Zeinu Hizkuntza kurtsoak

Gasteizko ikastetxe bat zigortu dute, ikasle batek tratu txarrak jasan ostean

Epaian zehazten da gazteak ez zuela eskola-jazarpenik pairatu, beste ikasle baten partetik tratu txarrak jasan zituela baizik.

Lehen Auzialdiko Epaitegi batek 3.000 euroko zigorra ezarri dio Gasteizko ikastetxe bati, adingabe batek eskolan tratu txarrak jasan eta arduradunek “behar besteko neurriak” hartu ez izana egotzita. Izan ere, 6 urteko ikasle ohi baten gurasoek salatu zutenez, ikasle batek tratu txarrak eman zizkion. Alabaina, epaian zehazten da gazteak ez zuela eskola-jazarpenik jasan, beste ikasle baten partetik tratu txarrak pairatu zituela baizik.

Medikuek egindako txostenen arabera, adingabeak “eraso bortitzak” jasan zituen beste ikasle baten partetik: “Belarrian kosk egin zion, arkatz bat sartu zion, ostikoak eman zizkion eta ikaskideen aurrean iraindu zuen”. Hala, epaiak dio klasera joan behar zenean horrek guztiak “estutasuna eta beldurra” sortu ziola.

Epaitegiaren esanez, adin horretako ikasleekin ez da erraza argitzea eskola-jazarpena izan ote den ala ikasle horrek tratu txarrak jasan dituen. Izan ere, bullying-a izan dela frogatutzat emateko pertsona batek behin eta berriz jasan behar ditu tratu txarrak. Kasu horretan, gainera, erasotzaileak biktima ikaratzeko asmoa du, bestearen kontra indarra erabiliz.

Hala, epaiak dioenez, irakasleek ez zuten eskola-jazarpenik hauteman, eta hori ondorioztatzeko bi protokolo jarri zituzten martxan. Gainera, gai horri buruz hitz egiteko bi bilera egin zituzten ikasle horien gurasoekin.

Kasu honetan eskola-jazarpenik egon ez zela ondorioztatu ostean, Lehen Auzialdiko Epaitegiak dio ikastetxe horrek beste neurri batzuk hartu behar zituela egoerari irtenbide bat emateko, hala nola, talde-dinamikak eta bakarkako ekintzak.

Arrazoi horregatik, ikastetxeak 3.000 euroko kalte-ordaina eman beharko dio biktimari, gurasoek 13.481 euro eskatu zituzten arren. Izan ere, gaztea psikologoarengana eraman zutenerako, ikastetxez aldatu zuten, eta egoera bestelakoa zen jada.

Droga ekoitzi eta Balmasedan laborategi bat jarri nahi zuen talde bat desegin dute

'Speed'a egiteko erabiltzen zuten olioa aurkitu du Poliziak, lore kargamentu batean ezkutatuta. Olio horrek tratamendua jasoz gero, 200 kilo speed lortuko lituzkete atxilotuek.

Speeda dosi masiboetan ekoizteko erabiltzen den olioa atzeman du, aurrenekoz, Polizia Nazionalaren operazio batek. Hain zuzen ere, 52 litro olio aurkitu dituzte lore kargamentu batean. Horrek esan nahi du, olio horri tratamendua eginez gero, 200 kilo speed lortuko lituzkeela droga ekoizteaz arduratzen zen atxilotutako lagun taldeak.

Polizia Nazionalaren Zuzendaritza Nagusiak jakinarazi duenez, guztira bederatzi lagun atxilotu dituzte, horietako lau Bilbon. Atxilotuen artean aipatu drogaren hornitzaileak eta banatzaileak daude, baita tratamenduaz arduratzen diren pertsonak ere.

Atxilotuen asmoa zen Balmasedan laborategi bat jartzea, droga mota horren tratamendurako. Horrekin, lurralde osoan zehar zabaldu nahi zuten speeda, modu azkarrean.

Duela sei hilabete inguru abiatu zuen Polizia Nazionalak Jardin operazioa. Bereziki, drogarekin trafikatzen zuten bi lagun zituzten jomugan agenteek.

Hortik abiatuta, poliziek ondorioztatu zuten talde handi bat zegoela trafikatzaile horien atzean. Herbehereetatik Bizkaira egiten zituzten bidalketak, aldiro. Behin kargamentua Euskal Herrira helduta, banatzaile talde bat arduratzen zen olioa leku ezberdinetara bideratzeaz.

