Zeinu Hizkuntza kurtsoak

Taxilari bat atxilotu dute Santurtzin, beste bati labanaz erasotzeagatik

Zauritua Gurutzetako Ospitalera eraman behar izan zuten. Erasotzailea Muskizko polizia-etxean entregatu zen, eta erasoa egiteko erabilitako arma eraman zuen

Ertzaintzak taxi-gidari bat atxilotu zuen atzo goizaldean, beste bati labanaz erasotzeagatik, Santurtzin. Biek eztabaida beroa izan zuten taxi geltoki batean, eta labana batez eraso zion.

Segurtasun Sailak ohar baten bidez zabaldu duenez, astearte goizaldean gertatu zen erasoa, 02:00etan. Lekuko batek ohartarazi zuen Ertzaintza, gizonezko batek beste bati aizto batez eraso ziola ikusi ostean. Lekukoaren esanetan, erasotzaileak ihes egin zuen bere autoan.

Erasoa izan zen lekuan bertaratu ziren agenteek baieztatu zutenez, biktimak bi zauri zituen beso batean, eta beste bat kokotsean. Biktimak azaldu zuenaren arabera, lankide batek eraso zion, elkarrekin eztabaidatu eta gero. Zauriak ikusita, zauritua Gurutzetako Ospitalera eraman behar izan zuten.

Handik gutxira, ustezko erasotzailea Muskizko polizia-etxean entregatu zen, eta erasoa egiteko erabilitako arma eraman zuen, oraindik odol arrastoak zituela. Horren aurrean, agenteek atxilotu egin zuten ustezko erasotzailea (56 urte), eta epailearen esku utzi dute jada.

Susmagarri bat atxilotu dute Vigon, Ourensen sute bat piztea egotzita

Egonkortu dute, dagoeneko, hori ere egin gabe zuen Ourenseko sutea. Hortaz, ez dago egonkortu gabeko suterik, asteazken honetan

Gizon bat atxilotu dute Vigon, igandean zuhurtziagabekeriaz jokatuta Ourenseko Os Blancos udalerrian sute bat piztu izana egotzita, Juan Ignacio Zoido Espainiako Barne ministroak sare sozial batean duen kontuan jakitera eman duenez. Asteazken eguerdian, egonkortu dute, dagoeneko, hori ere egin gabe zuen Ourenseko sute bat. Hortaz, ez dago egonkortu gabeko suterik, Galizian; guztira, 16 sute daude egonkortuta Ourensen eta Pontevedran. Lau lagun hil dira azken egunotan autonomia erkidego horretan piztu diren suteen ondorioz. Inguruneko kontseilariaren esanetan, suteak piztu dituztenen "jarduera su-emaile eta eraileak" du hondamendi horren errua; izan ere, sute guztiak nahita piztu dituzte, horren arabera.

Polizia Nazionalak, bitartean, helbide elektroniko bat zabaldu du, herritarrek, izenik eman gabe, asteburuan Vigon eta Redondelan piztutako suteen gaineko informazioa eman dezaten, gertatutakoa argitzen laguntzeko.

Oposizioa, baina, kritiko agertu da. BNG, PSOE eta En Marea alderdien ustez, suteak izan aurretik ez da prebentzio lanik egin, eta suteak piztutakoan ez zaie erantzun egokirik eman.

Milaka eta milaka lagun bildu dira Sanchez eta Cuixart askatzea eskatzeko

Kataluniako herritarrek beste mobilizazio jendetsu bat egin dute, oraingoan ANC eta Omnium elkarteetako buruzagiak libre utz ditzatela eskatzeko

200.000 lagun bildu dira bart Bartzelona erdigunean Jordi Sanchez eta Jordi Cuixart ANC eta Omnium elkarteetako presidenteak, hurrenez hurren, "preso politikoak" direla salatu eta biak berehala aska ditzatela eskatzeko.

Mobilizazioa 20:00etan hasi zen, Gracia pasealekuren eta Francesc Macia plazaren artean. Kandelak eskuetan zeramatzatela egin zuten askok eta askok ibilbidea. Horrez gain, kartel ugari ikusi ziren, goiburu ezberdinekin: "Bi Jordiak, Espainiako Estatuaren preso politikoak, askatu!", "Lagundu Kataluniari", "Salba dezagun Europa" eta "Errepublika orain". Era berean, askatasunaren aldeko eta Espainiako justiziaren kontrako oihuak ere entzun ziren.

Kataluniako gainerako hiri eta herrietan ere egin zituzten manifestazioak. Mobilizazioak aurreko bezperan deitu zituzten, Carmen Lamela Auzitegi Nazionaleko epaileak Sanchez eta Cuixart baldintzarik gabe espetxeratzeko agindua eman zuela jakin ostean. Sedizio delitua egotzi die biei, Guardia Zibilak urriaren 1eko erreferenduma galarazteko asmoz egin zuen polizia-operazioa salatzeko irailaren 20an eta 21ean Bartzelonan izan ziren protestak bultzatu izana egotzita.

