Zeinu Hizkuntza kurtsoak

Gasteizko ikastetxe bat zigortu dute, ikasle batek tratu txarrak jasan ostean

Epaian zehazten da gazteak ez zuela eskola-jazarpenik pairatu, beste ikasle baten partetik tratu txarrak jasan zituela baizik.

Lehen Auzialdiko Epaitegi batek 3.000 euroko zigorra ezarri dio Gasteizko ikastetxe bati, adingabe batek eskolan tratu txarrak jasan eta arduradunek “behar besteko neurriak” hartu ez izana egotzita. Izan ere, 6 urteko ikasle ohi baten gurasoek salatu zutenez, ikasle batek tratu txarrak eman zizkion. Alabaina, epaian zehazten da gazteak ez zuela eskola-jazarpenik jasan, beste ikasle baten partetik tratu txarrak pairatu zituela baizik.

Medikuek egindako txostenen arabera, adingabeak “eraso bortitzak” jasan zituen beste ikasle baten partetik: “Belarrian kosk egin zion, arkatz bat sartu zion, ostikoak eman zizkion eta ikaskideen aurrean iraindu zuen”. Hala, epaiak dio klasera joan behar zenean horrek guztiak “estutasuna eta beldurra” sortu ziola.

Epaitegiaren esanez, adin horretako ikasleekin ez da erraza argitzea eskola-jazarpena izan ote den ala ikasle horrek tratu txarrak jasan dituen. Izan ere, bullying-a izan dela frogatutzat emateko pertsona batek behin eta berriz jasan behar ditu tratu txarrak. Kasu horretan, gainera, erasotzaileak biktima ikaratzeko asmoa du, bestearen kontra indarra erabiliz.

Hala, epaiak dioenez, irakasleek ez zuten eskola-jazarpenik hauteman, eta hori ondorioztatzeko bi protokolo jarri zituzten martxan. Gainera, gai horri buruz hitz egiteko bi bilera egin zituzten ikasle horien gurasoekin.

Kasu honetan eskola-jazarpenik egon ez zela ondorioztatu ostean, Lehen Auzialdiko Epaitegiak dio ikastetxe horrek beste neurri batzuk hartu behar zituela egoerari irtenbide bat emateko, hala nola, talde-dinamikak eta bakarkako ekintzak.

Arrazoi horregatik, ikastetxeak 3.000 euroko kalte-ordaina eman beharko dio biktimari, gurasoek 13.481 euro eskatu zituzten arren. Izan ere, gaztea psikologoarengana eraman zutenerako, ikastetxez aldatu zuten, eta egoera bestelakoa zen jada.

Droga ekoitzi eta Balmasedan laborategi bat jarri nahi zuen talde bat desegin dute

'Speed'a egiteko erabiltzen zuten olioa aurkitu du Poliziak, lore kargamentu batean ezkutatuta. Olio horrek tratamendua jasoz gero, 200 kilo speed lortuko lituzkete atxilotuek.

Speeda dosi masiboetan ekoizteko erabiltzen den olioa atzeman du, aurrenekoz, Polizia Nazionalaren operazio batek. Hain zuzen ere, 52 litro olio aurkitu dituzte lore kargamentu batean. Horrek esan nahi du, olio horri tratamendua eginez gero, 200 kilo speed lortuko lituzkeela droga ekoizteaz arduratzen zen atxilotutako lagun taldeak.

Polizia Nazionalaren Zuzendaritza Nagusiak jakinarazi duenez, guztira bederatzi lagun atxilotu dituzte, horietako lau Bilbon. Atxilotuen artean aipatu drogaren hornitzaileak eta banatzaileak daude, baita tratamenduaz arduratzen diren pertsonak ere.

Atxilotuen asmoa zen Balmasedan laborategi bat jartzea, droga mota horren tratamendurako. Horrekin, lurralde osoan zehar zabaldu nahi zuten speeda, modu azkarrean.

Duela sei hilabete inguru abiatu zuen Polizia Nazionalak Jardin operazioa. Bereziki, drogarekin trafikatzen zuten bi lagun zituzten jomugan agenteek.

Hortik abiatuta, poliziek ondorioztatu zuten talde handi bat zegoela trafikatzaile horien atzean. Herbehereetatik Bizkaira egiten zituzten bidalketak, aldiro. Behin kargamentua Euskal Herrira helduta, banatzaile talde bat arduratzen zen olioa leku ezberdinetara bideratzeaz.

