Zeinu Hizkuntza kurtsoak

Taxilari bat atxilotu dute Santurtzin, beste bati labanaz erasotzeagatik

Zauritua Gurutzetako Ospitalera eraman behar izan zuten. Erasotzailea Muskizko polizia-etxean entregatu zen, eta erasoa egiteko erabilitako arma eraman zuen

Ertzaintzak taxi-gidari bat atxilotu zuen atzo goizaldean, beste bati labanaz erasotzeagatik, Santurtzin. Biek eztabaida beroa izan zuten taxi geltoki batean, eta labana batez eraso zion.

Segurtasun Sailak ohar baten bidez zabaldu duenez, astearte goizaldean gertatu zen erasoa, 02:00etan. Lekuko batek ohartarazi zuen Ertzaintza, gizonezko batek beste bati aizto batez eraso ziola ikusi ostean. Lekukoaren esanetan, erasotzaileak ihes egin zuen bere autoan.

Erasoa izan zen lekuan bertaratu ziren agenteek baieztatu zutenez, biktimak bi zauri zituen beso batean, eta beste bat kokotsean. Biktimak azaldu zuenaren arabera, lankide batek eraso zion, elkarrekin eztabaidatu eta gero. Zauriak ikusita, zauritua Gurutzetako Ospitalera eraman behar izan zuten.

Handik gutxira, ustezko erasotzailea Muskizko polizia-etxean entregatu zen, eta erasoa egiteko erabilitako arma eraman zuen, oraindik odol arrastoak zituela. Horren aurrean, agenteek atxilotu egin zuten ustezko erasotzailea (56 urte), eta epailearen esku utzi dute jada.

Susmagarri bat atxilotu dute Vigon, Ourensen sute bat piztea egotzita

Egonkortu dute, dagoeneko, hori ere egin gabe zuen Ourenseko sutea. Hortaz, ez dago egonkortu gabeko suterik, asteazken honetan

Gizon bat atxilotu dute Vigon, igandean zuhurtziagabekeriaz jokatuta Ourenseko Os Blancos udalerrian sute bat piztu izana egotzita, Juan Ignacio Zoido Espainiako Barne ministroak sare sozial batean duen kontuan jakitera eman duenez. Asteazken eguerdian, egonkortu dute, dagoeneko, hori ere egin gabe zuen Ourenseko sute bat. Hortaz, ez dago egonkortu gabeko suterik, Galizian; guztira, 16 sute daude egonkortuta Ourensen eta Pontevedran. Lau lagun hil dira azken egunotan autonomia erkidego horretan piztu diren suteen ondorioz. Inguruneko kontseilariaren esanetan, suteak piztu dituztenen "jarduera su-emaile eta eraileak" du hondamendi horren errua; izan ere, sute guztiak nahita piztu dituzte, horren arabera.

Polizia Nazionalak, bitartean, helbide elektroniko bat zabaldu du, herritarrek, izenik eman gabe, asteburuan Vigon eta Redondelan piztutako suteen gaineko informazioa eman dezaten, gertatutakoa argitzen laguntzeko.

Oposizioa, baina, kritiko agertu da. BNG, PSOE eta En Marea alderdien ustez, suteak izan aurretik ez da prebentzio lanik egin, eta suteak piztutakoan ez zaie erantzun egokirik eman.

Milaka eta milaka lagun bildu dira Sanchez eta Cuixart askatzea eskatzeko

Kataluniako herritarrek beste mobilizazio jendetsu bat egin dute, oraingoan ANC eta Omnium elkarteetako buruzagiak libre utz ditzatela eskatzeko

200.000 lagun bildu dira bart Bartzelona erdigunean Jordi Sanchez eta Jordi Cuixart ANC eta Omnium elkarteetako presidenteak, hurrenez hurren, "preso politikoak" direla salatu eta biak berehala aska ditzatela eskatzeko.

Mobilizazioa 20:00etan hasi zen, Gracia pasealekuren eta Francesc Macia plazaren artean. Kandelak eskuetan zeramatzatela egin zuten askok eta askok ibilbidea. Horrez gain, kartel ugari ikusi ziren, goiburu ezberdinekin: "Bi Jordiak, Espainiako Estatuaren preso politikoak, askatu!", "Lagundu Kataluniari", "Salba dezagun Europa" eta "Errepublika orain". Era berean, askatasunaren aldeko eta Espainiako justiziaren kontrako oihuak ere entzun ziren.

Kataluniako gainerako hiri eta herrietan ere egin zituzten manifestazioak. Mobilizazioak aurreko bezperan deitu zituzten, Carmen Lamela Auzitegi Nazionaleko epaileak Sanchez eta Cuixart baldintzarik gabe espetxeratzeko agindua eman zuela jakin ostean. Sedizio delitua egotzi die biei, Guardia Zibilak urriaren 1eko erreferenduma galarazteko asmoz egin zuen polizia-operazioa salatzeko irailaren 20an eta 21ean Bartzelonan izan ziren protestak bultzatu izana egotzita.

