Zeinu Hizkuntza kurtsoak

Trenen zirkulazioa eten dute, tren bat bidetik atera ostean Arrigorriagan

Merkantzia zeramatzan tren bat bidetik atera da gaur goizeko lehen orduan Arrigorriagatik igarotzen ari zela, Bizkaian, zauriturik eragin gabe.

Halere, istripuak tren zerbitzuan eragin du, zenbait lineatan zirkulazioa etenda.

Hala, Adifek jakinarazi duenez, une honetan ez dago zerbitzurik Arrigorriaga eta Bidebieta Basauri artean.

Bestalde, Bilboko aldiriko tren zerbitzuko C3 lineetako bidaiariak Ugao-Miraballes eta Bidebietako errepidetik eramaten ari dira.

Era berean, Lezama eta Inoso arteko zirkulazioa ere etenda egon da, Bilbo-Miranda Ebroko linean ere eraginda, Adifen esanetan; nolanahi ere, azken etenaldi hori konponduta dago jada.

Langile bat koman, Bilboko Ingeniaritza Eskolako eskailera batetik behera erorita

Ezbeharra astelehenean gertatu zen. Emakumea eskaileratan erori egin zen eta buruan kolpea hartu zuen. Eskailera horrek segurtasun neurriak betetzen ez dituela salatu du LABek.

LAB sindikatuak jakinarazi duenez, joan den astelehenean lan-istripu larria gertatu zen Bilboko Ingeniaritza Eskolako bigarren eraikinean. Langile bat eskailera batetik behera erori zen eta buruan kolpea hartu zuen. Gurutzetako Ospitalean dago, koman.

LABen esanetan, ez da lehenengo aldia eskailera horretan istripua izaten dela: 2015ean, behargin bat erori zen eta besoan eta eskumuturrean min hartu zuen; beste langile bat ere erori zen toki berean eta buruan kolpea hartu eta zauri arinak izan zituen.

2015eko ezbeharraren ondotik, EHUko Prebentzio Zerbitzuak gertakariak ikertu zituen eta eskailera horrek segurtasun araudia betetzen ez zuela ondorioztatu zuen. Hala ere, LABek salatu duenez, Unibertsitateak ez du inolako prebentzio neurririk hartu.

Sindikatuak ardurak argitzea eskatu eta elkarretaratzea deitu du hilaren 25erako Bilboko Ingeniaritza Eskolan.

Sute batek etxebizitza bat kiskali du Izurdiagan

52 urteko emakume bat artatu behar izan dute osasun zerbitzuek kea arnastu ondoren.

Sute batek etxebizitza bat kiskali du Izurdiagan Nafarroa. 52 urteko emakume bat artatu behar izan dute osasun zerbitzuek kea arnastu ondoren.

Etxean altzari eta objektu ugari pilaturik zeuden eta suhiltzaileen lana oztopatu du horrek, Nafarroako Gobernuak agiri batean azaldu duenez.

15:10 aldera abisua jaso dute Nafarroako larrialdi zerbitzuek, San Juan kaleko etxebizitza bat sutan zegoela jakinaraziz.

Cordovillako suhiltzaileak bertaratu dira. Ponpa-kamioi bat eta eskailera ibilgailu bat eraman dituzte. Anbulantzia bat eta Foruzaingoko patruilak ere bidali dituzte, zonaldea sokaz inguratzeko eta trafikoa arautzeko.

Suhiltzaileak heldu direnerako suak beheko solairua hartuta zuen. Hala ere, barrura sartzea lortu dute, baina objektu eta altzairu mordoa aurkitu dute, eta horrek goiko solairura igotzea eragotzi die.

Lana segurtasunez egitea ezinezkoa zela ikusita, suari kanpoaldetik bakarrik eraso egitea erabaki du operazioaren arduradunak.

Sugarrek eta tenperatura altuek lehen solairuko altzairu eta tresna guztiak kiskali dituzte. Suak teilatuari ere eragin dio, eta zatiak erori dira, baina egurrezko egitura ez da kolapsatu.

Suak inguruko etxeei ez eragitea lortu dute suhiltzaileek, nahiz eta oso gertu egon. Antza denez, maizterraren txakurra hil da sutean. Talde medikoak emakumea artatu du tokian bertan; izan ere, osasun zentro batera eramaterik ez du nahi izan.