Afiliatu kanpotarrak % 12,7 igo dira EAEn, urrian

Afiliatu kanpotarren artean, errumaniarrak, marokoarrak, portugaldarrak, nikaraguarrak, kolonbiarrak eta italiarrak dira nagusi.

Gizarte Segurantzako afiliatu kanpotarrak % 12,75 igo dira urrian, iazko epe berarekin alderatuta.

Batez besteko afiliazioa EAEn urrian % 3,42 igo da, irailekoarekin alderatuta, hau da, 2.136 pertsonek eman dute izena.

Afiliatu kanpotarretatik 40.095 erregimen orokorrean daude, 11.243 etxekoan, 10.446 autonomoak dira, 2.536 laborantza erregimenean daude eta 334 itsasokoan.

Kanpotar orotik, 43.863 afiliatu Europar Batasuneko ez diren herrialdeetakoak dira eta Europar Batasuneko herrialdetakoak 20.791 dira.

Pertsona bat hil eta 44 zauritu dira Bartzelonan, tren bat bidetik aterata

Manresa eta Sant-Vicenç de Calders udalerrien arteko bidea egiten ari zen. Ezbeharra Vacarisses parean gertatu da eta, antza denez, luizi batek eragin du.

Katalunian, gutxienez pertsona bat hil eta 44 arin zauritu dira Vacarisses udalerrian (Bartzelona), bi udalerrien arteko bidea egiten ari zen tren bat bidetik aterata. Guztira, 131 pertsona zihoazen trenean eta horietako 86 onik daude.

Onik erreskatatu dituzten 86 bidaiariak, ostera, Terrassako geltokira eraman dituzte.

Sei bagoiko trena 06:15ean atera da bere bidetik, luizi baten ondorioz. Zehazki, azken bi bagoiak atera dira bidetik.

Generalitateko suhiltzaileak, larrialdietarako zerbitzuetako osasun langileak eta Esquadra Mossoak istripua izan den tokira joan dira, eta suhiltzaileek trena jendez hustu dute.

Ezbeharra izan ondoren, Ferrocat alerta aktibatu dute, hots, bidaiarien garraioari dagokiona.

Renfek bi informazio gune jarri ditu biktimen senideei arreta emateko: bata, Bartzelonako Sants geltokian, eta bestea, Vacarrisses udalerriko kiroldegian.

SEM Larrialdietarako Medikuen Sistemak hainbat psikologo bidali ditu Vacarisses udalerriko kiroldegira, behar dutenei laguntzeko.

Marchena epaileak uko egin dio Botere Judizialaren buru izateari

PSOEk eta PPk joan den astean adostu zuten haren hautagaitza. Gaur, ordea, errefusatu egin du epaileak, bere 'independentzia' aldarrikatuta. Erabakiak aurrez aurre jarri ditu PP eta PSOE.

Manuel Marchena epaile kontserbadoreak uko egin dio Botere Judizialaren Kontseilu Nagusiko (BJKN) eta Auzitegi Goreneko presidente izateari. PSOEk eta PPk joan den astean adostu zuten horren hautagaitza, baina azkenean errefusatu egin du magistratuak. Astearte honetan hedabideetara bidalitako ohar batean, bere "independentzia" aldarrikatu du eta PP-PSOEren ituna baztertu.

Hartara, Marchenak bere karrera judizialean mantendutako "independentzia" aldarrikatu du. Nabarmendu duenez, Auzitegi Gorenean azken urteetan ebatzi ditudanak aztertuta, argi geratzen da ez naizela inoiz politikaren menpe egon", erantsi du.

Marchenaren esanetan, "epaile gisa eduki dudan ibilbidean independentzia izan dut lege".

Lau pertsona hil dira Chicagon, ospitale batean izandako tiroketan

Bi emakume, polizia bat eta erasotzailea hil dira. Ospitaleko aparkalekuan hasi da tiroketa eta barruan izan du jarraipena.

Ameriketako Estatu Batuetan, lau pertsona hil dira astelehen honetan Chicago hiriko Mercy ospitalean izandako tiroketan. Agintarien arabera, bi emakume, polizia bat eta erasotzailea hil dira.

