Zeinu Hizkuntza kurtsoak

Gasteizko ikastetxe bat zigortu dute, ikasle batek tratu txarrak jasan ostean

Epaian zehazten da gazteak ez zuela eskola-jazarpenik pairatu, beste ikasle baten partetik tratu txarrak jasan zituela baizik.

Lehen Auzialdiko Epaitegi batek 3.000 euroko zigorra ezarri dio Gasteizko ikastetxe bati, adingabe batek eskolan tratu txarrak jasan eta arduradunek “behar besteko neurriak” hartu ez izana egotzita. Izan ere, 6 urteko ikasle ohi baten gurasoek salatu zutenez, ikasle batek tratu txarrak eman zizkion. Alabaina, epaian zehazten da gazteak ez zuela eskola-jazarpenik jasan, beste ikasle baten partetik tratu txarrak pairatu zituela baizik.

Medikuek egindako txostenen arabera, adingabeak “eraso bortitzak” jasan zituen beste ikasle baten partetik: “Belarrian kosk egin zion, arkatz bat sartu zion, ostikoak eman zizkion eta ikaskideen aurrean iraindu zuen”. Hala, epaiak dio klasera joan behar zenean horrek guztiak “estutasuna eta beldurra” sortu ziola.

Epaitegiaren esanez, adin horretako ikasleekin ez da erraza argitzea eskola-jazarpena izan ote den ala ikasle horrek tratu txarrak jasan dituen. Izan ere, bullying-a izan dela frogatutzat emateko pertsona batek behin eta berriz jasan behar ditu tratu txarrak. Kasu horretan, gainera, erasotzaileak biktima ikaratzeko asmoa du, bestearen kontra indarra erabiliz.

Hala, epaiak dioenez, irakasleek ez zuten eskola-jazarpenik hauteman, eta hori ondorioztatzeko bi protokolo jarri zituzten martxan. Gainera, gai horri buruz hitz egiteko bi bilera egin zituzten ikasle horien gurasoekin.

Kasu honetan eskola-jazarpenik egon ez zela ondorioztatu ostean, Lehen Auzialdiko Epaitegiak dio ikastetxe horrek beste neurri batzuk hartu behar zituela egoerari irtenbide bat emateko, hala nola, talde-dinamikak eta bakarkako ekintzak.

Arrazoi horregatik, ikastetxeak 3.000 euroko kalte-ordaina eman beharko dio biktimari, gurasoek 13.481 euro eskatu zituzten arren. Izan ere, gaztea psikologoarengana eraman zutenerako, ikastetxez aldatu zuten, eta egoera bestelakoa zen jada.

Droga ekoitzi eta Balmasedan laborategi bat jarri nahi zuen talde bat desegin dute

'Speed'a egiteko erabiltzen zuten olioa aurkitu du Poliziak, lore kargamentu batean ezkutatuta. Olio horrek tratamendua jasoz gero, 200 kilo speed lortuko lituzkete atxilotuek.

Speeda dosi masiboetan ekoizteko erabiltzen den olioa atzeman du, aurrenekoz, Polizia Nazionalaren operazio batek. Hain zuzen ere, 52 litro olio aurkitu dituzte lore kargamentu batean. Horrek esan nahi du, olio horri tratamendua eginez gero, 200 kilo speed lortuko lituzkeela droga ekoizteaz arduratzen zen atxilotutako lagun taldeak.

Polizia Nazionalaren Zuzendaritza Nagusiak jakinarazi duenez, guztira bederatzi lagun atxilotu dituzte, horietako lau Bilbon. Atxilotuen artean aipatu drogaren hornitzaileak eta banatzaileak daude, baita tratamenduaz arduratzen diren pertsonak ere.

Atxilotuen asmoa zen Balmasedan laborategi bat jartzea, droga mota horren tratamendurako. Horrekin, lurralde osoan zehar zabaldu nahi zuten speeda, modu azkarrean.

Duela sei hilabete inguru abiatu zuen Polizia Nazionalak Jardin operazioa. Bereziki, drogarekin trafikatzen zuten bi lagun zituzten jomugan agenteek.

Hortik abiatuta, poliziek ondorioztatu zuten talde handi bat zegoela trafikatzaile horien atzean. Herbehereetatik Bizkaira egiten zituzten bidalketak, aldiro. Behin kargamentua Euskal Herrira helduta, banatzaile talde bat arduratzen zen olioa leku ezberdinetara bideratzeaz.

