Zeinu Hizkuntza kurtsoak

Ertzaintza homizidio gisa ikertzen ari da Bilboko 9 urteko neskatoaren heriotza

Ahizpa nagusiak aurkitu zuen haurraren hilotza familiaren etxean. Amak bihotza geratuta zuen, baina larrialdi zerbitzuek suspertu ostean, Basurtuko ospitalera eraman zuten.

Ertzaintzak ikertzen jarraitzen du bart Bilboko bere etxean hilik aurkitu duten 9 urteko neskatoaren heriotza. Haurraren 20 urteko ahizpak aurkitu zituen adin txikikoaren hilotza eta ama Atxuri auzoko etxebizitza batean. Amak bihotza geldituta zuen, baina larrialdi zerbitzuek suspertu ostean, Basurtuko ospitalera eraman zuten. Ertzaintzaren lehen ikerketen arabera, "krimen" bat izan da.

"Hipotesi guztiak" zabalik badaude ere, Ertzaintza homizidio gisa ikertzen ari da haurraren heriotza. Autopsiaren emaitzaren zain, ez dute baztertzen haurrak eta amak substantzia toxikoren bat hartu izana.

Larrialdi zerbitzuek 22:00etan jaso zuten abisua, baina osasun langileak George Stern kaleko 3. zenbakiko etxebizitzara bertaratu zirenerako haurra hilda zegoen. Neskatoaren gorpuak ez zuen indarkeria zantzurik.

Amak bihotz-biriketako geldialdia zuen, baina osasun langileek suspertu eta Basurtuko Ospitalera eraman zuten, larri.

Polizia judizialak heriotza gertatu den etxebizitzan igaro du gaua, goizera arte, zantzuen eta frogen bila.

Bizilagunen testigantzaren arabera, emakumea bi alabekin eta biloba batekin bizi zen.

M8an greba egiteko eta 'erdigunea hartzeko' deia egin du EHko Mugimendu Feministak

Bost ardatz edukiko ditu grebak: pentsionista, ikasle, enplegu, kontsumo eta zaintza greba izango da. Azken horri zentralitatea eman nahi diote feministek.

Martxoaren 8an "kapitalismo heteropatriarkalari planto"egiteko eta "erdigunea hartzeko" deia egin die "emakumeei*" Euskal Herriko Mugimendu Feministak. Egun horretarako "pentsionista, ikasle, zaintza, enplegu eta kontsumo greba feminista" deitu du mugimenduak.

Deitzaileek irakurri duten agirian zehaztu dutenez, "heteropatriarkatuak zapaltzen dituen kolektiboa" deitu dute grebara, hau da, "emakumeak*, bollerak eta transak". Izan ere, azaldu duenez, izartxoa darabilte grebaren subjektu guztiak ez direlako emakume bezala identifikatzen eta "emakume eta gizon kategoria patriarkalarekin amaitu beharra" dagoelako.

Ohartarazi dutenez, Euskal Herriko Mugimendu Feministak deitu du greba, eta ez dute onartuko inork borroka hori "xurgatzea", edo "erabilera alderdikoi edo korporatibista interesatua" egitea.

Feministek "itun sozial berria" eskatu dute zaintza modu kolektiboan berrantolatzeko, eta ez dadin "zapalduen bizkar geratu". Hori lortzeko, "parekidetasuna bermatzeko politikak" jarri beharko dira martxan, "sakoneko eraldaketa prozesu" bat eginez.

Nabarmendu dutenez, aurten zaintzari eman nahi diote zentralitatea, eta besteak beste, lan horiek azalarazi eta "etxeko langileen esplotazioarekin aberasten diren enpresa banpiroak" identifikatuko dituzte.

Martxoaren 8akoa kontsumo greba ere izango da, eta egun horretan ez kontsumitzeko eskatu dute. Azkenik, azpimarratu dute M8a kapitalismoaren kontrakoa dela, "langileon miseria eragiten duelako"; patriarkatuaren kontrakoa, "gizon eta emakumeen arteko botere sistema" delako; heteroarauaren kontrakoa, "LGTBIQ mugimendua baztertzen duelako"; kolonialismoaren kontrakoa, "pertsonen eta lurraldeen arteko desoreka harremanak eragiten dituelako", eta kapazitismoaren kontrakoa, "aniztasun funtzionala duten pertsonak alboratzen dituelako".