Ospitaleko aparkalekuan hasi da guztia bertan 15:30ak zirenean. CBS telebista kateak jakinarazi duenez, erasotzaileak bere emaztegai ohiari tiro egin dio (Larrialdietako medikua ere bazena) eta hil egin da. Aparkalekutik ospitale barrura sartu da eta han ospitaleko langile bat eta polizia bat hil ditu.

Agenteekin izandako tiroketan erasotzailea bera ere zendu da. Dena den, ez dago argi bere buruaz beste egin duen edo Poliziaren tiro batek harrapatu duen.

NASAk bizi zantzuak bilatuko ditu Marten, antzina laku bat izan zen tokian

Estatu Batuetako Espazio Agentziak 2020an ontzi bat bidaliko du Jezero izena duen krater batera (45 kilometroko diametroa du), bertako haitzen eta lurraren laginak hartzeko.

Ameriketako Estatu Batuetako Espazio Agentziak (NASA) espazio-ontzi bat bidaliko du 2020an Martera, planeta gorrian bizi aztarnak bilatzeko. Zehazki, antzina laku bat izan zena arakatuko du NASAk, noizbait Marten bizi izan ziren organismoen bila. Horretarako, haitzak eta lurraren laginak hartuko dituzte.

NASAn eztabaida bizia izan dute bost urtez, "Mars 2020" misioaren baitan 2020ko uztailean Martera joango den espazio-ontziak non lur hartu behar duen erabakitzeko.

Lur hartzeko balizko 60 toki aztertu ostean, NASAk hartu du erabakia. Espazio-ontziak Jezero izena eta 45 kilometroko diametroa duen krater batean hartuko du lurra. Bertan, lurzoruaren eta harrien laginak hartuko ditu.

"Mars 2020" proiekturako lanean ari den zientzialariak azaldu duenez, krater hori antzina ibai bat zen eta, beraz, litekeena da molekula organikoen zantzuak eta mikrobioak bere baitan gorde izana.

Garai batean lakua izan zenak 250 metroko sakonera zuen. Toki horretan bost haitz mota daude, tartean, buztina, arroka karbonatatua edota arroka bolkanikoak. Azken horiek Marteren eboluzio bolkanikoa ulertzeko pistak eman ditzakete.

Gasteizko ikastetxe bat zigortu dute, ikasle batek tratu txarrak jasan ostean

Gasteizko ikastetxe bat zigortu dute, ikasle ...
Gasteizko ikastetxe bat zigortu dute, ikasle batek tratu txarrak jasan ostean

Epaian zehazten da gazteak ez zuela e...
1:59 min.

Epaian zehazten da gazteak ez zuela eskola-jazarpenik pairatu, beste ikasle baten partetik tratu txarrak jasan zituela baizik.

Lehen Auzialdiko Epaitegi batek 3.000 euroko zigorra ezarri dio Gasteizko ikastetxe bati, adingabe batek eskolan tratu txarrak jasan eta arduradunek “behar besteko neurriak” hartu ez izana egotzita. Izan ere, 6 urteko ikasle ohi baten gurasoek salatu zutenez, ikasle batek tratu txarrak eman zizkion. Alabaina, epaian zehazten da gazteak ez zuela eskola-jazarpenik jasan, beste ikasle baten partetik tratu txarrak pairatu zituela baizik. Medikuek egindako txostenen arabera, adingabeak “eraso bortitzak” jasan zituen beste ikasle baten partetik: “Belarrian kosk egin zion, arkatz bat sartu zion, ostikoak eman zizkion eta ikaskideen aurrean iraindu zuen”. Hala, epaiak dio klasera joan behar zenean horrek guztiak “estutasuna eta beldurra” sortu ziola. Epaitegiaren esanez, adin horretako ikasleekin ez da erraza argitzea eskola-jazarpena izan ote den ala ikasle horrek tratu txarrak jasan dituen. Izan ere, bullying-a izan dela frogatutzat emateko pertsona batek behin eta berriz jasan behar ditu tratu txarrak. Kasu horretan, gainera, erasotzaileak biktima ikaratzeko asmoa du, bestearen kontra indarra erabiliz. Hala, epaiak dioenez, irakasleek ez zuten eskola-jazarpenik hauteman, eta hori ondorioztatzeko bi protokolo jarri zituzten martxan. Gainera, gai horri buruz hitz egiteko bi bilera egin zituzten ikasle horien gurasoekin. Kasu honetan eskola-jazarpenik egon ez zela ondorioztatu ostean, Lehen Auzialdiko Epaitegiak dio ikastetxe horrek beste neurri batzuk hartu behar zituela egoerari irtenbide bat emateko, hala nola, talde-dinamikak eta bakarkako ekintzak. Arrazoi horregatik, ikastetxeak 3.000 euroko kalte-ordaina eman beharko dio biktimari, gurasoek 13.481 euro eskatu zituzten arren. Izan ere, gaztea psikologoarengana eraman zutenerako, ikastetxez aldatu zuten, eta egoera bestelakoa zen jada.