Torrejon aire-baseko pilotu bat hil da hegazkin istripuan

Pilotua hegazkina aireratzen zegoela, antza, potentzia galdu eta lurraren aurka jo du

Armadaren F18 hegazkin batek lurra jo du Madrilgo Torrejon de Ardoz hegazkin-basearen inguruetan eta pilotua hil egin da, Defentsa Ministerioak jakinarazi duenez.

Bestalde, Cristina Cifuentes Madrilgo presidenteak prentsaurrekoan jakitera eman du, gizona hil egin dela. "Jakin badakigu pilotua hil egin dela, eta beraz, senideei, Indar Armatuei, Aire-armadari eta Espainiako armadari, oro har, nire dolumina adierazi nahi diet", esan du Cifuentesek. Denbora laburrean armadak izan duen bigarren hegazkin istripu larria izan da hau; aurrekoa, Hispanitatearen egunean, Albaceten gertatu zen, urriaren 12an.

F18aren istripua Torrejon de Ardoz aire-basean gertatu zen atzo goizean; pilotua hegazkina aireratzen zegoela, antza, potentzia galdu egin du eta lurraren aurka jo du.

Zazpi atxilotu Iruñean, emakumeak esplotatu eta ezkontzera behartzeagatik

Beste lau pertsona atxilotu dituzte Segovian. Biktimen artean 13, 16 eta 17 urteko adingabeak daude

Espainiako Poliziak eta Guardia Zibilak elkarrekin egindako operazio batean 11 pertsona atxilotu dituzte, horietako zazpi Iruñean eta gainerakoak Segovian, emakumeak sexualki esplotatu eta ezkontzera behartzen zituen sare bateko kide direlakoan. Biktimen artean adingabeak ere badaude.

Espainiako Barne Ministerioak ohar batean azaldu duenez, zazpi emakume askatu dituzte, tartean 13, 16 eta 17 urteko hiru adingabe. Gaizkile taldea desegintzat jo dute Estatuko segurtasun indarrek.

Apirilean ekin zioten ikerketari, Errumaniak Espainiako Estatuan duen Barne Agregatutzan herrialde horretako emakume batek jarritako salaketa tarteko. Emakumearen esanetan, alaba prostituitzera behartzen ari ziren.

Ikerlariek jakin ahal izan zutenez, taldeko kideek Errumanian harrapatzen zituzten emakumeak. Zenbaitetan, 'Lover Boy' izeneko metodoaren bitartez engainatzen zituzten. Hau da, taldeko kideren batek emakumea limurtu egiten zuen eta harekin ezkontzeko promesarekin, Espainiako Estatura ekartzen zuen. Beste zenbaitetan, ordea, indarra erabilita ekartzen zituzten.

Errumaniako emakumeak aurkeztutako salaketaren arabera, alaba auto batean indarrez sartu eta Espainiara ere gogoz kontra ekarri zuten. Gerora, baina, beste talde bati saldua izan zela salatu zuen amak.

Emakume adingabeak ezkontzera behartzen zituen talde bat ere atzeman zuten ikerlariek Iruñean. Talde horren hiru biktima Segovian topatu zituzten.

Atxiloketak egiteaz gain, lau miaketa egin dituzte —horietako bi Iruñean—. Honakoak atzeman dituzte miaketotan: auto garesti bat, 2.300 euro esku dirutan, droga ebakitzeko materiala eta dokumentazio ugari.

Ikerketa kazetari bat hil dute Maltan, lapa-bonba autoan jarrita

Kazetariak politikari ustelak salatu ohi zituen eta, duela bi aste, salaketa aurkeztu zuen Poliziaren aurrean pairatzen ari zen mehatxuengatik

Daphne Caruana Galizia Maltako kazetaria hil dute astelehenean Bidnija herritik hurbil, uhartearen iparraldean, autoan jarri dioten lapa-bonba batek eztanda eginda, Poliziak zabaldu duenez.

Caruana Galiziaren (53 urte) blogak ospe handia du, eta bertan argitaratzen zituen Maltako politikari ustelen auziak. Orain bi aste, salaketa ipini zuen Poliziaren aurrean pairatzen ari zen mehatxuengatik, Maltako telebistaren arabera.

Caruana Galiziak plazaratutako azken informazioan, oposizioko zenbait kideren aurka aritu zen. Aipatutako blogaren beste testu batean honakoa argitaratu zuen: "Maltako bizitza publikoak gizon ezegonkor arriskutsuak jasaten ditu, ez dute ez printzipiorik ezta eskrupulurik ere".

Joseph Muscat Maltako lehen ministroaren esanetan, "prentsa askatasunaren aurkako eraso basatia" izan da. Urte hasieran, eraginkortasun falta egotzi zion Caruana Galiziak Muscati, eta, gainera, Muscaten emazteak paradisu fiskaletan kontuak dituela salatu zuen.

Muscatek ekainean egindako hauteskundeak irabazi zituen. Bozketa aurreratua izan zen, Caruana Galiziak egindako akusazioei aurre egiteko.