Gizon bat atxilotu dute Gasteizen bikotekideari eraso egiteagatik

Erasoa Aranbizkarra auzoko etxebizitza batean jazo da bart. Biktima erietxera eraman behar izan dute.

Gasteizko Udaltzaingoak 30 urteko gizonezko bat atxilotu du bart bikotekideari eraso egitea eta lesioak eragitea egotzita. Emakumea ospitalera eraman behar izan dute.

Udaltzaingoak ohar batean jakinarazi duenez, erasoa bart gauean jazo da Aranbizkarra auzoko etxebizitza batean. Agenteek etxeko atarian topatu dute gizona, eta atea ixten saiatu bada ere, ez du lortu. Agenteetako batzuk ustezko erasotzailearekin geratu dira, eta beste batzuk, etxebizitzara igo dira.

Emakumeak azaldu dienez, eztabaida izan du gizonarekin, eta une batean, horrek eraso egin eta sakelakoa apurtu dio.

Salaketok aintzat hartuta, genero indarkeriagatik atxilotu dute gizona. Gaur eramango dute epailearen aurrera.

Agenteek ospitalera eraman dute biktima.

Bestalde, 25 urte inguruko emakume bat hil dute bart Mecon (Madril), arma zuri batekin. Emakumearen gorpua Madrilgo Meco udalerrian aurkitu dute, iristeko zaila den toki batean, Guadalajarako mugatik gertu. Atzo 20:53an jaso zuten abisua larrialdi zerbitzuek. Antza denez, bertatik pasatzen ari ziren oinezko batzuek topatu zuten gorpua. Larrialdi zerbitzuak bertaratu zirenerako, ordea, emakumea hilda zegoen.

Juanma Moreno izendatu dute Andaluziako Gobernuko presidente

Ciudadanosen eta Voxen babesarekin, Alderdi Popularrak boterea hartu eta aldaketa politiko historikoa gauzatu du Andaluzian.

Juanma Moreno (PP) izendatu dute Andaluziako Gobernuko presidente, espero bezala, Ciudadanosen eta Voxen babesari esker.

PPk Ciudadanosekin batera gobernatuko du. Alderdi Popularrak sei kontseilaritza zuzenduko ditu eta Ciudadanosek bost, baina Juan Marin alderdi laranjaren buruzagia izango da Gobernuko presidenteordea.

Juanma Morenok ostiral honetan hartuko du presidente kargua, Andaluziako Parlamentuan, 12:00etan, egingo den ekitaldian. PPko hainbat buruzagi izango dira bertan, hala nola, Pablo Casado, Mariano Rajoy eta Soraya Saenz de Santamaria.

Morenok datorren astelehenean jakinaraziko ditu bere Gobernuaren osaketa zein izango den. Lehen gobernu-bilera urtarrilaren 25ean, Antequeran (Malaga), egingo dutela iragarri du.

Amaitu da Pablo Ibarren kontrako epaiketa

Epaiketako azken saioan, Fiskaltzak eta defentsak azken ondorioak aurkeztu dituzte. Hamabi lagunez osatutako epaimahaia elkartuko da orain, Pablo Ibar erruduna ala errugabea den erabakitzeko.

Floridan, Pablo Ibarren aurkako epaiketa epaiaren zain gelditu da bart, fiskalak eta defentsak beren ondorioak aurkeztu ondoren. Gaur elkartuko da epaimahaia (zortzi emakumek eta lau gizonek osatzen dute), Pablo Ibar erruduna edo errugabea den erabakitzeko. Epaiketaren azken saioan, defentsak Pablo Ibarri jarritako zigorra baliogabetu eta aske uztea eskatu du, fiskala bere argudioetan urrunegi joan dela iritzita.