Afiliatu kanpotarrak % 12,7 igo dira EAEn, urrian

Afiliatu kanpotarren artean, errumaniarrak, marokoarrak, portugaldarrak, nikaraguarrak, kolonbiarrak eta italiarrak dira nagusi.

Gizarte Segurantzako afiliatu kanpotarrak % 12,75 igo dira urrian, iazko epe berarekin alderatuta.

Batez besteko afiliazioa EAEn urrian % 3,42 igo da, irailekoarekin alderatuta, hau da, 2.136 pertsonek eman dute izena.

Afiliatu kanpotarretatik 40.095 erregimen orokorrean daude, 11.243 etxekoan, 10.446 autonomoak dira, 2.536 laborantza erregimenean daude eta 334 itsasokoan.

Kanpotar orotik, 43.863 afiliatu Europar Batasuneko ez diren herrialdeetakoak dira eta Europar Batasuneko herrialdetakoak 20.791 dira.

Pertsona bat hil eta 44 zauritu dira Bartzelonan, tren bat bidetik aterata

Manresa eta Sant-Vicenç de Calders udalerrien arteko bidea egiten ari zen. Ezbeharra Vacarisses parean gertatu da eta, antza denez, luizi batek eragin du.

Katalunian, gutxienez pertsona bat hil eta 44 arin zauritu dira Vacarisses udalerrian (Bartzelona), bi udalerrien arteko bidea egiten ari zen tren bat bidetik aterata. Guztira, 131 pertsona zihoazen trenean eta horietako 86 onik daude.

Onik erreskatatu dituzten 86 bidaiariak, ostera, Terrassako geltokira eraman dituzte.

Sei bagoiko trena 06:15ean atera da bere bidetik, luizi baten ondorioz. Zehazki, azken bi bagoiak atera dira bidetik.

Generalitateko suhiltzaileak, larrialdietarako zerbitzuetako osasun langileak eta Esquadra Mossoak istripua izan den tokira joan dira, eta suhiltzaileek trena jendez hustu dute.

Ezbeharra izan ondoren, Ferrocat alerta aktibatu dute, hots, bidaiarien garraioari dagokiona.

Renfek bi informazio gune jarri ditu biktimen senideei arreta emateko: bata, Bartzelonako Sants geltokian, eta bestea, Vacarrisses udalerriko kiroldegian.

SEM Larrialdietarako Medikuen Sistemak hainbat psikologo bidali ditu Vacarisses udalerriko kiroldegira, behar dutenei laguntzeko.

Marchena epaileak uko egin dio Botere Judizialaren buru izateari

PSOEk eta PPk joan den astean adostu zuten haren hautagaitza. Gaur, ordea, errefusatu egin du epaileak, bere 'independentzia' aldarrikatuta. Erabakiak aurrez aurre jarri ditu PP eta PSOE.

Manuel Marchena epaile kontserbadoreak uko egin dio Botere Judizialaren Kontseilu Nagusiko (BJKN) eta Auzitegi Goreneko presidente izateari. PSOEk eta PPk joan den astean adostu zuten horren hautagaitza, baina azkenean errefusatu egin du magistratuak. Astearte honetan hedabideetara bidalitako ohar batean, bere "independentzia" aldarrikatu du eta PP-PSOEren ituna baztertu.

Hartara, Marchenak bere karrera judizialean mantendutako "independentzia" aldarrikatu du. Nabarmendu duenez, Auzitegi Gorenean azken urteetan ebatzi ditudanak aztertuta, argi geratzen da ez naizela inoiz politikaren menpe egon", erantsi du.

Marchenaren esanetan, "epaile gisa eduki dudan ibilbidean independentzia izan dut lege".

Lau pertsona hil dira Chicagon, ospitale batean izandako tiroketan

Bi emakume, polizia bat eta erasotzailea hil dira. Ospitaleko aparkalekuan hasi da tiroketa eta barruan izan du jarraipena.

Ameriketako Estatu Batuetan, lau pertsona hil dira astelehen honetan Chicago hiriko Mercy ospitalean izandako tiroketan. Agintarien arabera, bi emakume, polizia bat eta erasotzailea hil dira.

Ospitaleko aparkalekuan hasi da guztia bertan 15:30ak zirenean. CBS telebista kateak jakinarazi duenez, erasotzaileak bere emaztegai ohiari tiro egin dio (Larrialdietako medikua ere bazena) eta hil egin da. Aparkalekutik ospitale barrura sartu da eta han ospitaleko langile bat eta polizia bat hil ditu.