Afiliatu kanpotarrak % 12,7 igo dira EAEn, urrian

Afiliatu kanpotarren artean, errumaniarrak, marokoarrak, portugaldarrak, nikaraguarrak, kolonbiarrak eta italiarrak dira nagusi.

Gizarte Segurantzako afiliatu kanpotarrak % 12,75 igo dira urrian, iazko epe berarekin alderatuta.

Batez besteko afiliazioa EAEn urrian % 3,42 igo da, irailekoarekin alderatuta, hau da, 2.136 pertsonek eman dute izena.

Afiliatu kanpotarretatik 40.095 erregimen orokorrean daude, 11.243 etxekoan, 10.446 autonomoak dira, 2.536 laborantza erregimenean daude eta 334 itsasokoan.

Kanpotar orotik, 43.863 afiliatu Europar Batasuneko ez diren herrialdeetakoak dira eta Europar Batasuneko herrialdetakoak 20.791 dira.

Pertsona bat hil eta 44 zauritu dira Bartzelonan, tren bat bidetik aterata

Manresa eta Sant-Vicenç de Calders udalerrien arteko bidea egiten ari zen. Ezbeharra Vacarisses parean gertatu da eta, antza denez, luizi batek eragin du.

Katalunian, gutxienez pertsona bat hil eta 44 arin zauritu dira Vacarisses udalerrian (Bartzelona), bi udalerrien arteko bidea egiten ari zen tren bat bidetik aterata. Guztira, 131 pertsona zihoazen trenean eta horietako 86 onik daude.

Onik erreskatatu dituzten 86 bidaiariak, ostera, Terrassako geltokira eraman dituzte.

Sei bagoiko trena 06:15ean atera da bere bidetik, luizi baten ondorioz. Zehazki, azken bi bagoiak atera dira bidetik.

Generalitateko suhiltzaileak, larrialdietarako zerbitzuetako osasun langileak eta Esquadra Mossoak istripua izan den tokira joan dira, eta suhiltzaileek trena jendez hustu dute.

Ezbeharra izan ondoren, Ferrocat alerta aktibatu dute, hots, bidaiarien garraioari dagokiona.

Renfek bi informazio gune jarri ditu biktimen senideei arreta emateko: bata, Bartzelonako Sants geltokian, eta bestea, Vacarrisses udalerriko kiroldegian.

SEM Larrialdietarako Medikuen Sistemak hainbat psikologo bidali ditu Vacarisses udalerriko kiroldegira, behar dutenei laguntzeko.

Marchena epaileak uko egin dio Botere Judizialaren buru izateari

PSOEk eta PPk joan den astean adostu zuten haren hautagaitza. Gaur, ordea, errefusatu egin du epaileak, bere 'independentzia' aldarrikatuta. Erabakiak aurrez aurre jarri ditu PP eta PSOE.

Manuel Marchena epaile kontserbadoreak uko egin dio Botere Judizialaren Kontseilu Nagusiko (BJKN) eta Auzitegi Goreneko presidente izateari. PSOEk eta PPk joan den astean adostu zuten horren hautagaitza, baina azkenean errefusatu egin du magistratuak. Astearte honetan hedabideetara bidalitako ohar batean, bere "independentzia" aldarrikatu du eta PP-PSOEren ituna baztertu.

Hartara, Marchenak bere karrera judizialean mantendutako "independentzia" aldarrikatu du. Nabarmendu duenez, Auzitegi Gorenean azken urteetan ebatzi ditudanak aztertuta, argi geratzen da ez naizela inoiz politikaren menpe egon", erantsi du.

Marchenaren esanetan, "epaile gisa eduki dudan ibilbidean independentzia izan dut lege".

Lau pertsona hil dira Chicagon, ospitale batean izandako tiroketan

Bi emakume, polizia bat eta erasotzailea hil dira. Ospitaleko aparkalekuan hasi da tiroketa eta barruan izan du jarraipena.

Ameriketako Estatu Batuetan, lau pertsona hil dira astelehen honetan Chicago hiriko Mercy ospitalean izandako tiroketan. Agintarien arabera, bi emakume, polizia bat eta erasotzailea hil dira.

Ospitaleko aparkalekuan hasi da guztia bertan 15:30ak zirenean. CBS telebista kateak jakinarazi duenez, erasotzaileak bere emaztegai ohiari tiro egin dio (Larrialdietako medikua ere bazena) eta hil egin da. Aparkalekutik ospitale barrura sartu da eta han ospitaleko langile bat eta polizia bat hil ditu.

