Zeinu Hizkuntza kurtsoak

Taxilari bat atxilotu dute Santurtzin, beste bati labanaz erasotzeagatik

Zauritua Gurutzetako Ospitalera eraman behar izan zuten. Erasotzailea Muskizko polizia-etxean entregatu zen, eta erasoa egiteko erabilitako arma eraman zuen

Ertzaintzak taxi-gidari bat atxilotu zuen atzo goizaldean, beste bati labanaz erasotzeagatik, Santurtzin. Biek eztabaida beroa izan zuten taxi geltoki batean, eta labana batez eraso zion.

Segurtasun Sailak ohar baten bidez zabaldu duenez, astearte goizaldean gertatu zen erasoa, 02:00etan. Lekuko batek ohartarazi zuen Ertzaintza, gizonezko batek beste bati aizto batez eraso ziola ikusi ostean. Lekukoaren esanetan, erasotzaileak ihes egin zuen bere autoan.

Erasoa izan zen lekuan bertaratu ziren agenteek baieztatu zutenez, biktimak bi zauri zituen beso batean, eta beste bat kokotsean. Biktimak azaldu zuenaren arabera, lankide batek eraso zion, elkarrekin eztabaidatu eta gero. Zauriak ikusita, zauritua Gurutzetako Ospitalera eraman behar izan zuten.

Handik gutxira, ustezko erasotzailea Muskizko polizia-etxean entregatu zen, eta erasoa egiteko erabilitako arma eraman zuen, oraindik odol arrastoak zituela. Horren aurrean, agenteek atxilotu egin zuten ustezko erasotzailea (56 urte), eta epailearen esku utzi dute jada.

Susmagarri bat atxilotu dute Vigon, Ourensen sute bat piztea egotzita

Egonkortu dute, dagoeneko, hori ere egin gabe zuen Ourenseko sutea. Hortaz, ez dago egonkortu gabeko suterik, asteazken honetan

Gizon bat atxilotu dute Vigon, igandean zuhurtziagabekeriaz jokatuta Ourenseko Os Blancos udalerrian sute bat piztu izana egotzita, Juan Ignacio Zoido Espainiako Barne ministroak sare sozial batean duen kontuan jakitera eman duenez. Asteazken eguerdian, egonkortu dute, dagoeneko, hori ere egin gabe zuen Ourenseko sute bat. Hortaz, ez dago egonkortu gabeko suterik, Galizian; guztira, 16 sute daude egonkortuta Ourensen eta Pontevedran. Lau lagun hil dira azken egunotan autonomia erkidego horretan piztu diren suteen ondorioz. Inguruneko kontseilariaren esanetan, suteak piztu dituztenen "jarduera su-emaile eta eraileak" du hondamendi horren errua; izan ere, sute guztiak nahita piztu dituzte, horren arabera.

Polizia Nazionalak, bitartean, helbide elektroniko bat zabaldu du, herritarrek, izenik eman gabe, asteburuan Vigon eta Redondelan piztutako suteen gaineko informazioa eman dezaten, gertatutakoa argitzen laguntzeko.

Oposizioa, baina, kritiko agertu da. BNG, PSOE eta En Marea alderdien ustez, suteak izan aurretik ez da prebentzio lanik egin, eta suteak piztutakoan ez zaie erantzun egokirik eman.

Milaka eta milaka lagun bildu dira Sanchez eta Cuixart askatzea eskatzeko

Kataluniako herritarrek beste mobilizazio jendetsu bat egin dute, oraingoan ANC eta Omnium elkarteetako buruzagiak libre utz ditzatela eskatzeko

200.000 lagun bildu dira bart Bartzelona erdigunean Jordi Sanchez eta Jordi Cuixart ANC eta Omnium elkarteetako presidenteak, hurrenez hurren, "preso politikoak" direla salatu eta biak berehala aska ditzatela eskatzeko.

Mobilizazioa 20:00etan hasi zen, Gracia pasealekuren eta Francesc Macia plazaren artean. Kandelak eskuetan zeramatzatela egin zuten askok eta askok ibilbidea. Horrez gain, kartel ugari ikusi ziren, goiburu ezberdinekin: "Bi Jordiak, Espainiako Estatuaren preso politikoak, askatu!", "Lagundu Kataluniari", "Salba dezagun Europa" eta "Errepublika orain". Era berean, askatasunaren aldeko eta Espainiako justiziaren kontrako oihuak ere entzun ziren.

Kataluniako gainerako hiri eta herrietan ere egin zituzten manifestazioak. Mobilizazioak aurreko bezperan deitu zituzten, Carmen Lamela Auzitegi Nazionaleko epaileak Sanchez eta Cuixart baldintzarik gabe espetxeratzeko agindua eman zuela jakin ostean. Sedizio delitua egotzi die biei, Guardia Zibilak urriaren 1eko erreferenduma galarazteko asmoz egin zuen polizia-operazioa salatzeko irailaren 20an eta 21ean Bartzelonan izan ziren protestak bultzatu izana egotzita.