18:30 aldera suhiltzaileak ordezkatu ditu Cordovillako beste talde batek. Sua itzaltzeko lanean jarraitzen dute, hondakinak kentzen hasi baino lehen. Foruzaingoa gertatutakoa ikertzen ari da.

Barcenas, Correa eta PP Gurtel auziagatik kondenatu ditu Auzitegi Nazionalak

33 urteko kartzela zigorra ezarri dio Luis Barcenasi, eta 15 urte haren emazteari. Francisco Correari, berriz, 51 urteko kartzela zigorra ezarri dio.

Auzitegi Nazionalak 33 urte eta 4 hilabeteko kartzela zigorra ezarri dio Luis Barcenas PPko diruzain ohiari, eta 15 urteko zigorra haren emazteari, Gurteleko lehen etapan 1999-2005 egindako iruzur delituengatik. Halaber, 51 urte eta 11 hilabeteko espetxe zigorra ezarri dio Francisco Correa Gurtel auziko buruari.

Bestalde, PPri 245.492 euroko isuna ezarri dio, erantzukizun juridiko gisa, Gurtel auzian Guillermo Ortega eta Jesus Sepulveda Majadahondako eta Pozueloko alkate ohiek ateratako probetxuagatik. Ana Mato Sepulvedaren emazte ohiak eta ministro ohiak 27.857 euro ordaindu beharko ditu Gurtel saretik jasotako opariengatik.

Magistratuen iritzian, Fiskaltzaren ildotik, sarearen bidez jasotako eskupekoen eta alderdiko B kutxatik atera omen zuen diruaren bidez 48,2 milioi euro bildu zituen Barcenasek Suitzan.

Epaiaren arabera, jarduteko modua honakoa zen: Francisco Correa enpresariekin harremanetan jartzen zen eta, ondoren, Barcenasek beharrezko izapideak egiten zituen nahi zuten enpresariak esleipenak lor zitzan, eta exekuzioan zegokion igoerak jasotzen zituzten, geroago banaketa egiteko, adostuta zuten moduan".

Bi pertsona hil eta 20 zauritu dira tren istripu batean, Italian

Ibilgailua trenbide-pasagune batetik igarotzen ari zen trenbidetik atera denean, antza denez, kamioi baten aurka talka egin ondoren. Hildakoetako bat makinista da, eta bestea teknikari bat.

Bi pertsona hil eta 20 baino gehiago zauritu dira tren bat trenbidetik aterata, Turinetik 35 bat kilometrora, Italiako iparraldean, zenbait hedabide italiarren arabera.

La Repubblica egunkariak aireratu duenez, istripua bart izan da, 23:30 inguruan, Calusoko trenbide-pasagune batetik igarotzen ari zela.

Antza denez, pasagunearen hesia goian zegoen, kamioi baten garraio berezi batengatik. Une horretan trena heldu zen, eta talka egin zuen.

Biktimetako bat trenaren makinista zen, 61 urtekoa, eta bigarrena, aipatutako egunkariaren arabera, trenaren teknikari bat.

Trenak hiru bagoi zeramatzan, eta horietatik bi trenbidetik atera dira, zutoin bat bota eta etxe baten patioan geratuta.

Lehenengo datuen arabera, kamioia (Lituaniako matrikula zeukan) edukiontziak garraiatzen ari zen, eta trenbide-pasagunea zeharkatu zuen, nahiz eta abisua martxan zegoen.

Makinistak balazta sakatu zuen arren, talka saihestezina izan zen, zenbait hedabideek diotenez.

Estatuko Trenbide zerbitzuaren esanetan, trenean 40 bat pertsona zeuden une horretan, eta irten ezinik geratu ziren. Gauean zehar atera dituzte.

Kamioi gidaria ez da zauritu istripuan. Ondoren, deklaratu du eta alkoholemia analisia egin diote.

Garraio berezia zenez, kamioiarekin batera eskolta bat zihoan. Auto horretako pertsona batek azaldu duenez, kamioia pasagunean sartu zenean semaforoaren argi gorria piztu zen. orduan, atzera egiteko esan zion gidariari, baina une horretan hesia jaitsi zen, kamioia barruan harrapatuta geratuta.