Kazetariaren esanetan, datu base batean gordeta dauden agiri batzuek erakusten dutenez, lehen ministroaren emaztea enpresa baten jabe izan zen Panaman, eta lortutako dirua Azerbaijanera eraman omen zuen.

Muscatek eta emazteak salaketa jarri zuten kazetariaren kontra, kalumniak egotzita, eta ukatu egin zuten kazetariak kaleratutakoa. Muscatek gaineratu zuen auzitegietara jotzea dela difamazio baten biktima sentitzen denarentzako bide bakarra.

Bestalde, Julian Assange Wikileaksen sortzaileak 20.000 euroko saria eskaini du, kazetariaren hilketaren gaineko daturen bat ematen duenarentzat.

Portugalgo ministro batek kargua utzi du suteak kudeatzeko moduagatik

Suteen lehen biktima politikoa da, beraz, Constança Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen

Constança Urbano de Sousa Portugalgo Barne Administrazioko ministroak dimisioa aurkeztu du, udako suteen kudeaketa dela-eta kritika ugari jaso ondoren.

Suteek eragindako lehen biktima politikoa da, beraz, Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen.

Ministroak gutun baten bidez jakitera eman duenez, suteen epe kritikoa gaindituta, "baldintza guztiak agortu dira" karguan jarraitzeko, azken egunotako suteetan 41 pertsona hil baitira.

Iritzi publikoak eta alderdi politiko askok ministroaren jarduna kritikatu dute, ez baitu behar zuen eraginik izan, eta, suteen krisia kudeatzeko modua ikusita, zentsura mozioa aurkezteko mehatxua ere egin diote Costaren Gobernuari.

Errezitaldi poetiko musikala zeinudantzarekin

Hurrengo ostiralean, urriak 20, Pabilioi 6-n izango da

‘Neruda’ izeneko Errezitaldi poetiko musikala zeinudantzarekin hurrengo ostiralean, urriak 20, izango da Pabilioi 6-n, Deustuko Erribera kalea, 47, Bilbo. Ikuskizunak hiru artisten musika eta Txileko ohiko errezeta eta janariei buruzko poesiak nahasten ditu. Izan ere, Pablo Neruda jatorriz Txilekoa zen.

Bi ekitaldi izango dira, bata 20:00etan eta bestea 22:00etan. Sarrerak lortzeko erreserba egin beharko da hurrengo estekan: pabellon6.org/event/neruda zuen datuak jarriz, geroago leihatilan bertan sarrerak hartu eta ordaintzeko.

Taxilari bat atxilotu dute Santurtzin, beste bati labanaz erasotzeagatik

Taxilari bat atxilotu dute Santurtzin, beste ...
Taxilari bat atxilotu dute Santurtzin, beste bati labanaz erasotzeagatik

Zauritua Gurutzetako Ospitalera erama...
1:10 min.

Zauritua Gurutzetako Ospitalera eraman behar izan zuten. Erasotzailea Muskizko polizia-etxean entregatu zen, eta erasoa egiteko erabilitako arma eraman zuen

Ertzaintzak taxi-gidari bat atxilotu zuen atzo goizaldean, beste bati labanaz erasotzeagatik, Santurtzin. Biek eztabaida beroa izan zuten taxi geltoki batean, eta labana batez eraso zion. Segurtasun Sailak ohar baten bidez zabaldu duenez, astearte goizaldean gertatu zen erasoa, 02:00etan. Lekuko batek ohartarazi zuen Ertzaintza, gizonezko batek beste bati aizto batez eraso ziola ikusi ostean. Lekukoaren esanetan, erasotzaileak ihes egin zuen bere autoan. Erasoa izan zen lekuan bertaratu ziren agenteek baieztatu zutenez, biktimak bi zauri zituen beso batean, eta beste bat kokotsean. Biktimak azaldu zuenaren arabera, lankide batek eraso zion, elkarrekin eztabaidatu eta gero. Zauriak ikusita, zauritua Gurutzetako Ospitalera eraman behar izan zuten. Handik gutxira, ustezko erasotzailea Muskizko polizia-etxean entregatu zen, eta erasoa egiteko erabilitako arma eraman zuen, oraindik odol arrastoak zituela. Horren aurrean, agenteek atxilotu egin zuten ustezko erasotzailea (56 urte), eta epailearen esku utzi dute jada.

2017/10/18

Susmagarri bat atxilotu dute Vigon, Ourensen sute bat piztea egotzita

Susmagarri bat atxilotu dute Vigon, Ourensen ...
Susmagarri bat atxilotu dute Vigon, Ourensen sute bat piztea egotzita

Egonkortu dute, dagoeneko, hori ere e...
1:34 min.