Agenteekin izandako tiroketan erasotzailea bera ere zendu da. Dena den, ez dago argi bere buruaz beste egin duen edo Poliziaren tiro batek harrapatu duen.

NASAk bizi zantzuak bilatuko ditu Marten, antzina laku bat izan zen tokian

Estatu Batuetako Espazio Agentziak 2020an ontzi bat bidaliko du Jezero izena duen krater batera (45 kilometroko diametroa du), bertako haitzen eta lurraren laginak hartzeko.

Ameriketako Estatu Batuetako Espazio Agentziak (NASA) espazio-ontzi bat bidaliko du 2020an Martera, planeta gorrian bizi aztarnak bilatzeko. Zehazki, antzina laku bat izan zena arakatuko du NASAk, noizbait Marten bizi izan ziren organismoen bila. Horretarako, haitzak eta lurraren laginak hartuko dituzte.

NASAn eztabaida bizia izan dute bost urtez, "Mars 2020" misioaren baitan 2020ko uztailean Martera joango den espazio-ontziak non lur hartu behar duen erabakitzeko.

Lur hartzeko balizko 60 toki aztertu ostean, NASAk hartu du erabakia. Espazio-ontziak Jezero izena eta 45 kilometroko diametroa duen krater batean hartuko du lurra. Bertan, lurzoruaren eta harrien laginak hartuko ditu.

"Mars 2020" proiekturako lanean ari den zientzialariak azaldu duenez, krater hori antzina ibai bat zen eta, beraz, litekeena da molekula organikoen zantzuak eta mikrobioak bere baitan gorde izana.

Garai batean lakua izan zenak 250 metroko sakonera zuen. Toki horretan bost haitz mota daude, tartean, buztina, arroka karbonatatua edota arroka bolkanikoak. Azken horiek Marteren eboluzio bolkanikoa ulertzeko pistak eman ditzakete.

Gasteizko ikastetxe bat zigortu dute, ikasle batek tratu txarrak jasan ostean

Gasteizko ikastetxe bat zigortu dute, ikasle ...
Gasteizko ikastetxe bat zigortu dute, ikasle batek tratu txarrak jasan ostean

Epaian zehazten da gazteak ez zuela e...
1:59 min.

Epaian zehazten da gazteak ez zuela eskola-jazarpenik pairatu, beste ikasle baten partetik tratu txarrak jasan zituela baizik.

Lehen Auzialdiko Epaitegi batek 3.000 euroko zigorra ezarri dio Gasteizko ikastetxe bati, adingabe batek eskolan tratu txarrak jasan eta arduradunek “behar besteko neurriak” hartu ez izana egotzita. Izan ere, 6 urteko ikasle ohi baten gurasoek salatu zutenez, ikasle batek tratu txarrak eman zizkion. Alabaina, epaian zehazten da gazteak ez zuela eskola-jazarpenik jasan, beste ikasle baten partetik tratu txarrak pairatu zituela baizik. Medikuek egindako txostenen arabera, adingabeak “eraso bortitzak” jasan zituen beste ikasle baten partetik: “Belarrian kosk egin zion, arkatz bat sartu zion, ostikoak eman zizkion eta ikaskideen aurrean iraindu zuen”. Hala, epaiak dio klasera joan behar zenean horrek guztiak “estutasuna eta beldurra” sortu ziola. Epaitegiaren esanez, adin horretako ikasleekin ez da erraza argitzea eskola-jazarpena izan ote den ala ikasle horrek tratu txarrak jasan dituen. Izan ere, bullying-a izan dela frogatutzat emateko pertsona batek behin eta berriz jasan behar ditu tratu txarrak. Kasu horretan, gainera, erasotzaileak biktima ikaratzeko asmoa du, bestearen kontra indarra erabiliz. Hala, epaiak dioenez, irakasleek ez zuten eskola-jazarpenik hauteman, eta hori ondorioztatzeko bi protokolo jarri zituzten martxan. Gainera, gai horri buruz hitz egiteko bi bilera egin zituzten ikasle horien gurasoekin. Kasu honetan eskola-jazarpenik egon ez zela ondorioztatu ostean, Lehen Auzialdiko Epaitegiak dio ikastetxe horrek beste neurri batzuk hartu behar zituela egoerari irtenbide bat emateko, hala nola, talde-dinamikak eta bakarkako ekintzak. Arrazoi horregatik, ikastetxeak 3.000 euroko kalte-ordaina eman beharko dio biktimari, gurasoek 13.481 euro eskatu zituzten arren. Izan ere, gaztea psikologoarengana eraman zutenerako, ikastetxez aldatu zuten, eta egoera bestelakoa zen jada.