2018/11/20

Droga ekoitzi eta Balmasedan laborategi bat jarri nahi zuen talde bat desegin dute

Droga ekoitzi eta Balmasedan laborategi bat j...
Droga ekoitzi eta Balmasedan laborategi bat jarri nahi zuen talde bat desegin dute

'Speed'a egiteko erabiltzen zuten oli...
1:10 min.

'Speed'a egiteko erabiltzen zuten olioa aurkitu du Poliziak, lore kargamentu batean ezkutatuta. Olio horrek tratamendua jasoz gero, 200 kilo speed lortuko lituzkete atxilotuek.

Speeda dosi masiboetan ekoizteko erabiltzen den olioa atzeman du, aurrenekoz, Polizia Nazionalaren operazio batek. Hain zuzen ere, 52 litro olio aurkitu dituzte lore kargamentu batean. Horrek esan nahi du, olio horri tratamendua eginez gero, 200 kilo speed lortuko lituzkeela droga ekoizteaz arduratzen zen atxilotutako lagun taldeak. Polizia Nazionalaren Zuzendaritza Nagusiak jakinarazi duenez, guztira bederatzi lagun atxilotu dituzte, horietako lau Bilbon. Atxilotuen artean aipatu drogaren hornitzaileak eta banatzaileak daude, baita tratamenduaz arduratzen diren pertsonak ere. Atxilotuen asmoa zen Balmasedan laborategi bat jartzea, droga mota horren tratamendurako. Horrekin, lurralde osoan zehar zabaldu nahi zuten speeda, modu azkarrean. Duela sei hilabete inguru abiatu zuen Polizia Nazionalak Jardin operazioa. Bereziki, drogarekin trafikatzen zuten bi lagun zituzten jomugan agenteek. Hortik abiatuta, poliziek ondorioztatu zuten talde handi bat zegoela trafikatzaile horien atzean. Herbehereetatik Bizkaira egiten zituzten bidalketak, aldiro. Behin kargamentua Euskal Herrira helduta, banatzaile talde bat arduratzen zen olioa leku ezberdinetara bideratzeaz.

2018/11/20

Afiliatu kanpotarrak % 12,7 igo dira EAEn, urrian

Afiliatu kanpotarrak % 12,7 igo dira EAEn, ur...
Afiliatu kanpotarrak % 12,7 igo dira EAEn, urrian

Afiliatu kanpotarren artean, errumani...
0:52 min.

Afiliatu kanpotarren artean, errumaniarrak, marokoarrak, portugaldarrak, nikaraguarrak, kolonbiarrak eta italiarrak dira nagusi.

Gizarte Segurantzako afiliatu kanpotarrak % 12,75 igo dira urrian, iazko epe berarekin alderatuta. Batez besteko afiliazioa EAEn urrian % 3,42 igo da, irailekoarekin alderatuta, hau da, 2.136 pertsonek eman dute izena. Afiliatu kanpotarretatik 40.095 erregimen orokorrean daude, 11.243 etxekoan, 10.446 autonomoak dira, 2.536 laborantza erregimenean daude eta 334 itsasokoan. Kanpotar orotik, 43.863 afiliatu Europar Batasuneko ez diren herrialdeetakoak dira eta Europar Batasuneko herrialdetakoak 20.791 dira.

2018/11/20

Pertsona bat hil eta 44 zauritu dira Bartzelonan, tren bat bidetik aterata

Pertsona bat hil eta 44 zauritu dira Bartzelo...
Pertsona bat hil eta 44 zauritu dira Bartzelonan, tren bat bidetik aterata

Manresa eta Sant-Vicenç de Calders ud...
1:26 min.