Torrejon aire-baseko pilotu bat hil da hegazkin istripuan

Pilotua hegazkina aireratzen zegoela, antza, potentzia galdu eta lurraren aurka jo du

Armadaren F18 hegazkin batek lurra jo du Madrilgo Torrejon de Ardoz hegazkin-basearen inguruetan eta pilotua hil egin da, Defentsa Ministerioak jakinarazi duenez.

Bestalde, Cristina Cifuentes Madrilgo presidenteak prentsaurrekoan jakitera eman du, gizona hil egin dela. "Jakin badakigu pilotua hil egin dela, eta beraz, senideei, Indar Armatuei, Aire-armadari eta Espainiako armadari, oro har, nire dolumina adierazi nahi diet", esan du Cifuentesek. Denbora laburrean armadak izan duen bigarren hegazkin istripu larria izan da hau; aurrekoa, Hispanitatearen egunean, Albaceten gertatu zen, urriaren 12an.

F18aren istripua Torrejon de Ardoz aire-basean gertatu zen atzo goizean; pilotua hegazkina aireratzen zegoela, antza, potentzia galdu egin du eta lurraren aurka jo du.

Zazpi atxilotu Iruñean, emakumeak esplotatu eta ezkontzera behartzeagatik

Beste lau pertsona atxilotu dituzte Segovian. Biktimen artean 13, 16 eta 17 urteko adingabeak daude

Espainiako Poliziak eta Guardia Zibilak elkarrekin egindako operazio batean 11 pertsona atxilotu dituzte, horietako zazpi Iruñean eta gainerakoak Segovian, emakumeak sexualki esplotatu eta ezkontzera behartzen zituen sare bateko kide direlakoan. Biktimen artean adingabeak ere badaude.

Espainiako Barne Ministerioak ohar batean azaldu duenez, zazpi emakume askatu dituzte, tartean 13, 16 eta 17 urteko hiru adingabe. Gaizkile taldea desegintzat jo dute Estatuko segurtasun indarrek.

Apirilean ekin zioten ikerketari, Errumaniak Espainiako Estatuan duen Barne Agregatutzan herrialde horretako emakume batek jarritako salaketa tarteko. Emakumearen esanetan, alaba prostituitzera behartzen ari ziren.

Ikerlariek jakin ahal izan zutenez, taldeko kideek Errumanian harrapatzen zituzten emakumeak. Zenbaitetan, 'Lover Boy' izeneko metodoaren bitartez engainatzen zituzten. Hau da, taldeko kideren batek emakumea limurtu egiten zuen eta harekin ezkontzeko promesarekin, Espainiako Estatura ekartzen zuen. Beste zenbaitetan, ordea, indarra erabilita ekartzen zituzten.

Errumaniako emakumeak aurkeztutako salaketaren arabera, alaba auto batean indarrez sartu eta Espainiara ere gogoz kontra ekarri zuten. Gerora, baina, beste talde bati saldua izan zela salatu zuen amak.

Emakume adingabeak ezkontzera behartzen zituen talde bat ere atzeman zuten ikerlariek Iruñean. Talde horren hiru biktima Segovian topatu zituzten.

Atxiloketak egiteaz gain, lau miaketa egin dituzte —horietako bi Iruñean—. Honakoak atzeman dituzte miaketotan: auto garesti bat, 2.300 euro esku dirutan, droga ebakitzeko materiala eta dokumentazio ugari.

Ikerketa kazetari bat hil dute Maltan, lapa-bonba autoan jarrita

Kazetariak politikari ustelak salatu ohi zituen eta, duela bi aste, salaketa aurkeztu zuen Poliziaren aurrean pairatzen ari zen mehatxuengatik

Daphne Caruana Galizia Maltako kazetaria hil dute astelehenean Bidnija herritik hurbil, uhartearen iparraldean, autoan jarri dioten lapa-bonba batek eztanda eginda, Poliziak zabaldu duenez.

Caruana Galiziaren (53 urte) blogak ospe handia du, eta bertan argitaratzen zituen Maltako politikari ustelen auziak. Orain bi aste, salaketa ipini zuen Poliziaren aurrean pairatzen ari zen mehatxuengatik, Maltako telebistaren arabera.

Caruana Galiziak plazaratutako azken informazioan, oposizioko zenbait kideren aurka aritu zen. Aipatutako blogaren beste testu batean honakoa argitaratu zuen: "Maltako bizitza publikoak gizon ezegonkor arriskutsuak jasaten ditu, ez dute ez printzipiorik ezta eskrupulurik ere".

Joseph Muscat Maltako lehen ministroaren esanetan, "prentsa askatasunaren aurkako eraso basatia" izan da. Urte hasieran, eraginkortasun falta egotzi zion Caruana Galiziak Muscati, eta, gainera, Muscaten emazteak paradisu fiskaletan kontuak dituela salatu zuen.

Muscatek ekainean egindako hauteskundeak irabazi zituen. Bozketa aurreratua izan zen, Caruana Galiziak egindako akusazioei aurre egiteko.

Kazetariaren esanetan, datu base batean gordeta dauden agiri batzuek erakusten dutenez, lehen ministroaren emaztea enpresa baten jabe izan zen Panaman, eta lortutako dirua Azerbaijanera eraman omen zuen.