Torrejon aire-baseko pilotu bat hil da hegazkin istripuan

Pilotua hegazkina aireratzen zegoela, antza, potentzia galdu eta lurraren aurka jo du

Armadaren F18 hegazkin batek lurra jo du Madrilgo Torrejon de Ardoz hegazkin-basearen inguruetan eta pilotua hil egin da, Defentsa Ministerioak jakinarazi duenez.

Bestalde, Cristina Cifuentes Madrilgo presidenteak prentsaurrekoan jakitera eman du, gizona hil egin dela. "Jakin badakigu pilotua hil egin dela, eta beraz, senideei, Indar Armatuei, Aire-armadari eta Espainiako armadari, oro har, nire dolumina adierazi nahi diet", esan du Cifuentesek. Denbora laburrean armadak izan duen bigarren hegazkin istripu larria izan da hau; aurrekoa, Hispanitatearen egunean, Albaceten gertatu zen, urriaren 12an.

F18aren istripua Torrejon de Ardoz aire-basean gertatu zen atzo goizean; pilotua hegazkina aireratzen zegoela, antza, potentzia galdu egin du eta lurraren aurka jo du.

Zazpi atxilotu Iruñean, emakumeak esplotatu eta ezkontzera behartzeagatik

Beste lau pertsona atxilotu dituzte Segovian. Biktimen artean 13, 16 eta 17 urteko adingabeak daude

Espainiako Poliziak eta Guardia Zibilak elkarrekin egindako operazio batean 11 pertsona atxilotu dituzte, horietako zazpi Iruñean eta gainerakoak Segovian, emakumeak sexualki esplotatu eta ezkontzera behartzen zituen sare bateko kide direlakoan. Biktimen artean adingabeak ere badaude.

Espainiako Barne Ministerioak ohar batean azaldu duenez, zazpi emakume askatu dituzte, tartean 13, 16 eta 17 urteko hiru adingabe. Gaizkile taldea desegintzat jo dute Estatuko segurtasun indarrek.

Apirilean ekin zioten ikerketari, Errumaniak Espainiako Estatuan duen Barne Agregatutzan herrialde horretako emakume batek jarritako salaketa tarteko. Emakumearen esanetan, alaba prostituitzera behartzen ari ziren.

Ikerlariek jakin ahal izan zutenez, taldeko kideek Errumanian harrapatzen zituzten emakumeak. Zenbaitetan, 'Lover Boy' izeneko metodoaren bitartez engainatzen zituzten. Hau da, taldeko kideren batek emakumea limurtu egiten zuen eta harekin ezkontzeko promesarekin, Espainiako Estatura ekartzen zuen. Beste zenbaitetan, ordea, indarra erabilita ekartzen zituzten.

Errumaniako emakumeak aurkeztutako salaketaren arabera, alaba auto batean indarrez sartu eta Espainiara ere gogoz kontra ekarri zuten. Gerora, baina, beste talde bati saldua izan zela salatu zuen amak.

Emakume adingabeak ezkontzera behartzen zituen talde bat ere atzeman zuten ikerlariek Iruñean. Talde horren hiru biktima Segovian topatu zituzten.

Atxiloketak egiteaz gain, lau miaketa egin dituzte —horietako bi Iruñean—. Honakoak atzeman dituzte miaketotan: auto garesti bat, 2.300 euro esku dirutan, droga ebakitzeko materiala eta dokumentazio ugari.

Ikerketa kazetari bat hil dute Maltan, lapa-bonba autoan jarrita

Kazetariak politikari ustelak salatu ohi zituen eta, duela bi aste, salaketa aurkeztu zuen Poliziaren aurrean pairatzen ari zen mehatxuengatik

Daphne Caruana Galizia Maltako kazetaria hil dute astelehenean Bidnija herritik hurbil, uhartearen iparraldean, autoan jarri dioten lapa-bonba batek eztanda eginda, Poliziak zabaldu duenez.

Caruana Galiziaren (53 urte) blogak ospe handia du, eta bertan argitaratzen zituen Maltako politikari ustelen auziak. Orain bi aste, salaketa ipini zuen Poliziaren aurrean pairatzen ari zen mehatxuengatik, Maltako telebistaren arabera.

Caruana Galiziak plazaratutako azken informazioan, oposizioko zenbait kideren aurka aritu zen. Aipatutako blogaren beste testu batean honakoa argitaratu zuen: "Maltako bizitza publikoak gizon ezegonkor arriskutsuak jasaten ditu, ez dute ez printzipiorik ezta eskrupulurik ere".

Joseph Muscat Maltako lehen ministroaren esanetan, "prentsa askatasunaren aurkako eraso basatia" izan da. Urte hasieran, eraginkortasun falta egotzi zion Caruana Galiziak Muscati, eta, gainera, Muscaten emazteak paradisu fiskaletan kontuak dituela salatu zuen.