Egonkortu dute, dagoeneko, hori ere egin gabe zuen Ourenseko sutea. Hortaz, ez dago egonkortu gabeko suterik, asteazken honetan

Gizon bat atxilotu dute Vigon, igandean zuhurtziagabekeriaz jokatuta Ourenseko Os Blancos udalerrian sute bat piztu izana egotzita, Juan Ignacio Zoido Espainiako Barne ministroak sare sozial batean duen kontuan jakitera eman duenez. Asteazken eguerdian, egonkortu dute, dagoeneko, hori ere egin gabe zuen Ourenseko sute bat. Hortaz, ez dago egonkortu gabeko suterik, Galizian; guztira, 16 sute daude egonkortuta Ourensen eta Pontevedran. Lau lagun hil dira azken egunotan autonomia erkidego horretan piztu diren suteen ondorioz. Inguruneko kontseilariaren esanetan, suteak piztu dituztenen "jarduera su-emaile eta eraileak" du hondamendi horren errua; izan ere, sute guztiak nahita piztu dituzte, horren arabera. Polizia Nazionalak, bitartean, helbide elektroniko bat zabaldu du, herritarrek, izenik eman gabe, asteburuan Vigon eta Redondelan piztutako suteen gaineko informazioa eman dezaten, gertatutakoa argitzen laguntzeko. Oposizioa, baina, kritiko agertu da. BNG, PSOE eta En Marea alderdien ustez, suteak izan aurretik ez da prebentzio lanik egin, eta suteak piztutakoan ez zaie erantzun egokirik eman.

2017/10/18

Milaka eta milaka lagun bildu dira Sanchez eta Cuixart askatzea eskatzeko

Milaka eta milaka lagun bildu dira Sanchez et...
Milaka eta milaka lagun bildu dira Sanchez eta Cuixart askatzea eskatzeko

Kataluniako herritarrek beste mobiliz...
1:51 min.

Kataluniako herritarrek beste mobilizazio jendetsu bat egin dute, oraingoan ANC eta Omnium elkarteetako buruzagiak libre utz ditzatela eskatzeko

200.000 lagun bildu dira bart Bartzelona erdigunean Jordi Sanchez eta Jordi Cuixart ANC eta Omnium elkarteetako presidenteak, hurrenez hurren, "preso politikoak" direla salatu eta biak berehala aska ditzatela eskatzeko. Mobilizazioa 20:00etan hasi zen, Gracia pasealekuren eta Francesc Macia plazaren artean. Kandelak eskuetan zeramatzatela egin zuten askok eta askok ibilbidea. Horrez gain, kartel ugari ikusi ziren, goiburu ezberdinekin: "Bi Jordiak, Espainiako Estatuaren preso politikoak, askatu!", "Lagundu Kataluniari", "Salba dezagun Europa" eta "Errepublika orain". Era berean, askatasunaren aldeko eta Espainiako justiziaren kontrako oihuak ere entzun ziren. Kataluniako gainerako hiri eta herrietan ere egin zituzten manifestazioak. Mobilizazioak aurreko bezperan deitu zituzten, Carmen Lamela Auzitegi Nazionaleko epaileak Sanchez eta Cuixart baldintzarik gabe espetxeratzeko agindua eman zuela jakin ostean. Sedizio delitua egotzi die biei, Guardia Zibilak urriaren 1eko erreferenduma galarazteko asmoz egin zuen polizia-operazioa salatzeko irailaren 20an eta 21ean Bartzelonan izan ziren protestak bultzatu izana egotzita.

2017/10/18

Torrejon aire-baseko pilotu bat hil da hegazkin istripuan

Torrejon aire-baseko pilotu bat hil da hegazk...
Torrejon aire-baseko pilotu bat hil da hegazkin istripuan

Pilotua hegazkina aireratzen zegoela,...
1:00 min.

Pilotua hegazkina aireratzen zegoela, antza, potentzia galdu eta lurraren aurka jo du

Armadaren F18 hegazkin batek lurra jo du Madrilgo Torrejon de Ardoz hegazkin-basearen inguruetan eta pilotua hil egin da, Defentsa Ministerioak jakinarazi duenez. Bestalde, Cristina Cifuentes Madrilgo presidenteak prentsaurrekoan jakitera eman du, gizona hil egin dela. "Jakin badakigu pilotua hil egin dela, eta beraz, senideei, Indar Armatuei, Aire-armadari eta Espainiako armadari, oro har, nire dolumina adierazi nahi diet", esan du Cifuentesek. Denbora laburrean armadak izan duen bigarren hegazkin istripu larria izan da hau; aurrekoa, Hispanitatearen egunean, Albaceten gertatu zen, urriaren 12an. F18aren istripua Torrejon de Ardoz aire-basean gertatu zen atzo goizean; pilotua hegazkina aireratzen zegoela, antza, potentzia galdu egin du eta lurraren aurka jo du.

2017/10/18

Zazpi atxilotu Iruñean, emakumeak esplotatu eta ezkontzera behartzeagatik

Zazpi atxilotu Iruñean, emakumeak esplotatu e...
Zazpi atxilotu Iruñean, emakumeak esplotatu eta ezkontzera behartzeagatik

Beste lau pertsona atxilotu dituzte S...
2:28 min.