Muscatek eta emazteak salaketa jarri zuten kazetariaren kontra, kalumniak egotzita, eta ukatu egin zuten kazetariak kaleratutakoa. Muscatek gaineratu zuen auzitegietara jotzea dela difamazio baten biktima sentitzen denarentzako bide bakarra.

Bestalde, Julian Assange Wikileaksen sortzaileak 20.000 euroko saria eskaini du, kazetariaren hilketaren gaineko daturen bat ematen duenarentzat.

Portugalgo ministro batek kargua utzi du suteak kudeatzeko moduagatik

Suteen lehen biktima politikoa da, beraz, Constança Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen

Constança Urbano de Sousa Portugalgo Barne Administrazioko ministroak dimisioa aurkeztu du, udako suteen kudeaketa dela-eta kritika ugari jaso ondoren.

Suteek eragindako lehen biktima politikoa da, beraz, Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen.

Ministroak gutun baten bidez jakitera eman duenez, suteen epe kritikoa gaindituta, "baldintza guztiak agortu dira" karguan jarraitzeko, azken egunotako suteetan 41 pertsona hil baitira.

Iritzi publikoak eta alderdi politiko askok ministroaren jarduna kritikatu dute, ez baitu behar zuen eraginik izan, eta, suteen krisia kudeatzeko modua ikusita, zentsura mozioa aurkezteko mehatxua ere egin diote Costaren Gobernuari.

Errezitaldi poetiko musikala zeinudantzarekin

Hurrengo ostiralean, urriak 20, Pabilioi 6-n izango da

‘Neruda’ izeneko Errezitaldi poetiko musikala zeinudantzarekin hurrengo ostiralean, urriak 20, izango da Pabilioi 6-n, Deustuko Erribera kalea, 47, Bilbo. Ikuskizunak hiru artisten musika eta Txileko ohiko errezeta eta janariei buruzko poesiak nahasten ditu. Izan ere, Pablo Neruda jatorriz Txilekoa zen.

Bi ekitaldi izango dira, bata 20:00etan eta bestea 22:00etan. Sarrerak lortzeko erreserba egin beharko da hurrengo estekan: pabellon6.org/event/neruda zuen datuak jarriz, geroago leihatilan bertan sarrerak hartu eta ordaintzeko.

Taxilari bat atxilotu dute Santurtzin, beste bati labanaz erasotzeagatik

Taxilari bat atxilotu dute Santurtzin, beste ...
Taxilari bat atxilotu dute Santurtzin, beste bati labanaz erasotzeagatik

Zauritua Gurutzetako Ospitalera erama...
1:10 min.

Zauritua Gurutzetako Ospitalera eraman behar izan zuten. Erasotzailea Muskizko polizia-etxean entregatu zen, eta erasoa egiteko erabilitako arma eraman zuen

Ertzaintzak taxi-gidari bat atxilotu zuen atzo goizaldean, beste bati labanaz erasotzeagatik, Santurtzin. Biek eztabaida beroa izan zuten taxi geltoki batean, eta labana batez eraso zion. Segurtasun Sailak ohar baten bidez zabaldu duenez, astearte goizaldean gertatu zen erasoa, 02:00etan. Lekuko batek ohartarazi zuen Ertzaintza, gizonezko batek beste bati aizto batez eraso ziola ikusi ostean. Lekukoaren esanetan, erasotzaileak ihes egin zuen bere autoan. Erasoa izan zen lekuan bertaratu ziren agenteek baieztatu zutenez, biktimak bi zauri zituen beso batean, eta beste bat kokotsean. Biktimak azaldu zuenaren arabera, lankide batek eraso zion, elkarrekin eztabaidatu eta gero. Zauriak ikusita, zauritua Gurutzetako Ospitalera eraman behar izan zuten. Handik gutxira, ustezko erasotzailea Muskizko polizia-etxean entregatu zen, eta erasoa egiteko erabilitako arma eraman zuen, oraindik odol arrastoak zituela. Horren aurrean, agenteek atxilotu egin zuten ustezko erasotzailea (56 urte), eta epailearen esku utzi dute jada.

2017/10/18

Susmagarri bat atxilotu dute Vigon, Ourensen sute bat piztea egotzita

Susmagarri bat atxilotu dute Vigon, Ourensen ...
Susmagarri bat atxilotu dute Vigon, Ourensen sute bat piztea egotzita

Egonkortu dute, dagoeneko, hori ere e...
1:34 min.