Manresa eta Sant-Vicenç de Calders udalerrien arteko bidea egiten ari zen. Ezbeharra Vacarisses parean gertatu da eta, antza denez, luizi batek eragin du.

Katalunian, gutxienez pertsona bat hil eta 44 arin zauritu dira Vacarisses udalerrian (Bartzelona), bi udalerrien arteko bidea egiten ari zen tren bat bidetik aterata. Guztira, 131 pertsona zihoazen trenean eta horietako 86 onik daude. Onik erreskatatu dituzten 86 bidaiariak, ostera, Terrassako geltokira eraman dituzte. Sei bagoiko trena 06:15ean atera da bere bidetik, luizi baten ondorioz. Zehazki, azken bi bagoiak atera dira bidetik. Generalitateko suhiltzaileak, larrialdietarako zerbitzuetako osasun langileak eta Esquadra Mossoak istripua izan den tokira joan dira, eta suhiltzaileek trena jendez hustu dute. Ezbeharra izan ondoren, Ferrocat alerta aktibatu dute, hots, bidaiarien garraioari dagokiona. Renfek bi informazio gune jarri ditu biktimen senideei arreta emateko: bata, Bartzelonako Sants geltokian, eta bestea, Vacarrisses udalerriko kiroldegian. SEM Larrialdietarako Medikuen Sistemak hainbat psikologo bidali ditu Vacarisses udalerriko kiroldegira, behar dutenei laguntzeko.

2018/11/20

Marchena epaileak uko egin dio Botere Judizialaren buru izateari

Marchena epaileak uko egin dio Botere Judizia...
Marchena epaileak uko egin dio Botere Judizialaren buru izateari

PSOEk eta PPk joan den astean adostu ...
0:52 min.

PSOEk eta PPk joan den astean adostu zuten haren hautagaitza. Gaur, ordea, errefusatu egin du epaileak, bere 'independentzia' aldarrikatuta. Erabakiak aurrez aurre jarri ditu PP eta PSOE.

Manuel Marchena epaile kontserbadoreak uko egin dio Botere Judizialaren Kontseilu Nagusiko (BJKN) eta Auzitegi Goreneko presidente izateari. PSOEk eta PPk joan den astean adostu zuten horren hautagaitza, baina azkenean errefusatu egin du magistratuak. Astearte honetan hedabideetara bidalitako ohar batean, bere "independentzia" aldarrikatu du eta PP-PSOEren ituna baztertu. Hartara, Marchenak bere karrera judizialean mantendutako "independentzia" aldarrikatu du. Nabarmendu duenez, Auzitegi Gorenean azken urteetan ebatzi ditudanak aztertuta, argi geratzen da ez naizela inoiz politikaren menpe egon", erantsi du. Marchenaren esanetan, "epaile gisa eduki dudan ibilbidean independentzia izan dut lege".

2018/11/20

Lau pertsona hil dira Chicagon, ospitale batean izandako tiroketan

Lau pertsona hil dira Chicagon, ospitale bate...
Lau pertsona hil dira Chicagon, ospitale batean izandako tiroketan

Bi emakume, polizia bat eta erasotzai...
0:56 min.

Bi emakume, polizia bat eta erasotzailea hil dira. Ospitaleko aparkalekuan hasi da tiroketa eta barruan izan du jarraipena.

Ameriketako Estatu Batuetan, lau pertsona hil dira astelehen honetan Chicago hiriko Mercy ospitalean izandako tiroketan. Agintarien arabera, bi emakume, polizia bat eta erasotzailea hil dira. Ospitaleko aparkalekuan hasi da guztia bertan 15:30ak zirenean. CBS telebista kateak jakinarazi duenez, erasotzaileak bere emaztegai ohiari tiro egin dio (Larrialdietako medikua ere bazena) eta hil egin da. Aparkalekutik ospitale barrura sartu da eta han ospitaleko langile bat eta polizia bat hil ditu. Agenteekin izandako tiroketan erasotzailea bera ere zendu da. Dena den, ez dago argi bere buruaz beste egin duen edo Poliziaren tiro batek harrapatu duen.

