustez, suteak izan aurretik ez da prebentzio lanik egin, eta suteak piztutakoan ez zaie erantzun egokirik eman.

Milaka eta milaka lagun bildu dira Sanchez eta Cuixart askatzea eskatzeko

Kataluniako herritarrek beste mobilizazio jendetsu bat egin dute, oraingoan ANC eta Omnium elkarteetako buruzagiak libre utz ditzatela eskatzeko

200.000 lagun bildu dira bart Bartzelona erdigunean Jordi Sanchez eta Jordi Cuixart ANC eta Omnium elkarteetako presidenteak, hurrenez hurren, "preso politikoak" direla salatu eta biak berehala aska ditzatela eskatzeko.

Mobilizazioa 20:00etan hasi zen, Gracia pasealekuren eta Francesc Macia plazaren artean. Kandelak eskuetan zeramatzatela egin zuten askok eta askok ibilbidea. Horrez gain, kartel ugari ikusi ziren, goiburu ezberdinekin: "Bi Jordiak, Espainiako Estatuaren preso politikoak, askatu!", "Lagundu Kataluniari", "Salba dezagun Europa" eta "Errepublika orain". Era berean, askatasunaren aldeko eta Espainiako justiziaren kontrako oihuak ere entzun ziren.

Kataluniako gainerako hiri eta herrietan ere egin zituzten manifestazioak. Mobilizazioak aurreko bezperan deitu zituzten, Carmen Lamela Auzitegi Nazionaleko epaileak Sanchez eta Cuixart baldintzarik gabe espetxeratzeko agindua eman zuela jakin ostean. Sedizio delitua egotzi die biei, Guardia Zibilak urriaren 1eko erreferenduma galarazteko asmoz egin zuen polizia-operazioa salatzeko irailaren 20an eta 21ean Bartzelonan izan ziren protestak bultzatu izana egotzita.

Torrejon aire-baseko pilotu bat hil da hegazkin istripuan

Pilotua hegazkina aireratzen zegoela, antza, potentzia galdu eta lurraren aurka jo du

Armadaren F18 hegazkin batek lurra jo du Madrilgo Torrejon de Ardoz hegazkin-basearen inguruetan eta pilotua hil egin da, Defentsa Ministerioak jakinarazi duenez.

Bestalde, Cristina Cifuentes Madrilgo presidenteak prentsaurrekoan jakitera eman du, gizona hil egin dela. "Jakin badakigu pilotua hil egin dela, eta beraz, senideei, Indar Armatuei, Aire-armadari eta Espainiako armadari, oro har, nire dolumina adierazi nahi diet", esan du Cifuentesek. Denbora laburrean armadak izan duen bigarren hegazkin istripu larria izan da hau; aurrekoa, Hispanitatearen egunean, Albaceten gertatu zen, urriaren 12an.

F18aren istripua Torrejon de Ardoz aire-basean gertatu zen atzo goizean; pilotua hegazkina aireratzen zegoela, antza, potentzia galdu egin du eta lurraren aurka jo du.

Zazpi atxilotu Iruñean, emakumeak esplotatu eta ezkontzera behartzeagatik

Beste lau pertsona atxilotu dituzte Segovian. Biktimen artean 13, 16 eta 17 urteko adingabeak daude

Espainiako Poliziak eta Guardia Zibilak elkarrekin egindako operazio batean 11 pertsona atxilotu dituzte, horietako zazpi Iruñean eta gainerakoak Segovian, emakumeak sexualki esplotatu eta ezkontzera behartzen zituen sare bateko kide direlakoan. Biktimen artean adingabeak ere badaude.

Espainiako Barne Ministerioak ohar batean azaldu duenez, zazpi emakume askatu dituzte, tartean 13, 16 eta 17 urteko hiru adingabe. Gaizkile taldea desegintzat jo dute Estatuko segurtasun indarrek.

Apirilean ekin zioten ikerketari, Errumaniak Espainiako Estatuan duen Barne Agregatutzan herrialde horretako emakume batek jarritako salaketa tarteko. Emakumearen esanetan, alaba prostituitzera behartzen ari ziren.

Ikerlariek jakin ahal izan zutenez, taldeko kideek Errumanian harrapatzen zituzten emakumeak. Zenbaitetan, 'Lover Boy' izeneko metodoaren bitartez engainatzen zituzten. Hau da, taldeko kideren batek emakumea limurtu egiten zuen eta harekin ezkontzeko promesarekin, Espainiako Estatura ekartzen zuen. Beste zenbaitetan, ordea, indarra erabilita ekartzen zituzten.

Errumaniako emakumeak aurkeztutako salaketaren arabera, alaba auto batean indarrez sartu eta Espainiara ere gogoz kontra ekarri zuten. Gerora, baina, beste talde bati saldua izan zela salatu zuen amak.

Emakume adingabeak ezkontzera behartzen zituen talde bat ere atzeman zuten ikerlariek Iruñean. Talde horren hiru biktima Segovian topatu zituzten.