Egonkortu dute, dagoeneko, hori ere egin gabe zuen Ourenseko sutea. Hortaz, ez dago egonkortu gabeko suterik, asteazken honetan

Gizon bat atxilotu dute Vigon, igandean zuhurtziagabekeriaz jokatuta Ourenseko Os Blancos udalerrian sute bat piztu izana egotzita, Juan Ignacio Zoido Espainiako Barne ministroak sare sozial batean duen kontuan jakitera eman duenez. Asteazken eguerdian, egonkortu dute, dagoeneko, hori ere egin gabe zuen Ourenseko sute bat. Hortaz, ez dago egonkortu gabeko suterik, Galizian; guztira, 16 sute daude egonkortuta Ourensen eta Pontevedran. Lau lagun hil dira azken egunotan autonomia erkidego horretan piztu diren suteen ondorioz. Inguruneko kontseilariaren esanetan, suteak piztu dituztenen "jarduera su-emaile eta eraileak" du hondamendi horren errua; izan ere, sute guztiak nahita piztu dituzte, horren arabera. Polizia Nazionalak, bitartean, helbide elektroniko bat zabaldu du, herritarrek, izenik eman gabe, asteburuan Vigon eta Redondelan piztutako suteen gaineko informazioa eman dezaten, gertatutakoa argitzen laguntzeko. Oposizioa, baina, kritiko agertu da. BNG, PSOE eta En Marea alderdien ustez, suteak izan aurretik ez da prebentzio lanik egin, eta suteak piztutakoan ez zaie erantzun egokirik eman.

2017/10/18

Milaka eta milaka lagun bildu dira Sanchez eta Cuixart askatzea eskatzeko

Milaka eta milaka lagun bildu dira Sanchez et...
Milaka eta milaka lagun bildu dira Sanchez eta Cuixart askatzea eskatzeko

Kataluniako herritarrek beste mobiliz...
1:51 min.

Kataluniako herritarrek beste mobilizazio jendetsu bat egin dute, oraingoan ANC eta Omnium elkarteetako buruzagiak libre utz ditzatela eskatzeko

200.000 lagun bildu dira bart Bartzelona erdigunean Jordi Sanchez eta Jordi Cuixart ANC eta Omnium elkarteetako presidenteak, hurrenez hurren, "preso politikoak" direla salatu eta biak berehala aska ditzatela eskatzeko. Mobilizazioa 20:00etan hasi zen, Gracia pasealekuren eta Francesc Macia plazaren artean. Kandelak eskuetan zeramatzatela egin zuten askok eta askok ibilbidea. Horrez gain, kartel ugari ikusi ziren, goiburu ezberdinekin: "Bi Jordiak, Espainiako Estatuaren preso politikoak, askatu!", "Lagundu Kataluniari", "Salba dezagun Europa" eta "Errepublika orain". Era berean, askatasunaren aldeko eta Espainiako justiziaren kontrako oihuak ere entzun ziren. Kataluniako gainerako hiri eta herrietan ere egin zituzten manifestazioak. Mobilizazioak aurreko bezperan deitu zituzten, Carmen Lamela Auzitegi Nazionaleko epaileak Sanchez eta Cuixart baldintzarik gabe espetxeratzeko agindua eman zuela jakin ostean. Sedizio delitua egotzi die biei, Guardia Zibilak urriaren 1eko erreferenduma galarazteko asmoz egin zuen polizia-operazioa salatzeko irailaren 20an eta 21ean Bartzelonan izan ziren protestak bultzatu izana egotzita.

2017/10/18

Torrejon aire-baseko pilotu bat hil da hegazkin istripuan

Torrejon aire-baseko pilotu bat hil da hegazk...
Torrejon aire-baseko pilotu bat hil da hegazkin istripuan

Pilotua hegazkina aireratzen zegoela,...
1:00 min.

Pilotua hegazkina aireratzen zegoela, antza, potentzia galdu eta lurraren aurka jo du

Armadaren F18 hegazkin batek lurra jo du Madrilgo Torrejon de Ardoz hegazkin-basearen inguruetan eta pilotua hil egin da, Defentsa Ministerioak jakinarazi duenez. Bestalde, Cristina Cifuentes Madrilgo presidenteak prentsaurrekoan jakitera eman du, gizona hil egin dela. "Jakin badakigu pilotua hil egin dela, eta beraz, senideei, Indar Armatuei, Aire-armadari eta Espainiako armadari, oro har, nire dolumina adierazi nahi diet", esan du Cifuentesek. Denbora laburrean armadak izan duen bigarren hegazkin istripu larria izan da hau; aurrekoa, Hispanitatearen egunean, Albaceten gertatu zen, urriaren 12an. F18aren istripua Torrejon de Ardoz aire-basean gertatu zen atzo goizean; pilotua hegazkina aireratzen zegoela, antza, potentzia galdu egin du eta lurraren aurka jo du.

2017/10/18

Zazpi atxilotu Iruñean, emakumeak esplotatu eta ezkontzera behartzeagatik

Zazpi atxilotu Iruñean, emakumeak esplotatu e...
Zazpi atxilotu Iruñean, emakumeak esplotatu eta ezkontzera behartzeagatik

Beste lau pertsona atxilotu dituzte S...
2:28 min.