Agenteekin izandako tiroketan erasotzailea bera ere zendu da. Dena den, ez dago argi bere buruaz beste egin duen edo Poliziaren tiro batek harrapatu duen.

NASAk bizi zantzuak bilatuko ditu Marten, antzina laku bat izan zen tokian

Estatu Batuetako Espazio Agentziak 2020an ontzi bat bidaliko du Jezero izena duen krater batera (45 kilometroko diametroa du), bertako haitzen eta lurraren laginak hartzeko.

Ameriketako Estatu Batuetako Espazio Agentziak (NASA) espazio-ontzi bat bidaliko du 2020an Martera, planeta gorrian bizi aztarnak bilatzeko. Zehazki, antzina laku bat izan zena arakatuko du NASAk, noizbait Marten bizi izan ziren organismoen bila. Horretarako, haitzak eta lurraren laginak hartuko dituzte.

NASAn eztabaida bizia izan dute bost urtez, "Mars 2020" misioaren baitan 2020ko uztailean Martera joango den espazio-ontziak non lur hartu behar duen erabakitzeko.

Lur hartzeko balizko 60 toki aztertu ostean, NASAk hartu du erabakia. Espazio-ontziak Jezero izena eta 45 kilometroko diametroa duen krater batean hartuko du lurra. Bertan, lurzoruaren eta harrien laginak hartuko ditu.

"Mars 2020" proiekturako lanean ari den zientzialariak azaldu duenez, krater hori antzina ibai bat zen eta, beraz, litekeena da molekula organikoen zantzuak eta mikrobioak bere baitan gorde izana.

Garai batean lakua izan zenak 250 metroko sakonera zuen. Toki horretan bost haitz mota daude, tartean, buztina, arroka karbonatatua edota arroka bolkanikoak. Azken horiek Marteren eboluzio bolkanikoa ulertzeko pistak eman ditzakete.

Gasteizko ikastetxe bat zigortu dute, ikasle batek tratu txarrak jasan ostean

Gasteizko ikastetxe bat zigortu dute, ikasle ...
Gasteizko ikastetxe bat zigortu dute, ikasle batek tratu txarrak jasan ostean

Epaian zehazten da gazteak ez zuela e...
1:59 min.

Epaian zehazten da gazteak ez zuela eskola-jazarpenik pairatu, beste ikasle baten partetik tratu txarrak jasan zituela baizik.

Lehen Auzialdiko Epaitegi batek 3.000 euroko zigorra ezarri dio Gasteizko ikastetxe bati, adingabe batek eskolan tratu txarrak jasan eta arduradunek “behar besteko neurriak” hartu ez izana egotzita. Izan ere, 6 urteko ikasle ohi baten gurasoek salatu zutenez, ikasle batek tratu txarrak eman zizkion. Alabaina, epaian zehazten da gazteak ez zuela eskola-jazarpenik jasan, beste ikasle baten partetik tratu txarrak pairatu zituela baizik. Medikuek egindako txostenen arabera, adingabeak “eraso bortitzak” jasan zituen beste ikasle baten partetik: “Belarrian kosk egin zion, arkatz bat sartu zion, ostikoak eman zizkion eta ikaskideen aurrean iraindu zuen”. Hala, epaiak dio klasera joan behar zenean horrek guztiak “estutasuna eta beldurra” sortu ziola. Epaitegiaren esanez, adin horretako ikasleekin ez da erraza argitzea eskola-jazarpena izan ote den ala ikasle horrek tratu txarrak jasan dituen. Izan ere, bullying-a izan dela frogatutzat emateko pertsona batek behin eta berriz jasan behar ditu tratu txarrak. Kasu horretan, gainera, erasotzaileak biktima ikaratzeko asmoa du, bestearen kontra indarra erabiliz. Hala, epaiak dioenez, irakasleek ez zuten eskola-jazarpenik hauteman, eta hori ondorioztatzeko bi protokolo jarri zituzten martxan. Gainera, gai horri buruz hitz egiteko bi bilera egin zituzten ikasle horien gurasoekin. Kasu honetan eskola-jazarpenik egon ez zela ondorioztatu ostean, Lehen Auzialdiko Epaitegiak dio ikastetxe horrek beste neurri batzuk hartu behar zituela egoerari irtenbide bat emateko, hala nola, talde-dinamikak eta bakarkako ekintzak. Arrazoi horregatik, ikastetxeak 3.000 euroko kalte-ordaina eman beharko dio biktimari, gurasoek 13.481 euro eskatu zituzten arren. Izan ere, gaztea psikologoarengana eraman zutenerako, ikastetxez aldatu zuten, eta egoera bestelakoa zen jada.