Beste lau pertsona atxilotu dituzte Segovian. Biktimen artean 13, 16 eta 17 urteko adingabeak daude

Espainiako Poliziak eta Guardia Zibilak elkarrekin egindako operazio batean 11 pertsona atxilotu dituzte, horietako zazpi Iruñean eta gainerakoak Segovian, emakumeak sexualki esplotatu eta ezkontzera behartzen zituen sare bateko kide direlakoan. Biktimen artean adingabeak ere badaude. Espainiako Barne Ministerioak ohar batean azaldu duenez, zazpi emakume askatu dituzte, tartean 13, 16 eta 17 urteko hiru adingabe. Gaizkile taldea desegintzat jo dute Estatuko segurtasun indarrek. Apirilean ekin zioten ikerketari, Errumaniak Espainiako Estatuan duen Barne Agregatutzan herrialde horretako emakume batek jarritako salaketa tarteko. Emakumearen esanetan, alaba prostituitzera behartzen ari ziren. Ikerlariek jakin ahal izan zutenez, taldeko kideek Errumanian harrapatzen zituzten emakumeak. Zenbaitetan, 'Lover Boy' izeneko metodoaren bitartez engainatzen zituzten. Hau da, taldeko kideren batek emakumea limurtu egiten zuen eta harekin ezkontzeko promesarekin, Espainiako Estatura ekartzen zuen. Beste zenbaitetan, ordea, indarra erabilita ekartzen zituzten. Errumaniako emakumeak aurkeztutako salaketaren arabera, alaba auto batean indarrez sartu eta Espainiara ere gogoz kontra ekarri zuten. Gerora, baina, beste talde bati saldua izan zela salatu zuen amak. Emakume adingabeak ezkontzera behartzen zituen talde bat ere atzeman zuten ikerlariek Iruñean. Talde horren hiru biktima Segovian topatu zituzten. Atxiloketak egiteaz gain, lau miaketa egin dituzte —horietako bi Iruñean—. Honakoak atzeman dituzte miaketotan: auto garesti bat, 2.300 euro esku dirutan, droga ebakitzeko materiala eta dokumentazio ugari.

2017/10/18

Ikerketa kazetari bat hil dute Maltan, lapa-bonba autoan jarrita

Ikerketa kazetari bat hil dute Maltan, lapa-b...
Ikerketa kazetari bat hil dute Maltan, lapa-bonba autoan jarrita

Kazetariak politikari ustelak salatu ...
2:30 min.

Kazetariak politikari ustelak salatu ohi zituen eta, duela bi aste, salaketa aurkeztu zuen Poliziaren aurrean pairatzen ari zen mehatxuengatik

Daphne Caruana Galizia Maltako kazetaria hil dute astelehenean Bidnija herritik hurbil, uhartearen iparraldean, autoan jarri dioten lapa-bonba batek eztanda eginda, Poliziak zabaldu duenez. Caruana Galiziaren (53 urte) blogak ospe handia du, eta bertan argitaratzen zituen Maltako politikari ustelen auziak. Orain bi aste, salaketa ipini zuen Poliziaren aurrean pairatzen ari zen mehatxuengatik, Maltako telebistaren arabera. Caruana Galiziak plazaratutako azken informazioan, oposizioko zenbait kideren aurka aritu zen. Aipatutako blogaren beste testu batean honakoa argitaratu zuen: "Maltako bizitza publikoak gizon ezegonkor arriskutsuak jasaten ditu, ez dute ez printzipiorik ezta eskrupulurik ere". Joseph Muscat Maltako lehen ministroaren esanetan, "prentsa askatasunaren aurkako eraso basatia" izan da. Urte hasieran, eraginkortasun falta egotzi zion Caruana Galiziak Muscati, eta, gainera, Muscaten emazteak paradisu fiskaletan kontuak dituela salatu zuen. Muscatek ekainean egindako hauteskundeak irabazi zituen. Bozketa aurreratua izan zen, Caruana Galiziak egindako akusazioei aurre egiteko. Kazetariaren esanetan, datu base batean gordeta dauden agiri batzuek erakusten dutenez, lehen ministroaren emaztea enpresa baten jabe izan zen Panaman, eta lortutako dirua Azerbaijanera eraman omen zuen. Muscatek eta emazteak salaketa jarri zuten kazetariaren kontra, kalumniak egotzita, eta ukatu egin zuten kazetariak kaleratutakoa. Muscatek gaineratu zuen auzitegietara jotzea dela difamazio baten biktima sentitzen denarentzako bide bakarra. Bestalde, Julian Assange Wikileaksen sortzaileak 20.000 euroko saria eskaini du, kazetariaren hilketaren gaineko daturen bat ematen duenarentzat.

2017/10/18

Portugalgo ministro batek kargua utzi du suteak kudeatzeko moduagatik

Portugalgo ministro batek kargua utzi du sute...
Portugalgo ministro batek kargua utzi du suteak kudeatzeko moduagatik

Suteen lehen biktima politikoa da, be...
0:58 min.