Beste lau pertsona atxilotu dituzte Segovian. Biktimen artean 13, 16 eta 17 urteko adingabeak daude

Espainiako Poliziak eta Guardia Zibilak elkarrekin egindako operazio batean 11 pertsona atxilotu dituzte, horietako zazpi Iruñean eta gainerakoak Segovian, emakumeak sexualki esplotatu eta ezkontzera behartzen zituen sare bateko kide direlakoan. Biktimen artean adingabeak ere badaude. Espainiako Barne Ministerioak ohar batean azaldu duenez, zazpi emakume askatu dituzte, tartean 13, 16 eta 17 urteko hiru adingabe. Gaizkile taldea desegintzat jo dute Estatuko segurtasun indarrek. Apirilean ekin zioten ikerketari, Errumaniak Espainiako Estatuan duen Barne Agregatutzan herrialde horretako emakume batek jarritako salaketa tarteko. Emakumearen esanetan, alaba prostituitzera behartzen ari ziren. Ikerlariek jakin ahal izan zutenez, taldeko kideek Errumanian harrapatzen zituzten emakumeak. Zenbaitetan, 'Lover Boy' izeneko metodoaren bitartez engainatzen zituzten. Hau da, taldeko kideren batek emakumea limurtu egiten zuen eta harekin ezkontzeko promesarekin, Espainiako Estatura ekartzen zuen. Beste zenbaitetan, ordea, indarra erabilita ekartzen zituzten. Errumaniako emakumeak aurkeztutako salaketaren arabera, alaba auto batean indarrez sartu eta Espainiara ere gogoz kontra ekarri zuten. Gerora, baina, beste talde bati saldua izan zela salatu zuen amak. Emakume adingabeak ezkontzera behartzen zituen talde bat ere atzeman zuten ikerlariek Iruñean. Talde horren hiru biktima Segovian topatu zituzten. Atxiloketak egiteaz gain, lau miaketa egin dituzte —horietako bi Iruñean—. Honakoak atzeman dituzte miaketotan: auto garesti bat, 2.300 euro esku dirutan, droga ebakitzeko materiala eta dokumentazio ugari.

2017/10/18

Ikerketa kazetari bat hil dute Maltan, lapa-bonba autoan jarrita

Ikerketa kazetari bat hil dute Maltan, lapa-b...
Ikerketa kazetari bat hil dute Maltan, lapa-bonba autoan jarrita

Kazetariak politikari ustelak salatu ...
2:30 min.

Kazetariak politikari ustelak salatu ohi zituen eta, duela bi aste, salaketa aurkeztu zuen Poliziaren aurrean pairatzen ari zen mehatxuengatik

Daphne Caruana Galizia Maltako kazetaria hil dute astelehenean Bidnija herritik hurbil, uhartearen iparraldean, autoan jarri dioten lapa-bonba batek eztanda eginda, Poliziak zabaldu duenez. Caruana Galiziaren (53 urte) blogak ospe handia du, eta bertan argitaratzen zituen Maltako politikari ustelen auziak. Orain bi aste, salaketa ipini zuen Poliziaren aurrean pairatzen ari zen mehatxuengatik, Maltako telebistaren arabera. Caruana Galiziak plazaratutako azken informazioan, oposizioko zenbait kideren aurka aritu zen. Aipatutako blogaren beste testu batean honakoa argitaratu zuen: "Maltako bizitza publikoak gizon ezegonkor arriskutsuak jasaten ditu, ez dute ez printzipiorik ezta eskrupulurik ere". Joseph Muscat Maltako lehen ministroaren esanetan, "prentsa askatasunaren aurkako eraso basatia" izan da. Urte hasieran, eraginkortasun falta egotzi zion Caruana Galiziak Muscati, eta, gainera, Muscaten emazteak paradisu fiskaletan kontuak dituela salatu zuen. Muscatek ekainean egindako hauteskundeak irabazi zituen. Bozketa aurreratua izan zen, Caruana Galiziak egindako akusazioei aurre egiteko. Kazetariaren esanetan, datu base batean gordeta dauden agiri batzuek erakusten dutenez, lehen ministroaren emaztea enpresa baten jabe izan zen Panaman, eta lortutako dirua Azerbaijanera eraman omen zuen. Muscatek eta emazteak salaketa jarri zuten kazetariaren kontra, kalumniak egotzita, eta ukatu egin zuten kazetariak kaleratutakoa. Muscatek gaineratu zuen auzitegietara jotzea dela difamazio baten biktima sentitzen denarentzako bide bakarra. Bestalde, Julian Assange Wikileaksen sortzaileak 20.000 euroko saria eskaini du, kazetariaren hilketaren gaineko daturen bat ematen duenarentzat.

2017/10/18

Portugalgo ministro batek kargua utzi du suteak kudeatzeko moduagatik

Portugalgo ministro batek kargua utzi du sute...
Portugalgo ministro batek kargua utzi du suteak kudeatzeko moduagatik

Suteen lehen biktima politikoa da, be...
0:58 min.

Suteen lehen biktima politikoa da, beraz, Constança Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen

Constança Urbano de Sousa Portugalgo Barne Administrazioko ministroak dimisioa aurkeztu du, udako suteen kudeaketa dela-eta kritika ugari jaso ondoren. Suteek eragindako lehen biktima politikoa da, beraz, Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen. Ministroak gutun baten bidez jakitera eman duenez, suteen epe kritikoa gaindituta, "baldintza guztiak agortu dira" karguan jarraitzeko, azken egunotako suteetan 41 pertsona hil baitira. Iritzi publikoak eta alderdi politiko askok ministroaren jarduna kritikatu dute, ez baitu behar zuen eraginik izan, eta, suteen krisia kudeatzeko modua ikusita, zentsura mozioa aurkezteko mehatxua ere egin diote Costaren Gobernuari.