Defentsako abokatuetako batek, bere aldetik, hiltzailea eta Pablo Ibar ez direla pertsona bera azpimarratu du. Horren arabera, "arrazoizko zalantzak" daude auzi honetako pieza bakoitzean.

Epaimahaia gaur goizeko bederatzietan elkartuko da, 09:00etatik 20:00etara. Erabakiaedozein dela ere, errudun zein errugabe jo, aho batez hartu beharko dute epaimahaiko hamabi kideek. Erabateko adostasunik egon ezean, epaiketa baliogabetzat joko dute eta errepikatu egingo da.

Ertzaintza homizidio gisa ikertzen ari da Bilboko 9 urteko neskatoaren heriotza

Ertzaintza homizidio gisa ikertzen ari da Bil...
Ertzaintza homizidio gisa ikertzen ari da Bilboko 9 urteko neskatoaren heriotza

Ahizpa nagusiak aurkitu zuen haurrare...
1:20 min.

Ahizpa nagusiak aurkitu zuen haurraren hilotza familiaren etxean. Amak bihotza geratuta zuen, baina larrialdi zerbitzuek suspertu ostean, Basurtuko ospitalera eraman zuten.

Ertzaintzak ikertzen jarraitzen du bart Bilboko bere etxean hilik aurkitu duten 9 urteko neskatoaren heriotza. Haurraren 20 urteko ahizpak aurkitu zituen adin txikikoaren hilotza eta ama Atxuri auzoko etxebizitza batean. Amak bihotza geldituta zuen, baina larrialdi zerbitzuek suspertu ostean, Basurtuko ospitalera eraman zuten. Ertzaintzaren lehen ikerketen arabera, "krimen" bat izan da. "Hipotesi guztiak" zabalik badaude ere, Ertzaintza homizidio gisa ikertzen ari da haurraren heriotza. Autopsiaren emaitzaren zain, ez dute baztertzen haurrak eta amak substantzia toxikoren bat hartu izana. Larrialdi zerbitzuek 22:00etan jaso zuten abisua, baina osasun langileak George Stern kaleko 3. zenbakiko etxebizitzara bertaratu zirenerako haurra hilda zegoen. Neskatoaren gorpuak ez zuen indarkeria zantzurik. Amak bihotz-biriketako geldialdia zuen, baina osasun langileek suspertu eta Basurtuko Ospitalera eraman zuten, larri. Polizia judizialak heriotza gertatu den etxebizitzan igaro du gaua, goizera arte, zantzuen eta frogen bila. Bizilagunen testigantzaren arabera, emakumea bi alabekin eta biloba batekin bizi zen.

2019/01/17

M8an greba egiteko eta

M8an greba egiteko eta 'erdigunea hartzeko' d...
M8an greba egiteko eta 'erdigunea hartzeko' deia egin du EHko Mugimendu Feministak

Bost ardatz edukiko ditu grebak: pent...
2:07 min.

Bost ardatz edukiko ditu grebak: pentsionista, ikasle, enplegu, kontsumo eta zaintza greba izango da. Azken horri zentralitatea eman nahi diote feministek.