Atxiloketak egiteaz gain, lau miaketa egin dituzte —horietako bi Iruñean—. Honakoak atzeman dituzte miaketotan: auto garesti bat, 2.300 euro esku dirutan, droga ebakitzeko materiala eta dokumentazio ugari.

Ikerketa kazetari bat hil dute Maltan, lapa-bonba autoan jarrita

Kazetariak politikari ustelak salatu ohi zituen eta, duela bi aste, salaketa aurkeztu zuen Poliziaren aurrean pairatzen ari zen mehatxuengatik

Daphne Caruana Galizia Maltako kazetaria hil dute astelehenean Bidnija herritik hurbil, uhartearen iparraldean, autoan jarri dioten lapa-bonba batek eztanda eginda, Poliziak zabaldu duenez.

Caruana Galiziaren (53 urte) blogak ospe handia du, eta bertan argitaratzen zituen Maltako politikari ustelen auziak. Orain bi aste, salaketa ipini zuen Poliziaren aurrean pairatzen ari zen mehatxuengatik, Maltako telebistaren arabera.

Caruana Galiziak plazaratutako azken informazioan, oposizioko zenbait kideren aurka aritu zen. Aipatutako blogaren beste testu batean honakoa argitaratu zuen: "Maltako bizitza publikoak gizon ezegonkor arriskutsuak jasaten ditu, ez dute ez printzipiorik ezta eskrupulurik ere".

Joseph Muscat Maltako lehen ministroaren esanetan, "prentsa askatasunaren aurkako eraso basatia" izan da. Urte hasieran, eraginkortasun falta egotzi zion Caruana Galiziak Muscati, eta, gainera, Muscaten emazteak paradisu fiskaletan kontuak dituela salatu zuen.

Muscatek ekainean egindako hauteskundeak irabazi zituen. Bozketa aurreratua izan zen, Caruana Galiziak egindako akusazioei aurre egiteko.

Kazetariaren esanetan, datu base batean gordeta dauden agiri batzuek erakusten dutenez, lehen ministroaren emaztea enpresa baten jabe izan zen Panaman, eta lortutako dirua Azerbaijanera eraman omen zuen.

Muscatek eta emazteak salaketa jarri zuten kazetariaren kontra, kalumniak egotzita, eta ukatu egin zuten kazetariak kaleratutakoa. Muscatek gaineratu zuen auzitegietara jotzea dela difamazio baten biktima sentitzen denarentzako bide bakarra.

Bestalde, Julian Assange Wikileaksen sortzaileak 20.000 euroko saria eskaini du, kazetariaren hilketaren gaineko daturen bat ematen duenarentzat.

Portugalgo ministro batek kargua utzi du suteak kudeatzeko moduagatik

Suteen lehen biktima politikoa da, beraz, Constança Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen

Constança Urbano de Sousa Portugalgo Barne Administrazioko ministroak dimisioa aurkeztu du, udako suteen kudeaketa dela-eta kritika ugari jaso ondoren.

Suteek eragindako lehen biktima politikoa da, beraz, Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen.

Ministroak gutun baten bidez jakitera eman duenez, suteen epe kritikoa gaindituta, "baldintza guztiak agortu dira" karguan jarraitzeko, azken egunotako suteetan 41 pertsona hil baitira.

Iritzi publikoak eta alderdi politiko askok ministroaren jarduna kritikatu dute, ez baitu behar zuen eraginik izan, eta, suteen krisia kudeatzeko modua ikusita, zentsura mozioa aurkezteko mehatxua ere egin diote Costaren Gobernuari.

Errezitaldi poetiko musikala zeinudantzarekin

Hurrengo ostiralean, urriak 20, Pabilioi 6-n izango da

‘Neruda’ izeneko Errezitaldi poetiko musikala zeinudantzarekin hurrengo ostiralean, urriak 20, izango da Pabilioi 6-n, Deustuko Erribera kalea, 47, Bilbo. Ikuskizunak hiru artisten musika eta Txileko ohiko errezeta eta janariei buruzko poesiak nahasten ditu. Izan ere, Pablo Neruda jatorriz Txilekoa zen.

Bi ekitaldi izango dira, bata 20:00etan eta bestea 22:00etan. Sarrerak lortzeko erreserba egin beharko da hurrengo estekan: pabellon6.org/event/neruda zuen datuak jarriz, geroago leihatilan bertan sarrerak hartu eta ordaintzeko.

Taxilari bat atxilotu dute Santurtzin, beste bati labanaz erasotzeagatik

Taxilari bat atxilotu dute Santurtzin, beste ...
Taxilari bat atxilotu dute Santurtzin, beste bati labanaz erasotzeagatik

Zauritua Gurutzetako Ospitalera erama...
1:10 min.