Suteen lehen biktima politikoa da, beraz, Constança Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen

Constança Urbano de Sousa Portugalgo Barne Administrazioko ministroak dimisioa aurkeztu du, udako suteen kudeaketa dela-eta kritika ugari jaso ondoren. Suteek eragindako lehen biktima politikoa da, beraz, Urbano de Sousa; izan ere, azken lau hilabeteotako suteetan 100 pertsona baino gehiago hil dira Portugalen. Ministroak gutun baten bidez jakitera eman duenez, suteen epe kritikoa gaindituta, "baldintza guztiak agortu dira" karguan jarraitzeko, azken egunotako suteetan 41 pertsona hil baitira. Iritzi publikoak eta alderdi politiko askok ministroaren jarduna kritikatu dute, ez baitu behar zuen eraginik izan, eta, suteen krisia kudeatzeko modua ikusita, zentsura mozioa aurkezteko mehatxua ere egin diote Costaren Gobernuari.

2017/10/18

Errezitaldi poetiko musikala zeinudantzarekin

Errezitaldi poetiko musikala zeinudantzarekin...
Errezitaldi poetiko musikala zeinudantzarekin

Hurrengo ostiralean, urriak 20, Pabil...
1:19 min.

Hurrengo ostiralean, urriak 20, Pabilioi 6-n izango da

‘Neruda’ izeneko Errezitaldi poetiko musikala zeinudantzarekin hurrengo ostiralean, urriak 20, izango da Pabilioi 6-n, Deustuko Erribera kalea, 47, Bilbo. Ikuskizunak hiru artisten musika eta Txileko ohiko errezeta eta janariei buruzko poesiak nahasten ditu. Izan ere, Pablo Neruda jatorriz Txilekoa zen. Bi ekitaldi izango dira, bata 20:00etan eta bestea 22:00etan. Sarrerak lortzeko erreserba egin beharko da hurrengo estekan: [pabellon6.org/event/neruda](http://pabellon6.org/event/neruda/) zuen datuak jarriz, geroago leihatilan bertan sarrerak hartu eta ordaintzeko.

2017/10/18

Urria 2017
AAAOOLI
 1
2345678
9101112131415
16171819202122
23242526272829
3031 
Iraila 2017
AAAOOLI
 123
45678910
11121314151617
18192021222324
252627282930 

        2017-10-10ko bideoen artxiboa

Garellanoko geltoki berria 18 hilabetetan izango da lanean

Garellanoko geltoki berria 18 hilabetetan iza...
Garellanoko geltoki berria 18 hilabetetan izango da lanean

Bertan elkartuko dira tranbia, aldiri...
2:32 min.

Bertan elkartuko dira tranbia, aldiriko trenak, Bizkaibus, Bilbobus, Metro Bilbao, taxiak eta autobusak

Bilboko Udalak Garellanoko intermodala erakitzeko lanak hasi ditu. Bilboko eta Bizkaiko errepideko garraiorako intermodal horretan elkartuko dira tranbia, aldiriko trenak, Bizkaibus, Bilbobus, Metro Bilbao, taxiak eta autobusak. Geltokia 18 hilabetetan eraikiko dute. Obraren lehen fasean, aldaketa batzuk egin beharko dituzte ingurune horretan, besteak beste, pertsonen mugikortasuna, ibilgailuen joan-etorria eta geltokia hondeatzeko lanetatik ateratako lurrak modu egokian atera ahal izateko. Egokitzapen lanen artean, batetik, zirkulazio-errei bi kenduko dituzte Perez Galdos kalean, aurreikusita zegoen bezala, baina nolanahi ere kaletik zirkulatu ahal izango da, gainerako bi erreiak, behin-behineko geltokiarekin batera egindakoak, erabili ahal izango baitira. Udalak 300.000 metro kubiko lur atera beharko ditu geltokia eraikitzeko, eta horretarako kamioien joan-etorri handia izango da, kamioietan garraiatuko baitira lurrak Eusko Jaurlaritzak homologatutako zabortegietara. Ingurune horretako zirkulazioaren gaineko eragina txikiagotzeko, lehenengo fasean, kamioiek Luis Briñas kaleko bidea hartuko dute, eta handik irtengo dira Bilbotik. Halaber, pertsonen joan-etorria bermatzeko, Udalak Luis Briñas kaleko espaloiak birmoldatuko ditu. Lan horien ondorioz, espaloietako bat ezingo da erabili, eta bestea egokitu egingo da pertsonen fluxu egokia bermatzeko. Horretarako, ingurune horretan dauden eta oinezkoen zirkulazioa oztopa dezaketen elementu guztiak (arbolak, terrazak, hiri-elementuak) kenduko dira. Aldaketa horiek guztiek 3 hilabete iraungo dute, gutxi gorabehera, eta ondoren kamioiak Gurtubai kaletik irten eta sartu ahal izatea aurreikusi du Udalak; hau da, intermodaleko obrak amaitutakoan autobusek zirkulatzeko erabiliko duten gunetik. Lurpeko geltoki intermodalak autobusak lur-azaletik kentzeko aukera emango du, eta Luis Briñas kaleak tokiko zirkulazioa baino ez du izango. Sarbide optimizatuak izango ditu Gurtubaitik, eta eragina txikiagotuko du ingurunean. Horrez gain, 7.500 metro koadro askatzeko aukera emango du; eremu hori plaza bat jartzeko erabiliko da. Toki horri aukerako 62.000 metro koadro gehitu behar zaizkio, horiek berreskuratzen ari baitira orain Basurtu auzoaren bihotzean, Sabino Aranatik Errekalderaino egiten ari den jarduketa dela medio, eta laster Feve lurperatu ondoren Iralaraino egingo den urbanizazioa gehituko zaie horiei.