Muscatek ekainean egindako hauteskundeak irabazi zituen. Bozketa aurreratua izan zen, Caruana Galiziak egindako akusazioei aurre egiteko.

Kazetariaren esanetan, datu base batean gordeta dauden agiri batzuek erakusten dutenez, lehen ministroaren emaztea enpresa baten jabe izan zen Panaman, eta lortutako dirua Azerbaijanera eraman omen zuen.

Muscatek eta emazteak salaketa jarri zuten kazetariaren kontra, kalumniak egotzita, eta ukatu egin zuten kazetariak kaleratutakoa. Muscatek gaineratu zuen auzitegietara jotzea dela difamazio baten biktima sentitzen denarentzako bide bakarra.

Bestalde, Julian Assange Wikileaksen sortzaileak 20.000 euroko saria eskaini du, kazetariaren hilketaren gaineko daturen bat ematen duenarentzat.

Portugalgo ministro batek kargua utzi du suteak kudeatzeko moduagatik

Suteen lehen biktima politikoa da, beraz, Constança Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen

Constança Urbano de Sousa Portugalgo Barne Administrazioko ministroak dimisioa aurkeztu du, udako suteen kudeaketa dela-eta kritika ugari jaso ondoren.

Suteek eragindako lehen biktima politikoa da, beraz, Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen.

Ministroak gutun baten bidez jakitera eman duenez, suteen epe kritikoa gaindituta, "baldintza guztiak agortu dira" karguan jarraitzeko, azken egunotako suteetan 41 pertsona hil baitira.

Iritzi publikoak eta alderdi politiko askok ministroaren jarduna kritikatu dute, ez baitu behar zuen eraginik izan, eta, suteen krisia kudeatzeko modua ikusita, zentsura mozioa aurkezteko mehatxua ere egin diote Costaren Gobernuari.

Errezitaldi poetiko musikala zeinudantzarekin

Hurrengo ostiralean, urriak 20, Pabilioi 6-n izango da

‘Neruda’ izeneko Errezitaldi poetiko musikala zeinudantzarekin hurrengo ostiralean, urriak 20, izango da Pabilioi 6-n, Deustuko Erribera kalea, 47, Bilbo. Ikuskizunak hiru artisten musika eta Txileko ohiko errezeta eta janariei buruzko poesiak nahasten ditu. Izan ere, Pablo Neruda jatorriz Txilekoa zen.

Bi ekitaldi izango dira, bata 20:00etan eta bestea 22:00etan. Sarrerak lortzeko erreserba egin beharko da hurrengo estekan: pabellon6.org/event/neruda zuen datuak jarriz, geroago leihatilan bertan sarrerak hartu eta ordaintzeko.

Taxilari bat atxilotu dute Santurtzin, beste bati labanaz erasotzeagatik

Taxilari bat atxilotu dute Santurtzin, beste ...
Taxilari bat atxilotu dute Santurtzin, beste bati labanaz erasotzeagatik

Zauritua Gurutzetako Ospitalera erama...
1:10 min.

Zauritua Gurutzetako Ospitalera eraman behar izan zuten. Erasotzailea Muskizko polizia-etxean entregatu zen, eta erasoa egiteko erabilitako arma eraman zuen

Ertzaintzak taxi-gidari bat atxilotu zuen atzo goizaldean, beste bati labanaz erasotzeagatik, Santurtzin. Biek eztabaida beroa izan zuten taxi geltoki batean, eta labana batez eraso zion. Segurtasun Sailak ohar baten bidez zabaldu duenez, astearte goizaldean gertatu zen erasoa, 02:00etan. Lekuko batek ohartarazi zuen Ertzaintza, gizonezko batek beste bati aizto batez eraso ziola ikusi ostean. Lekukoaren esanetan, erasotzaileak ihes egin zuen bere autoan. Erasoa izan zen lekuan bertaratu ziren agenteek baieztatu zutenez, biktimak bi zauri zituen beso batean, eta beste bat kokotsean. Biktimak azaldu zuenaren arabera, lankide batek eraso zion, elkarrekin eztabaidatu eta gero. Zauriak ikusita, zauritua Gurutzetako Ospitalera eraman behar izan zuten. Handik gutxira, ustezko erasotzailea Muskizko polizia-etxean entregatu zen, eta erasoa egiteko erabilitako arma eraman zuen, oraindik odol arrastoak zituela. Horren aurrean, agenteek atxilotu egin zuten ustezko erasotzailea (56 urte), eta epailearen esku utzi dute jada.

2017/10/18

Susmagarri bat atxilotu dute Vigon, Ourensen sute bat piztea egotzita

Susmagarri bat atxilotu dute Vigon, Ourensen ...
Susmagarri bat atxilotu dute Vigon, Ourensen sute bat piztea egotzita

Egonkortu dute, dagoeneko, hori ere e...
1:34 min.