Zauritua Gurutzetako Ospitalera eraman behar izan zuten. Erasotzailea Muskizko polizia-etxean entregatu zen, eta erasoa egiteko erabilitako arma eraman zuen

Ertzaintzak taxi-gidari bat atxilotu zuen atzo goizaldean, beste bati labanaz erasotzeagatik, Santurtzin. Biek eztabaida beroa izan zuten taxi geltoki batean, eta labana batez eraso zion. Segurtasun Sailak ohar baten bidez zabaldu duenez, astearte goizaldean gertatu zen erasoa, 02:00etan. Lekuko batek ohartarazi zuen Ertzaintza, gizonezko batek beste bati aizto batez eraso ziola ikusi ostean. Lekukoaren esanetan, erasotzaileak ihes egin zuen bere autoan. Erasoa izan zen lekuan bertaratu ziren agenteek baieztatu zutenez, biktimak bi zauri zituen beso batean, eta beste bat kokotsean. Biktimak azaldu zuenaren arabera, lankide batek eraso zion, elkarrekin eztabaidatu eta gero. Zauriak ikusita, zauritua Gurutzetako Ospitalera eraman behar izan zuten. Handik gutxira, ustezko erasotzailea Muskizko polizia-etxean entregatu zen, eta erasoa egiteko erabilitako arma eraman zuen, oraindik odol arrastoak zituela. Horren aurrean, agenteek atxilotu egin zuten ustezko erasotzailea (56 urte), eta epailearen esku utzi dute jada.

2017/10/18

Susmagarri bat atxilotu dute Vigon, Ourensen sute bat piztea egotzita

Susmagarri bat atxilotu dute Vigon, Ourensen ...
Susmagarri bat atxilotu dute Vigon, Ourensen sute bat piztea egotzita

Egonkortu dute, dagoeneko, hori ere e...
1:34 min.

Egonkortu dute, dagoeneko, hori ere egin gabe zuen Ourenseko sutea. Hortaz, ez dago egonkortu gabeko suterik, asteazken honetan

Gizon bat atxilotu dute Vigon, igandean zuhurtziagabekeriaz jokatuta Ourenseko Os Blancos udalerrian sute bat piztu izana egotzita, Juan Ignacio Zoido Espainiako Barne ministroak sare sozial batean duen kontuan jakitera eman duenez. Asteazken eguerdian, egonkortu dute, dagoeneko, hori ere egin gabe zuen Ourenseko sute bat. Hortaz, ez dago egonkortu gabeko suterik, Galizian; guztira, 16 sute daude egonkortuta Ourensen eta Pontevedran. Lau lagun hil dira azken egunotan autonomia erkidego horretan piztu diren suteen ondorioz. Inguruneko kontseilariaren esanetan, suteak piztu dituztenen "jarduera su-emaile eta eraileak" du hondamendi horren errua; izan ere, sute guztiak nahita piztu dituzte, horren arabera. Polizia Nazionalak, bitartean, helbide elektroniko bat zabaldu du, herritarrek, izenik eman gabe, asteburuan Vigon eta Redondelan piztutako suteen gaineko informazioa eman dezaten, gertatutakoa argitzen laguntzeko. Oposizioa, baina, kritiko agertu da. BNG, PSOE eta En Marea alderdien ustez, suteak izan aurretik ez da prebentzio lanik egin, eta suteak piztutakoan ez zaie erantzun egokirik eman.

2017/10/18

Milaka eta milaka lagun bildu dira Sanchez eta Cuixart askatzea eskatzeko

Milaka eta milaka lagun bildu dira Sanchez et...
Milaka eta milaka lagun bildu dira Sanchez eta Cuixart askatzea eskatzeko

Kataluniako herritarrek beste mobiliz...
1:51 min.

Kataluniako herritarrek beste mobilizazio jendetsu bat egin dute, oraingoan ANC eta Omnium elkarteetako buruzagiak libre utz ditzatela eskatzeko

200.000 lagun bildu dira bart Bartzelona erdigunean Jordi Sanchez eta Jordi Cuixart ANC eta Omnium elkarteetako presidenteak, hurrenez hurren, "preso politikoak" direla salatu eta biak berehala aska ditzatela eskatzeko. Mobilizazioa 20:00etan hasi zen, Gracia pasealekuren eta Francesc Macia plazaren artean. Kandelak eskuetan zeramatzatela egin zuten askok eta askok ibilbidea. Horrez gain, kartel ugari ikusi ziren, goiburu ezberdinekin: "Bi Jordiak, Espainiako Estatuaren preso politikoak, askatu!", "Lagundu Kataluniari", "Salba dezagun Europa" eta "Errepublika orain". Era berean, askatasunaren aldeko eta Espainiako justiziaren kontrako oihuak ere entzun ziren. Kataluniako gainerako hiri eta herrietan ere egin zituzten manifestazioak. Mobilizazioak aurreko bezperan deitu zituzten, Carmen Lamela Auzitegi Nazionaleko epaileak Sanchez eta Cuixart baldintzarik gabe espetxeratzeko agindua eman zuela jakin ostean. Sedizio delitua egotzi die biei, Guardia Zibilak urriaren 1eko erreferenduma galarazteko asmoz egin zuen polizia-operazioa salatzeko irailaren 20an eta 21ean Bartzelonan izan ziren protestak bultzatu izana egotzita.