2018/11/20

NASAk bizi zantzuak bilatuko ditu Marten, antzina laku bat izan zen tokian

NASAk bizi zantzuak bilatuko ditu Marten, ant...
NASAk bizi zantzuak bilatuko ditu Marten, antzina laku bat izan zen tokian

Estatu Batuetako Espazio Agentziak 20...
1:51 min.

Estatu Batuetako Espazio Agentziak 2020an ontzi bat bidaliko du Jezero izena duen krater batera (45 kilometroko diametroa du), bertako haitzen eta lurraren laginak hartzeko.

Ameriketako Estatu Batuetako Espazio Agentziak (NASA) espazio-ontzi bat bidaliko du 2020an Martera, planeta gorrian bizi aztarnak bilatzeko. Zehazki, antzina laku bat izan zena arakatuko du NASAk, noizbait Marten bizi izan ziren organismoen bila. Horretarako, haitzak eta lurraren laginak hartuko dituzte. NASAn eztabaida bizia izan dute bost urtez, "Mars 2020" misioaren baitan 2020ko uztailean Martera joango den espazio-ontziak non lur hartu behar duen erabakitzeko. Lur hartzeko balizko 60 toki aztertu ostean, NASAk hartu du erabakia. Espazio-ontziak Jezero izena eta 45 kilometroko diametroa duen krater batean hartuko du lurra. Bertan, lurzoruaren eta harrien laginak hartuko ditu. "Mars 2020" proiekturako lanean ari den zientzialariak azaldu duenez, krater hori antzina ibai bat zen eta, beraz, litekeena da molekula organikoen zantzuak eta mikrobioak bere baitan gorde izana. Garai batean lakua izan zenak 250 metroko sakonera zuen. Toki horretan bost haitz mota daude, tartean, buztina, arroka karbonatatua edota arroka bolkanikoak. Azken horiek Marteren eboluzio bolkanikoa ulertzeko pistak eman ditzakete.

2018/11/20

Azaroa 2018
AAAOOLI
 1234
567891011
12131415161718
19202122232425
2627282930 
Urria 2018
AAAOOLI
1234567
891011121314
15161718192021
22232425262728
293031 

        2018-11-05ko bideoen artxiboa

Tuberkulosi kasu bat atzeman dute EHUren Leioako campusean

Tuberkulosi kasu bat atzeman dute EHUren Leio...
Tuberkulosi kasu bat atzeman dute EHUren Leioako campusean

Gizarte eta Komunikazio Zientzien Fak...
1:20 min.

Gizarte eta Komunikazio Zientzien Fakultateko ikasle bat da gaixoa. Osakidetzak protokoloa jarri du martxan.

EHUko Gizarte eta Komunikazio Zientzien Fakultateko (Bizkaiko Campusa, Leioa) ikasle bat tuberkulosiak jota dagoela baieztatu du Osakidetzak, eta hala, protokoloa jarri du martxan Euskal Osasun Zerbitzuak. Osakidetza EHUko arduradunekin jarri da kontaktuan, eta datozen egunetan gaixoarekin harremanetan egon diren pertsonei —EHUko langileak zein ikasleak— probak egingo dizkiete kutsatuta ote dauden argitzeko, eta hala balitz, tratamendu egokia emateko. Osasun Zerbitzuko arduradunek gogorarazi dutenez, tuberkulosia gaixotasun arrunta da, eta tratamendu egokia emanda osatzen da. Bizkaian 120 kasu berri atzematen dituzte urtero. Aire bidez kutsatzen da, eztula edo hitz egitean, baina hura transmititu ahal izateko elkarbizitza estu eta luzea behar izaten da. Tuberkulosia eragiten duten baziloa oso sentikorra da kanpoko baldintzekiko, eta hortaz, ez da aparteko neurririk egin behar instalazioetan, eta erabateko normaltasunez jarrai dezake jardunean. Hori horrela, Osakidetzak "lasaitasun mezua" zabaldu nahi du hezkuntza komunitatearen baitan, beharrezko prebentzio neurriak hartu baitira.

Langabeziak % 0,51 egin du behera EAEn; Nafarroan, aldiz, % 0,19 gora

Langabeziak % 0,51 egin du behera EAEn; Nafar...
Langabeziak % 0,51 egin du behera EAEn; Nafarroan, aldiz, % 0,19 gora

622 langabe gutxiago zenbatu dituzte ...
1:45 min.

