Zeinu Hizkuntza kurtsoak

Eusko Jaurlaritzak 102,5 milioi zuzenduko dizkie bekei eta ikasketarako laguntzei

Jaurlaritzako sailburuek aurrekontuaren ildo nagusiak azaldu dituzte. Nolanahi ere, ez dago ziurtatuta egitasmoak aurrera egitea, EAJ eta PSE-EE gutxiengoan ari direlako gobernatzen.

Eusko Jaurlaritzaren Hezkuntza Sailak 102,5 milioi zuzenduko dizkie bekei eta ikasketarako laguntzei 2020an, hurrengo egunerako prestatu dituen Aurrekontuen barnean.

Aipatutako 102,5 milioi horietatik, 57 daude jasota unibertsitatez kanpoko beketarako (garraioa, jantokia, materialak edo egoitza, besteak beste); kopuru hori, baina, handitu egingo da, baldintzak betetzen dituzten familia guztiek dagokien beka jaso dezaten, Hezkuntza Sailak zehaztu duenez.

Unibertsitate-beken barruan, Cristina Uriartek zuzendutako Sailak nabarmentzen du "ikasleen nazioarteko mugikortasunerako partida % 15,6 igo dela"; halaber, IkasIker programari zuzendutako partidak ere gora egin du, % 9; Euskal Unibertsitate Sistemako ikasleek bikaintasuneko ikerketa-taldeetan parte hartu ahal izatea sustatzen du azken programa horrek.

Bestalde, Hezkuntza Sailak Haurreskolen Partzuergora zuzendutako aurrekontu-saila handitzea aurreikusi du. 47,5 milioi eurokoa izango da 2020an. Halaber, 18.000 euro baino gutxiagoko diru-sarrerak dituzten familietako seme-alabentzat doakoa izango da haurreskola.

Horrez gain, Cristina Uriarte Hezkuntza sailburuak ondoko helburuak aipatu ditu: hezkuntzarako sarbidea bermatzea, jaiotza-tasak gora egitea lortzea eta lana eta familia kontziliatzeko neurriak indartzea.Haurreskola pribatuetara 26,5 milioi euro bideratuko dituztela ere jakinarazi du.

Berdintasun politikak sustatzeko, berriz, 72 milioi eurotik gorako inbertsioa egingo dutela esan du.

Sanchezen eta Iglesiasen kontuak inbestidurari begira

PSOEk eta Unidas Podemosek 155 boto dituzte guztira, 176ko gehiengo absolututik urrun, baina inbestidura lor dezakete hainbat alderdiren abstentzioa bermatuz gero.

Pedro Sanchez PSOEren buruak eta Pablo Iglesias Unidas Podemosenak sinatu duten koalizio gobernurako aurreakordioak Kongresuaren iragazkia pasatu behar du oraindik, hau da, Behe Ganberan gehiengoak argi berdea eman behar dio buruzagi sozialistaren inbestidurari.

Itun horren xehetasunak ixteko eta ministerioak eta ardurak banatzeko zain, inbestidurak dagoeneko 159 aldeko boto izango lituzke, lehenengo bozketan eskatzen den gehiengo osotik urrun.

PSOErenak 120 boto dira; Unidas Podemosenak, 35; PRCrena, bat; eta Mas Pais eta Compromisenak, hiru. Azken horiek, akordioa sinatu ez badute ere, gobernu aurrerakoiari babesa emateko konpromisoa agertu dute uneoro.

159 babes horiekin, Pedro Sanchezek inbestidura lor lezake bigarren itzulian, aldeko botoak kontrakoak baino gehiago izatea lortzen badu. Horretarako, ERCren, Ciudadanosen, EAJren, CCren, EH Bilduren, BNGren eta Teruel Existeren abstentzioa beharko luke.

Kasu horretan, PPren, Voxen, Navarra Sumaren, JxCaten eta Cupen aurkako botoak 152 izango lirateke. Ciudadanosek Sanchezen aurka bozkatzea erabakiz gero, abstentziotik baiezkora pasatu beharko lirateke inbestidurako bigarren itzuliko bozketan.

Gizon batek sexu-erasoa egin dio emakume bati Durangon

Erasoa astearte gauean gertatu da. Ustezko erasotzailea, 24 urtekoa bera, atxilotu dute.