2018/11/20

Droga ekoitzi eta Balmasedan laborategi bat jarri nahi zuen talde bat desegin dute

Droga ekoitzi eta Balmasedan laborategi bat j...
Droga ekoitzi eta Balmasedan laborategi bat jarri nahi zuen talde bat desegin dute

'Speed'a egiteko erabiltzen zuten oli...
1:10 min.

'Speed'a egiteko erabiltzen zuten olioa aurkitu du Poliziak, lore kargamentu batean ezkutatuta. Olio horrek tratamendua jasoz gero, 200 kilo speed lortuko lituzkete atxilotuek.

Speeda dosi masiboetan ekoizteko erabiltzen den olioa atzeman du, aurrenekoz, Polizia Nazionalaren operazio batek. Hain zuzen ere, 52 litro olio aurkitu dituzte lore kargamentu batean. Horrek esan nahi du, olio horri tratamendua eginez gero, 200 kilo speed lortuko lituzkeela droga ekoizteaz arduratzen zen atxilotutako lagun taldeak. Polizia Nazionalaren Zuzendaritza Nagusiak jakinarazi duenez, guztira bederatzi lagun atxilotu dituzte, horietako lau Bilbon. Atxilotuen artean aipatu drogaren hornitzaileak eta banatzaileak daude, baita tratamenduaz arduratzen diren pertsonak ere. Atxilotuen asmoa zen Balmasedan laborategi bat jartzea, droga mota horren tratamendurako. Horrekin, lurralde osoan zehar zabaldu nahi zuten speeda, modu azkarrean. Duela sei hilabete inguru abiatu zuen Polizia Nazionalak Jardin operazioa. Bereziki, drogarekin trafikatzen zuten bi lagun zituzten jomugan agenteek. Hortik abiatuta, poliziek ondorioztatu zuten talde handi bat zegoela trafikatzaile horien atzean. Herbehereetatik Bizkaira egiten zituzten bidalketak, aldiro. Behin kargamentua Euskal Herrira helduta, banatzaile talde bat arduratzen zen olioa leku ezberdinetara bideratzeaz.

2018/11/20

Afiliatu kanpotarrak % 12,7 igo dira EAEn, urrian

Afiliatu kanpotarrak % 12,7 igo dira EAEn, ur...
Afiliatu kanpotarrak % 12,7 igo dira EAEn, urrian

Afiliatu kanpotarren artean, errumani...
0:52 min.

Afiliatu kanpotarren artean, errumaniarrak, marokoarrak, portugaldarrak, nikaraguarrak, kolonbiarrak eta italiarrak dira nagusi.

Gizarte Segurantzako afiliatu kanpotarrak % 12,75 igo dira urrian, iazko epe berarekin alderatuta. Batez besteko afiliazioa EAEn urrian % 3,42 igo da, irailekoarekin alderatuta, hau da, 2.136 pertsonek eman dute izena. Afiliatu kanpotarretatik 40.095 erregimen orokorrean daude, 11.243 etxekoan, 10.446 autonomoak dira, 2.536 laborantza erregimenean daude eta 334 itsasokoan. Kanpotar orotik, 43.863 afiliatu Europar Batasuneko ez diren herrialdeetakoak dira eta Europar Batasuneko herrialdetakoak 20.791 dira.

2018/11/20

Pertsona bat hil eta 44 zauritu dira Bartzelonan, tren bat bidetik aterata

Pertsona bat hil eta 44 zauritu dira Bartzelo...
Pertsona bat hil eta 44 zauritu dira Bartzelonan, tren bat bidetik aterata

Manresa eta Sant-Vicenç de Calders ud...
1:26 min.

Manresa eta Sant-Vicenç de Calders udalerrien arteko bidea egiten ari zen. Ezbeharra Vacarisses parean gertatu da eta, antza denez, luizi batek eragin du.