Hiritartasun unibertsalaren pasaportearen festa

Zatoz maiatzak 25.ean Uliako Lore Baratzak parkera arratsaldeko 18.00 etan ospatuko dugun festara

Audio gabe.

Munduko herritar al zara? Honduras, Nepal, Siria, Txina, Gambia, Maroko, Euskal Herria… zatoz maiatzak 25.ean Uliako Lore Baratzak parkera arratsaldeko 18.00 etan ospatuko dugun festara. Dantza herrikoi eta folklorikoak izango ditugu ikusgai, jazz musika anitza, herrialde ezberdinetako testigantzak, guztien artean egingo dugun horma-irudi ikusgarria, garaiko eta bertako jatekoa…

!Anima zaitez!

MAIATZAK 25 ARRATSALDEKO 18:00 etan ULIAKO LORE BARATZAK PARKEAN Alcalde J. Elosegi Hiribidea, 81, 20013 Donostia

Trenen zirkulazioa eten dute, tren bat bidetik atera ostean Arrigorriagan

Trenen zirkulazioa eten dute, tren bat bideti...
Trenen zirkulazioa eten dute, tren bat bidetik atera ostean Arrigorriagan

Merkantzia zeramatzan tren bat bideti...
1:00 min.

Merkantzia zeramatzan tren bat bidetik atera da gaur goizeko lehen orduan Arrigorriagatik igarotzen ari zela, Bizkaian, zauriturik eragin gabe.

Halere, istripuak tren zerbitzuan eragin du, zenbait lineatan zirkulazioa etenda. Hala, Adifek jakinarazi duenez, une honetan ez dago zerbitzurik Arrigorriaga eta Bidebieta Basauri artean. Bestalde, Bilboko aldiriko tren zerbitzuko C3 lineetako bidaiariak Ugao-Miraballes eta Bidebietako errepidetik eramaten ari dira. Era berean, Lezama eta Inoso arteko zirkulazioa ere etenda egon da, Bilbo-Miranda Ebroko linean ere eraginda, Adifen esanetan; nolanahi ere, azken etenaldi hori konponduta dago jada.

2018/05/24

Langile bat koman, Bilboko Ingeniaritza Eskolako eskailera batetik behera erorita

Langile bat koman, Bilboko Ingeniaritza Eskol...
Langile bat koman, Bilboko Ingeniaritza Eskolako eskailera batetik behera erorita

Ezbeharra astelehenean gertatu zen. E...
1:12 min.

Ezbeharra astelehenean gertatu zen. Emakumea eskaileratan erori egin zen eta buruan kolpea hartu zuen. Eskailera horrek segurtasun neurriak betetzen ez dituela salatu du LABek.

LAB sindikatuak jakinarazi duenez, joan den astelehenean lan-istripu larria gertatu zen Bilboko Ingeniaritza Eskolako bigarren eraikinean. Langile bat eskailera batetik behera erori zen eta buruan kolpea hartu zuen. Gurutzetako Ospitalean dago, koman. LABen esanetan, ez da lehenengo aldia eskailera horretan istripua izaten dela: 2015ean, behargin bat erori zen eta besoan eta eskumuturrean min hartu zuen; beste langile bat ere erori zen toki berean eta buruan kolpea hartu eta zauri arinak izan zituen. 2015eko ezbeharraren ondotik, EHUko Prebentzio Zerbitzuak gertakariak ikertu zituen eta eskailera horrek segurtasun araudia betetzen ez zuela ondorioztatu zuen. Hala ere, LABek salatu duenez, Unibertsitateak ez du inolako prebentzio neurririk hartu. Sindikatuak ardurak argitzea eskatu eta elkarretaratzea deitu du hilaren 25erako Bilboko Ingeniaritza Eskolan.

2018/05/24

Sute batek etxebizitza bat kiskali du Izurdiagan

Sute batek etxebizitza bat kiskali du Izurdia...
Sute batek etxebizitza bat kiskali du Izurdiagan

52 urteko emakume bat artatu behar iz...
2:06 min.

52 urteko emakume bat artatu behar izan dute osasun zerbitzuek kea arnastu ondoren.

