Zeinu Hizkuntza kurtsoak

Taxilari bat atxilotu dute Santurtzin, beste bati labanaz erasotzeagatik

Zauritua Gurutzetako Ospitalera eraman behar izan zuten. Erasotzailea Muskizko polizia-etxean entregatu zen, eta erasoa egiteko erabilitako arma eraman zuen

Ertzaintzak taxi-gidari bat atxilotu zuen atzo goizaldean, beste bati labanaz erasotzeagatik, Santurtzin. Biek eztabaida beroa izan zuten taxi geltoki batean, eta labana batez eraso zion.

Segurtasun Sailak ohar baten bidez zabaldu duenez, astearte goizaldean gertatu zen erasoa, 02:00etan. Lekuko batek ohartarazi zuen Ertzaintza, gizonezko batek beste bati aizto batez eraso ziola ikusi ostean. Lekukoaren esanetan, erasotzaileak ihes egin zuen bere autoan.

Erasoa izan zen lekuan bertaratu ziren agenteek baieztatu zutenez, biktimak bi zauri zituen beso batean, eta beste bat kokotsean. Biktimak azaldu zuenaren arabera, lankide batek eraso zion, elkarrekin eztabaidatu eta gero. Zauriak ikusita, zauritua Gurutzetako Ospitalera eraman behar izan zuten.

Handik gutxira, ustezko erasotzailea Muskizko polizia-etxean entregatu zen, eta erasoa egiteko erabilitako arma eraman zuen, oraindik odol arrastoak zituela. Horren aurrean, agenteek atxilotu egin zuten ustezko erasotzailea (56 urte), eta epailearen esku utzi dute jada.

Susmagarri bat atxilotu dute Vigon, Ourensen sute bat piztea egotzita

Egonkortu dute, dagoeneko, hori ere egin gabe zuen Ourenseko sutea. Hortaz, ez dago egonkortu gabeko suterik, asteazken honetan

Gizon bat atxilotu dute Vigon, igandean zuhurtziagabekeriaz jokatuta Ourenseko Os Blancos udalerrian sute bat piztu izana egotzita, Juan Ignacio Zoido Espainiako Barne ministroak sare sozial batean duen kontuan jakitera eman duenez. Asteazken eguerdian, egonkortu dute, dagoeneko, hori ere egin gabe zuen Ourenseko sute bat. Hortaz, ez dago egonkortu gabeko suterik, Galizian; guztira, 16 sute daude egonkortuta Ourensen eta Pontevedran. Lau lagun hil dira azken egunotan autonomia erkidego horretan piztu diren suteen ondorioz. Inguruneko kontseilariaren esanetan, suteak piztu dituztenen "jarduera su-emaile eta eraileak" du hondamendi horren errua; izan ere, sute guztiak nahita piztu dituzte, horren arabera.

Polizia Nazionalak, bitartean, helbide elektroniko bat zabaldu du, herritarrek, izenik eman gabe, asteburuan Vigon eta Redondelan piztutako suteen gaineko informazioa eman dezaten, gertatutakoa argitzen laguntzeko.

Oposizioa, baina, kritiko agertu da. BNG, PSOE eta En Marea alderdien ustez, suteak izan aurretik ez da prebentzio lanik egin, eta suteak piztutakoan ez zaie erantzun egokirik eman.

Milaka eta milaka lagun bildu dira Sanchez eta Cuixart askatzea eskatzeko

Kataluniako herritarrek beste mobilizazio jendetsu bat egin dute, oraingoan ANC eta Omnium elkarteetako buruzagiak libre utz ditzatela eskatzeko

200.000 lagun bildu dira bart Bartzelona erdigunean Jordi Sanchez eta Jordi Cuixart ANC eta Omnium elkarteetako presidenteak, hurrenez hurren, "preso politikoak" direla salatu eta biak berehala aska ditzatela eskatzeko.

Mobilizazioa 20:00etan hasi zen, Gracia pasealekuren eta Francesc Macia plazaren artean. Kandelak eskuetan zeramatzatela egin zuten askok eta askok ibilbidea. Horrez gain, kartel ugari ikusi ziren, goiburu ezberdinekin: "Bi Jordiak, Espainiako Estatuaren preso politikoak, askatu!", "Lagundu Kataluniari", "Salba dezagun Europa" eta "Errepublika orain". Era berean, askatasunaren aldeko eta Espainiako justiziaren kontrako oihuak ere entzun ziren.

Kataluniako gainerako hiri eta herrietan ere egin zituzten manifestazioak. Mobilizazioak aurreko bezperan deitu zituzten, Carmen Lamela Auzitegi Nazionaleko epaileak Sanchez eta Cuixart baldintzarik gabe espetxeratzeko agindua eman zuela jakin ostean. Sedizio delitua egotzi die biei, Guardia Zibilak urriaren 1eko erreferenduma galarazteko asmoz egin zuen polizia-operazioa salatzeko irailaren 20an eta 21ean Bartzelonan izan ziren protestak bultzatu izana egotzita.

Torrejon aire-baseko pilotu bat hil da hegazkin istripuan

Pilotua hegazkina aireratzen zegoela, antza, potentzia galdu eta lurraren aurka jo du

Armadaren F18 hegazkin batek lurra jo du Madrilgo Torrejon de Ardoz hegazkin-basearen inguruetan eta pilotua hil egin da, Defentsa Ministerioak jakinarazi duenez.