2017/10/18

Torrejon aire-baseko pilotu bat hil da hegazkin istripuan

Torrejon aire-baseko pilotu bat hil da hegazk...
Torrejon aire-baseko pilotu bat hil da hegazkin istripuan

Pilotua hegazkina aireratzen zegoela,...
1:00 min.

Pilotua hegazkina aireratzen zegoela, antza, potentzia galdu eta lurraren aurka jo du

Armadaren F18 hegazkin batek lurra jo du Madrilgo Torrejon de Ardoz hegazkin-basearen inguruetan eta pilotua hil egin da, Defentsa Ministerioak jakinarazi duenez. Bestalde, Cristina Cifuentes Madrilgo presidenteak prentsaurrekoan jakitera eman du, gizona hil egin dela. "Jakin badakigu pilotua hil egin dela, eta beraz, senideei, Indar Armatuei, Aire-armadari eta Espainiako armadari, oro har, nire dolumina adierazi nahi diet", esan du Cifuentesek. Denbora laburrean armadak izan duen bigarren hegazkin istripu larria izan da hau; aurrekoa, Hispanitatearen egunean, Albaceten gertatu zen, urriaren 12an. F18aren istripua Torrejon de Ardoz aire-basean gertatu zen atzo goizean; pilotua hegazkina aireratzen zegoela, antza, potentzia galdu egin du eta lurraren aurka jo du.

2017/10/18

Zazpi atxilotu Iruñean, emakumeak esplotatu eta ezkontzera behartzeagatik

Zazpi atxilotu Iruñean, emakumeak esplotatu e...
Zazpi atxilotu Iruñean, emakumeak esplotatu eta ezkontzera behartzeagatik

Beste lau pertsona atxilotu dituzte S...
2:28 min.

Beste lau pertsona atxilotu dituzte Segovian. Biktimen artean 13, 16 eta 17 urteko adingabeak daude

Espainiako Poliziak eta Guardia Zibilak elkarrekin egindako operazio batean 11 pertsona atxilotu dituzte, horietako zazpi Iruñean eta gainerakoak Segovian, emakumeak sexualki esplotatu eta ezkontzera behartzen zituen sare bateko kide direlakoan. Biktimen artean adingabeak ere badaude. Espainiako Barne Ministerioak ohar batean azaldu duenez, zazpi emakume askatu dituzte, tartean 13, 16 eta 17 urteko hiru adingabe. Gaizkile taldea desegintzat jo dute Estatuko segurtasun indarrek. Apirilean ekin zioten ikerketari, Errumaniak Espainiako Estatuan duen Barne Agregatutzan herrialde horretako emakume batek jarritako salaketa tarteko. Emakumearen esanetan, alaba prostituitzera behartzen ari ziren. Ikerlariek jakin ahal izan zutenez, taldeko kideek Errumanian harrapatzen zituzten emakumeak. Zenbaitetan, 'Lover Boy' izeneko metodoaren bitartez engainatzen zituzten. Hau da, taldeko kideren batek emakumea limurtu egiten zuen eta harekin ezkontzeko promesarekin, Espainiako Estatura ekartzen zuen. Beste zenbaitetan, ordea, indarra erabilita ekartzen zituzten. Errumaniako emakumeak aurkeztutako salaketaren arabera, alaba auto batean indarrez sartu eta Espainiara ere gogoz kontra ekarri zuten. Gerora, baina, beste talde bati saldua izan zela salatu zuen amak. Emakume adingabeak ezkontzera behartzen zituen talde bat ere atzeman zuten ikerlariek Iruñean. Talde horren hiru biktima Segovian topatu zituzten. Atxiloketak egiteaz gain, lau miaketa egin dituzte —horietako bi Iruñean—. Honakoak atzeman dituzte miaketotan: auto garesti bat, 2.300 euro esku dirutan, droga ebakitzeko materiala eta dokumentazio ugari.

2017/10/18

Ikerketa kazetari bat hil dute Maltan, lapa-bonba autoan jarrita

Ikerketa kazetari bat hil dute Maltan, lapa-b...
Ikerketa kazetari bat hil dute Maltan, lapa-bonba autoan jarrita

Kazetariak politikari ustelak salatu ...
2:30 min.