2018/11/20

Droga ekoitzi eta Balmasedan laborategi bat jarri nahi zuen talde bat desegin dute

Droga ekoitzi eta Balmasedan laborategi bat j...
Droga ekoitzi eta Balmasedan laborategi bat jarri nahi zuen talde bat desegin dute

'Speed'a egiteko erabiltzen zuten oli...
1:10 min.

'Speed'a egiteko erabiltzen zuten olioa aurkitu du Poliziak, lore kargamentu batean ezkutatuta. Olio horrek tratamendua jasoz gero, 200 kilo speed lortuko lituzkete atxilotuek.

Speeda dosi masiboetan ekoizteko erabiltzen den olioa atzeman du, aurrenekoz, Polizia Nazionalaren operazio batek. Hain zuzen ere, 52 litro olio aurkitu dituzte lore kargamentu batean. Horrek esan nahi du, olio horri tratamendua eginez gero, 200 kilo speed lortuko lituzkeela droga ekoizteaz arduratzen zen atxilotutako lagun taldeak. Polizia Nazionalaren Zuzendaritza Nagusiak jakinarazi duenez, guztira bederatzi lagun atxilotu dituzte, horietako lau Bilbon. Atxilotuen artean aipatu drogaren hornitzaileak eta banatzaileak daude, baita tratamenduaz arduratzen diren pertsonak ere. Atxilotuen asmoa zen Balmasedan laborategi bat jartzea, droga mota horren tratamendurako. Horrekin, lurralde osoan zehar zabaldu nahi zuten speeda, modu azkarrean. Duela sei hilabete inguru abiatu zuen Polizia Nazionalak Jardin operazioa. Bereziki, drogarekin trafikatzen zuten bi lagun zituzten jomugan agenteek. Hortik abiatuta, poliziek ondorioztatu zuten talde handi bat zegoela trafikatzaile horien atzean. Herbehereetatik Bizkaira egiten zituzten bidalketak, aldiro. Behin kargamentua Euskal Herrira helduta, banatzaile talde bat arduratzen zen olioa leku ezberdinetara bideratzeaz.

2018/11/20

Afiliatu kanpotarrak % 12,7 igo dira EAEn, urrian

Afiliatu kanpotarrak % 12,7 igo dira EAEn, ur...
Afiliatu kanpotarrak % 12,7 igo dira EAEn, urrian

Afiliatu kanpotarren artean, errumani...
0:52 min.

Afiliatu kanpotarren artean, errumaniarrak, marokoarrak, portugaldarrak, nikaraguarrak, kolonbiarrak eta italiarrak dira nagusi.

Gizarte Segurantzako afiliatu kanpotarrak % 12,75 igo dira urrian, iazko epe berarekin alderatuta. Batez besteko afiliazioa EAEn urrian % 3,42 igo da, irailekoarekin alderatuta, hau da, 2.136 pertsonek eman dute izena. Afiliatu kanpotarretatik 40.095 erregimen orokorrean daude, 11.243 etxekoan, 10.446 autonomoak dira, 2.536 laborantza erregimenean daude eta 334 itsasokoan. Kanpotar orotik, 43.863 afiliatu Europar Batasuneko ez diren herrialdeetakoak dira eta Europar Batasuneko herrialdetakoak 20.791 dira.

2018/11/20

Pertsona bat hil eta 44 zauritu dira Bartzelonan, tren bat bidetik aterata

Pertsona bat hil eta 44 zauritu dira Bartzelo...
Pertsona bat hil eta 44 zauritu dira Bartzelonan, tren bat bidetik aterata

Manresa eta Sant-Vicenç de Calders ud...
1:26 min.

Manresa eta Sant-Vicenç de Calders udalerrien arteko bidea egiten ari zen. Ezbeharra Vacarisses parean gertatu da eta, antza denez, luizi batek eragin du.