Katalunian, gutxienez pertsona bat hil eta 44 arin zauritu dira Vacarisses udalerrian (Bartzelona), bi udalerrien arteko bidea egiten ari zen tren bat bidetik aterata. Guztira, 131 pertsona zihoazen trenean eta horietako 86 onik daude. Onik erreskatatu dituzten 86 bidaiariak, ostera, Terrassako geltokira eraman dituzte. Sei bagoiko trena 06:15ean atera da bere bidetik, luizi baten ondorioz. Zehazki, azken bi bagoiak atera dira bidetik. Generalitateko suhiltzaileak, larrialdietarako zerbitzuetako osasun langileak eta Esquadra Mossoak istripua izan den tokira joan dira, eta suhiltzaileek trena jendez hustu dute. Ezbeharra izan ondoren, Ferrocat alerta aktibatu dute, hots, bidaiarien garraioari dagokiona. Renfek bi informazio gune jarri ditu biktimen senideei arreta emateko: bata, Bartzelonako Sants geltokian, eta bestea, Vacarrisses udalerriko kiroldegian. SEM Larrialdietarako Medikuen Sistemak hainbat psikologo bidali ditu Vacarisses udalerriko kiroldegira, behar dutenei laguntzeko.

2018/11/20

Marchena epaileak uko egin dio Botere Judizialaren buru izateari

Marchena epaileak uko egin dio Botere Judizia...
Marchena epaileak uko egin dio Botere Judizialaren buru izateari

PSOEk eta PPk joan den astean adostu ...
0:52 min.

PSOEk eta PPk joan den astean adostu zuten haren hautagaitza. Gaur, ordea, errefusatu egin du epaileak, bere 'independentzia' aldarrikatuta. Erabakiak aurrez aurre jarri ditu PP eta PSOE.

Manuel Marchena epaile kontserbadoreak uko egin dio Botere Judizialaren Kontseilu Nagusiko (BJKN) eta Auzitegi Goreneko presidente izateari. PSOEk eta PPk joan den astean adostu zuten horren hautagaitza, baina azkenean errefusatu egin du magistratuak. Astearte honetan hedabideetara bidalitako ohar batean, bere "independentzia" aldarrikatu du eta PP-PSOEren ituna baztertu. Hartara, Marchenak bere karrera judizialean mantendutako "independentzia" aldarrikatu du. Nabarmendu duenez, Auzitegi Gorenean azken urteetan ebatzi ditudanak aztertuta, argi geratzen da ez naizela inoiz politikaren menpe egon", erantsi du. Marchenaren esanetan, "epaile gisa eduki dudan ibilbidean independentzia izan dut lege".

2018/11/20

Lau pertsona hil dira Chicagon, ospitale batean izandako tiroketan

Lau pertsona hil dira Chicagon, ospitale bate...
Lau pertsona hil dira Chicagon, ospitale batean izandako tiroketan

Bi emakume, polizia bat eta erasotzai...
0:56 min.

Bi emakume, polizia bat eta erasotzailea hil dira. Ospitaleko aparkalekuan hasi da tiroketa eta barruan izan du jarraipena.

Ameriketako Estatu Batuetan, lau pertsona hil dira astelehen honetan Chicago hiriko Mercy ospitalean izandako tiroketan. Agintarien arabera, bi emakume, polizia bat eta erasotzailea hil dira. Ospitaleko aparkalekuan hasi da guztia bertan 15:30ak zirenean. CBS telebista kateak jakinarazi duenez, erasotzaileak bere emaztegai ohiari tiro egin dio (Larrialdietako medikua ere bazena) eta hil egin da. Aparkalekutik ospitale barrura sartu da eta han ospitaleko langile bat eta polizia bat hil ditu. Agenteekin izandako tiroketan erasotzailea bera ere zendu da. Dena den, ez dago argi bere buruaz beste egin duen edo Poliziaren tiro batek harrapatu duen.

2018/11/20

NASAk bizi zantzuak bilatuko ditu Marten, antzina laku bat izan zen tokian

NASAk bizi zantzuak bilatuko ditu Marten, ant...
NASAk bizi zantzuak bilatuko ditu Marten, antzina laku bat izan zen tokian

Estatu Batuetako Espazio Agentziak 20...
1:51 min.

Estatu Batuetako Espazio Agentziak 2020an ontzi bat bidaliko du Jezero izena duen krater batera (45 kilometroko diametroa du), bertako haitzen eta lurraren laginak hartzeko.