622 langabe gutxiago zenbatu dituzte EAEn urrian. Nafarroan, aldiz, 63 lagun gehiago izan dira. Estatuan, berriz, langabeziak gora egin du, % 1,6, hain zuzen.

Langabeen kopuruak behera egin du urrian EAEn, iraileko datuekin alderatuta, 622 pertsona gutxiago zenbatu baitituzte langabezian. Guztira, 122.415 langabe daude Euskadin. Nafarroan, guztira, 33.178 pertsona daude lanik gabe, irailean baino 63 langabe gehiago zenbatu baitituzte langabezian. Enplegu eta Gizarte Segurantza Ministerioak astelehen honetan jakitera eman dituen datuen arabera, urtebetean 7.641 pertsona gutxiago zenbatu dituzte langabezian Euskadin. Nafarroan, aldiz, langabeziak % 0,19 egin du gora urrian, eta aurreko urtean baino 2.141pertsona gutxiago. Langabeziaren datuak lurraldeka aztertuz gero, beherakada bakarra Bizkaian izan da, 746 langabe gutxiago. Gipuzkoan, 91 pertsona gehiago zenbatu dituzte. Araban, berriz, 33 lagun gehiago zenbatu dituzte. Sektoreka aztertuz gero, Zerbitzuetan (606 lagun gutxiago) jaso da beherakadarik handiena: atzetik, Eraikuntza (220 lagun gutxiago). Estatuan langabeziak gora egin du urrian, irailean baino 52.195 langabe gehiago zenbatu baitituzte. Guztira, 3.254.703 pertsona daude lanik gabe, baina langabeziak 2018ko mailari eusten dio.

Euskaltelek 46,6 milioi irabazi ditu irailera arte, % 41,5 gehiago

Euskaltelek 46,6 milioi irabazi ditu irailera...
Euskaltelek 46,6 milioi irabazi ditu irailera arte, % 41,5 gehiago

Akzioko 14 zentimoko dibidendua iraga...
1:24 min.

Akzioko 14 zentimoko dibidendua iragarri du konpainiak, aurreko ekitaldian baino % 10 handiagoa.

Euskaltel Taldeak 46,6 milioi euroko irabazi garbia izan du 2018ko lehen bederatzi hilabeteetan, iazko tarte berean baino % 41,5 gehiago. Hori horrela, akzioko 14 zentimoko dibidendua iragarri du telekomunikazio taldeak, iazko ekitaldian baino % 10 handiagoa. Diru-sarrerei dagokienez, % 17,4 hazi dira, 521,1 milioi euroraino. Arlo guztietan egin du gora Euskaltelek: etxebizitzen negozioan, enpresa-negozioan eta handizkakoan. Kostu zuzenak ere hazi dira. Operadorearen hitzetan, urtean zehar izandako hazkunde "sendoa" berresten dute emaitzok. 2022rako 90.000 bezero gehiago izatea espero du konpainiak, merkatu ez-naturalei esker.

'España Ciudadana' plataformaren ekitaldia kr...
'España Ciudadana' plataformaren ekitaldia kritikatu dute alderdiek

Altsasuko biztanleen "duintasuna" gor...
2:02 min.

Altsasuko biztanleen "duintasuna" goraipatu du Sortuk, "faxismoari aurre egiteagatik", eta Ciudadanosek "zarata egin" nahi duela esan du PPk.

Alderdi politiko guztien kritikak jaso ditu Ciudadanosek bultzatutako 'España Ciudadana' plataformak Altsasun (Nafarroa) egindako ekitaldia. Bertan izan den Vox izan da Albert Riveraren alderdiaren kontra hitz egin ez duen bakarra. Altsasuko herria zoriondu du Sortuk, "faxismoari aurre egiteagatik probokazioetan erori gabe", eta esan du "ez Guardia Zibilak ezta kanpotik etorritako eskuin muturreko alderdiek ere ez gaituzte izan edo pentsatu behar duguna inposatuko". PPko kide batzuk Altsasuko ekitaldian izan diren arren, Pablo Casado presidenteak Ciudadanos Altsasun egon izana kritikatu du. Esan duenez, bera orain dela lau hilabete egon zen bertan Guardia Zibila babesteko "hainbeste zarata egiteko beharrik gabe". Sozialisten bozeramailea Senatuan, hiru eskuinen arduragabetasun larria" izan da ekitaldia, "espainiarren arteko gatazkak eta irainak pizten dituelako", "bizikidetasuna sustatu beharrean". Ahal Dugu Euskadiren idazkari orokorrak, "bizikidetzaren bidean" "ekarpenik ez egitea" leporatu die Ciudadanos eta Voxi.