Katalunian, gutxienez pertsona bat hil eta 44 arin zauritu dira Vacarisses udalerrian (Bartzelona), bi udalerrien arteko bidea egiten ari zen tren bat bidetik aterata. Guztira, 131 pertsona zihoazen trenean eta horietako 86 onik daude. Onik erreskatatu dituzten 86 bidaiariak, ostera, Terrassako geltokira eraman dituzte. Sei bagoiko trena 06:15ean atera da bere bidetik, luizi baten ondorioz. Zehazki, azken bi bagoiak atera dira bidetik. Generalitateko suhiltzaileak, larrialdietarako zerbitzuetako osasun langileak eta Esquadra Mossoak istripua izan den tokira joan dira, eta suhiltzaileek trena jendez hustu dute. Ezbeharra izan ondoren, Ferrocat alerta aktibatu dute, hots, bidaiarien garraioari dagokiona. Renfek bi informazio gune jarri ditu biktimen senideei arreta emateko: bata, Bartzelonako Sants geltokian, eta bestea, Vacarrisses udalerriko kiroldegian. SEM Larrialdietarako Medikuen Sistemak hainbat psikologo bidali ditu Vacarisses udalerriko kiroldegira, behar dutenei laguntzeko.

2018/11/20

Marchena epaileak uko egin dio Botere Judizialaren buru izateari

Marchena epaileak uko egin dio Botere Judizia...
Marchena epaileak uko egin dio Botere Judizialaren buru izateari

PSOEk eta PPk joan den astean adostu ...
0:52 min.

PSOEk eta PPk joan den astean adostu zuten haren hautagaitza. Gaur, ordea, errefusatu egin du epaileak, bere 'independentzia' aldarrikatuta. Erabakiak aurrez aurre jarri ditu PP eta PSOE.

Manuel Marchena epaile kontserbadoreak uko egin dio Botere Judizialaren Kontseilu Nagusiko (BJKN) eta Auzitegi Goreneko presidente izateari. PSOEk eta PPk joan den astean adostu zuten horren hautagaitza, baina azkenean errefusatu egin du magistratuak. Astearte honetan hedabideetara bidalitako ohar batean, bere "independentzia" aldarrikatu du eta PP-PSOEren ituna baztertu. Hartara, Marchenak bere karrera judizialean mantendutako "independentzia" aldarrikatu du. Nabarmendu duenez, Auzitegi Gorenean azken urteetan ebatzi ditudanak aztertuta, argi geratzen da ez naizela inoiz politikaren menpe egon", erantsi du. Marchenaren esanetan, "epaile gisa eduki dudan ibilbidean independentzia izan dut lege".

2018/11/20

Lau pertsona hil dira Chicagon, ospitale batean izandako tiroketan

Lau pertsona hil dira Chicagon, ospitale bate...
Lau pertsona hil dira Chicagon, ospitale batean izandako tiroketan

Bi emakume, polizia bat eta erasotzai...
0:56 min.

Bi emakume, polizia bat eta erasotzailea hil dira. Ospitaleko aparkalekuan hasi da tiroketa eta barruan izan du jarraipena.

Ameriketako Estatu Batuetan, lau pertsona hil dira astelehen honetan Chicago hiriko Mercy ospitalean izandako tiroketan. Agintarien arabera, bi emakume, polizia bat eta erasotzailea hil dira. Ospitaleko aparkalekuan hasi da guztia bertan 15:30ak zirenean. CBS telebista kateak jakinarazi duenez, erasotzaileak bere emaztegai ohiari tiro egin dio (Larrialdietako medikua ere bazena) eta hil egin da. Aparkalekutik ospitale barrura sartu da eta han ospitaleko langile bat eta polizia bat hil ditu. Agenteekin izandako tiroketan erasotzailea bera ere zendu da. Dena den, ez dago argi bere buruaz beste egin duen edo Poliziaren tiro batek harrapatu duen.

2018/11/20

NASAk bizi zantzuak bilatuko ditu Marten, antzina laku bat izan zen tokian

NASAk bizi zantzuak bilatuko ditu Marten, ant...
NASAk bizi zantzuak bilatuko ditu Marten, antzina laku bat izan zen tokian

Estatu Batuetako Espazio Agentziak 20...
1:51 min.

Estatu Batuetako Espazio Agentziak 2020an ontzi bat bidaliko du Jezero izena duen krater batera (45 kilometroko diametroa du), bertako haitzen eta lurraren laginak hartzeko.