2017/10/18

Errezitaldi poetiko musikala zeinudantzarekin

Errezitaldi poetiko musikala zeinudantzarekin...
Errezitaldi poetiko musikala zeinudantzarekin

Hurrengo ostiralean, urriak 20, Pabil...
1:19 min.

Hurrengo ostiralean, urriak 20, Pabilioi 6-n izango da

‘Neruda’ izeneko Errezitaldi poetiko musikala zeinudantzarekin hurrengo ostiralean, urriak 20, izango da Pabilioi 6-n, Deustuko Erribera kalea, 47, Bilbo. Ikuskizunak hiru artisten musika eta Txileko ohiko errezeta eta janariei buruzko poesiak nahasten ditu. Izan ere, Pablo Neruda jatorriz Txilekoa zen. Bi ekitaldi izango dira, bata 20:00etan eta bestea 22:00etan. Sarrerak lortzeko erreserba egin beharko da hurrengo estekan: [pabellon6.org/event/neruda](http://pabellon6.org/event/neruda/) zuen datuak jarriz, geroago leihatilan bertan sarrerak hartu eta ordaintzeko.

2017/10/18

Urria 2017
AAAOOLI
 1
2345678
9101112131415
16171819202122
23242526272829
3031 
Iraila 2017
AAAOOLI
 123
45678910
11121314151617
18192021222324
252627282930 

        2017-09-26ko bideoen artxiboa

Bi langile hil dira Mungian, luizi batek harrapatuta

Bi langile hil dira Mungian, luizi batek harr...
Bi langile hil dira Mungian, luizi batek harrapatuta

Bi beharginak (gizonezkoak biak) zang...
0:38 min.

Bi beharginak (gizonezkoak biak) zanga batean lanean ari ziren, eta, halako batean, lur-jausi bat izan da eta bertan harrapatu ditu

Bi behargin hil dira gaur, asteartea, Mungian, zanga batean lanean ari zirela luizi batek harrapatuta, Ertzaintzak eta suhiltzaileek jakinarazi dutenez. Istripua 10:00ak aldera gertatu da, Mungiako Atxuri auzoan. Bi langileak (gizonezkoak biak) zanga batean ari ziren lanean, eta, halako batean, lur-jausi bat izan da eta bertan harrapatu ditu. Nahiz eta suhiltzaileak eta erreskate taldeak bertaratu diren, bertan hil dira biak. Epaileak gorpuak altxatzeko agindua eman arte izan dituzte bertan.

Emakunderen autobusak berdintasunaren aldeko ibilbidea hasi du Donostian

Emakunderen autobusak berdintasunaren aldeko ...
Emakunderen autobusak berdintasunaren aldeko ibilbidea hasi du Donostian

Berdintasunerako Foroaren XIV. edizio...
1:41 min.

Berdintasunerako Foroaren XIV. edizioko 130 elkarteek antolatutako 200 ekintzen zati bat izango du. Euskal Herriko 75 herri baino gehiago bisitatuko ditu

Emakunderen autobus ibiltariak bere ibilbidea hasi du Donostian, astelehen honetan. Berdintasunerako Foroaren XIV. edizioko 130 elkarteek antolatutako 200 ekintzen zati bat izango du. Euskal Herriko 75 herri baino gehiago bisitatuko ditu. Izaskun Landaida Emakundeko (ekitaldia koordinatu du) zuzendaria Eneko Goia Donostiako alkatearekin batera izan da. Landaidak ekimenaren xehetasunak eman ditu, eta helburua berdintasunaren aldeko elkarteek gauzatzen duten lana begi-bistakoagoa egitea dela nabarmendu du. Ekitaldia autobusaren ondoan egin dute. Bertan gauzatutako dute foroan egindako proposamenen zati handi bat. Abenduaren 15era arte Euskal Herriko 75 herri zeharkatuko ditu, "Berdintasuna nire baitan ere hasten da" lelopean. Beste urteetan bezala, autobus hau antolatutako hainbat ekitaldiren egoitza izango da, baita ikasleentzako sentsibilizazio gela ere; sexistak ez diren haurren ipuinak eskainiko dituzte. Halaber, barruan "berdintasunaren zuhaitza" jarri dute, bisitariek paper zatiak jarri ahal izango dituzte, hosto modura, berdintasunean sakontzeko ideiekin. Gaiarekin zerikusia duen meme sortzaile bat ere izango da.

Eusko Jaurlaritzak espedientea ireki die 250 pisu turistiko baino gehiagori

Eusko Jaurlaritzak espedientea ireki die 250 ...
Eusko Jaurlaritzak espedientea ireki die 250 pisu turistiko baino gehiagori

200 inguru Bilbon daude, eta 53 Donos...
1:49 min.