Egonkortu dute, dagoeneko, hori ere egin gabe zuen Ourenseko sutea. Hortaz, ez dago egonkortu gabeko suterik, asteazken honetan

Gizon bat atxilotu dute Vigon, igandean zuhurtziagabekeriaz jokatuta Ourenseko Os Blancos udalerrian sute bat piztu izana egotzita, Juan Ignacio Zoido Espainiako Barne ministroak sare sozial batean duen kontuan jakitera eman duenez. Asteazken eguerdian, egonkortu dute, dagoeneko, hori ere egin gabe zuen Ourenseko sute bat. Hortaz, ez dago egonkortu gabeko suterik, Galizian; guztira, 16 sute daude egonkortuta Ourensen eta Pontevedran. Lau lagun hil dira azken egunotan autonomia erkidego horretan piztu diren suteen ondorioz. Inguruneko kontseilariaren esanetan, suteak piztu dituztenen "jarduera su-emaile eta eraileak" du hondamendi horren errua; izan ere, sute guztiak nahita piztu dituzte, horren arabera. Polizia Nazionalak, bitartean, helbide elektroniko bat zabaldu du, herritarrek, izenik eman gabe, asteburuan Vigon eta Redondelan piztutako suteen gaineko informazioa eman dezaten, gertatutakoa argitzen laguntzeko. Oposizioa, baina, kritiko agertu da. BNG, PSOE eta En Marea alderdien ustez, suteak izan aurretik ez da prebentzio lanik egin, eta suteak piztutakoan ez zaie erantzun egokirik eman.

2017/10/18

Milaka eta milaka lagun bildu dira Sanchez eta Cuixart askatzea eskatzeko

Milaka eta milaka lagun bildu dira Sanchez et...
Milaka eta milaka lagun bildu dira Sanchez eta Cuixart askatzea eskatzeko

Kataluniako herritarrek beste mobiliz...
1:51 min.

Kataluniako herritarrek beste mobilizazio jendetsu bat egin dute, oraingoan ANC eta Omnium elkarteetako buruzagiak libre utz ditzatela eskatzeko

200.000 lagun bildu dira bart Bartzelona erdigunean Jordi Sanchez eta Jordi Cuixart ANC eta Omnium elkarteetako presidenteak, hurrenez hurren, "preso politikoak" direla salatu eta biak berehala aska ditzatela eskatzeko. Mobilizazioa 20:00etan hasi zen, Gracia pasealekuren eta Francesc Macia plazaren artean. Kandelak eskuetan zeramatzatela egin zuten askok eta askok ibilbidea. Horrez gain, kartel ugari ikusi ziren, goiburu ezberdinekin: "Bi Jordiak, Espainiako Estatuaren preso politikoak, askatu!", "Lagundu Kataluniari", "Salba dezagun Europa" eta "Errepublika orain". Era berean, askatasunaren aldeko eta Espainiako justiziaren kontrako oihuak ere entzun ziren. Kataluniako gainerako hiri eta herrietan ere egin zituzten manifestazioak. Mobilizazioak aurreko bezperan deitu zituzten, Carmen Lamela Auzitegi Nazionaleko epaileak Sanchez eta Cuixart baldintzarik gabe espetxeratzeko agindua eman zuela jakin ostean. Sedizio delitua egotzi die biei, Guardia Zibilak urriaren 1eko erreferenduma galarazteko asmoz egin zuen polizia-operazioa salatzeko irailaren 20an eta 21ean Bartzelonan izan ziren protestak bultzatu izana egotzita.

2017/10/18

Torrejon aire-baseko pilotu bat hil da hegazkin istripuan

Torrejon aire-baseko pilotu bat hil da hegazk...
Torrejon aire-baseko pilotu bat hil da hegazkin istripuan

Pilotua hegazkina aireratzen zegoela,...
1:00 min.

Pilotua hegazkina aireratzen zegoela, antza, potentzia galdu eta lurraren aurka jo du

Armadaren F18 hegazkin batek lurra jo du Madrilgo Torrejon de Ardoz hegazkin-basearen inguruetan eta pilotua hil egin da, Defentsa Ministerioak jakinarazi duenez. Bestalde, Cristina Cifuentes Madrilgo presidenteak prentsaurrekoan jakitera eman du, gizona hil egin dela. "Jakin badakigu pilotua hil egin dela, eta beraz, senideei, Indar Armatuei, Aire-armadari eta Espainiako armadari, oro har, nire dolumina adierazi nahi diet", esan du Cifuentesek. Denbora laburrean armadak izan duen bigarren hegazkin istripu larria izan da hau; aurrekoa, Hispanitatearen egunean, Albaceten gertatu zen, urriaren 12an. F18aren istripua Torrejon de Ardoz aire-basean gertatu zen atzo goizean; pilotua hegazkina aireratzen zegoela, antza, potentzia galdu egin du eta lurraren aurka jo du.

2017/10/18

Zazpi atxilotu Iruñean, emakumeak esplotatu eta ezkontzera behartzeagatik

Zazpi atxilotu Iruñean, emakumeak esplotatu e...
Zazpi atxilotu Iruñean, emakumeak esplotatu eta ezkontzera behartzeagatik

Beste lau pertsona atxilotu dituzte S...
2:28 min.