Kazetariak politikari ustelak salatu ohi zituen eta, duela bi aste, salaketa aurkeztu zuen Poliziaren aurrean pairatzen ari zen mehatxuengatik

Daphne Caruana Galizia Maltako kazetaria hil dute astelehenean Bidnija herritik hurbil, uhartearen iparraldean, autoan jarri dioten lapa-bonba batek eztanda eginda, Poliziak zabaldu duenez. Caruana Galiziaren (53 urte) blogak ospe handia du, eta bertan argitaratzen zituen Maltako politikari ustelen auziak. Orain bi aste, salaketa ipini zuen Poliziaren aurrean pairatzen ari zen mehatxuengatik, Maltako telebistaren arabera. Caruana Galiziak plazaratutako azken informazioan, oposizioko zenbait kideren aurka aritu zen. Aipatutako blogaren beste testu batean honakoa argitaratu zuen: "Maltako bizitza publikoak gizon ezegonkor arriskutsuak jasaten ditu, ez dute ez printzipiorik ezta eskrupulurik ere". Joseph Muscat Maltako lehen ministroaren esanetan, "prentsa askatasunaren aurkako eraso basatia" izan da. Urte hasieran, eraginkortasun falta egotzi zion Caruana Galiziak Muscati, eta, gainera, Muscaten emazteak paradisu fiskaletan kontuak dituela salatu zuen. Muscatek ekainean egindako hauteskundeak irabazi zituen. Bozketa aurreratua izan zen, Caruana Galiziak egindako akusazioei aurre egiteko. Kazetariaren esanetan, datu base batean gordeta dauden agiri batzuek erakusten dutenez, lehen ministroaren emaztea enpresa baten jabe izan zen Panaman, eta lortutako dirua Azerbaijanera eraman omen zuen. Muscatek eta emazteak salaketa jarri zuten kazetariaren kontra, kalumniak egotzita, eta ukatu egin zuten kazetariak kaleratutakoa. Muscatek gaineratu zuen auzitegietara jotzea dela difamazio baten biktima sentitzen denarentzako bide bakarra. Bestalde, Julian Assange Wikileaksen sortzaileak 20.000 euroko saria eskaini du, kazetariaren hilketaren gaineko daturen bat ematen duenarentzat.

2017/10/18

Portugalgo ministro batek kargua utzi du suteak kudeatzeko moduagatik

Portugalgo ministro batek kargua utzi du sute...
Portugalgo ministro batek kargua utzi du suteak kudeatzeko moduagatik

Suteen lehen biktima politikoa da, be...
0:58 min.

Suteen lehen biktima politikoa da, beraz, Constança Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen

Constança Urbano de Sousa Portugalgo Barne Administrazioko ministroak dimisioa aurkeztu du, udako suteen kudeaketa dela-eta kritika ugari jaso ondoren. Suteek eragindako lehen biktima politikoa da, beraz, Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen. Ministroak gutun baten bidez jakitera eman duenez, suteen epe kritikoa gaindituta, "baldintza guztiak agortu dira" karguan jarraitzeko, azken egunotako suteetan 41 pertsona hil baitira. Iritzi publikoak eta alderdi politiko askok ministroaren jarduna kritikatu dute, ez baitu behar zuen eraginik izan, eta, suteen krisia kudeatzeko modua ikusita, zentsura mozioa aurkezteko mehatxua ere egin diote Costaren Gobernuari.

2017/10/18

Errezitaldi poetiko musikala zeinudantzarekin

Errezitaldi poetiko musikala zeinudantzarekin...
Errezitaldi poetiko musikala zeinudantzarekin

Hurrengo ostiralean, urriak 20, Pabil...
1:19 min.

Hurrengo ostiralean, urriak 20, Pabilioi 6-n izango da

‘Neruda’ izeneko Errezitaldi poetiko musikala zeinudantzarekin hurrengo ostiralean, urriak 20, izango da Pabilioi 6-n, Deustuko Erribera kalea, 47, Bilbo. Ikuskizunak hiru artisten musika eta Txileko ohiko errezeta eta janariei buruzko poesiak nahasten ditu. Izan ere, Pablo Neruda jatorriz Txilekoa zen. Bi ekitaldi izango dira, bata 20:00etan eta bestea 22:00etan. Sarrerak lortzeko erreserba egin beharko da hurrengo estekan: [pabellon6.org/event/neruda](http://pabellon6.org/event/neruda/) zuen datuak jarriz, geroago leihatilan bertan sarrerak hartu eta ordaintzeko.

2017/10/18

Urria 2017
AAAOOLI
 1
2345678
9101112131415
16171819202122
23242526272829
3031 
Iraila 2017
AAAOOLI
 123
45678910
11121314151617
18192021222324
252627282930 

        2017-09-19ko bideoen artxiboa

Bizkaiak beste teknologia-parke bat izango du, Ezkerraldean

Bizkaiak beste teknologia-parke bat izango du...
Bizkaiak beste teknologia-parke bat izango du, Ezkerraldean

Abanto Zierbenan egingo dute. Euskal ...
3:32 min.