24 urteko gizon batek sexu-erasoa egin dio emakume bati Durangon astearte gauean, Ertzaintzaren iturriek eitb.eus-i baieztatu diotenez.

Erasoa astearte gauean izan da, bizkaitar udalerrian. Ertzaintzak atxilotu egin du ustezko erasotzailea.

Israelek Yihad Islamikoaren helburuak bonbardatu ditu

Israelek "egoera berezia" iragarri du tiro trukearen ostean; bost palestinar hil dira.

Israelgo armadak Yihad Islamikoaren hainbat helburu bonbardatu ditu Gazatik dozenaka jaurtigai jaurti ostean. Israelek talde armatu palestinarreko goi kargudun bat hil du Gazako Zerrendan, azken asteotan Israelen aurka jaurtitako jaurtigaien arduraduna izan dena.

"Terroristek Gazatik zibil israeldarren aurka jaurtigaiak jaurtitzen dituztenean, bereizi gabe egiten dute. Hegazkin militarrek Yihad Islamikoaren aurka Gazan egitear dutena ez da nolanahikoa ", gaineratu du. "Armadak Yihad Islamikoaren helburu terroristei eraso egin die Gazan, entrenamendurako konplexuak, armak fabrikatzeko lurpeko instalazioak eta armak biltegiratzeko instalazioak barne", zehaztu du.

Bestalde, Israelgo Defentsa ministro berriak "egoera berezia" iragarri du 48 orduz Gazako zerrendako 80 kilometroko erradioan dauden eremu guztietan, egunean zehar dozenaka jaurtigai jaurti dituztelako, eta horrek bost palestinar hilda eta dozenaka zauritu utzi dituelako.

Eusko Jaurlaritzak 102,5 milioi zuzenduko dizkie bekei eta ikasketarako laguntzei

Eusko Jaurlaritzak 102,5 milioi zuzenduko diz...
Eusko Jaurlaritzak 102,5 milioi zuzenduko dizkie bekei eta ikasketarako laguntzei

Jaurlaritzako sailburuek aurrekontuar...
2:08 min.

Jaurlaritzako sailburuek aurrekontuaren ildo nagusiak azaldu dituzte. Nolanahi ere, ez dago ziurtatuta egitasmoak aurrera egitea, EAJ eta PSE-EE gutxiengoan ari direlako gobernatzen.

Eusko Jaurlaritzaren Hezkuntza Sailak 102,5 milioi zuzenduko dizkie bekei eta ikasketarako laguntzei 2020an, hurrengo egunerako prestatu dituen Aurrekontuen barnean. Aipatutako 102,5 milioi horietatik, 57 daude jasota unibertsitatez kanpoko beketarako (garraioa, jantokia, materialak edo egoitza, besteak beste); kopuru hori, baina, handitu egingo da, baldintzak betetzen dituzten familia guztiek dagokien beka jaso dezaten, Hezkuntza Sailak zehaztu duenez. Unibertsitate-beken barruan, Cristina Uriartek zuzendutako Sailak nabarmentzen du "ikasleen nazioarteko mugikortasunerako partida % 15,6 igo dela"; halaber, IkasIker programari zuzendutako partidak ere gora egin du, % 9; Euskal Unibertsitate Sistemako ikasleek bikaintasuneko ikerketa-taldeetan parte hartu ahal izatea sustatzen du azken programa horrek. Bestalde, Hezkuntza Sailak Haurreskolen Partzuergora zuzendutako aurrekontu-saila handitzea aurreikusi du. 47,5 milioi eurokoa izango da 2020an. Halaber, 18.000 euro baino gutxiagoko diru-sarrerak dituzten familietako seme-alabentzat doakoa izango da haurreskola. Horrez gain, Cristina Uriarte Hezkuntza sailburuak ondoko helburuak aipatu ditu: hezkuntzarako sarbidea bermatzea, jaiotza-tasak gora egitea lortzea eta lana eta familia kontziliatzeko neurriak indartzea.Haurreskola pribatuetara 26,5 milioi euro bideratuko dituztela ere jakinarazi du. Berdintasun politikak sustatzeko, berriz, 72 milioi eurotik gorako inbertsioa egingo dutela esan du.