Martxoaren 8an "kapitalismo heteropatriarkalari planto"egiteko eta "erdigunea hartzeko" deia egin die "emakumeei*" Euskal Herriko Mugimendu Feministak. Egun horretarako "pentsionista, ikasle, zaintza, enplegu eta kontsumo greba feminista" deitu du mugimenduak. Deitzaileek irakurri duten agirian zehaztu dutenez, "heteropatriarkatuak zapaltzen dituen kolektiboa" deitu dute grebara, hau da, "emakumeak*, bollerak eta transak". Izan ere, azaldu duenez, izartxoa darabilte grebaren subjektu guztiak ez direlako emakume bezala identifikatzen eta "emakume eta gizon kategoria patriarkalarekin amaitu beharra" dagoelako. Ohartarazi dutenez, Euskal Herriko Mugimendu Feministak deitu du greba, eta ez dute onartuko inork borroka hori "xurgatzea", edo "erabilera alderdikoi edo korporatibista interesatua" egitea. Feministek "itun sozial berria" eskatu dute zaintza modu kolektiboan berrantolatzeko, eta ez dadin "zapalduen bizkar geratu". Hori lortzeko, "parekidetasuna bermatzeko politikak" jarri beharko dira martxan, "sakoneko eraldaketa prozesu" bat eginez. Nabarmendu dutenez, aurten zaintzari eman nahi diote zentralitatea, eta besteak beste, lan horiek azalarazi eta "etxeko langileen esplotazioarekin aberasten diren enpresa banpiroak" identifikatuko dituzte. Martxoaren 8akoa kontsumo greba ere izango da, eta egun horretan ez kontsumitzeko eskatu dute. Azkenik, azpimarratu dute M8a kapitalismoaren kontrakoa dela, "langileon miseria eragiten duelako"; patriarkatuaren kontrakoa, "gizon eta emakumeen arteko botere sistema" delako; heteroarauaren kontrakoa, "LGTBIQ mugimendua baztertzen duelako"; kolonialismoaren kontrakoa, "pertsonen eta lurraldeen arteko desoreka harremanak eragiten dituelako", eta kapazitismoaren kontrakoa, "aniztasun funtzionala duten pertsonak alboratzen dituelako".

2019/01/17

Gizon bat atxilotu dute Gasteizen bikotekideari eraso egiteagatik

Gizon bat atxilotu dute Gasteizen bikotekidea...
Gizon bat atxilotu dute Gasteizen bikotekideari eraso egiteagatik

Erasoa Aranbizkarra auzoko etxebizitz...
1:45 min.

Erasoa Aranbizkarra auzoko etxebizitza batean jazo da bart. Biktima erietxera eraman behar izan dute.

Gasteizko Udaltzaingoak 30 urteko gizonezko bat atxilotu du bart bikotekideari eraso egitea eta lesioak eragitea egotzita. Emakumea ospitalera eraman behar izan dute. Udaltzaingoak ohar batean jakinarazi duenez, erasoa bart gauean jazo da Aranbizkarra auzoko etxebizitza batean. Agenteek etxeko atarian topatu dute gizona, eta atea ixten saiatu bada ere, ez du lortu. Agenteetako batzuk ustezko erasotzailearekin geratu dira, eta beste batzuk, etxebizitzara igo dira. Emakumeak azaldu dienez, eztabaida izan du gizonarekin, eta une batean, horrek eraso egin eta sakelakoa apurtu dio. Salaketok aintzat hartuta, genero indarkeriagatik atxilotu dute gizona. Gaur eramango dute epailearen aurrera. Agenteek ospitalera eraman dute biktima. Bestalde, 25 urte inguruko emakume bat hil dute bart Mecon (Madril), arma zuri batekin. Emakumearen gorpua Madrilgo Meco udalerrian aurkitu dute, iristeko zaila den toki batean, Guadalajarako mugatik gertu. Atzo 20:53an jaso zuten abisua larrialdi zerbitzuek. Antza denez, bertatik pasatzen ari ziren oinezko batzuek topatu zuten gorpua. Larrialdi zerbitzuak bertaratu zirenerako, ordea, emakumea hilda zegoen.

2019/01/17

Juanma Moreno izendatu dute Andaluziako Gobernuko presidente

Juanma Moreno izendatu dute Andaluziako Gober...
Juanma Moreno izendatu dute Andaluziako Gobernuko presidente

Ciudadanosen eta Voxen babesarekin, A...
1:08 min.

Ciudadanosen eta Voxen babesarekin, Alderdi Popularrak boterea hartu eta aldaketa politiko historikoa gauzatu du Andaluzian.

Juanma Moreno (PP) izendatu dute Andaluziako Gobernuko presidente, espero bezala, Ciudadanosen eta Voxen babesari esker. PPk Ciudadanosekin batera gobernatuko du. Alderdi Popularrak sei kontseilaritza zuzenduko ditu eta Ciudadanosek bost, baina Juan Marin alderdi laranjaren buruzagia izango da Gobernuko presidenteordea. Juanma Morenok ostiral honetan hartuko du presidente kargua, Andaluziako Parlamentuan, 12:00etan, egingo den ekitaldian. PPko hainbat buruzagi izango dira bertan, hala nola, Pablo Casado, Mariano Rajoy eta Soraya Saenz de Santamaria. Morenok datorren astelehenean jakinaraziko ditu bere Gobernuaren osaketa zein izango den. Lehen gobernu-bilera urtarrilaren 25ean, Antequeran (Malaga), egingo dutela iragarri du.