Bestalde, Cristina Cifuentes Madrilgo presidenteak prentsaurrekoan jakitera eman du, gizona hil egin dela. "Jakin badakigu pilotua hil egin dela, eta beraz, senideei, Indar Armatuei, Aire-armadari eta Espainiako armadari, oro har, nire dolumina adierazi nahi diet", esan du Cifuentesek. Denbora laburrean armadak izan duen bigarren hegazkin istripu larria izan da hau; aurrekoa, Hispanitatearen egunean, Albaceten gertatu zen, urriaren 12an.

F18aren istripua Torrejon de Ardoz aire-basean gertatu zen atzo goizean; pilotua hegazkina aireratzen zegoela, antza, potentzia galdu egin du eta lurraren aurka jo du.

Zazpi atxilotu Iruñean, emakumeak esplotatu eta ezkontzera behartzeagatik

Beste lau pertsona atxilotu dituzte Segovian. Biktimen artean 13, 16 eta 17 urteko adingabeak daude

Espainiako Poliziak eta Guardia Zibilak elkarrekin egindako operazio batean 11 pertsona atxilotu dituzte, horietako zazpi Iruñean eta gainerakoak Segovian, emakumeak sexualki esplotatu eta ezkontzera behartzen zituen sare bateko kide direlakoan. Biktimen artean adingabeak ere badaude.

Espainiako Barne Ministerioak ohar batean azaldu duenez, zazpi emakume askatu dituzte, tartean 13, 16 eta 17 urteko hiru adingabe. Gaizkile taldea desegintzat jo dute Estatuko segurtasun indarrek.

Apirilean ekin zioten ikerketari, Errumaniak Espainiako Estatuan duen Barne Agregatutzan herrialde horretako emakume batek jarritako salaketa tarteko. Emakumearen esanetan, alaba prostituitzera behartzen ari ziren.

Ikerlariek jakin ahal izan zutenez, taldeko kideek Errumanian harrapatzen zituzten emakumeak. Zenbaitetan, 'Lover Boy' izeneko metodoaren bitartez engainatzen zituzten. Hau da, taldeko kideren batek emakumea limurtu egiten zuen eta harekin ezkontzeko promesarekin, Espainiako Estatura ekartzen zuen. Beste zenbaitetan, ordea, indarra erabilita ekartzen zituzten.

Errumaniako emakumeak aurkeztutako salaketaren arabera, alaba auto batean indarrez sartu eta Espainiara ere gogoz kontra ekarri zuten. Gerora, baina, beste talde bati saldua izan zela salatu zuen amak.

Emakume adingabeak ezkontzera behartzen zituen talde bat ere atzeman zuten ikerlariek Iruñean. Talde horren hiru biktima Segovian topatu zituzten.

Atxiloketak egiteaz gain, lau miaketa egin dituzte —horietako bi Iruñean—. Honakoak atzeman dituzte miaketotan: auto garesti bat, 2.300 euro esku dirutan, droga ebakitzeko materiala eta dokumentazio ugari.

Ikerketa kazetari bat hil dute Maltan, lapa-bonba autoan jarrita

Kazetariak politikari ustelak salatu ohi zituen eta, duela bi aste, salaketa aurkeztu zuen Poliziaren aurrean pairatzen ari zen mehatxuengatik

Daphne Caruana Galizia Maltako kazetaria hil dute astelehenean Bidnija herritik hurbil, uhartearen iparraldean, autoan jarri dioten lapa-bonba batek eztanda eginda, Poliziak zabaldu duenez.

Caruana Galiziaren (53 urte) blogak ospe handia du, eta bertan argitaratzen zituen Maltako politikari ustelen auziak. Orain bi aste, salaketa ipini zuen Poliziaren aurrean pairatzen ari zen mehatxuengatik, Maltako telebistaren arabera.

Caruana Galiziak plazaratutako azken informazioan, oposizioko zenbait kideren aurka aritu zen. Aipatutako blogaren beste testu batean honakoa argitaratu zuen: "Maltako bizitza publikoak gizon ezegonkor arriskutsuak jasaten ditu, ez dute ez printzipiorik ezta eskrupulurik ere".

Joseph Muscat Maltako lehen ministroaren esanetan, "prentsa askatasunaren aurkako eraso basatia" izan da. Urte hasieran, eraginkortasun falta egotzi zion Caruana Galiziak Muscati, eta, gainera, Muscaten emazteak paradisu fiskaletan kontuak dituela salatu zuen.

Muscatek ekainean egindako hauteskundeak irabazi zituen. Bozketa aurreratua izan zen, Caruana Galiziak egindako akusazioei aurre egiteko.

Kazetariaren esanetan, datu base batean gordeta dauden agiri batzuek erakusten dutenez, lehen ministroaren emaztea enpresa baten jabe izan zen Panaman, eta lortutako dirua Azerbaijanera eraman omen zuen.

Muscatek eta emazteak salaketa jarri zuten kazetariaren kontra, kalumniak egotzita, eta ukatu egin zuten kazetariak kaleratutakoa. Muscatek gaineratu zuen auzitegietara jotzea dela difamazio baten biktima sentitzen denarentzako bide bakarra.

Bestalde, Julian Assange Wikileaksen sortzaileak 20.000 euroko saria eskaini du, kazetariaren hilketaren gaineko daturen bat ematen duenarentzat.