Ameriketako Estatu Batuetako Espazio Agentziak (NASA) espazio-ontzi bat bidaliko du 2020an Martera, planeta gorrian bizi aztarnak bilatzeko. Zehazki, antzina laku bat izan zena arakatuko du NASAk, noizbait Marten bizi izan ziren organismoen bila. Horretarako, haitzak eta lurraren laginak hartuko dituzte. NASAn eztabaida bizia izan dute bost urtez, "Mars 2020" misioaren baitan 2020ko uztailean Martera joango den espazio-ontziak non lur hartu behar duen erabakitzeko. Lur hartzeko balizko 60 toki aztertu ostean, NASAk hartu du erabakia. Espazio-ontziak Jezero izena eta 45 kilometroko diametroa duen krater batean hartuko du lurra. Bertan, lurzoruaren eta harrien laginak hartuko ditu. "Mars 2020" proiekturako lanean ari den zientzialariak azaldu duenez, krater hori antzina ibai bat zen eta, beraz, litekeena da molekula organikoen zantzuak eta mikrobioak bere baitan gorde izana. Garai batean lakua izan zenak 250 metroko sakonera zuen. Toki horretan bost haitz mota daude, tartean, buztina, arroka karbonatatua edota arroka bolkanikoak. Azken horiek Marteren eboluzio bolkanikoa ulertzeko pistak eman ditzakete.

2018/11/20

Azaroa 2018
AAAOOLI
 1234
567891011
12131415161718
19202122232425
2627282930 
Urria 2018
AAAOOLI
1234567
891011121314
15161718192021
22232425262728
293031 

        2018-11-06ko bideoen artxiboa

Txandako bi orduko lanuzteak egingo dituzte gaur Bizkaibuseko hainbat lineatan

Txandako bi orduko lanuzteak egingo dituzte g...
Txandako bi orduko lanuzteak egingo dituzte gaur Bizkaibuseko hainbat lineatan

Ezkerraldean, Meatzaldean, Durangalde...
1:50 min.

Ezkerraldean, Meatzaldean, Durangaldean, Arratian eta Nerbioi Garaian dabiltzan autobusei eragingo die 07:30-09:30 eta 18:00-20:00 tarteetan. Gaurkoaz gain, beste zazpi greba egun daude deituta.

Ezkerraldea Meatzaldea Bus S.A. eta Pesalur S.A. enpresetako batzordeek zortzi greba egun deitu dituzte azaroan Bizkaibuseko hainbat lineatan. Zehazki, enpresok honako eskualdetan eskaintzen dute zerbitzua: Ezkerraldean, Meatzaldean, Durangaldean, Arratian eta Nerbioi Garaian. Lehen greba eguna gaur egin dute langileek. Txanda bakoitzeko bi orduko lanuzteak deitu dituzte: 07:30etik 09:30era eta 18:00etatik 20:00etara. Enplegu eta Gizarte Gaietako Sailak % 30eko gutxieneko zerbitzuak ezarri ditu, beste garraiobiderik ez duten lineak eta ospitaleak helmuga dituzten lineak lehenetsiz. Gutxieneko zerbitzuak Bizkaibuseko webgunean dituzu zehaztuta. Gaurkoaz gain, beste zazpi egunetarako ere dago greba deituta: azaroaren 8, 12, 15, 19, 22, 26 eta 29rako. Bi enpresok Bizkaibuseko 40 linea baino gehiagotan eskaintzen dute zerbitzua (200 bat autobus). Grebak 42.000 bidaiariri eragin diezaioke. Enpresa batzordeak eta konpainiak urriaren 31n bildu ziren azkenekoz, baina ez zuten akordiorik lortu. Hala, mobilizazioak gogortzea erabaki dute sindikatuek enpreson "murrizketa politikak" salatzeko.

Gizon bat atxilotu dute, urrian Trapagaranen adingabe bati sexu-erasoa egin ziolakoan

Gizon bat atxilotu dute, urrian Trapagaranen ...
Gizon bat atxilotu dute, urrian Trapagaranen adingabe bati sexu-erasoa egin ziolakoan

13 urteko neskatoak jarritako salaket...
0:59 min.

13 urteko neskatoak jarritako salaketaren ondotik Ertzaintzak ikerketa abiatu zuen. Larunbatean atxilotu zuten gizonezkoa Ortuellan, gertakariekin lotura duelakoan.