Beste lau pertsona atxilotu dituzte Segovian. Biktimen artean 13, 16 eta 17 urteko adingabeak daude

Espainiako Poliziak eta Guardia Zibilak elkarrekin egindako operazio batean 11 pertsona atxilotu dituzte, horietako zazpi Iruñean eta gainerakoak Segovian, emakumeak sexualki esplotatu eta ezkontzera behartzen zituen sare bateko kide direlakoan. Biktimen artean adingabeak ere badaude. Espainiako Barne Ministerioak ohar batean azaldu duenez, zazpi emakume askatu dituzte, tartean 13, 16 eta 17 urteko hiru adingabe. Gaizkile taldea desegintzat jo dute Estatuko segurtasun indarrek. Apirilean ekin zioten ikerketari, Errumaniak Espainiako Estatuan duen Barne Agregatutzan herrialde horretako emakume batek jarritako salaketa tarteko. Emakumearen esanetan, alaba prostituitzera behartzen ari ziren. Ikerlariek jakin ahal izan zutenez, taldeko kideek Errumanian harrapatzen zituzten emakumeak. Zenbaitetan, 'Lover Boy' izeneko metodoaren bitartez engainatzen zituzten. Hau da, taldeko kideren batek emakumea limurtu egiten zuen eta harekin ezkontzeko promesarekin, Espainiako Estatura ekartzen zuen. Beste zenbaitetan, ordea, indarra erabilita ekartzen zituzten. Errumaniako emakumeak aurkeztutako salaketaren arabera, alaba auto batean indarrez sartu eta Espainiara ere gogoz kontra ekarri zuten. Gerora, baina, beste talde bati saldua izan zela salatu zuen amak. Emakume adingabeak ezkontzera behartzen zituen talde bat ere atzeman zuten ikerlariek Iruñean. Talde horren hiru biktima Segovian topatu zituzten. Atxiloketak egiteaz gain, lau miaketa egin dituzte —horietako bi Iruñean—. Honakoak atzeman dituzte miaketotan: auto garesti bat, 2.300 euro esku dirutan, droga ebakitzeko materiala eta dokumentazio ugari.

2017/10/18

Ikerketa kazetari bat hil dute Maltan, lapa-bonba autoan jarrita

Ikerketa kazetari bat hil dute Maltan, lapa-b...
Ikerketa kazetari bat hil dute Maltan, lapa-bonba autoan jarrita

Kazetariak politikari ustelak salatu ...
2:30 min.

Kazetariak politikari ustelak salatu ohi zituen eta, duela bi aste, salaketa aurkeztu zuen Poliziaren aurrean pairatzen ari zen mehatxuengatik

Daphne Caruana Galizia Maltako kazetaria hil dute astelehenean Bidnija herritik hurbil, uhartearen iparraldean, autoan jarri dioten lapa-bonba batek eztanda eginda, Poliziak zabaldu duenez. Caruana Galiziaren (53 urte) blogak ospe handia du, eta bertan argitaratzen zituen Maltako politikari ustelen auziak. Orain bi aste, salaketa ipini zuen Poliziaren aurrean pairatzen ari zen mehatxuengatik, Maltako telebistaren arabera. Caruana Galiziak plazaratutako azken informazioan, oposizioko zenbait kideren aurka aritu zen. Aipatutako blogaren beste testu batean honakoa argitaratu zuen: "Maltako bizitza publikoak gizon ezegonkor arriskutsuak jasaten ditu, ez dute ez printzipiorik ezta eskrupulurik ere". Joseph Muscat Maltako lehen ministroaren esanetan, "prentsa askatasunaren aurkako eraso basatia" izan da. Urte hasieran, eraginkortasun falta egotzi zion Caruana Galiziak Muscati, eta, gainera, Muscaten emazteak paradisu fiskaletan kontuak dituela salatu zuen. Muscatek ekainean egindako hauteskundeak irabazi zituen. Bozketa aurreratua izan zen, Caruana Galiziak egindako akusazioei aurre egiteko. Kazetariaren esanetan, datu base batean gordeta dauden agiri batzuek erakusten dutenez, lehen ministroaren emaztea enpresa baten jabe izan zen Panaman, eta lortutako dirua Azerbaijanera eraman omen zuen. Muscatek eta emazteak salaketa jarri zuten kazetariaren kontra, kalumniak egotzita, eta ukatu egin zuten kazetariak kaleratutakoa. Muscatek gaineratu zuen auzitegietara jotzea dela difamazio baten biktima sentitzen denarentzako bide bakarra. Bestalde, Julian Assange Wikileaksen sortzaileak 20.000 euroko saria eskaini du, kazetariaren hilketaren gaineko daturen bat ematen duenarentzat.

2017/10/18

Portugalgo ministro batek kargua utzi du suteak kudeatzeko moduagatik

Portugalgo ministro batek kargua utzi du sute...
Portugalgo ministro batek kargua utzi du suteak kudeatzeko moduagatik

Suteen lehen biktima politikoa da, be...
0:58 min.