Antsietate-krisi bat lan-istripua bezala aitortu dute Osakidetzan

Antsietate-krisi bat lan-istripua bezala aito...
Antsietate-krisi bat lan-istripua bezala aitortu dute Osakidetzan

Langile batek pairatu zuen 2016ko ira...
1:25 min.

Langile batek pairatu zuen 2016ko irailean, "lan-karga handiegia” izateagatik

Eibarreko epaitegi batek lan-istripua bezala aitortu dio antsietate-krisi bat Osakidetzako langile bati. Hala eman du jakitera CC. OO. Sindikatuak, agiri batean. Langileak, Arrasateko Ospitaleko kanpoko kontsulten onarpen-arduraduna bera (alegia, Debagoieneko Erakunde Sanitario Integratuan), antsietate-krisia pairatu zuen 2016ko irailean, "lan-karga handiegia" zuelako. Sindikatuak adierazi duenez, Osakidetzako lan-osasuneko departamentuko medikuak lehen mailako arretako haren medikura joateko esan zion gaixoari, eta ez mutualitatera; sindikatuaren iritziz, erabaki horrek "antsietate-krisiak jatorri profesionala zuela ezkutatu nahi zuen". CC. OO. sindikatuaren arabera, frogatuta dago langileak zenbait aldiz ziola esana bere nagusiei lan-karga handiegia pairatzen ari zela. Epaiak ez ditu kontuan hartzen Mutualia mutualitateak eta Osakidetzak berak aurkeztutako arrazoibideak; Mutualiak zioen ez zegoela lan-istriputzat jotzerik, gaixoa lehen mailako arretako medikura joan baitzen, eta Osakidetzak, aldiz, argudiatu zuen emakumeak zuen lan-karga onargarria zela.

Lapur bat atxilotu dute Galdakaon ate batean harrapatuta gelditu ostean

Lapur bat atxilotu dute Galdakaon ate batean ...
Lapur bat atxilotu dute Galdakaon ate batean harrapatuta gelditu ostean

Lapurtu nahian zebilen enpresako ate ...
1:40 min.

Lapurtu nahian zebilen enpresako ate automatikoan harrapatuta gelditu eta gero, suhiltzaileek erreskatatu behar izan dute, eta ondoren Ertzaintzak atxilotu du

Suhiltzaileek 39 urteko gizon bat erreskatatu dute Galdakaon, eta ondoren, Ertzaintzak gizona atxilotu du, lapurtu nahian zebilen enpresako ate automatikoan harrapatuta gelditu baita, Segurtasun Sailak jakinarazi duenez. Jazoera joan den igandean gertatu zen, 18:20 aldera, Galdakaoko (Bizkaia) Irubide industrialdean. Gizonezko batek SOS-Deiaki deitu zion pertsiana automatiko batean burua sartuta zuela eta harrapatuta zegoela esateko. Ohol bat erabilita igo zen gizona atearen goiko partera, baina burua sartzerakoan harrapatuta gelditu zen. Suhiltzaileek askatu eta ospitalera eraman zuten gizona. Identifikatzerako orduan, beste lagun baten nortasuna eman zien ertzainei, baita industrialdera heltzeko erabilitako txirrindua ere abuztuan Amorebieta-Etxanon lapurtutakoa zela. Hori guztia kontutan izanda, Ertzaintzak gaur goizaldean atxilotu du, ospitaletik atera bezain laster, eta gaurko egunean epailearen aurrera eramango dute, jabetzaren aurkako delitu bat eta nortasunaren usurpatze beste delitu bat egotzita.

Abertis, Colonial eta Cellnex enpresen egoitza sozialak, Madrilera

Abertis, Colonial eta Cellnex enpresen egoitz...
Abertis, Colonial eta Cellnex enpresen egoitza sozialak, Madrilera

Ibex 35ean dagoen Grifols multinazion...
1:51 min.