Portugalgo ministro batek kargua utzi du suteak kudeatzeko moduagatik

Suteen lehen biktima politikoa da, beraz, Constança Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen

Constança Urbano de Sousa Portugalgo Barne Administrazioko ministroak dimisioa aurkeztu du, udako suteen kudeaketa dela-eta kritika ugari jaso ondoren.

Suteek eragindako lehen biktima politikoa da, beraz, Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen.

Ministroak gutun baten bidez jakitera eman duenez, suteen epe kritikoa gaindituta, "baldintza guztiak agortu dira" karguan jarraitzeko, azken egunotako suteetan 41 pertsona hil baitira.

Iritzi publikoak eta alderdi politiko askok ministroaren jarduna kritikatu dute, ez baitu behar zuen eraginik izan, eta, suteen krisia kudeatzeko modua ikusita, zentsura mozioa aurkezteko mehatxua ere egin diote Costaren Gobernuari.

Errezitaldi poetiko musikala zeinudantzarekin

Hurrengo ostiralean, urriak 20, Pabilioi 6-n izango da

‘Neruda’ izeneko Errezitaldi poetiko musikala zeinudantzarekin hurrengo ostiralean, urriak 20, izango da Pabilioi 6-n, Deustuko Erribera kalea, 47, Bilbo. Ikuskizunak hiru artisten musika eta Txileko ohiko errezeta eta janariei buruzko poesiak nahasten ditu. Izan ere, Pablo Neruda jatorriz Txilekoa zen.

Bi ekitaldi izango dira, bata 20:00etan eta bestea 22:00etan. Sarrerak lortzeko erreserba egin beharko da hurrengo estekan: pabellon6.org/event/neruda zuen datuak jarriz, geroago leihatilan bertan sarrerak hartu eta ordaintzeko.

Taxilari bat atxilotu dute Santurtzin, beste bati labanaz erasotzeagatik

Taxilari bat atxilotu dute Santurtzin, beste ...
Taxilari bat atxilotu dute Santurtzin, beste bati labanaz erasotzeagatik

Zauritua Gurutzetako Ospitalera erama...
1:10 min.

Zauritua Gurutzetako Ospitalera eraman behar izan zuten. Erasotzailea Muskizko polizia-etxean entregatu zen, eta erasoa egiteko erabilitako arma eraman zuen

Ertzaintzak taxi-gidari bat atxilotu zuen atzo goizaldean, beste bati labanaz erasotzeagatik, Santurtzin. Biek eztabaida beroa izan zuten taxi geltoki batean, eta labana batez eraso zion. Segurtasun Sailak ohar baten bidez zabaldu duenez, astearte goizaldean gertatu zen erasoa, 02:00etan. Lekuko batek ohartarazi zuen Ertzaintza, gizonezko batek beste bati aizto batez eraso ziola ikusi ostean. Lekukoaren esanetan, erasotzaileak ihes egin zuen bere autoan. Erasoa izan zen lekuan bertaratu ziren agenteek baieztatu zutenez, biktimak bi zauri zituen beso batean, eta beste bat kokotsean. Biktimak azaldu zuenaren arabera, lankide batek eraso zion, elkarrekin eztabaidatu eta gero. Zauriak ikusita, zauritua Gurutzetako Ospitalera eraman behar izan zuten. Handik gutxira, ustezko erasotzailea Muskizko polizia-etxean entregatu zen, eta erasoa egiteko erabilitako arma eraman zuen, oraindik odol arrastoak zituela. Horren aurrean, agenteek atxilotu egin zuten ustezko erasotzailea (56 urte), eta epailearen esku utzi dute jada.

2017/10/18

Susmagarri bat atxilotu dute Vigon, Ourensen sute bat piztea egotzita

Susmagarri bat atxilotu dute Vigon, Ourensen ...
Susmagarri bat atxilotu dute Vigon, Ourensen sute bat piztea egotzita

Egonkortu dute, dagoeneko, hori ere e...
1:34 min.

Egonkortu dute, dagoeneko, hori ere egin gabe zuen Ourenseko sutea. Hortaz, ez dago egonkortu gabeko suterik, asteazken honetan

Gizon bat atxilotu dute Vigon, igandean zuhurtziagabekeriaz jokatuta Ourenseko Os Blancos udalerrian sute bat piztu izana egotzita, Juan Ignacio Zoido Espainiako Barne ministroak sare sozial batean duen kontuan jakitera eman duenez. Asteazken eguerdian, egonkortu dute, dagoeneko, hori ere egin gabe zuen Ourenseko sute bat. Hortaz, ez dago egonkortu gabeko suterik, Galizian; guztira, 16 sute daude egonkortuta Ourensen eta Pontevedran. Lau lagun hil dira azken egunotan autonomia erkidego horretan piztu diren suteen ondorioz. Inguruneko kontseilariaren esanetan, suteak piztu dituztenen "jarduera su-emaile eta eraileak" du hondamendi horren errua; izan ere, sute guztiak nahita piztu dituzte, horren arabera. Polizia Nazionalak, bitartean, helbide elektroniko bat zabaldu du, herritarrek, izenik eman gabe, asteburuan Vigon eta Redondelan piztutako suteen gaineko informazioa eman dezaten, gertatutakoa argitzen laguntzeko. Oposizioa, baina, kritiko agertu da. BNG, PSOE eta En Marea alderdien ustez, suteak izan aurretik ez da prebentzio lanik egin, eta suteak piztutakoan ez zaie erantzun egokirik eman.