2019/01/17

Amaitu da Pablo Ibarren kontrako epaiketa

Amaitu da Pablo Ibarren kontrako epaiketa...
Amaitu da Pablo Ibarren kontrako epaiketa

Epaiketako azken saioan, Fiskaltzak e...
1:21 min.

Epaiketako azken saioan, Fiskaltzak eta defentsak azken ondorioak aurkeztu dituzte. Hamabi lagunez osatutako epaimahaia elkartuko da orain, Pablo Ibar erruduna ala errugabea den erabakitzeko.

Floridan, Pablo Ibarren aurkako epaiketa epaiaren zain gelditu da bart, fiskalak eta defentsak beren ondorioak aurkeztu ondoren. Gaur elkartuko da epaimahaia (zortzi emakumek eta lau gizonek osatzen dute), Pablo Ibar erruduna edo errugabea den erabakitzeko. Epaiketaren azken saioan, defentsak Pablo Ibarri jarritako zigorra baliogabetu eta aske uztea eskatu du, fiskala bere argudioetan urrunegi joan dela iritzita. Defentsako abokatuetako batek, bere aldetik, hiltzailea eta Pablo Ibar ez direla pertsona bera azpimarratu du. Horren arabera, "arrazoizko zalantzak" daude auzi honetako pieza bakoitzean. Epaimahaia gaur goizeko bederatzietan elkartuko da, 09:00etatik 20:00etara. Erabakiaedozein dela ere, errudun zein errugabe jo, aho batez hartu beharko dute epaimahaiko hamabi kideek. Erabateko adostasunik egon ezean, epaiketa baliogabetzat joko dute eta errepikatu egingo da.

2019/01/17

Urtarrila 2019
AAAOOLI
 123456
78910111213
14151617181920
21222324252627
28293031 
Abendua 2018
AAAOOLI
 12
3456789
10111213141516
17181920212223
24252627282930
31 

        2019-01-07ko bideoen artxiboa

Bi gizon atxilotu eta beste bat inputatu dituzte Bizkaian genero indarkeria egotzita

Bi gizon atxilotu eta beste bat inputatu ditu...
Bi gizon atxilotu eta beste bat inputatu dituzte Bizkaian genero indarkeria egotzita

Lehenengo atxiloketa Portugaleten iza...
1:41 min.

Lehenengo atxiloketa Portugaleten izan da, larunbateko 17:00ak jota. Gero, igandeko lehen orduetan, Ertzaintzak 56 urteko gizon bat atxilotu du Sestaon.

Azken orduetan Ertzaintzak bi gizon atxilotu ditu, eta beste baten inguruan ikerbidea hasi, genero-indarkeriarekin lotutako delituengatik, Eusko Jaurlaritzako Segurtasun Sailak ohar baten bidez jakitera eman duenez. Jazoerak Portugaleten, Getxon eta Sestaon gertatu dira. Lehenengo atxiloketa Portugaleten izan da, larunbat honetako 17:00ak pasata. Muskizeko Ertzain-etxean emakume bat azaldu da, salatuz ostiralean bere bikotekideak eraso egin ziola. Hori dela eta, 30 urteko gizonezko bat atxilotu du Ertzaintzak Larunbatean ere, 22:00etan, Getxo Ertzain-etxeko agenteek ikerbidea hasi dute 37 urteko gizon baten inguruan, genero-indarkeriarekin lotutako delitu batengatik, bere bikotekideari eraso egin diolakoan. Biktimak salatu duenez, joan den abenduaren 31an jazo zen erasoa. Azkenik, igande honetako lehen orduetan Ertzaintzak 56 urteko gizon bat atxilotu du, bikotekideari eraso egitea leporatuta. Gizonak aurrekari penal ugari ditu. Emakumeak aurkeztutako salaketaren arabera, erasoa gauerdi aldera jazo da haien etxebizitzan. Gizonak irainak esan dizkio, eta hura kolpatu du. Emakumeak etxetik ihes egin du, baina gizona bere atzetik joan da, eta kolpatzen jarraitu du. Ertzaintzako patruila batek erasoaren berri jaso du, emakumea artatu eta Gurutzetako Ospitalera eraman du. Gainera, erasotzailea atxilotu egin du. Aurretik, beste 15 aldiz atxilotu egin zuten gizona, horietako batzuk genero-indarkeriarekin lotutakoak eta, behin izapideak amaituta, epailearen esku utziko dute.