Sute batek etxebizitza bat kiskali du Izurdiagan Nafarroa. 52 urteko emakume bat artatu behar izan dute osasun zerbitzuek kea arnastu ondoren. Etxean altzari eta objektu ugari pilaturik zeuden eta suhiltzaileen lana oztopatu du horrek, Nafarroako Gobernuak agiri batean azaldu duenez. 15:10 aldera abisua jaso dute Nafarroako larrialdi zerbitzuek, San Juan kaleko etxebizitza bat sutan zegoela jakinaraziz. Cordovillako suhiltzaileak bertaratu dira. Ponpa-kamioi bat eta eskailera ibilgailu bat eraman dituzte. Anbulantzia bat eta Foruzaingoko patruilak ere bidali dituzte, zonaldea sokaz inguratzeko eta trafikoa arautzeko. Suhiltzaileak heldu direnerako suak beheko solairua hartuta zuen. Hala ere, barrura sartzea lortu dute, baina objektu eta altzairu mordoa aurkitu dute, eta horrek goiko solairura igotzea eragotzi die. Lana segurtasunez egitea ezinezkoa zela ikusita, suari kanpoaldetik bakarrik eraso egitea erabaki du operazioaren arduradunak. Sugarrek eta tenperatura altuek lehen solairuko altzairu eta tresna guztiak kiskali dituzte. Suak teilatuari ere eragin dio, eta zatiak erori dira, baina egurrezko egitura ez da kolapsatu. Suak inguruko etxeei ez eragitea lortu dute suhiltzaileek, nahiz eta oso gertu egon. Antza denez, maizterraren txakurra hil da sutean. Talde medikoak emakumea artatu du tokian bertan; izan ere, osasun zentro batera eramaterik ez du nahi izan. 18:30 aldera suhiltzaileak ordezkatu ditu Cordovillako beste talde batek. Sua itzaltzeko lanean jarraitzen dute, hondakinak kentzen hasi baino lehen. Foruzaingoa gertatutakoa ikertzen ari da.

2018/05/24

Barcenas, Correa eta PP Gurtel auziagatik kondenatu ditu Auzitegi Nazionalak

Barcenas, Correa eta PP Gurtel auziagatik kon...
Barcenas, Correa eta PP Gurtel auziagatik kondenatu ditu Auzitegi Nazionalak

33 urteko kartzela zigorra ezarri dio...
2:10 min.

33 urteko kartzela zigorra ezarri dio Luis Barcenasi, eta 15 urte haren emazteari. Francisco Correari, berriz, 51 urteko kartzela zigorra ezarri dio.

Auzitegi Nazionalak 33 urte eta 4 hilabeteko kartzela zigorra ezarri dio Luis Barcenas PPko diruzain ohiari, eta 15 urteko zigorra haren emazteari, Gurteleko lehen etapan 1999-2005 egindako iruzur delituengatik. Halaber, 51 urte eta 11 hilabeteko espetxe zigorra ezarri dio Francisco Correa Gurtel auziko buruari. Bestalde, PPri 245.492 euroko isuna ezarri dio, erantzukizun juridiko gisa, Gurtel auzian Guillermo Ortega eta Jesus Sepulveda Majadahondako eta Pozueloko alkate ohiek ateratako probetxuagatik. Ana Mato Sepulvedaren emazte ohiak eta ministro ohiak 27.857 euro ordaindu beharko ditu Gurtel saretik jasotako opariengatik. Magistratuen iritzian, Fiskaltzaren ildotik, sarearen bidez jasotako eskupekoen eta alderdiko B kutxatik atera omen zuen diruaren bidez 48,2 milioi euro bildu zituen Barcenasek Suitzan. Epaiaren arabera, jarduteko modua honakoa zen: Francisco Correa enpresariekin harremanetan jartzen zen eta, ondoren, Barcenasek beharrezko izapideak egiten zituen nahi zuten enpresariak esleipenak lor zitzan, eta exekuzioan zegokion igoerak jasotzen zituzten, geroago banaketa egiteko, adostuta zuten moduan".