2017/10/18

Milaka eta milaka lagun bildu dira Sanchez eta Cuixart askatzea eskatzeko

Milaka eta milaka lagun bildu dira Sanchez et...
Milaka eta milaka lagun bildu dira Sanchez eta Cuixart askatzea eskatzeko

Kataluniako herritarrek beste mobiliz...
1:51 min.

Kataluniako herritarrek beste mobilizazio jendetsu bat egin dute, oraingoan ANC eta Omnium elkarteetako buruzagiak libre utz ditzatela eskatzeko

200.000 lagun bildu dira bart Bartzelona erdigunean Jordi Sanchez eta Jordi Cuixart ANC eta Omnium elkarteetako presidenteak, hurrenez hurren, "preso politikoak" direla salatu eta biak berehala aska ditzatela eskatzeko. Mobilizazioa 20:00etan hasi zen, Gracia pasealekuren eta Francesc Macia plazaren artean. Kandelak eskuetan zeramatzatela egin zuten askok eta askok ibilbidea. Horrez gain, kartel ugari ikusi ziren, goiburu ezberdinekin: "Bi Jordiak, Espainiako Estatuaren preso politikoak, askatu!", "Lagundu Kataluniari", "Salba dezagun Europa" eta "Errepublika orain". Era berean, askatasunaren aldeko eta Espainiako justiziaren kontrako oihuak ere entzun ziren. Kataluniako gainerako hiri eta herrietan ere egin zituzten manifestazioak. Mobilizazioak aurreko bezperan deitu zituzten, Carmen Lamela Auzitegi Nazionaleko epaileak Sanchez eta Cuixart baldintzarik gabe espetxeratzeko agindua eman zuela jakin ostean. Sedizio delitua egotzi die biei, Guardia Zibilak urriaren 1eko erreferenduma galarazteko asmoz egin zuen polizia-operazioa salatzeko irailaren 20an eta 21ean Bartzelonan izan ziren protestak bultzatu izana egotzita.

2017/10/18

Torrejon aire-baseko pilotu bat hil da hegazkin istripuan

Torrejon aire-baseko pilotu bat hil da hegazk...
Torrejon aire-baseko pilotu bat hil da hegazkin istripuan

Pilotua hegazkina aireratzen zegoela,...
1:00 min.

Pilotua hegazkina aireratzen zegoela, antza, potentzia galdu eta lurraren aurka jo du

Armadaren F18 hegazkin batek lurra jo du Madrilgo Torrejon de Ardoz hegazkin-basearen inguruetan eta pilotua hil egin da, Defentsa Ministerioak jakinarazi duenez. Bestalde, Cristina Cifuentes Madrilgo presidenteak prentsaurrekoan jakitera eman du, gizona hil egin dela. "Jakin badakigu pilotua hil egin dela, eta beraz, senideei, Indar Armatuei, Aire-armadari eta Espainiako armadari, oro har, nire dolumina adierazi nahi diet", esan du Cifuentesek. Denbora laburrean armadak izan duen bigarren hegazkin istripu larria izan da hau; aurrekoa, Hispanitatearen egunean, Albaceten gertatu zen, urriaren 12an. F18aren istripua Torrejon de Ardoz aire-basean gertatu zen atzo goizean; pilotua hegazkina aireratzen zegoela, antza, potentzia galdu egin du eta lurraren aurka jo du.

2017/10/18

Zazpi atxilotu Iruñean, emakumeak esplotatu eta ezkontzera behartzeagatik

Zazpi atxilotu Iruñean, emakumeak esplotatu e...
Zazpi atxilotu Iruñean, emakumeak esplotatu eta ezkontzera behartzeagatik

Beste lau pertsona atxilotu dituzte S...
2:28 min.

Beste lau pertsona atxilotu dituzte Segovian. Biktimen artean 13, 16 eta 17 urteko adingabeak daude

Espainiako Poliziak eta Guardia Zibilak elkarrekin egindako operazio batean 11 pertsona atxilotu dituzte, horietako zazpi Iruñean eta gainerakoak Segovian, emakumeak sexualki esplotatu eta ezkontzera behartzen zituen sare bateko kide direlakoan. Biktimen artean adingabeak ere badaude. Espainiako Barne Ministerioak ohar batean azaldu duenez, zazpi emakume askatu dituzte, tartean 13, 16 eta 17 urteko hiru adingabe. Gaizkile taldea desegintzat jo dute Estatuko segurtasun indarrek. Apirilean ekin zioten ikerketari, Errumaniak Espainiako Estatuan duen Barne Agregatutzan herrialde horretako emakume batek jarritako salaketa tarteko. Emakumearen esanetan, alaba prostituitzera behartzen ari ziren. Ikerlariek jakin ahal izan zutenez, taldeko kideek Errumanian harrapatzen zituzten emakumeak. Zenbaitetan, 'Lover Boy' izeneko metodoaren bitartez engainatzen zituzten. Hau da, taldeko kideren batek emakumea limurtu egiten zuen eta harekin ezkontzeko promesarekin, Espainiako Estatura ekartzen zuen. Beste zenbaitetan, ordea, indarra erabilita ekartzen zituzten. Errumaniako emakumeak aurkeztutako salaketaren arabera, alaba auto batean indarrez sartu eta Espainiara ere gogoz kontra ekarri zuten. Gerora, baina, beste talde bati saldua izan zela salatu zuen amak. Emakume adingabeak ezkontzera behartzen zituen talde bat ere atzeman zuten ikerlariek Iruñean. Talde horren hiru biktima Segovian topatu zituzten. Atxiloketak egiteaz gain, lau miaketa egin dituzte —horietako bi Iruñean—. Honakoak atzeman dituzte miaketotan: auto garesti bat, 2.300 euro esku dirutan, droga ebakitzeko materiala eta dokumentazio ugari.