Ameriketako Estatu Batuetako Espazio Agentziak (NASA) espazio-ontzi bat bidaliko du 2020an Martera, planeta gorrian bizi aztarnak bilatzeko. Zehazki, antzina laku bat izan zena arakatuko du NASAk, noizbait Marten bizi izan ziren organismoen bila. Horretarako, haitzak eta lurraren laginak hartuko dituzte. NASAn eztabaida bizia izan dute bost urtez, "Mars 2020" misioaren baitan 2020ko uztailean Martera joango den espazio-ontziak non lur hartu behar duen erabakitzeko. Lur hartzeko balizko 60 toki aztertu ostean, NASAk hartu du erabakia. Espazio-ontziak Jezero izena eta 45 kilometroko diametroa duen krater batean hartuko du lurra. Bertan, lurzoruaren eta harrien laginak hartuko ditu. "Mars 2020" proiekturako lanean ari den zientzialariak azaldu duenez, krater hori antzina ibai bat zen eta, beraz, litekeena da molekula organikoen zantzuak eta mikrobioak bere baitan gorde izana. Garai batean lakua izan zenak 250 metroko sakonera zuen. Toki horretan bost haitz mota daude, tartean, buztina, arroka karbonatatua edota arroka bolkanikoak. Azken horiek Marteren eboluzio bolkanikoa ulertzeko pistak eman ditzakete.

2018/11/20

Azaroa 2018
AAAOOLI
 1234
567891011
12131415161718
19202122232425
2627282930 
Urria 2018
AAAOOLI
1234567
891011121314
15161718192021
22232425262728
293031 

        2018-10-29ko bideoen artxiboa

Iztueta:

Iztueta: 'Araudia errespetatuz esleitu zen es...
Iztueta: 'Araudia errespetatuz esleitu zen eskola jantokien zerbitzua'

Eskola jantokietako iruzurra aztertze...
1:42 min.

Eskola jantokietako iruzurra aztertzeko Eusko Legebiltzarrean sortu zen batzordeak ardura politikorik egon ote zen argitu beharko du.

Eskola jantokietako iruzurra aztertzeko Eusko Legebiltzarrean sortu zen ikerketa batzordean, 2003tik Eusko Jaurlaritzako Hezkuntza sailburu izan diren guztiek deklaratuko dute gaur. Anjeles Iztueta Eusko Jaurlaritzako Hezkuntza sailburu ohiaren esanetan, eskola jantokietako zerbitzua araudia errespetatuz esleitu zen. 2001 eta 2005 bitartean Hezkuntza sailburu izan zenak azpimarratu duenez, "kontzientzia lasai" dauka, eta kontratu publikoen esleipenari buruzko azken hitza Kontratazio Batzordeak eta Batzorde Juridikoak zuten. Lehenengoa Ogasun Sailaren menpekoa zen, eta bigarrena, ostera, Lehendakariordetzaren baitan zegoen. Gaur goizean ekin dio lanari aipaturiko ikerketa batzordeak, eta 2003tik 2015era bitartean Euskal Autonomia Erkidegoko (EAE) eskola publikoetako jantokietako zerbitzuaren prezioa adostu eta garestitu izanaren atzean ardura politikoak ote dauden argitu nahi du. Anjeles Iztuetarekin batera, azken hiru Hezkuntza sailburuak izango dira Legebiltzarrean: Cristina Uriarte, Isabel Celaa eta Tontxu Campos. EAEko Justizia Auzitegi Nagusiak zazpi milioi euroko zigorra ezarri zien EAEko eskoletan jantoki zerbitzua ematen zuten hainbat enpresari 2003 eta 2015 bitartean prezioak adostu eta zerbitzua garestitzeagatik.

Eibar Ospitale berriak Debabarreneko 75.000 biztanle artatuko ditu gaurtik

Eibar Ospitale berriak Debabarreneko 75.000 b...
Eibar Ospitale berriak Debabarreneko 75.000 biztanle artatuko ditu gaurtik

Mendarokoak jarraituko du erreferentz...
0:58 min.

Mendarokoak jarraituko du erreferentziako ospitalea izaten, baina Eibar Ospitalea hurbilago egongo da, eta osasun-zerbitzu berriak eskainiko ditu.

Eibar Ospitale berria gaur (astelehena) hasi da martxan Debabarreneko osasun arreta hobetzeko 27 milioi euroko inbertsioa egin ondoren. Ospitaleak 21.000 metro koadro ditu, eta Lehen Mailako Arreta (familia-medikuntza eta pediatria), Osasun Mentala, Erradiodiagnosi eta Errehabilitazio zerbitzuak eskainiko dizkie eskualdeko 75.000 biztanleei. Zehazki, ospitale berriko zerbitzuetan 31 milioi euro inbertitu dira: 27 milioi obretan eta 4 milioi ekipamenduan. Zerbitzu horiek urtean 7,3 milioi euroko aurrekontua izango dute, eta 75.000 lagunetik gora artatu ahal izango dituzte. Erreferentziako ospitalea Mendarokoa izango da oraindik, baina Eibar Ospitalea hurbilago izango dute erabiltzaile askok, eta osasun-zerbitzu berriak eskainiko ditu. 200 profesionaletik gora izango dira bertan lanean, eta 97 lanpostu berri sortu dira postu horiek betetzeko.