Kataluniako politikari presoen senideek mobilizazioekin bat egingo dute

Kataluniako politikari presoen senideek mobil...
Kataluniako politikari presoen senideek mobilizazioekin bat egingo dute

Ipar Euskal Herriko 60 hautetsi ingur...
2:00 min.

Ipar Euskal Herriko 60 hautetsi inguruk agerraldia egin dute Baionan, urtarrilaren 12an egingo diren mobilizazioei euren atxikimendua adierazteko. 150 hautetsik baino gehiagok izenpetu duten deialdia.

Euskal sindikatu guztiek, Kataluniako alderdi politikoetako ordezkariekin eta preso dauden buruzagi politikoen senitartekoekin batera, urtarrilaren 12ko manifestazioetan parte hartuko dutela baieztatu dute, “espetxe politika mendekatiarekin” amaitzeko. Joseba Azkarraga eta Arantxa Aldazabal Sareko bozeramileek euskaraz eta gaztelaniaz agiri bat irakurri dute Bilbon, prentsaurrekoan. “Gizarte gisa aurrera egiteko aukerak ematen dituen garai berri baten aurrean gaude”, baina horretarako “atsekabea eta sufrimendua etengabe eragiteari utzi behar zaio”, azpimarratu dutenez. Aldi berean, agerraldia egin dute larunbat goiz honetan Baionan Ipar Euskal Herriko 60 hautetsi inguruk, datorren urtarrilaren 12an egingo diren mobilizazioei euren atxikimendua adierazteko. Naiz-ek azaldu duenez, Lucien Betbeder Auzapezen Biltzarreko lehendakariak eta Alice Leiciagueçahar Eskualdeko kontseilariak hartu dute hitza Mixel Berhokoirigoin bakegileak eta Bake Bideako Anaiz Funosasek aurkeztu duten agerraldian, non 150 hautetsik baino gehiagok –horien artean 60 auzapez– izenpetu duten deialdia irakurri duten. Egungo espetxe politikarekin amaitzeko, Bilbon eta Baionan (17:00), urtarrilaren 12anegingo diren manifestazioetan parte hartzeko dei egin ondoren, sindikatu, elkarte eta alderdi politikoei egindako gonbita nabarmendu du Sarek. “Aurrenekoz, euskal sindikatu guztiek” manifestazioetan parte hartuko dute, goraipatu duenez. “Guztiak beharrezkoak gara”, azpimarratu du. Kataluniako alderdietako ordezkariek eta politikari presoen senideek ere bat egingo dutela nabarmendu du Sarek.

Sanchezi heriotza opa dion PPren bideo bat Fiskaltzara eramango du Gobernu zentralak

Sanchezi heriotza opa dion PPren bideo bat Fi...
Sanchezi heriotza opa dion PPren bideo bat Fiskaltzara eramango du Gobernu zentralak

EAJren hitzetan, bideoa “ez da hanka-...
2:12 min.

EAJren hitzetan, bideoa “ez da hanka-sartze bat, izugarrikeria baizik, eta deitoragarria”. Bideoa “onartezina” dela uste du PSE-EEk.