Suteen lehen biktima politikoa da, beraz, Constança Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen

Constança Urbano de Sousa Portugalgo Barne Administrazioko ministroak dimisioa aurkeztu du, udako suteen kudeaketa dela-eta kritika ugari jaso ondoren. Suteek eragindako lehen biktima politikoa da, beraz, Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen. Ministroak gutun baten bidez jakitera eman duenez, suteen epe kritikoa gaindituta, "baldintza guztiak agortu dira" karguan jarraitzeko, azken egunotako suteetan 41 pertsona hil baitira. Iritzi publikoak eta alderdi politiko askok ministroaren jarduna kritikatu dute, ez baitu behar zuen eraginik izan, eta, suteen krisia kudeatzeko modua ikusita, zentsura mozioa aurkezteko mehatxua ere egin diote Costaren Gobernuari.

2017/10/18

Errezitaldi poetiko musikala zeinudantzarekin

Errezitaldi poetiko musikala zeinudantzarekin...
Errezitaldi poetiko musikala zeinudantzarekin

Hurrengo ostiralean, urriak 20, Pabil...
1:19 min.

Hurrengo ostiralean, urriak 20, Pabilioi 6-n izango da

‘Neruda’ izeneko Errezitaldi poetiko musikala zeinudantzarekin hurrengo ostiralean, urriak 20, izango da Pabilioi 6-n, Deustuko Erribera kalea, 47, Bilbo. Ikuskizunak hiru artisten musika eta Txileko ohiko errezeta eta janariei buruzko poesiak nahasten ditu. Izan ere, Pablo Neruda jatorriz Txilekoa zen. Bi ekitaldi izango dira, bata 20:00etan eta bestea 22:00etan. Sarrerak lortzeko erreserba egin beharko da hurrengo estekan: [pabellon6.org/event/neruda](http://pabellon6.org/event/neruda/) zuen datuak jarriz, geroago leihatilan bertan sarrerak hartu eta ordaintzeko.

2017/10/18

Urria 2017
AAAOOLI
 1
2345678
9101112131415
16171819202122
23242526272829
3031 
Iraila 2017
AAAOOLI
 123
45678910
11121314151617
18192021222324
252627282930 

        2017-10-02ko bideoen artxiboa

CAFek Seattle hirirako (AEB) tranbiak egingo ditu, 50 milioi dolarren truke

CAFek Seattle hirirako (AEB) tranbiak egingo ...
CAFek Seattle hirirako (AEB) tranbiak egingo ditu, 50 milioi dolarren truke

CAFek AEBetan garatutako proiektuen b...
1:56 min.

CAFek AEBetan garatutako proiektuen bolumena 1.800 milioi dolarrekoa baino gehiagokoa da

Seattle hiriko (AEB) Garraio Departamentuak CAF euskal enpresa hautatu du hiru moduluko hamar tranbia hornitzeko. Unitateak URBOS tranbien plataformakoak izango dira eta %100 solairu baxukoak, eta akordioak ordezko piezen, tresna berezien eta probetako ekipoen hornidura ere jasotzen du. Era berean, hiri estatubatuarrak beste hamar ibilgailu arte erosteko eta kontratuak irauten duen bitartean haiei dagozkien ordezkoak erosteko eskubidea erreserbatu du. Eragiketaren zenbatekoak 50 milioi dolarrak gainditzen ditu. Seattle hiriak 3,2 milioi biztanle baino gehiago ditu metropoli eremuan eta tranbien sistema modernoa garatzen ari da, hiriari mugikortasunerako aukera berriak eskaintzeko, hazkunde ekonomikoari laguntzeko eta biztanle gehien dituzten auzoekin konexioak indartzeko. CAFek lantegi bat du AEBetan, Elmira herriak (New York), eta azken urteetan proiektu ugari garatu ditu herrialdean. Bestalde, Kansas City hiriko Garraio Agintaritzak CAF konpainiari beste bi tranbia erosteko onarpena jaso du, eta horrela, lehen hornitutako eta iaztik zerbitzuen dauden laurei gehituko zaizkie. CAFek AEBetan garatutako proiektuen bolumena 1.800 milioi dolarrekoa baino gehiagokoa da.

2 milioi pertsonak eman dute botoa, eta baiezkoaren aldekoak % 90 izan dira

2 milioi pertsonak eman dute botoa, eta baiez...
2 milioi pertsonak eman dute botoa, eta baiezkoaren aldekoak % 90 izan dira

Segurtasun Indarrek ia 800.000 boto a...
5:31 min.