2018/05/24

Bi pertsona hil eta 20 zauritu dira tren istripu batean, Italian

Bi pertsona hil eta 20 zauritu dira tren istr...
Bi pertsona hil eta 20 zauritu dira tren istripu batean, Italian

Ibilgailua trenbide-pasagune batetik ...
1:58 min.

Ibilgailua trenbide-pasagune batetik igarotzen ari zen trenbidetik atera denean, antza denez, kamioi baten aurka talka egin ondoren. Hildakoetako bat makinista da, eta bestea teknikari bat.

Bi pertsona hil eta 20 baino gehiago zauritu dira tren bat trenbidetik aterata, Turinetik 35 bat kilometrora, Italiako iparraldean, zenbait hedabide italiarren arabera. La Repubblica egunkariak aireratu duenez, istripua bart izan da, 23:30 inguruan, Calusoko trenbide-pasagune batetik igarotzen ari zela. Antza denez, pasagunearen hesia goian zegoen, kamioi baten garraio berezi batengatik. Une horretan trena heldu zen, eta talka egin zuen. Biktimetako bat trenaren makinista zen, 61 urtekoa, eta bigarrena, aipatutako egunkariaren arabera, trenaren teknikari bat. Trenak hiru bagoi zeramatzan, eta horietatik bi trenbidetik atera dira, zutoin bat bota eta etxe baten patioan geratuta. Lehenengo datuen arabera, kamioia (Lituaniako matrikula zeukan) edukiontziak garraiatzen ari zen, eta trenbide-pasagunea zeharkatu zuen, nahiz eta abisua martxan zegoen. Makinistak balazta sakatu zuen arren, talka saihestezina izan zen, zenbait hedabideek diotenez. Estatuko Trenbide zerbitzuaren esanetan, trenean 40 bat pertsona zeuden une horretan, eta irten ezinik geratu ziren. Gauean zehar atera dituzte. Kamioi gidaria ez da zauritu istripuan. Ondoren, deklaratu du eta alkoholemia analisia egin diote. Garraio berezia zenez, kamioiarekin batera eskolta bat zihoan. Auto horretako pertsona batek azaldu duenez, kamioia pasagunean sartu zenean semaforoaren argi gorria piztu zen. orduan, atzera egiteko esan zion gidariari, baina une horretan hesia jaitsi zen, kamioia barruan harrapatuta geratuta.

2018/05/24

Hiritartasun unibertsalaren pasaportearen festa

Hiritartasun unibertsalaren pasaportearen fes...
Hiritartasun unibertsalaren pasaportearen festa

Zatoz maiatzak 25.ean Uliako Lore Bar...
0:52 min.

Zatoz maiatzak 25.ean Uliako Lore Baratzak parkera arratsaldeko 18.00 etan ospatuko dugun festara

Audio gabe. Munduko herritar al zara? Honduras, Nepal, Siria, Txina, Gambia, Maroko, Euskal Herria… zatoz maiatzak 25.ean Uliako Lore Baratzak parkera arratsaldeko 18.00 etan ospatuko dugun festara. Dantza herrikoi eta folklorikoak izango ditugu ikusgai, jazz musika anitza, herrialde ezberdinetako testigantzak, guztien artean egingo dugun horma-irudi ikusgarria, garaiko eta bertako jatekoa… !Anima zaitez! MAIATZAK 25 ARRATSALDEKO 18:00 etan ULIAKO LORE BARATZAK PARKEAN Alcalde J. Elosegi Hiribidea, 81, 20013 Donostia

2018/05/24

Maiatza 2018
AAAOOLI
 123456
78910111213
14151617181920
21222324252627
28293031 
Apirila 2018
AAAOOLI
 1
2345678
9101112131415
16171819202122
23242526272829
30 

        2018-05-07ko bideoen artxiboa

Bi bizkaitar hil dira Burgosen, moto istripuan

Bi bizkaitar hil dira Burgosen, moto istripua...
Bi bizkaitar hil dira Burgosen, moto istripuan

Gizon bat eta emakume bat hil dira ba...
0:51 min.

Gizon bat eta emakume bat hil dira bart Merindad de Montijan motorretik erorita.