Ibex 35ean dagoen Grifols multinazionalak, berriz, Katalunian mantenduko du bere egoitza soziala, oraingoz behintzat

Ibex 35ean dauden Kataluniako enpresa gehienek beren egoitza soziala Kataluniatik ateratzea erabaki dute, herrialde horretan bizi den egoera politikoa dela eta. Gaur, Abertis, Colonial eta Cellnex konpainiek iragarri dute egoitza soziala Madrilera eramango dutela. Guztira, astelehen honetan, sektore ezberdinetako hamar bat enpresek jakinarazi dute beren egoitza soziala Kataluniatik ateratzea erabaki dutela, Kataluniako Parlamentuak independentzia aldarrika dezakeela kontuan hartuta. Espainiako Burtsan egoitza soziala Katalunian zuten zazpi konpainia zeuden duela gutxira arte. CaixaBankek, GasNatural Fenosak eta Sabadell Bankuak joan den astean iragarri zuten egoitza soziala lekuz aldatuko zutela; eta gaur gauza bera egin dute Abertis, Colonial eta Cellnex enpresek. Horrela bada, egoitza soziala Katalunian mantentzen duen konpainia bakarra dago une honetan Ibex 35ean: Grifols multinazionala. Alabaina, egoera politikoak negozioan eragiten badio, handik joateko aukera aztertuko luke.

Eskuin muturreko taldeek U-9ko manifestazioari eraso diote Valentzian

Eskuin muturreko taldeek U-9ko manifestazioar...
Eskuin muturreko taldeek U-9ko manifestazioari eraso diote Valentzian

Talde faxistetako kideek Diada egunek...
0:50 min.

Talde faxistetako kideek Diada eguneko mobilizazioan parte hartzen ari ziren hainbat lagun zauritu, mehatxatu eta iraindu dituzte

Urtero urriaren 9an, Diada egunez, Valentzian egin ohi den manifestazioari eraso diote eskuin muturreko taldeek eta hainbat lagun zauritu, mehatxatu eta iraindu dituzte. Hainbat lekukoren arabera, ehun bat "neonazik" (Espainiak banderak zeramatzaten eta Espainiaren batasunaren aldeko oihuak egin dituzte) manifestazioan parte hartzen ari ziren dozenaka lagun bakartu dituzte eta jo eta iraundu egin dituzte. Istiluen aurkako Poliziak "puntualki esku hartu du" faxisten eta manifestarien artean, Espainiako Gobernuak Valentzian duen ordezkaritzak berri eman duenez. Sare sozialetan erasoen hainbat bideo zabaldu dituzte.

Macronen lan erreformaren aurka protesta egingo dute funtzionarioek

Macronen lan erreformaren aurka protesta egin...
Macronen lan erreformaren aurka protesta egingo dute funtzionarioek

Hamar urtetan lehen aldiz funtzio pub...
1:39 min.

Hamar urtetan lehen aldiz funtzio publikoko sindikatu guztiek bat egingo dute

Emmanuel Macron presidentearen lan erreformaren aurka protesta egingo dute gaur Frantziako funtzionarioek, aldi berean lanuzteak deitu dituzte garraio sektorean batez ere. Hamar urtetan lehen aldiz funtzio publikoko sindikatu guztiek bat egingo dute Exekutiboaren egitasmoa salatzeko protestan. Erosteko ahalmena murriztea eta ia 120.000 lanpostu deuseztatzea “onartezina” dela uste dute sindikatuek. 5,4 bat milioi langile deitu ditu mobilizazioak, eta batez ere garraioari eragingo dio: aurreikusitako hegaldiak % 30 murrizteko gomendioa eman die Hegazkintza Zibileko Zuzendaritzak (DGAC) konpainiei. Horrela, Easyjetek ia 104 hegaldi bertan behera utziko ditu, eta Ryanairek beste 220. SNCF tren konpainiak ez du aparteko arazorik espero, baina Pariseko aldiriko trenetan atzerapenak egon daitezkeela ohartarazi du RATP garraio publikoen enpresak. Bestalde, sindikatuek irakasle guztiak deitu dituzte. Bakarrik Parisen 70 ikastetxe itxiko dira. Era berean, segurtasun indarretako agenteak eta osasun langileak protesta egitera deitu dituzte. “Soldaten inguruko benetako negoziazioa” eskatzen dute sindikatuek, euren lana “benetan aintzat hartzea”, alegia.

Gutxienez hamar lagun hil dira Kalifornian piztutako suteetan

Gutxienez hamar lagun hil dira Kalifornian pi...
Gutxienez hamar lagun hil dira Kalifornian piztutako suteetan

20.000 lagun ebakuatu behar izan ditu...
1:06 min.

20.000 lagun ebakuatu behar izan dituzte gainera, igandean piztutako sutearen ondorioz. Sugarrek zortzi konderri zeharkatu, 1.500 etxe kiskali eta 30.000 hektarea inguru erre dituzte

Gutxienez hamar lagun hil dira eta 20.000 pertsona ebakuatu behar izan dituzte Kalifornian (AEBko mendebaldean) piztutako hamabosna suteetan. Sugarrek zortzi konderri zeharkatu, 1.500 etxe kiskali eta 29.542 hektarea erre dituzte. Kaliforniako gobernadoreak larrialdi-egoera ezarri du Napa, Sonoma eta Yuba konderrietan, milaka familia arriskuan baitaude. Era berean, milaka lagunen hustu dituzte beren etxeetatik konderri horietan. Suteak joan den igandean piztu ziren eta haize-bolada bortitzei esker zabaldu egin dira. Sutearen nondik norakoak ikertzen ari dira.