2017/10/18

Ikerketa kazetari bat hil dute Maltan, lapa-bonba autoan jarrita

Ikerketa kazetari bat hil dute Maltan, lapa-b...
Ikerketa kazetari bat hil dute Maltan, lapa-bonba autoan jarrita

Kazetariak politikari ustelak salatu ...
2:30 min.

Kazetariak politikari ustelak salatu ohi zituen eta, duela bi aste, salaketa aurkeztu zuen Poliziaren aurrean pairatzen ari zen mehatxuengatik

Daphne Caruana Galizia Maltako kazetaria hil dute astelehenean Bidnija herritik hurbil, uhartearen iparraldean, autoan jarri dioten lapa-bonba batek eztanda eginda, Poliziak zabaldu duenez. Caruana Galiziaren (53 urte) blogak ospe handia du, eta bertan argitaratzen zituen Maltako politikari ustelen auziak. Orain bi aste, salaketa ipini zuen Poliziaren aurrean pairatzen ari zen mehatxuengatik, Maltako telebistaren arabera. Caruana Galiziak plazaratutako azken informazioan, oposizioko zenbait kideren aurka aritu zen. Aipatutako blogaren beste testu batean honakoa argitaratu zuen: "Maltako bizitza publikoak gizon ezegonkor arriskutsuak jasaten ditu, ez dute ez printzipiorik ezta eskrupulurik ere". Joseph Muscat Maltako lehen ministroaren esanetan, "prentsa askatasunaren aurkako eraso basatia" izan da. Urte hasieran, eraginkortasun falta egotzi zion Caruana Galiziak Muscati, eta, gainera, Muscaten emazteak paradisu fiskaletan kontuak dituela salatu zuen. Muscatek ekainean egindako hauteskundeak irabazi zituen. Bozketa aurreratua izan zen, Caruana Galiziak egindako akusazioei aurre egiteko. Kazetariaren esanetan, datu base batean gordeta dauden agiri batzuek erakusten dutenez, lehen ministroaren emaztea enpresa baten jabe izan zen Panaman, eta lortutako dirua Azerbaijanera eraman omen zuen. Muscatek eta emazteak salaketa jarri zuten kazetariaren kontra, kalumniak egotzita, eta ukatu egin zuten kazetariak kaleratutakoa. Muscatek gaineratu zuen auzitegietara jotzea dela difamazio baten biktima sentitzen denarentzako bide bakarra. Bestalde, Julian Assange Wikileaksen sortzaileak 20.000 euroko saria eskaini du, kazetariaren hilketaren gaineko daturen bat ematen duenarentzat.

2017/10/18

Portugalgo ministro batek kargua utzi du suteak kudeatzeko moduagatik

Portugalgo ministro batek kargua utzi du sute...
Portugalgo ministro batek kargua utzi du suteak kudeatzeko moduagatik

Suteen lehen biktima politikoa da, be...
0:58 min.

Suteen lehen biktima politikoa da, beraz, Constança Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen

Constança Urbano de Sousa Portugalgo Barne Administrazioko ministroak dimisioa aurkeztu du, udako suteen kudeaketa dela-eta kritika ugari jaso ondoren. Suteek eragindako lehen biktima politikoa da, beraz, Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen. Ministroak gutun baten bidez jakitera eman duenez, suteen epe kritikoa gaindituta, "baldintza guztiak agortu dira" karguan jarraitzeko, azken egunotako suteetan 41 pertsona hil baitira. Iritzi publikoak eta alderdi politiko askok ministroaren jarduna kritikatu dute, ez baitu behar zuen eraginik izan, eta, suteen krisia kudeatzeko modua ikusita, zentsura mozioa aurkezteko mehatxua ere egin diote Costaren Gobernuari.

2017/10/18

Errezitaldi poetiko musikala zeinudantzarekin

Errezitaldi poetiko musikala zeinudantzarekin...
Errezitaldi poetiko musikala zeinudantzarekin

Hurrengo ostiralean, urriak 20, Pabil...
1:19 min.

Hurrengo ostiralean, urriak 20, Pabilioi 6-n izango da

‘Neruda’ izeneko Errezitaldi poetiko musikala zeinudantzarekin hurrengo ostiralean, urriak 20, izango da Pabilioi 6-n, Deustuko Erribera kalea, 47, Bilbo. Ikuskizunak hiru artisten musika eta Txileko ohiko errezeta eta janariei buruzko poesiak nahasten ditu. Izan ere, Pablo Neruda jatorriz Txilekoa zen. Bi ekitaldi izango dira, bata 20:00etan eta bestea 22:00etan. Sarrerak lortzeko erreserba egin beharko da hurrengo estekan: [pabellon6.org/event/neruda](http://pabellon6.org/event/neruda/) zuen datuak jarriz, geroago leihatilan bertan sarrerak hartu eta ordaintzeko.