Leioako gizon motorzale bat eta emakume bat hil dira bart Merindad de Montijan (Burgos) beren motorretik erorita. Gaztela eta Leongo 112 zerbitzuak jakinarazi duenez, arratsaldearen azken orduan jaso zuten istripuaren berri. Lekukoek 112 zerbitzuari esan ziotenez, motorzale bat konorterik gabe eta ziurrenik hilda zegoen, eta bestea ibaira erorita zegoen. Zerbitzu medikuek gizonaren eta emakumearen heriotza egiaztatu zuten.

Bilboko metroak gau osoan funtzionatuko du asteburuan, errugbiko finalak direla eta

Bilboko metroak gau osoan funtzionatuko du as...
Bilboko metroak gau osoan funtzionatuko du asteburuan, errugbiko finalak direla eta

Errugbiko Txapeldunen Kopa eta Challe...
1:19 min.

Errugbiko Txapeldunen Kopa eta Challenge Kopako finalak tarteko, jende oldea handia espero da Bilbon. Hori dela eta, autoa etxean utzi eta garraio publikoa erabiltzeko deia egin dute agintariek.

Bilboko Udalak, Bizkaiko Foru Aldundiak eta Eusko Jaurlaritzak operatibo berezia prestatu dute datorren asteburuan Bilbon ospatuko diren errugbiko Txapeldunen Kopako eta Challenge Kopako finalak tarteko. 100.000 pertsona baino gehiago espero dituzte Bilbon eta zirkulazioa arintze aldera, metroak etengabeko zerbitzua eskainiko du ostiral goizaldetik igande gauera bitartean. Ostiralari eta larunbatari begira, autoa etxean utzi eta garraio publikoa erabiltzeko deia egin dute agintariek. Halaber, garraio publiko guztia koordinatu dute Bizkaiko Mugikortasun Autoritatearen baitan. Ildo horretan, metroak etengabeko zerbitzua eskainiko du hiru egunetan: ostiral goizaldetik igande gauera bitartean. Gainera, Bilboko metroak puntako orduetan maiztasunak gehituko ditu. Horrez gain, tranbia, Bilbobus eta Bizkaibus zerbitzuak ere indartuko dira.

Hainbat emakume nor bere buruarekin ezkonduko dira ekainaren 8an Bilbon

Hainbat emakume nor bere buruarekin ezkonduko...
Hainbat emakume nor bere buruarekin ezkonduko dira ekainaren 8an Bilbon

Bilborock aretoan egingo den ospakizu...
2:00 min.

Bilborock aretoan egingo den ospakizunak boda konbentzional baten elementuak izango ditu. Aitzitik, ezkongaiek beren buruarekin leial izateko eta diren bezala onartzeko konpromisoa hartuko dute.

Hainbat emakume beraien buruarekin ezkonduko dira, aldi berean, ekainaren 8an Bilborock aretoan egingo den ospakizunean, Udalak iragarri duenez. Ospakizun jendetsua izatea aurreikusten dute, eta ospakizunak boda konbentzional baten elementuak izango ditu: lore sortak, soinekoak eta urduritasuna. Aitzitik, ezkongaiek beren buruarekin leial izateko eta diren bezala onartzeko konpromisoa hartuko dute. "Bai, maite dut nire burua" lelopean egingo da, May Serrano feminizidioen kontrako "Women In Black Acción" performancearen sortzaileak gidatuta. 2011n, May Serranok bera eta Bilboko Mujeres Imperfectas kolektiboko beste bederatzi emakume beraien buruarekin ezkonduko ziren, Maribel Salas aktoreak gidatutako ekitaldian. Aurreko egunetan ezkontza aurreko tailerra egingo dute eta, besteak beste, maitasun erromantikoari eta zaintzari buruz hausnartzeko aukera izango dute. Tailerra San Frantziskoko Udal Zentroan egingo da ekainaren 4tik 7ra, 18:00etatik 20:00etara bitartean. Tailerra doakoa bada ere, beharrezkoa da gaurtik aurrera izena ematea.

Sevillako hiru suhiltzaile epaituko dituzte gaur Lesbosen, pertsona-trafikoagatik

Sevillako hiru suhiltzaile epaituko dituzte g...
Sevillako hiru suhiltzaile epaituko dituzte gaur Lesbosen, pertsona-trafikoagatik

Greziako kostazainek atxilotu zituzte...
2:04 min.