Abanto Zierbenan egingo dute. Euskal parke teknologikoen plan estrategiko berriaren barnean dago; guztira, 70 milioi inbertituko dituzte plan horretan, 2020ra arte

Eusko Jaurlaritzak astelehen honetan esan duenez, Bizkaiko Ezkerraldean, Abanto Zierbenan hain zuzen, beste teknologia-parke bat egingo dute; 4.0 industriarako erabiliko dute, eta trakzio-proiektu bat kokatuko dute bertan. Zamudion egin du iragarpena gaur Arantxa Tapia Ekonomiaren Garapen eta Azpiegitura sailburuak, euskal parke teknologikoen 2020ra arteko plan estrategikoaren aurkezpenean. Trakzio-proiektu hori Bizkaiko Foru Aldundiaren eta enpresa baten arteko lankidetza izango da, eta urtea amaitu aurretik zehaztuko dute. Euskal parke teknologikoetan, plan estrategiko berri bat sartuko da indarrean. Guztira, 70 milioi euroko inbertsioa egingo dute plan horretan, eta horietatik 60 Bizkaian inbertituko dituzte; izan ere, sailburuak azaldu duenez, "argi dago Bizkaian industrializazio arazoa dagoela, eta bultzada handia behar da". Hori dela eta, inbertsiorik handiena, aipatutako 70 milioi euroko hori, Bizkaian geldituko da; Gipuzkoara sei milioi euro inguru bideratuko dira eta Arabara hiru milioi. 2020rako okupazio-maila % 79ra heltzea da planaren helburu nagusia. Gaur egun, % 69an dago, baina oso banaketa desorekatuarekin; Gipuzkoan % 99ko okupazioa dute, Bizkaian % 65ekoa, eta Arabakoa % 40koa da. Eraikuntza-ahalmena handituko dute, oro har, enpresa berriak hartzeko. Gaur egun 511 enpresa, ikerketa-fundazio eta berrikuntza zentro daude EAEko parke teknologikoetan, eta datozen lau urteotan beste 75 enpresa berri erakartzea nahi dute. Bizkaian, Zamudion eta Derion Bizkaiko Zientzia eta Teknologia Parkearen eraikuntza-ahalmena handitzea da helburua. Horrez gain, aurrerapausoak emango dira Leioako campusa garatzeko, EHUrekin elkarlanean, eta, orobat, Zorrotzaurreko teknologia-parke urbanoaren proiektua bultzatuko da. Gipuzkoako Zientzia eta Teknologia Parkean, Plan Estrategikoak bi asmo nagusi jasotzen ditu: batetik, Miramongo gunea handitzea, eraikin berri bat eginez eta eskueran dauden partzelak zatitzeko aukera aztertuz, eta bestetik, Galarretako campusa garatzea, Gipuzkoako parkearen hedapen naturala den heinean, erakundeekin lankidetzan proiektu eragile bat sustatuz. Araban, hauek izango dira Teknologia Parkearen egitasmo behinenak datozen hiru urteetarako: enpresa eta proiektu estrategiko berriak biltzea, eta hala, parkearen gaur egungo okupazio-maila handitzea; merkatuaren beharrizanetara egokitutako eraikin berri bat eraikitzen hastea; eta ondoko lursailei loturiko hirigintza-izapideen prozesua amaitzea, espazio gehiago izateko eskaera posibleei aurrea hartzeko. Datozen asteetan inauguratuko da, halaber, Zibersegurtasuneko Euskal Zentroa, Arabako Teknologia Parkeko instalazioetan, eraso informatikoen aurrean prebentzioa lantzeko eta horiei aurre egiteko.

Forum Filatelicoren epaiketa hasi da, kontuak hartu eta hamaika urtera

Forum Filatelicoren epaiketa hasi da, kontuak...
Forum Filatelicoren epaiketa hasi da, kontuak hartu eta hamaika urtera

Ustezko iruzurraren kalteak jasan zit...
2:20 min.

Ustezko iruzurraren kalteak jasan zituzten ehun bat lagunek elkarretaratzea egin dute epaiketa hasi aurretik, 'Gure dirua bankariek dute' edo 'Altxorrak lapurtu egin zigun' oihu artean

Forum Filatelicori kontuak hartu zizkionetik 11 urte igaro direnean (2006ko maiatzean egin zuten), horren buruzagi ohiak Auzitegi Nazionalean izango dira gaur, hilaren 18an, astelehenarekin; izan ere, gaur abiatu da epaiketa, iruzurra, kaudimengabezia zigorgarria, kontuak faltsutzea eta dirua zuritzea egotzita. 27 urteko kartzela-zigorra eskatu dute Forumeko presidente ohi Francisco Brionesentzat; bera da, Ustelkeriaren Aurkako Fiskaltzaren akusazio-idazkiaren arabera, 2.848 milioi euroko ondare-desfasea utzi zuen 'izaera presidentzialistako erakunde bateko liderra'. 269.000 inbestitzailek pairatu zituzten kalteak. Ustelkeriaren Aurkako Fiskaltzak, gainera, beste 29 lagun akusatu ditu; 11-16 urteko kartzela-zigorrak eskatu ditu horientzat. Fiskaltzaren iritziz, funtsak bereganatzen zituen jarduera batean parte hartzen zuten; eskema piramidal baten barnean, errentagarritasun handiak eskaintzen zituzten, beste bezero batzuen ekarpenek ordainduta. Forumeko 30 bat izan dira San Fernando de Henaresen (Madril) Auzitegi Nazionalak duen egoitzan; abenduaren 15era arte iraungo du epaiketa, eta 38 saio izango ditu. Ustezko iruzurraren kalteak jasan zituzten ehun bat lagunek elkarretaratzea egin dute Auzitegi Nazionalean epaiketa hasi aurretik. Besteak beste, 'gure dirua bankariek dute' eta 'Altxorrak lapurtu egin zigun' salatu dute bertan, oihuka. Luis de Guindos Ekonomia ministroaren iritziz, baina, Estatuak ez du inolako erantzukizun subsidiariorik ustezko iruzur horretan.