2017/10/18

Urria 2017
AAAOOLI
 1
2345678
9101112131415
16171819202122
23242526272829
3031 
Iraila 2017
AAAOOLI
 123
45678910
11121314151617
18192021222324
252627282930 

        2017-09-25ko bideoen artxiboa

Hirikoren arduradunak:

Hirikoren arduradunak: 'Proiektua azkenera ar...
Hirikoren arduradunak: 'Proiektua azkenera arte salbatzen saiatu ginen'

Afypaida enpresako lau administratzai...
2:42 min.

Afypaida enpresako lau administratzaileek deklaratu dute Gasteizko Merkataritza-gaietarako epaitegian

Afypaida enpresako lau administratzaileek deklaratu dute Gasteizko Merkataritza-gaietarako 1 epaitegian. Hiriko ekimenak 15,7 milioi euroko diru-laguntza publikoak jaso zituen, gehienak (14,7 milioi) Ministerioaren eskutik, baina egitasmoak porrot egin zuen. Lau administratzaileak porrotaren erruduntzat jotzea eta arduradunei 10 urteko inhabilitazioa ezartzea eskatu du Fiskaltzak. Era berean, proiektuarekin lotutako 15 enpresek eta lau administratzaileek 15,7 milioiko diru-laguntza itzultzea eskatu du fiskalak. Estatuko Abokatutzak fiskalaren eskakizuna babestu du, eta porrotaren erruduntzat jotzea eskatu du konkurtsoko administratzaileak. 2015eko otsailera arte, konkurtsoa aurkeztu arte, alegia, Afypaidako lau arduradunek kaudimengabezia areagotu zutela uste dute guztiek, 2013tik enpresa “sosik gabe” zegoelako. Epaiketaren saioan lau administratzaileek deklaratu dute. Atzerapen hori proiektua aurrera ateratzeko itxaropenarekin justifikatu dute arduradunek; izan ere, enpresek egitasmoan interesa agertu zuten. Lau administratzaileen hitzetan, Kazakhstan, Iran eta Japoniako inbertitzaileekin bildu ziren, baina ez zuten akordiorik adostu. Iñigo Antia Gasteizko zinegotzi jeltzale ohiak diru-laguntzak bilatzeko ardura zuela adierazi dute beste hiru arduradunek. Antiaren esanetan, ostera, laurak “espektro politiko osoarekin” bildu ziren. Epaiketa urriaren 27an bukatzea espero da, azken ondorioekin. Ordura arte beste sei saio izango dira. Fiskalak ia 30 lekuko proposatu ditu, eta froga guztiak aurkeztu behar dituzte oraindik, baita gainerako aldeen proposamenak ere.

Edesako langileak Basaurin bilduko dira asteartetan eta ostegunetan

Edesako langileak Basaurin bilduko dira astea...
Edesako langileak Basaurin bilduko dira asteartetan eta ostegunetan

Kontzentrazioetan lan-erregulazioko e...
1:17 min.

Kontzentrazioetan lan-erregulazioko espedientea kentzeko eskatuko dute, baita zuzendaritzaren aldetik lanpostuak mantentzea errazten duen plan industriala ere

Basauriko (Bizkaia) Edesa Industrialeko fabrikako langileak asteartetan eta ostegunetan bilduko dira Benta Plazan, langile guztiei aurkeztutako lan-erregulazioko espedientea kentzea eskatzeko. Konpainia honetako enpresa-batzordetik larunbat honetan jakitera eman dutenez, kontzentrazioetan lan-erregulazioko espedientea kentzeko eskatuko dute, baita zuzendaritzaren aldetik lanpostuak mantentzea errazten duen plan industriala ere. Kontzentrazioak “Edesak ez du amore ematen. Edesa aurrera” lelopean deitu dituzte. 10:30etatik 11:00etara, asteartero; eta 18:00etatik 19:00etara, ostegunero. Mobilizazioak udalerriko zentrora pasatu ostean, langileek aldarrikapenak Basauriko bizilagunei ezagutzera eman nahi dizkiete. Bizkaiko Foru Aldundiak ostegunean Edesa Industrialeko proiektuari babesa erakutsi zion, eta “bideragarritasuna izaten jarraitzen” duela nabarmendu zuen.

Doako wifia Bilboko tranbiaren geltoki guztietan, urtea amaitu baino lehen

Doako wifia Bilboko tranbiaren geltoki guztie...
Doako wifia Bilboko tranbiaren geltoki guztietan, urtea amaitu baino lehen

Hiriburuan 800 doako wifi sare instal...
1:24 min.

Hiriburuan 800 doako wifi sare instalatuta daude hiritarrei eskainiak, ia eraikin publiko guztietan eta auzoetan

Doako wifi sareak eskainiko dituzte Bizkaiko hiriburuko tranbiaren geltoki guztietan, urtea bukatu baino lehen, espero dutenez, Bilboko Udalak eta Euskal Trenbide Sareak (ETS) lortutako akordio bati esker. Kolaborazio ituna Juan Mari Aburto Bilboko alkateak eta Arantxa Tapia ETSen presidente eta Garapen ekonomiko eta azpiegitura sailburuak sinatu dute. Hala, Atxuriko eta Casillako artean dauden geltoki guztietan harigabeko eta doako sareen bidez interneterako sarbidea eskainiko da, Udalak zabaldu duenaren arabera. Lehiakortasuna eta garapen ekonomikoa informazioaren teknologiaren bidez bultzatzeko Udalaren helburuetako bat da honakoa. Gaur gaurkoz, hiriburuan 800 doako wifi sare instalatuta daude hiritarrei eskainiak, ia eraikin publiko guztietan (liburutegietan, polikiroldegietan, kultur etxeetan etab) eta auzoetan.