PPren kontu ofizialean argitaratutako txio bat Fiskaltzara eramango du Espainiako Gobernuak. Txioa dagoeneko ezabatu du Alderdi Popularrak. Mezuan Ignacio de la Puerta umoristaren bideo bat agertzen zen. Bideoan, Pedro Sanchez Exekutibo zentraleko presidentearen heriotza eskatzen die mutiko batek Errege Magoei gutunean. PPk jadanik barkamena eskatu du, “hanka-sartze” bat izan dela onartu ondoren. Moncloako iturriek jakitera eman dutenez, Fiskaltzak bideoa delitua ote den aztertu beharko du orain, eta egokia balitz egileen eta zabaldu dutenen aurka egin. Bideoan, presidentearen heriotza eskatzen die mutiko batek Errege Magoei gutunean. Ignacio de la Puerta umoristaren Facebook profilean dago. “Errege Mago maiteak: Amy Winehouse zen nire abeslari kutunena, eta eraman zenuen. Nire aktore gustukoena Robin Williams zen, eta eraman zenuen. Nire umorista maiteena Chiquito de la Calzada zen, eta eraman zenuen. Nire presidente kutunena Pedro Sanchez dela esateko bakarrik idazten dizut orain”, dio mutikoaren gutunak. Bideoa “ez da hanka-sartze bat, izugarrikeria baizik, eta deitoragarria”, adierazi du Aitor Esteban Diputatuen Kongresuko EAJren bozeramaileak Twitter sare sozialean. Miguel Angel Morales PSE-EEko Antolakuntza idazkariaren hitzetan, bideoa “onartezina” da. “2019. urteari lasaitasun handiagorekin, gustu hobeagoarekin eta aurkari politikoenganako errespetu handiagoarekin” heltzeko eskatu dio Moralesek Pablo Casadoren eta Alfonso Alonsoren alderdiari agiri batean.

Gutxienez 34 atxilotu Parisen,

Gutxienez 34 atxilotu Parisen, 'txaleko horie...
Gutxienez 34 atxilotu Parisen, 'txaleko horien' zortzigarren protesta egunean

Alemaniako Finantza ministroak oharta...
2:22 min.

Alemaniako Finantza ministroak ohartarazi duenez, litekeena da Frantziako 'txaleko horien' protestak Alemanian ere gertatzea.

Parisko Poliziak baieztatu duenez, gutxienez 34 lagun atxilotu dituzte larunbat honetan Frantziako hiriburuan zortzigarren larunbataz jarraian 'txaleko horiek' deitutako protestatan. Dena dela, segurtasun indarrek ez dituzte zauritu kopuruen gaineko xehetasunik eskaini. Gauzak horrela, 'txaleko horiek' Parisko erdiguneko kaleak hartu dituzte berriro ere, baita Frantziako hainbat hirietakoak ere, hala nola, Lyon, Rouen, Reims, Marseilla, Grenoble, Saint-Brieuc eta Saint-Lô. Eliseo Zelaietako inguruetan bildutako manifestariek Emmanuel Macron presidentearen dimisioa eskatu dute, eta 500-600 bat manifestarik asanblada egin dute Garaipenaren Arkutik oso gertu. "Larunbatero hemen egongo gara, 2019an zehar, herritarrek botorea berreskuratu bitartean. Estatua herritarrek beraiek antolatzea nahi dugu", esan du asanbladaren parte-hartzaileetako batek. 'Txaleko horien' mobilizazioak Parisen indarra galdu badu ere, oihartzun handia izaten jarraitzen du. Protestak hasi zirenetik, 1.500 manifestari eta 1.100 polizia baino gehiago zauritu dira, eta 10 pertsona hil dira, barrikadetan eta errepide-mozketetan izandako ezbeharretan. Bestalde, emakume 'txaleko horiek' hainbat manifestazio egin dituzte Frantziako hainbat puntutan, tartean, Parisen bertan, Toulousen, Caenen, Saint Nazairen eta La Rochellen. Mobilizazio baketsuak izan dira, ez da istilurik izan, 'txaleko horien' aldarrikapenei beste irudi bat emateko asmoz. Parisen, Bastille plazan bildu dira ehunka emakume, eta Errepublika eta Opera plazeetara abiatu dira, segurtasun neurri handien artean.