Kataluniako Gobernuak boto-paperak inprimatzeko gonbita egin du

Kataluniako Gobernuak boto-paperak inprimatze...
Kataluniako Gobernuak boto-paperak inprimatzeko gonbita egin du

Guardia Zibilak erreferendumari buruz...
2:14 min.

Guardia Zibilak erreferendumari buruzko 100.000 diptiko atzeman ditu Sabadellen, eta, bien bitartean, Gobernuak galdeketaren kartela eta boto-paperak eskegi ditu erreferendumaren webgunean

Kataluniako Gobernuak kanpainaren kartela eta boto-paperak nork bere ordenagailura jaitsi eta inprimatzeko bi artxibo igo ditu erreferendumaren webgune alternatibora, jatorrizko weba Guardia Zibilak itxi eta gero. Igo duten boto-papera Hauteskunde Batzorde Nagusiak, Auzitegi Konstituzionalak bertan behera utzitako organoak, onartu zuen, eta kartela Gobernuaren kanpainan erabilitakoa da. Guardia Zibilak urriaren 1eko erreferendumari buruzko 100.000 diptiko baino gehiago atzeman zituen atzo goizean Sabadellen, Enquadernacions Rovira enpresan, Auzitegi Konstituzionalak galdeketa bertan behera utzi baitu badaezpadako neurri gisa. Atzo ere, agenteek kontsulta iragartzeko 1,3 milioi kartel, diptiko eta eskuorri atzeman zituzten Montcada i Reixac Bartzelonako udalerrian. Unipost mezularitza pribatuko enpresak L'Hospitalet de Llobregaten eta Terrassan (biak Bartzelonan) dituen egoitzak miatu ditu Guardia Zibilak, eta azken horretan urriaren 1eko erreferendumaren errolda agiriak atzeman omen ditu, ikerketaren iturriek zabaldu dutenez. Aurretik ere susmopean eduki dute Unipost. 2014ko azaroaren 9ko prozesu parte hartzailea dela eta, argibideak eskatu zizkion Kataluniako Fiskaltza Nagusiak.

Jihadismoarekin ustez harremana izateagatik atxilotu dute gizon bat Lleidan

Jihadismoarekin ustez harremana izateagatik a...
Jihadismoarekin ustez harremana izateagatik atxilotu dute gizon bat Lleidan

Atxiloketa berri honekin segurtasun i...
1:18 min.

Atxiloketa berri honekin segurtasun indarrek erabat desegin dute sare sozialetan "ideologia guztiz erradikaleko" ideiak zabaltzen zituen taldea

Guardia Zibilak Pakistango 25 urteko gizon bat atxilotu du gaur, Lleidan, autodoktrinamendu jihadista egotzita, Barne Ministerioak jakinarazi duenez. Atxiloketa berri honekin segurtasun indarrek erabat desegin dute sare sozialetan "ideologia guztiz erradikaleko" ideiak zabaltzen zituen taldea. Azken asteotan gizonaren erradikalizazioa erabatekoa izan dela ikusi dute ikertzaileek. Atxilotutako gizonaren hiru anai atxilotu zituzten joan den ekainean, Farina operazioaren barne. Orduan atzemandako material informatikoari esker lortu du Guardia Zibilak gaur laugarren anaia atxilotzea. Segurtasun Indar eta Kidegoek 200 terrorista jihadista atxilotu dituzte Espainian eta atzerrian, 2015eko ekainean terrorismoaren aurkako alerta laugarren mailan ezarri zutenetik.

Maria urakana Dominikatik igaro da 5. mailako indarra hartuta

Maria urakana Dominikatik igaro da 5. mailako...
Maria urakana Dominikatik igaro da 5. mailako indarra hartuta

260 km/h-ko haizeak ditu eta Puerto R...
2:03 min.