Segurtasun Indarrek ia 800.000 boto atzeman dituzte, eta ezin izan dira zenbatu. 800 pertsona baino gehiago zauritu dira Poliziaren oldarraldietan

Espainiako Polizia Nazionalak eta Guardia Zibilak ez dute lortu Kataluniako erreferenduma galaraztea, hainbat hauteslekutan indarrez eta indarkeria erabiliz sartu diren arren, bi milioi pertsonak baino gehiagok eman baitute botoa. Boto-emaileen % 90ek independentziaren alde egin dute, eta gutxienez 844 herritar zauritu dira, horietako bi larri, Estatuko Segurtasun Indarren oldarraldietan. Hain zuzen ere, Generalitateak 2.262.424 boto zenbatu ditu. Segurtasun Indarrek beste 770.000 atzeman dituzte, eta horiek, beraz, ezin izan dituzte kontuan hartu. Zenbatutako 2.262.424 boto horietatik 2.020.144 independentziaren aldekoak izan dira, hots, botoen % 90. Ezetzaren alde 176.566 pertsonak (% 7,8) egin dute, 45.586 boto (% 2) zuriak izan dira, eta 20.129 (% 0,89), baliogabeak. Kataluniako Gobernuak ez du parte-hartzearen inguruko daturik eman, baina errolda 5.313.000 pertsonakoa zela kontuan hartuta, hautesleen % 42k eman dute botoa. Jordi Turull Presidentetza kontseilariaren esanetan, Poliziak "ostu" dituen 770.000 botoak kontuan hartuta, % 55ekoa izango litzateke parte-hartzea. Erreferendum legearen 4.4. artikuluaren arabera, Kataluniako Parlamentuak independentzia aldarrikatu behar du emaitzen berri eman eta 48 orduko epean. Bozketa egunean, bi motatako irudiak izan dira nagusi: batetik, hainbat pertsona, gazte zein heldu, ilarak egiten, botoa eman ahal izateko, eta, bestetik, Espainiako Polizia Nazionala eta Guardia Zibila, boto-emaileen aurka oldartzen. Guztira, 844 zaurituren berri dute. Generalitatearen arabera, Segurtasun Indarrek 2.315 hauteslekuetako 400 itxi dituzte. Ehunka pertsonak erresistentzia baketsua egin dute, agenteak ikastetxeetara sartzea eta hautetsontziak atzematea galarazteko. Bozketaren formatua ere ezohikoa izan da: Kataluniako Gobernuak "errolda unibertsala" ezarri du, nonahi bozkatu ahal izateko. Gainera, gutun-azalik gabe eta etxean inprimatutako boto-paperekin bozkatu ahal izan da. Halaber, Segurtasun Indarrek botoak zenbatzeko sistema informatikoa blokeatu dute, eta, horrenbestez, boto horiek guztiak zenbatzeko prozesuak luze jo du. Esquadra Mossoek ere jaso dute Estatuaren kritikarik. Izan ere, uko egin diote boto-emaileen aurka indarkeria erabiltzeari, eta, ondorioz, hainbat hauteslekuk zabalik jarraitu dute. Horren ildotik, gutxienez sei epaitegik ikerketa abiatu dute Kataluniako Polizia autonomikoaren kontra, desobedientzia delitua leporatuta. Tentsio uneak ere ikusi izan dira mossoen eta guardia zibilen artean. Bestalde, Mariano Rajoy Espainiako Gobernuko presidenteak Parlamentuan ordezkaritza duten alderdi politiko guztiak deituko dituela iragarri du, "guztion etorkizunaren gainean hausnarketa egiteko guztion artean". Indarkeria polizialaren inguruan Rajoyk esan duenez, Katalunian jazotakoaren "erantzule bakarrak legezkotasunaren bortxaketa eta elkarbizitzaren apurketa sustatu dutenak dira". Testuinguru honetan, Kataluniako Asanblea Nazionalak (ANC) eta Omnium Cultural elkarteak greba orokorra deitu dute astearterako, urriaren 3rako. Deialdiarekin bat egitea eskatu diete herritarrei elkarte independentistek.

Poliziak hiru gorpu aurkitu ditu Sevillan hormigoizko putzu batean

Poliziak hiru gorpu aurkitu ditu Sevillan hor...
Poliziak hiru gorpu aurkitu ditu Sevillan hormigoizko putzu batean

Bellavistan desagertutako emakumearen...
1:31 min.

Bellavistan desagertutako emakumearen, bere alabaren eta bikotearen gorpuzkiak izan daitezkeela uste du Poliziak

Polizia Nazionalak hiru gorpu aurkitu ditu Sevillan hormigoizko putzu batean. Antza, bi helduri eta haur bati dagozkie. Asteburu osoan Dos Hermanaseko etxe batean hondeatzen egon ostean aurkitu dituzte gorpuak. Ildo horretan, gutxienez, bost lagun atxilotu dituzte eta baliteke droga-trafiko kontua izatea. Gorpuak Sevillako Auzitegiko Medikuntza Institutura eraman dituzte autopsia egiteko eta heriotzaren nondik norakoak argitzeko. Litekeena da Bellavistan desagertutako Sandra Capitanen, horren alabaren eta bikotekidearen gorpuzkiak izatea, Poliziak horrela uste baitu. Joan den irailaren 16an desagertu ziren Sandra Capitan 26 urteko emakumea, 6 urteko alaba eta 55 urteko bikotekidea. Polizia Nazionalak astelehen goizaldean atera ditu gorpuak eta ikerketaren sumario sekretupean ipini du epaileak.