Ertzaintzak gizon bat atxilotu zuten joan den larunbatean Ortuellan, urrian Trapagaranen adin txikiko bati sexu-erasoa egin ziolakoan, Eusko Jaurlaritzako Segurtasun Sailak baieztatu duenez. 13 urteko neskatoaren familiak aurkeztutako salaketaren arabera, erasoa urriaren 22an gertatu zen Trapagarango parke batean. Salaketaren ondotik, Ertzaintzak ikerketa abiatu zuen. Azkenean, larunbatean atxilotu zuten gizonezkoa Ortuellan, gertakariekin lotura duelakoan. Eusko Jaurlaritzako Segurtasun Sailak emandako datuen arabera, atxilotua Ortuellako Udaltzaingoaren aurrera aurkeztu zen larunbatean, Ertzaintza bila ari zitzaiola jakin ostean. Izapideak amaitutakoan, atxilotuak epailearen esku gelditu da.

Bateragune auzian zigortutakoek ez zuten epaiketa justua izan, Estrasburgoren arabera

Bateragune auzian zigortutakoek ez zuten epai...
Bateragune auzian zigortutakoek ez zuten epaiketa justua izan, Estrasburgoren arabera

Angela Murillo Auzitegi Nazionaleko e...
2:15 min.

Angela Murillo Auzitegi Nazionaleko epailearen kontra aurkeztutako errekusazio helegitea kontuan ez hartzeagatik zigortu du Auzitegiak Espainia.

Europako Giza Eskubideen Auzitegiak ebatzi duenez, Bateragune auziko zigortutakoek ez zuten epaiketa justu eta inpartziala izan. Astearte honetan kaleratu du epaia Estrasburgoko Auzitegiak, ezker abertzaleko bost buruzagiek aurkeztutako babes helegitea tramitera onartu eta hiru urtera. Ezker abertzaleko buruzagiei arrazoia eman badie ere, Auzitegiak ez du kalte-ordainik onartu. Zehatz esanda, Auzitegiak uste du kasu honetan Europako Giza Eskubideen Hitzarmeneko 6.1 artikulua urratu zela. Horren arabera, pertsona orok du epaimahai inpartzial eta independente batek epaitua izateko eskubidea. Hala, aho batez, Espainia zigortu du Bateragune auziko zigortutakoek Angela Murillo Auzitegi Nazionaleko epailearen kontra aurkeztutako errekusazio helegitea ez kontuan hartzeagatik. Murillo partzialtasuna argudiatzeko emandako arrazoiak ontzat jo ditu Auzitegiak. Bost zigortutakoen defentsak azaldu zuenez, Jose Miguel Beñaran Argala ETAko buruzagiaren omenaldi baten harira Otegiren kontra egindako epaiketan terrorismoa gaitzesten ote zuen galdetu zion epaileak. Otegik ez zuen galdera erantzun nahi izan, eta Murillok honakoa bota zuen: "Banekien ba nik ez zenidala erantzun behar". Estrasburgoren iritzian, "bost salatzaileen errezeloak Murillorekiko objektiboki justifikatuta zeuden". Izan ere, bi hilabete lehenago beste auzi batean errekusatzea onartu zuen Auzitegi Gorenak.

Gomazko pilotakadak lesio konponezinak eragin zizkion Cabacasi, forentseen arabera

Gomazko pilotakadak lesio konponezinak eragin...
Gomazko pilotakadak lesio konponezinak eragin zizkion Cabacasi, forentseen arabera

Cabacas auzian astearte honetan dekla...
1:10 min.

Cabacas auzian astearte honetan deklaratu duten peritu forentseen arabera, biktimak buruan zuen zauria gomazko pilotakada batek eragindakoarekin bat dator.

Cabacasen auziaren epaiketan gaur, asteartea, peritu forentseen txanda izan da Bizkaiko Probintzia Auzitegian. Horien arabera, gomazko pilotakadaren kolpeak zauri konponezinak eragin zizkion Athleticeko zaleari, eta haren heriotzan, anbulantziek izandako atzerapena ez zuela harremanik izan esan dute. Cabacasen gorpuzkiari autopsia egin zioten forentseen esanetan, gazteak buruan zuen lesioa poliziak istiluei aurre egiteko erabilitako gomazko pilota batek eragindakoa bezalakoa izango litzateke. Ildo horretan, biktimak burezurreko azalean kolpe ia-ia perpendikularra jaso zuela azaldu dute, eta Basurtuko ospitalera heldu zenean zauri oso larriak zituela gaineratu dute; gainera, burezurreko hausturak eta zauriak lesio konponezinak eragin zizkiotela esan dute. Hori horrela, anbulantziek Cabacasen tokira heltzen emandako denbora laburragoa edo luzeagoa izanak garrantzirik ez duela azaldu dute, lesioak jada konponezinak zirelako. Gaztea burezurreko traumatismoak jota hil egin zen 2012ko apirilaren 5ean.