260 km/h-ko haizeak ditu eta Puerto Ricorako bidea hartu du; Trumpek larrialdi egoera ezarri du dagoeneko. Dominikako lehen ministroa etxetik erreskatatu behar izan dute

Irma urakan suntsitzaileak eragindako hondamenditik suspertzeko ia denborarik gabe, Maria urakanak Karibea astinduko du. Maria urakanak Dominika uhartea astindu du, Saffir-Simpson eskalan 5. mailako indarra hartu eta ordu batzuetara, Ameriketako Estatu Batuetako Urakanen Zentro Nazionalak (NHC) jakinarazi duenez. Gainera, "katastrofikoa" izan daitekeela adierazi du. NHCk gogorarazi du urakan-abisua indarrean dagoela Dominikan, Guadalupen, Birjina Uharte Estatubatuarretan, Birjina Uharte Britainiarretan, Puerto Ricon eta Saint Kitts eta Nevisen. Antza denez, Maria Puerto Ricora helduko da astearteko azken orduan. Bertan, urakan alerta dago indarrean, "bizitza arriskuan jartzeko gauza den ekaitza" delako, olatu handiak, luiziak eta euriteak eraginda, eta itsas maila igoarazita. Dominikako lehen ministroak jakitera eman du erreskatatu behar izan dutela Maria urakanak uhartea astindu eta bere etxebizitzan kalteak eragin eta gero. Puerto Ricoko gobernadorearen hitzetan, Donald Trump AEBko presidenteak larrialdi egoera ezarri du Puerto Rico eta Birjina Uharte Estatubatuarretan, Maria urakanaren arriskuagatik.

Bangladeshen errefuxiatutako rohingyak, osasun krisiaren mehatxupean

Bangladeshen errefuxiatutako rohingyak, osasu...
Bangladeshen errefuxiatutako rohingyak, osasun krisiaren mehatxupean

Errefuxiatu eremuetatik, Mugarik gabe...
2:36 min.

Errefuxiatu eremuetatik, Mugarik gabeko Medikuek eta NBEk ohartarazi dute osasun mailako arrisku bizian daudela Birmanian zapaldutako gutxiengo etniko horretako gizon-emakumeak

Myanmarko Armadari ihes egin, hainbat egunez euripean oinez ibili eta beste herrialde batean ahal duten tokian bizitzen jarri eta gero, rohingyek beste mehatxu bati aurre egin behar diote orain Bangladeshko errefuxiatu eremuetan, gaixotasunari, osasun krisi bat zabaltzeko arriskua handia baita bertan, hainbat osasun erakunderen eta NBEren arabera. Myanmartik Bangladesherako exodoa hasi zenetik hiru aste pasatu direnean, indarkeriatik ihesi ospa egindako 412.000 errefuxiatuak oso egoera txarrean bizi dira, eta ezingo dute horrela luzaroan jarraitu. Mugarik gabeko Medikuen Larrialdien koordinatzailearen hitzetan, kanpamentuetako baldintzak oso prekarioak dira, dendak olanezko estalkiak dira, banbu makilen gainean, eta, horren guztiaren gainetik, ez dago ez ur garbirik ez komunik. 15 urtetik beherako 150.000 rohingya elgorriaren, errubeolaren eta poliomielitisaren aurka txertatzen dihardute Bangladeshko errefuxiatu eremuetan. Aung San Suu Kyi Myanmarko buru eta Bakearen Nobel saridunak laguntza humanitarioa bidaliko du Rakhine estatura, hain zuzen, rohingya talde musulmana eta beste talde batzuk bizi diren lurraldera. Suu Kyik, gainera, Rakhinen abuztuan giza eskubideen urraketarik egon bazen konpondu egingo duela hitzeman du. Egun horretan, oldarraldi militarra egin zuten ekintzaile rohingyen eraso bati erantzunda. Rohingyek herri musulman txiki bat osatzen dute. Guztira, 1,1 milioi dira eta Rakain estatuan bizi dira, Myanmarren, Bangladesheko mugatik hurbil. Belaunaldiak dira Myanmarrera iritsi zirenetik. Hala ere, Gobernuak Bangladeshetik iritsitako legez kanpoko immigranteak direla dio eta ez ditu hiritar bezala aintzat hartzen.

Uztaritzeko emakumea hil zuela aitortu du Bokalen atxilotutako gizonak

Uztaritzeko emakumea hil zuela aitortu du Bok...
Uztaritzeko emakumea hil zuela aitortu du Bokalen atxilotutako gizonak

Autopsiaren arabera, 23 urteko emakum...
1:16 min.

Autopsiaren arabera, 23 urteko emakumezkoa bortxatu eta ito egin zuen. Biktima haurdun zegoen

Atzo Bokalen atxilotutako 38 urteko gizonezkoak aitortu egin du berak hil zuela Uztaritzeko emakumea. Antza, hiltzailea etxegabea da, eta Savoia Garaia departamenduko udalerri horretako bizilaguna. Lapurretekin lotutako aurrekari penalak ditu, eta ez zuen biktima ezagutzen. Jendarmeek gizonaren DNA arrastoak aurkitu dituzte biktimaren etxean. Emakumezkoa haurdun zegoen, eta etxe ondoko errepide batean aurkitu zuen haren gorpua bikotekideak. Biktimak 23 urte zituen, eta eskuak eta hankak lotuta, begiak estalita eta aurpegian ubeldura ugari zituen. Autopsiaren arabera, erasotzaileak bortxatu eta ito egin zuen emakumezkoa.