Luzaiden agertutako gorpu bat ikertzen ari da Foruzaingoa

Luzaiden agertutako gorpu bat ikertzen ari da...
Luzaiden agertutako gorpu bat ikertzen ari da Foruzaingoa

"Gorpuak ez du ageriko indarkeria zan...
1:08 min.

"Gorpuak ez du ageriko indarkeria zantzurik, baina astelehen honetan autopsia egitea falta da", jakinarazi du

Gorpu bat aurkitu dute igande honetan Luzaiden (Nafarroa), N-135etik gertu dagoen ubide batean, eta Foruzaingoa identifikatzen saiatzen ari da. Ehiztari batzuek 12:33an jakinarazi diote SOS-Nafarroari, eta horrelakoetan ohikoa den protokoloa aktibatu du, herri-segurtasunak, polizia judizialek, polizia zientifikoek, suhiltzaileek, eta Guardia Zibileko GREIM (Grupos de Rescate e Intervención en Montaña) taldeko kideek parte hartu dute. Gorpuzkinak sartzea zaila den gune batean daude, eta Nafarroako Medikuntza Legalaren Institutura eramango dituzte. Duela egun batzuk Donejakue bidea egiten ari zen erromes aleman batekin zerikusia ote duen ikertzen ari dira. "Gorpuak ez du ageriko indarkeria zantzurik, baina astelehen honetan autopsia egitea falta da", jakinarazi du Foruzaingoak.

Estatu Islamikoak bere gain hartu du Marseillako hilketa

Estatu Islamikoak bere gain hartu du Marseill...
Estatu Islamikoak bere gain hartu du Marseillako hilketa

Igande honetan, gizon batek bi emakum...
1:24 min.

Igande honetan, gizon batek bi emakume hil ditu laban batekin, Saint-Charles geltokian, Marseillan. Amaq albiste agentziak jakitera eman duenez, "Estatu Islamikoaren soldadu batek egin du erasoa"

Estatu Islamikoak bere gain hartu du, atzo, Marseillan izandako hilketa. Horretan, gizon batek bi emakume hil zituen laban batekin, Saint-Charles geltokian, Frantzia hego-ekialdean. "Estatu Islamikoaren soldadu batek egin du erasoa", Amaq albiste agentziak gaur jakitera eman duenez. Talde terroristak burutzen dituen atentatuen berri eman ohi duen bitartekariak (Amaq) jakitera eman duenez, Sirian eta Iraken talde terroristari aurre egiten dion nazioarteko koalizioaren aurkako erasoa izan da. Erasoa atzo gertatu zen, gizon batek bi emakume labanaz hil zituenean, Marseillako Saint-Charles geltoki nagusian. Erasoaren ostean, Sentinell terrorismoaren aurkako talde militarrak gizonezkoa hil zuen, tiroz, Frantziako Poliziaren arabera. Bestalde, erasotzaileak "Allahu Akbar" (Ala handiena da) oihukatu omen zuen erasoa egiten zuen bitartean.

20 pertsona hil dira eta 100 baino gehiago zauritu Las Vegaseko tiroketan

20 pertsona hil dira eta 100 baino gehiago za...
20 pertsona hil dira eta 100 baino gehiago zauritu Las Vegaseko tiroketan

Tiroketa bertako 22:00etan izan da, c...
1:21 min.

Tiroketa bertako 22:00etan izan da, contry musikako festibala ixtera zihoazen egunean. Ustezko egilea Poliziak hil zuen

Gutxienez 20 pertsona hil dira eta 100 baino gehiago zauritu, igande gauean Las Vegaseko country musikako kontzertu batean izandako tiroketaren ondorioz. Mandalay Bay kasinoaren parean izan da, sheriffak jakitera eman duenez. Gertaera bertako 22:00ak aldera izan da, country musikako kontzertu bat ematen ari zirenean, kasino pareko zelaigunean. “Puntu altu batetik tiro egiten ari ziren. Bala bat bestearen ostean botatzen ari ziren”, azaldu du kontzertura joan den pertsona batek. Segurtasun indarrak Mandalay Bay kasinoko goiko pisuak erregistratu dituzte, tirogilearen bila. 32. pisuan aurkitu dute, eta tiroz hil dute. Hasiera batean Estatu Batuetako prentsak Polizia hiriko beste zeinbat gunetan tiroketak ikertzen ari zela esan duen arren, segurtasun indarrek esan dute erasotzailea bakarrik zegoela. Halere, sheriffak azaldu du emakume baten bila ari direla, erasotzailearen laguna delakoan. Erasoaren arrazoiengatik galdetuta, oraindik ikertzen ari direla bakarrik esan du, baina, oraingoz, terrorismo kasu bezala tratatzen ari ez direla azpimarratu du.