200 inguru Bilbon daude, eta 53 Donostian. Eusko Jaurlaritzaren Etxebizitzen Erregistroak “goraka jarraitzen du”, eta gaur egun 2.200 bat etxebizitza daude

Eusko Jaurlaritzaren Turismo, Merkataritza eta Kontsumo Sailak espedientea ireki die erabilera turistikoko 250 etxebizitza baino gehiagori (200 ingururi Bilbon eta 53ri Donostian) indarrean dagoen araudia ez betetzeagatik, lurzoruaren erabilera zehazten duen udal araudia barne. Alfredo Retortillo Turismo sailburuak, Imanol Landa Eudeleko buruak eta hiru hiriburuetako alkateek lankidetza akordioa sinatu dute astelehen honetan erabilera turistikorako etxebizitza eta gelen arloan. Udalen eta Eusko Jaurlaritzaren arteko informazio trukearen prozedura zehazten du. Retortillok azaldu duenez, Turismo Legeak deklarazio arduratsuaren erregimena jasotzen du, hau da, norbaitek bere etxebizitza erabilera turistikora zuzendu nahi izanez gero, deklarazio “arduratsua” aurkeztu behar du, indarrean dagoen araudia ezagutzen eta betetzen duela esanez. Astelehen honetan sinatutako protokoloari esker, Turismoko zuzendaritzak dagokion Udalari etxebizitza edo gela turistikoaren deklarazio arduratsua aurkeztu duten eskatzaileei dagokien harremana jakinaraziko dio, eta txosten bat bidaliko du, araudia betetzen duen ala ez esanez, eta, beraz, jarduera burutu ahal duen jakitera emanez. Retortillok azaldu duenez, Eusko Jaurlaritzaren Etxebizitzen Erregistroak “goraka jarraitzen du”, eta gaur egun 2.200 etxebizitza inguru daude, baina zifra hori “mugitu” egiten dela gaineratu du. Orain, protokolo honekin, horietako asko irtengo direla nabarmendu du, alegazio fasean daudenen jarduera ixteko agindua eman delako. Legea betetzen ez duten etxebizitza turistikoen eskaintzari buruzko saila egiten ari den ikerketari dagokionez, Retortillok azaldu du urriaren erdialderako amaituta egotea espero duela.

Guardia Zibilak Kataluniako Asanblea Nazionalaren webgunea blokeatu du

Guardia Zibilak Kataluniako Asanblea Nazional...
Guardia Zibilak Kataluniako Asanblea Nazionalaren webgunea blokeatu du

ANCk salatu duenez, "aurrez jakinaraz...
1:58 min.

ANCk salatu duenez, "aurrez jakinarazi gabe" egin dute esku-hartzea. Dena dela, ordezko bat sareratu dute jada

Guardia Zibilak Kataluniako Asanblea Nazionalaren (ANC, katalanez) webgunea —www.antiga.assemblea.cat— blokeatu du. Dena dela, handik ordu batzuetara, horren ordezkoa sareratu du independentziaren aldeko erakundeak: www.assemblea.eu. Bart itxi dute ataria, eta bertara sartzean, Guardia Zibilaren ikurrarekin batera, honako mezua irakur daiteke: "Domeinu hau Aginte Judizialaren esku dago". Beste zenbaitetan, webgunera sartu ezin daitekeela dioen oharra baino ez da agertzen. ANCk salatu duenez, inolako jakinarazpenik bidali gabe egin dute esku-hartzea. Jordi Sanchez ANCko presidenteak esan duenez, egoera horri aurre egiteko modu bakarra urriaren 1ean lasaitasunez bozkatzera joatea da. Webgunea itxi eta ordu gutxira, horren ordezkoa sareratu duela iragarri du ANCk Twitterren. Iragarpena modu umoretsuan egin du Asanbleak, GIF bat erantsi baitu. Irudi animatuan, Silvestre katua ikus daiteke Piolin txoria harrapatu nahi eta ezinean. Bartzelonako Portuan guardia zibilez beterik dagoen ontzian marraztutako 'Looney Tunes' marrazki bizidunen telesaileko protagonistak "omendu" nahi izan dituzte horrela. Bestalde, hamahiru pertsona ikerketapean jarri ditu Espainiako Poliziak Kataluniako erreferendumaren webgunearen kopiak sareratzea egotzita. Urriaren 1eko webgunea itxi zuen Guardia Zibilak, baina haren ordezkoak kaleratu zituzten laster. Bartzelonako polizia-etxean bederatzi lagunek deklaratu dute; gainerakoek, Gironan eta Tarragonan egin dute.

Urriaren 1eko erreferenduma babesteko ikasleen grebak deitu dituzte

Urriaren 1eko erreferenduma babesteko ikaslee...
Urriaren 1eko erreferenduma babesteko ikasleen grebak deitu dituzte

Gainera, Universitats per la Republic...
1:28 min.