Greziako kostazainek atxilotu zituzten 2016ko urtarrilaren 14ean, saiakera graduan pertsonekin trafikatzea leporatuta. Bi egun egon ziren atxilotuta.

Saiakera graduan pertsonekin trafikatzeagatik epaituko dituzte gaurtik aurrera Lesbosen (Grezia) Manuel Blanco, Julio Latorre eta Quique Rodriguez suhiltzaile sevillarrak. Proemaid Gobernuz Kanpoko Erakundearekin lanean ari zirela atxilotu zituzten, errefuxiatuak erreskatatzeko boluntario gisa. Greziako kostazainek atxilotu zituzten 2016ko urtarrilaren 14ean, saiakera graduan pertsonekin trafikatzea leporatuta. Bi egun egon ziren atxilotuta, 5.000 euroko fidantza ordaindu zuten arte. Gaur hasiko da epaiketa Mitilenen (Lesboseko hiriburuan). Zigor Kodean hamar urte arteko espetxe-zigorra izan dezake akusazio horrek. Larunbatean abiatu ziren Sevillatik eta baikor agertu ziren, epaiak absolbitu egingo dituela espero baitute. Ahozko saioaren ostean jakinaraziko dute erabakia. Rosa Aguilar Andaluziako Gobernuko Justizia kontseilaria eta Andaluziako Parlamentuko zein Sevillako Udaleko hainbat ordezkari Lesbosen izango dira, suhiltzaileei babesa ematen. Halaber, Espainiako Enbaxadako ordezkari diplomatikoren bat ere han izango dela ziurtatu zuen Alfonso Dastis Kanpo Gaietarako Espainiako ministroak. Epaiketa dela eta, gaur goizeko 11:00etan elkarretaratzea antolatu dute Sevillako Udalaren aurrean.

Putinek bere laugarren agintaldia abiatu du Errusiako presidente gisa

Putinek bere laugarren agintaldia abiatu du E...
Putinek bere laugarren agintaldia abiatu du Errusiako presidente gisa

Karguaren zina Kremlineko Jauregian e...
2:29 min.

Karguaren zina Kremlineko Jauregian egindako ekitaldi jendetsu batean egin du.

Vladimir Putinek Errusiako presidente karguaren zina egin du astelehen honetan, Kremlineko Jauregiaren San Andres aretoan egindako ekitaldi jendetsu batean. Laugarren agintaldia du honakoa, eta beste sei urtez egongo da boterean. Eskumako eskua Konstituzioan zuela, honakoak zin egin ditu Putinek: Herritarren eskubide eta askatasunak babestu eta errespetatzea; Errusiako Federazioan Konstituzioa bete eta defenditzea; Estatuaren independentzia, subiranotasuna, segurtasuna eta lurralde osotasuna babestu eta herriaren esanetara egotea leialtasunez. 6.000 gonbidatu baino gehiago izan dira ekitaldia bertatik bertara jarraitzen. Besteak beste, han egon dira aurreko gobernuko ministroak, diputatu eta senatariak, diplomaziako kideak, Elizako eta Armadako ordezkariak eta pertsona famatuak. Nire betebeharra da, nire bizitzari zentzua ematen diona, Errusiagatik dena egitea: herrialdearen orainarengatik eta etorkizunarengatik, bakearen eta aurrerabidearen alde, Errusiako familia bakoitzaren alde, adierazi du Putinek karguaren zina egin ostean eskainitako hitzaldi labur batean. Eta berriro ere eskerrak eman nahi ditut, Errusiako herritarroi, bozetan emandako babes zintzoagatik, erantsi du. Martxoaren 18ko hauteskundeetan botoen % 76 jaso zuen Putinek. Errusiako presidentearen aburuz, boto portzentaje hori "kapital politiko itzela eta babes moral irmoa da. Putinen esanetan, lortutako babes hori ezinbestekoa da nazioartean gure jarrera defendatzeko eta herrialdean aurrerapausoak emateko. Gure interesak defendatzen ikasi dugu, aberriaren harrotasuna eta gure balio tradizionalak berreskuratu ditugu. Azkenik, herriaren segurtasuna eta defentsa ahalmena bermatuko dituela agindu du.