Urtero 5.000 iktus kasu izaten dira EAEn

Urtero 5.000 iktus kasu izaten dira EAEn...
Urtero 5.000 iktus kasu izaten dira EAEn

Gizonezkoen artean heriotza gehien er...
1:52 min.

Gizonezkoen artean heriotza gehien eragiten duen bigarren arrazoia da; emakumezkoen artean, berriz, lehena. 60 urtetik aurrera, gaixotasun hori pairatzeko arriskua askoz handiagoa da.

Urtero 5.000 iktus kasu izaten dira Euskal Autonomia Erkidegoan. Horrek esan nahi du gizonezkoen artean heriotza gehien eragiten duen bigarren arrazoia dela; emakumezkoen artean, berriz, lehena, Espainiako Neurologia Elkarteak zabaldutako datuek erakusten dutenez. Iktusaren Nazioarteko Eguna dela eta, aipatu elkarteak ohar baten bidez jakinarazi du Estatuan 27.000 lagun hiltzen direla urtero iktusak jota; horietatik 1.300, EAEn. Adin guztietako pertsonek jasan dezakete gaixotasuna, baina 60 urtetik gorakoek arrisku askoz handiagoa dute. Gainera, aurreikusitakoaren arabera, hurrengo 25 urteetan % 27ko hazkundea izango dute iktus kasuek, Osasunaren Munduko Erakundearen arabera. Neurologia Elkarteak gogora ekarri duenez, iktusa jasan eta gutxira artatu dituzten gaixoen kasuan, hiltzeko edota desgaitasun larri bat pairatzeko aukera erdira murrizten da. Gainera, azken urteotan neurri terapeutiko berriak erabiltzen ari dira, besteak beste, tronbolisia eta tronbektomia mekanikoa. Tratamendu horiek hasierako orduetan emanez gero, "errazago" sendatuko da gaixoa. Bat-batean indarra galtzea, aurpegian, besoetan edo hanketan inurridura sentitzea, sentikortasuna ustekabean galtzea, ikusmen gabe geratzea eta hitz egiteko arazoak edukitzea dira gaixotasun honen sintometako batzuk.

Aurrekontuen inguruan

Aurrekontuen inguruan 'hitz egiten jarraitzea...
Aurrekontuen inguruan 'hitz egiten jarraitzea' adostu dute EAJk eta EH Bilduk

Arnaldo Otegi EH Bilduko koordinatzai...
2:04 min.

Arnaldo Otegi EH Bilduko koordinatzaile nagusiak nabarmendu duenez, 'zailtasun batzuk azaldu diren arren, aukera paregabea daukagu aurrekontu sozial batzuk izateko'.

"Hitz egiten jarraituko dugu". Halaxe laburbildu du Arnaldo Otegi EH Bilduko koordinatzaile nagusiak EAJko ordezkaritza batekin gaur 2019ko Aurrekontuen inguruan izan duten bileraren emaitza. Eusko Jaurlaritza osatzen duten bi alderdiek, EAJk eta PSE-EEk, gutxienez beste alderdi baten babesa behar dute EAEko kontuak aurrera ateratzeko. Bilera Sabin Etxean egin dute bi alderdiek. Koalizio subiranistaren izenean Arnaldo Otegi, Maddalen Iriarte eta Nerea Kortajarena izan dira. Batzar horren ondotik, Pedro Azpiazu Ogasun sailburuarekin ere batzartuko direla iragarri du Otegik. Era berean, Azpiazuk egindako adierazpenak kritikatu ditu Otegik. Sailburuaren arabera, "ez da bideragarria" pentsio baxuenak konpentsatzeko koalizioak proposatutako 350 milioi erabiltzea. Otegik gogorarazi duenez, "urtero dirutza hori baino gehiago bideratzen dute zorra ordaintzeko. EAE gutxien zorpetutako Estatuko erkidegoa da". Koalizioak aurrekontuetarako proposamena aurkeztu die jeltzaleei. Proposatutakoak 420 milioi euroko inbertsioa dakar. 350 milioi euro "pentsiorik baxuenak dituztenen bizi-baldintzak hobetzera" daude zuzenduta, eta beste 70 milioi euro, "kalitatezko" enplegua sortzera, "prekarietate handiena bizitzen ari direnei" arreta berezia eskainiz, hau da, "emakumeei, gazteei eta epe luzeko langabeei".