Erreferendumerako boto-paperak banatu dituzte Katalunian

Erreferendumerako boto-paperak banatu dituzte...
Erreferendumerako boto-paperak banatu dituzte Katalunian

"Boto-paperak dakartzaten pakete batz...
2:13 min.

"Boto-paperak dakartzaten pakete batzuk" iritsi berri direla esanez amaitu du Cuixartek bere hitzaldia, eta "Katalunia osoan" zabaltzeko deia egin die bertaratu diren pertsonei

Urriaren 1eko erreferendumean botoa emateko boto-paperak banatu dituzte igande goiz honetan Katalunian, joan den asteazkenean Guardia Zibilak 'bai' eta 'ez' zioten ia 10 milioi boto-paper atzeman ostean. Jordi Cuixart Omnium Culturaleko presidenteak Bartzelonako Unibertsitate plazan eman du boto-paper horien berri. Izan ere, igande honetan 'Demokraziaren aldeko Maratoia' egiten ari dira Kataluniako udalerrietan, eta gaurtik hasita erreferendumaren aldeko kartelak jartzeko deia egin dute. "'Bai' eta 'ez' dioten boto-paperak dakartzaten pakete batzuk" iritsi berri direla esanez amaitu du Cuixartek bere hitzaldia, eta "Katalunia osoan" zabaltzeko deia egin die bertaratu diren pertsonei. "Askatasunaren eta demokraziaren alde eginez banatzeko eskatzen dizuegu", esan du Cuixartek bere hitzaldian. Aurretik, Carme Forcadell Kataluniako Parlamentuko presidenteak eta Jordi Sanchez ANCko presidenteak hartu dute hitza. Urriaren 1eko erreferendumaren aldeko 'Unis x la Republica' (Errepublikaren alde bat eginda) unibertsitateko ikasleen plataformak mezu bat zabaldu du Twitter bidez, Bartzelonako Unibertsitatera milioi bat boto-paper iritsi direla esanez. Eraikin historikoaren patioan kutxak ireki ostean boto-paperak banatu dituzte. Independentziaren aldeko erakundeek "mobilizazio egoera iraunkorra" deitu dute Katalunian, eta herritarrek bide bakarra izan behar dutela gaineratu dute: "urriaren 1ean botoa eman". Erreferenduma saihesteko asmoz asteazkenean Guardia Zibilak egindako polizia operaziotik geroztik, Katalunian izandako protestak sedizioagatik ikertzeko salaketa bat jarri zuen ostiralean Auzitegi Nazionaleko Fiskaltzak. "Gure arma arriskutsuak boto-paperak, hautestontziak, pankartak eta kartela dira", esan du Cuixartek. Hala, "beldurrik ez" izateko eskatu die bertaratu diren pertsonei: "gure eskubidea da, ez dute lortuko gure demokraziari aurka egiten", gaineratu du.

Merkelek irabazi ditu hauteskundeak, baina 8 puntu baino gehiago galduta

Merkelek irabazi ditu hauteskundeak, baina 8 ...
Merkelek irabazi ditu hauteskundeak, baina 8 puntu baino gehiago galduta

CDUk 1949tik izandako bigarren porrot...
2:54 min.

CDUk 1949tik izandako bigarren porrotik handiena lortu du. Alternatiba Alemaniarentzat alderdi ultraeskuindarra hirugarren geratu da, eta CDU alderdiaren garaipena ilundu du

Angela Merkelek gidatzen duen bloke kontserbadoreak irabazi ditu Alemanian igandean egin diren hauteskundeak, sozialdemokratek oso atzean utzita, baina Alternatiba Alemaniarentzat (AFD) alderdi ultraeskuindarra hirugarren geratu da. Hauteskunde Batzordeak zabaldutako datuen arabera, kantzilerraren Batasun Demokrata Kristauak (CDU) eta Batasun Kristau eta Sozial bavariarra (CSU) kideak botoen % 33 jaso dute, 2013an baino 8 puntu gutxiago, eta 1949tik izandako bigarren porrotik handiena izan dute. Martin Schulzek ordezkatzen duen Alemaniako Alderdi Sozialdemokratak (SPD) atzera egin du nabarmen, % 20,5 lortuta (aurreko hauteskunde orokorretako datuekin alderatuta, botoen % 5 baino gehiago galdu ditu), eta alderdiak inoiz izan duen emaitzarik txarrena izan du oraingoan. 2013ko hauteskunde orokorretan AFDk ez zuen Alemaniako Parlamentuan (Bundestag) sartzea lortu, ez baitzuen jaso horretarako beharrezkoa den boto kopurua (% 5), baina botoen % 12,6 lortu ditu azken hauteskunde hauetan. Alderdi bozkatuenekin akordioak egin ohi dituen beste alderdi batek, Alderdi Liberalak (FDP), ere ez zuen gutxieneko kopuru hori lortu aurreko hauteskundeetan, baina Bundestagera bueltatuko da, botoen % 10,7 lortu baititu oraingoan. Ezkerrak botoen % 9,2 lortu ditu, 2013an baino puntu erdi gehiago, eta Berdeak alderdiak, berriz, botoen % 8,9, aurrekoetan baino % 0,5 gutxiago. Datuak baieztatuz gero, CDU/CSUren eta SPDren arteko koalizio handia osa daiteke berriro, baina Schulzek baztertu egin du hipotesi hori, eta bere alderdia oposizioan izango dela baieztatu du. Laugarren agintaldia baieztatu ondoren, Merkelek Berdeekin eta FDPrekin negoziatzeko aukera dauka, koalizioa orain arte egin ez badute ere (herrialde mailan ez behintzat). Koalizio hori lortzeko, negoziazio konplexuak egin beharko lituzkete, bi kide txikien artean desadostasun handiak daudelako. Hautesleen % 76k parte hartu dute hauteskunde hauetan, eta parte-hartzea % 71,5ekoa izan zen 2013an.