17 pertsona hil dira Espainiako kostaldera iritsi nahian ari zirela

17 pertsona hil dira Espainiako kostaldera ir...
17 pertsona hil dira Espainiako kostaldera iritsi nahian ari zirela

Beste 15-20 pertsona desagertuta egon...
1:36 min.

Beste 15-20 pertsona desagertuta egon litezke. Gainera, Itsas Salbamenduko kideek 80 pertsona erreskatatu dituzte.

Gutxienez 17 pertsona hil dira astelehen honetan Melillako eta Cadizeko kostaldean: 13 Melillan eta 4 Cadizen. Beste 15-20 pertsona desagertuta egon litezke. Gainera, Itsas Salbamenduko kideek bi ontzitan zihoazen 80 migratzaile erreskatatu dituzte Melillan. Melillan, 13 pertsona hil dira. Halaber, Espainiako Gobernuak Melillan duen ordezkariak jakinarazi duenez, bi ontzitan zihoazen beste 93 pertsona erreskatatu dituzte, kostatik 20 itsas miliara. Itsas Salbamenduko ontziak 80 pertsona lehorreratu ditu Melillako portuan, 75 gizon eta 5 emakume, eta handik immigranteak behin-behinean hartzeko CETI zentrora eraman dituzte. Halaber, bederatzi gorpu erreskatatu dituzte, guztiak gizonak. Bestalde, ontzi batek arroken kontra jo du Cadizen, Caños de Mecan, eta lau pertsona hil dira. 40 lagun inguru zihoazen ontzian.

Hipoteken zergaren balizko itzulketak 5.000 milioiko eragina izango luke Espainian

Hipoteken zergaren balizko itzulketak 5.000 m...
Hipoteken zergaren balizko itzulketak 5.000 milioiko eragina izango luke Espainian

Hori da Ogasun Ministerioak egindako ...
2:04 min.

Hori da Ogasun Ministerioak egindako kalkulua, baldin eta Auzitegi Gorenak erabakitzen badu zerga hori bezeroek ordaindu beharrean bankuek ordaindu behar dutela.

Maria Jesus Montero Espainiako Ogasun ministroak gaur emandako datuen arabera, 5.000 milioi euroko eragina izango luke hipoteken zergaren balizko itzulketak, baldin eta azkenean Auzitegi Gorenak erabakitzen badu zerga hori bezeroek ordaindu beharrean bankuek ordaindu behar dutela. Azaldu duenez, Sanchezen Gobernuak egitasmo bat prest dauka azkenean Auzitegi Gorenak bezeroen aldeko erabakia hartzen badu. Auzitegi Gorena hipoteken gaineko zergaren inguruan eztabaidatzen ari da, atzo zortzi orduko bilera egin ostean. Monteroren esanetan, behin erabakia publiko egiten denean, autonomia erkidegoekin eta finantza erakundeekin hartu beharreko neurriak koordinatzea da helburua. Ez hori bakarrik, kaltetuek egindako erreklamazioek finantza erakundeei egindako erreklamazioekin bat egitea nahiko luke, "defizit" hori diru kutxa publikoek beren gain hartu beharrik izan ez dezaten. Izan ere, Monteroren hitzetan, kaltetuek dirua autonomia erkidegoei eskatzen dietenetik Administrazioak bankuei dirua eskatzen dien bitartean denbora tarte bat iragan daiteke eta kasu horretan Estatuak hartuko luke behin-behinean gastu hori bere gain. Zehazki, lauzpabost hamarreneko eragina izango luke Espainiako Barne Produktu Gordinean. Hori gertatuko balitz, Pedro Sanchezen Gobernuak Bruselarekin hitz egingo luke defizitean izandako gorabehera hori hipoteken gaineko zergaren ondorio litzatekeela azaltzeko. Auzitegi Goreneko Administrazioarekiko Auzien Salako osoko bilkurak gaur jarraituko du hipoteken gaineko zergaren inguruan eztabaidatzen. Zerga nork ordaindu behar duen erabaki behar du aretoak.