188 pertsona zeramatzan hegazkin bat erori da Javako itsasoan

188 pertsona zeramatzan hegazkin bat erori da...
188 pertsona zeramatzan hegazkin bat erori da Javako itsasoan

Jakartako aireportutik irten eta 13 m...
1:45 min.

Jakartako aireportutik irten eta 13 minutura Lion Air konpainiako hegazkina radarretatik desagertu egin da. Larrialdi zerbitzuek hegazkinarenak izan daitezkeen zatiak aurkitu dituzte itsasoan.

Indonesian, Lion Air koste baxuko konpainiaren hegazkin bat Javako itsasoan erori da, Jakartako aireportutik irten eta minutu gutxira, Indonesiako agintariek baiezta dutenez. 188 pertsona zihoazen barruan: 181 bidaiari eta tripulazioko zazpi kide. Boeing 737 motako hegazkina aireratu eta 13 minutura radarretatik desagertu egin da. Pangkal Pinang hiria zuen helmuga. Agintarien arabera, itsasora erori aurretik, pilotuak Jakartako hiriburura itzultzeko baimena eskatu zuen. Radarretatik desagertu den unean hegazkina Javako itsasoa zeharkatzen ari zen, Indonesiako larrialdi agentziako zuzendariak Jakartan eskainitako prentsaurrekoan adierazi duenez. Hegazkinean 181 bidaiari (tartean mutiko bat eta bi haurtxo) eta tripulazioko bost kide zihoazen (bi pilotu eta hegazkineko bost laguntzaile), zenbaki ofizialen arabera. Dena den, beste iturri batzuen arabera, sei ziren hegazkineko laguntzaileak eta, beraz, 189 pertsona zeuden hegazkin barruan. Larrialdi zerbitzuetako bozeramaileak Twitter bidez berri eman duenez, hegazkinarenak izan daitezkeen zatiak aurkitu dituzte: fuselaje zatiak, eserlekuak, bidaiarien objektu pertsonalak eta abar. Salbamentu taldeetako kideak, itsasontziak eta helikopteroak lagun, Javako itsasoan lanean ari dira hegazkin-istriputik bizirik atera zitezkeen pertsonen bila. Halaber, aparatuko kutxa beltzen bila ere ari dira.

Bolsonaro ultraeskuindarra, Brasilgo presidente berria botoen % 55ekin

Bolsonaro ultraeskuindarra, Brasilgo presiden...
Bolsonaro ultraeskuindarra, Brasilgo presidente berria botoen % 55ekin

Fernando Haddad ezkertiarrak ezin iza...
2:01 min.

Fernando Haddad ezkertiarrak ezin izan ditu inkestek aurreikusitako emaitzak irauli, eta botoen % 44 eskuratu du.

Jair Bolsonaro ultraeskuindarrak irabazi ditu Brasilgo Presidentetzarako hauteskundeak, boto guztiak zenbatuta botoen % 55,13 eskuratu baitu. Presidente hautatu berriak Michel Temerren lekukoa hartuko du urtarrilaren 1ean, eta 2022ra arte izango da Brasilgo presidentea. Emaitza ofizialen arabera, Fernando Haddad ezkertiarrak, Langileen Alderdiko hautagaiak (PT), botoen % 44,87 eskuratu du. PSL Alderdi Sozial Liberaleko hautagaia Brasilgo diktadura militarraren (1964-1985) defendatzailea da, eta adierazpen arrazista, matxista eta homofoboak egin ditu hauteskunde kanpainan. Dena dela, aurreikuspenak bete dira, eta garaipena lortu du, hautagai ezkertiarrari hamar puntuko aldea aterata. Garaipenaren berri jasotakoan egin duen hitzaldian, Konstituzioa, demokrazia eta askatasuna defendatuko dituela hitzeman du Bolsonarok. "Ez da alderdi baten hitza, Jainkoaren aurrean egindako juramentua baizik", adierazi du. Fernando Haddad hautagai ezkertiarrak porrota onartu du, eta oposizioa egiteko "erantzukizuna" onartu du. Amaitzeko, eskerrak eman dizkie babesa eman dioten 45 milioi herritarrei, eta herrialdearen zati hori errespetatzea eskatu du. Guztira, 147 milioi brasildar zeuden botoa ematera deituta. Herrialdeko presidente berria ez ezik, gobernadoreak ere aukeratu dituzte 27 estatuetako 14tan.