AEBk bidaiatzeko murrizketak jarri dizkie Ipar Koreari eta Venezuelari

AEBk bidaiatzeko murrizketak jarri dizkie Ipa...
AEBk bidaiatzeko murrizketak jarri dizkie Ipar Koreari eta Venezuelari

Etxe Zuriak bidaiatzeko murrizketa be...
1:23 min.

Etxe Zuriak bidaiatzeko murrizketa berriak iragarri ditu Txadeko herritarrentzat ere, aurten onartutako migrazio-betoa aldatu ondoren

Etxe Zuriak bidaiatzeko murrizketa berriak iragarri ditu ohar baten bidez Ipar Korea, Venezuela eta Txadeko herritarrentzat, aurten onartutako migrazio-betoa aldatu ondoren. Orain arte gehiengo musulmana zuten herrialdeei bakarrik eragiten zien murrizketa horrek. AEBko Presidentetzak nabarmendu duenez, Iran, Libia, Siria, Somalia eta Yemen zerrendan daude oraindik, eta Sudan kendu du. Halaber, Txad, Ipar Korea eta Venezuelarentzat murrizketak gehitu ditu. Bidaiatzeko murrizketak herrialdearen araberakoak dira, eta gehiengo musulmana duten sei herrialde horiei ezarritako murrizketak bertan behera geratzen ziren egunean argitaratu dituzte. Ipar Korearen kasuan, Etxe Zuriak adierazi duenez, “Ipar Koreako Gobernuak ez die Estatu Batuei ezertan laguntzen, eta informazio komunikazioaren baldintzak ez ditu betetzen”. “Hori dela eta, Ipar Koreako herritarrak, etorkin izan edo ez, Estatu Batuetan sartzeko baimena eten egin da”, azpimarratu du oharrean. Halaber, AEBko Presidentetzak esan du Venezuelako Gobernuak ez duela laguntzarik ematen herritarrak segurtasun nazionalerako edota segurtasun publikorako mehatxu diren egiaztatzeko.

Kurdistan independentea nahi duten erabakitzeko eguna dute kurduek

Kurdistan independentea nahi duten erabakitze...
Kurdistan independentea nahi duten erabakitzeko eguna dute kurduek

08:00etan zabaldu dituzte hauteslekua...
3:12 min.

08:00etan zabaldu dituzte hauteslekuak. Irak, Turkia eta Iran autodeterminazio erreferendumaren kontra daude

"Nahi al duzu Kurdistango eskualdea eta hortik kanpo dauden eremu kurduak estatu independente bilakatzea?". Galdera horri "bai" ala "ez" erantzuteko bozkatzera daude deituta astelehen honetan 5,3 milioi kurdu. Iraken menpeko Kurdistanen 08:00ak zirenean zabaldu dituzte hauteslekuak, Bagdaden eta Erbilen (hiriburu kurdua) arteko tentsio beteko giroan, eta 18:00ak arte dute botoa emateko aukera Iraken menpeko Kurdistan autonomoa osatzen duten lau probintzietan (3,2 milioi herritar), baita eskualdetik kanpo dauden eremu kurduetan ere (1,9 milioi). Atzerrian bizi diren kurduek irailaren 23an ekin zioten elektronikoki bozkatzeari, eta gaur dute azken eguna. Hauteskunde Batzordearen arabera, 150.000 kurduk bozkatuko dute atzerritik. Nazioarteko begirale talde zabala arituko da plebiszitua zaintzen. Emaitzak 24 eta 48 orduko epean emango dituzte ezagutzera. Eskualdean giroa zeharo gaiztotuta dagoela heldu da erreferendumaren eguna. Irak, Turkia eta Iran erreferendumaren kontra azaldu dira hasieratik, eta legez kontrakoa dela azpimarratu dute. Israel, aldiz, alde agertu da. Irakeko lehen ministroak mugen eta aireportuen kontrola berehala emateko galdegin zion Kurdistango gobernu autonomoari. Iranek aire eremua itxi zuen atzo, eta Turkiak Haburreko mugako postua itxi du, eta sarrera debekatu die lurralde autonomora sartu nahi duten ibilgailu guztiei. Irak iparraldean dago Kurdistango eskualdea, de facto modu autonomo eta independentean jarduten du Irakeko gerra izan zenetik (1991) eta armada propioa du (Peshmerga). Turkian, Iranen eta Sirian ere badaude kurduak.