Ryanair eskuko maleta kobratzen hasi da

Ryanair eskuko maleta kobratzen hasi da...
Ryanair eskuko maleta kobratzen hasi da

Bidaiariek soilik "poltsa pertsonal t...
1:36 min.

Bidaiariek soilik "poltsa pertsonal txiki bat" eraman ahal izango dute, eta 8 euro ordaindu behar izango dute erreserba egiteko momentuan 10 kg-ko maleta fakturatzeko.

Ryanairren eskuko maletaren inguruko politika berria indarrean sartu da, eta beraz, 10 kilogramotik gorako fardelak kobratuko dituzte. Irlandako enpresak ontziratzearekin lotutako atzerapenak murriztu nahi dituzte. Bilbon, Gasteizen eta Biarritzen lan egiten duen airelineak hegazkinean "poltsa pertsonal txiki bat" eramaten utziko du, aurreko eserlekuaren azpian uzteko. Priority txartela duten bezeroek baino ezin izango dute 10 kg-ko maleta ere haiekin eraman. Klase horretakoak ez diren bidaiariek 8 euroren truke fakturatu ahalko dute 10 kiloko maleta, erreserba egiten dutenean. Hori hegazkineko zamategian eramango dute. Bezeroak ez badu txartela erostean bi aukeretako bat hautatzen, hegazkina aireratu baino 40 minutu lehenago egin ahalko du, 10 euroren truke. Aireportuan fakturatu gabe azaltzen bada, aldiz, 25 euro ordaindu beharko du. Airelinearen arabera, neurriak bere hegaldien atzerapenak murrizteko hartu dute, maletak tramitatzeko momentuan sortzen omen zirelako. Gainera, esan dutenez, bidaiari batzuek eramaten zituzten maletak baimendutakoa baino handiagoak ziren, eta horrek ere atzerapenak sortzen zituen. Ryanairren arabera, neurri berriak, bere lehenengo egunetik, “ondo funtzionatzen ari da”, eta ontziratzeko prozesuak “azkartzen” ari da.

Irandarrak kalera atera dira, AEBk ezarritako zigorren kontra protesta egiteko

Irandarrak kalera atera dira, AEBk ezarritako...
Irandarrak kalera atera dira, AEBk ezarritako zigorren kontra protesta egiteko

Zigorrak goizaldean sartu dira indarr...
1:14 min.

Zigorrak goizaldean sartu dira indarrean. Oraingoan Irango petrolioa erosten duten enpresak zigortuko dituzte.

Goizaldean sartu dira indarrean AEBk Irani ezarritako zigor berriak. Kasu honetan, Gobernu estatubatuarrak Irango petrolioa erosten duten enpresak zigortuko ditu, Banku Zentralarekin egindako finantza transakzioak eta portuko sektorea. Donald Trump presidente estatubatuarraren arabera, AEBk inoiz jarritako zigor gogorrenak dira. Ikusteke dago Iranek nola erantzuten duen. Atzo, igandea, milaka irandar kalera atera ziren "Death to America" (Heriotza Amerikari) lelopean. AEBk 2015ean Iranekin sinatutako akordio nuklearra hautsi ostean, Trumpen Gobernuak ezarritako isun multzo berria da. Oraingo honetan, Irango petrolioa erosten duten enpresak zigortuko dituzte. Dena den, estatubatuarrek zortzi herrialde salbuetsiko dituzte, herrialde horiek Irango petrolio erosketan murrizketak egin dituztelako eta inportazioak zerora jaisteko ahalegina egiten ari direlako. Dena den, Trumpen Gobernuak ez du zehaztu zein izango diren salbuetsitako herrialdeak. The New York Times hedabideak zabaldutako informazioaren arabera, zerrenda horretan leudeke Txina, India, Japonia eta Hego Korea.