Gainera, Universitats per la Republica plataformak eta Sindicat d'Estudiants dels Països Catalans sindikatuak manifestazio bat deitu dute ostegunerako, urriaren 1eko erreferenduma babesteko

Universitats per la Republica plataformak eta Sindicat d'Estudiants dels Països Catalans sindikatuak (SEPC) ikasleen grebak deitu dituzte unibertsitateetan eta bigarren hezkuntzako zentroetan. Era berean, manifestazio bat deitu dute ostegunerako, urriaren 1eko erreferenduma babesteko. Bigarren hezkuntzako greba asteazkenean eta ostegunean egingo dute. Unibertsitateetan protesta ostegunean eta ostiralean izango da. Bi mobilizazioek ostegunean bat egingo dute, manifestazio bateratu batean. Autodeterminazio erreferendumaren defentsan, ikasleak antolatzeko beharra azaldu du SEPCk. Bigarren hezkuntzako gazteen kasua goraipatu du sindikatuak; izan ere, ez dute urriaren 1eko erreferendumean bozkatuko, adingabeak direlako. Universitats per la Republica ikasleek, irakasleek, ikertzaileek eta Kataluniako unibertsitate publikoetako administrazio eta zerbitzuetako langileek osatzen dute. Bartzelonako Unibertsitateko (UB) eraikin historikoan ekitaldiak antolatu ditu azken egunetan. Besteak beste, ikasleek eraikina okupatu dute. Tailerrak, protesta ekintzak, kanpaina ekintzak eta adituen, pertsona famatuen eta prozesu soberanistako buruzagien bisitak antolatu ditu 'Caputxinada 2017' izeneko ekimenean. Iragan igandean, ezustean, erreferendumeko milioi bat boto-txartel heldu ziren unibertsitatera.

Emakume bat hil du ustez bikotekide ohiak Cartagenan

Emakume bat hil du ustez bikotekide ohiak Car...
Emakume bat hil du ustez bikotekide ohiak Cartagenan

Dirudienez, gazteak goiz honetan sala...
1:28 min.

Dirudienez, gazteak goiz honetan salaketa bat jarri du mehatxuengatik Guardia Zibilaren polizia-etxean, eta une horretan egilearen bila ari ziren agenteak

Emakume bat (20 urte ditu) hil du ustez bikotekide ohiak Canterasen, Cartageneran, astelehen honetan. Gazteak ordu batzuk lehenago salaketa bat jarri du mehatxuengatik, eta 22 urteko gaztearen bila ari zen Polizia, Guardia Zibilak jakitera eman duenez. Ez zegoen urruntze agindurik, baina dirudienez, gazteak goiz honetan salaketa bat jarri du mehatxuengatik Guardia Zibilaren polizia-etxean, eta une horretan egilearen bila ari ziren agenteak. Gertaerak 12:00ak aldera izan dira, Canterasen. Ustez gizonezkoak arma zuri batekin sastatu du bikotekide ohia, eta, lehen hipotesien arabera, genero-indarkeria kasua da. 112 larrialdietako zerbitzuek, 12:03an, bizilagun baten deia jaso dute, Lucena kaleko etxebizitza batean emakume batek arma zuriz egindako zauri bat zuela esanez. Bizilagunek ustezko egilea harrapatzea lortu dute; ezkutatuta zegoen, eta ihes egiten saiatu da, Cartagenako Udaletik jakitera eman dutenez. Larrialdietako zerbitzuak bertaratu dira, baita Udaltzaingoaren eta Guardia Zibilaren hainbat patruila ere. Psikologo talde bat ere bertan izan da, biktimaren senideei laguntzeko. Medikuek ezin izan dute ezer egin gaztearen bizia salbatzeko.

Hiru israeldar eta palestinar bat hil dira tiroketa batean Zisjordanian

Hiru israeldar eta palestinar bat hil dira ti...
Hiru israeldar eta palestinar bat hil dira tiroketa batean Zisjordanian

Erasotzaile palestinarrak Israelgo se...
1:42 min.

Erasotzaile palestinarrak Israelgo segurtasun guardia bi eta polizia bat hil ditu Jerusalemetik gertu

Israelgo segurtasun indarrek palestinar bat tirokatu dute, gaur goizean, israeldar segurtasun guardia bi eta polizia bat hil ostean, Zisjordanian, Israelgo asentamendu batean. "Segurtasun agenteek Jerusalem inguruan izandako eraso terrorista bati erantzun diote. Hiru israeldar hil dituzte eta laugarren bat larri zauritu da eta ospitalera eraman dute. Terrorista tirokatu dute”, Israelgo poliziak ohar batean jakinarazi duenez. "Erasotzailea Har Adar koloniaren sarreraraino heldu da, palestinar langileak muga-kontrolak pasatzen dituzten punturaino", azaldu dute iturri berberek. "Poliziari susmagarri iruditu zaio eta gelditzeko agindu diote. Gizonak alkandora zabaldu, pistola bat atera eta guardiak tirokatzen hasi da. Mugako poliziek berehala erantzun dute eta erasotzailea hil dute", poliziaren oharraren arabera. Palestinarra Beit Suriko 37 urteko auzotarra zen eta lau seme-alaba zituen. Lan egiteko baimena zuen eta ez zituen segurtasun aurrekaririk. 2015eko urrian israeldarren aurkako erasoak hasi zirenetik 271 palestinar hil dituzte; horietatik bi heren baino gehiago erasoetan edo ustezko erasoetan hil dituzte. Eraso horien ondorioz, berriz, 50 israeldar hil dira.