2019/11/13

Sanchezen eta Iglesiasen kontuak inbestidurari begira

Sanchezen eta Iglesiasen kontuak inbestidurar...
Sanchezen eta Iglesiasen kontuak inbestidurari begira

PSOEk eta Unidas Podemosek 155 boto d...
1:49 min.

PSOEk eta Unidas Podemosek 155 boto dituzte guztira, 176ko gehiengo absolututik urrun, baina inbestidura lor dezakete hainbat alderdiren abstentzioa bermatuz gero.

Pedro Sanchez PSOEren buruak eta Pablo Iglesias Unidas Podemosenak sinatu duten koalizio gobernurako aurreakordioak Kongresuaren iragazkia pasatu behar du oraindik, hau da, Behe Ganberan gehiengoak argi berdea eman behar dio buruzagi sozialistaren inbestidurari. Itun horren xehetasunak ixteko eta ministerioak eta ardurak banatzeko zain, inbestidurak dagoeneko 159 aldeko boto izango lituzke, lehenengo bozketan eskatzen den gehiengo osotik urrun. PSOErenak 120 boto dira; Unidas Podemosenak, 35; PRCrena, bat; eta Mas Pais eta Compromisenak, hiru. Azken horiek, akordioa sinatu ez badute ere, gobernu aurrerakoiari babesa emateko konpromisoa agertu dute uneoro. 159 babes horiekin, Pedro Sanchezek inbestidura lor lezake bigarren itzulian, aldeko botoak kontrakoak baino gehiago izatea lortzen badu. Horretarako, ERCren, Ciudadanosen, EAJren, CCren, EH Bilduren, BNGren eta Teruel Existeren abstentzioa beharko luke. Kasu horretan, PPren, Voxen, Navarra Sumaren, JxCaten eta Cupen aurkako botoak 152 izango lirateke. Ciudadanosek Sanchezen aurka bozkatzea erabakiz gero, abstentziotik baiezkora pasatu beharko lirateke inbestidurako bigarren itzuliko bozketan.

2019/11/13

Gizon batek sexu-erasoa egin dio emakume bati Durangon

Gizon batek sexu-erasoa egin dio emakume bati...
Gizon batek sexu-erasoa egin dio emakume bati Durangon

Erasoa astearte gauean gertatu da. Us...
0:18 min.

Erasoa astearte gauean gertatu da. Ustezko erasotzailea, 24 urtekoa bera, atxilotu dute.

24 urteko gizon batek sexu-erasoa egin dio emakume bati Durangon astearte gauean, Ertzaintzaren iturriek eitb.eus-i baieztatu diotenez. Erasoa astearte gauean izan da, bizkaitar udalerrian. Ertzaintzak atxilotu egin du ustezko erasotzailea.

2019/11/13

Israelek Yihad Islamikoaren helburuak bonbardatu ditu

Israelek Yihad Islamikoaren helburuak bonbard...
Israelek Yihad Islamikoaren helburuak bonbardatu ditu

Israelek "egoera berezia" iragarri du...
1:27 min.

Israelek "egoera berezia" iragarri du tiro trukearen ostean; bost palestinar hil dira.

Israelgo armadak Yihad Islamikoaren hainbat helburu bonbardatu ditu Gazatik dozenaka jaurtigai jaurti ostean. Israelek talde armatu palestinarreko goi kargudun bat hil du Gazako Zerrendan, azken asteotan Israelen aurka jaurtitako jaurtigaien arduraduna izan dena. "Terroristek Gazatik zibil israeldarren aurka jaurtigaiak jaurtitzen dituztenean, bereizi gabe egiten dute. Hegazkin militarrek Yihad Islamikoaren aurka Gazan egitear dutena ez da nolanahikoa ", gaineratu du. "Armadak Yihad Islamikoaren helburu terroristei eraso egin die Gazan, entrenamendurako konplexuak, armak fabrikatzeko lurpeko instalazioak eta armak biltegiratzeko instalazioak barne", zehaztu du. Bestalde, Israelgo Defentsa ministro berriak "egoera berezia" iragarri du 48 orduz Gazako zerrendako 80 kilometroko erradioan dauden eremu guztietan, egunean zehar dozenaka jaurtigai jaurti dituztelako, eta horrek bost palestinar hilda eta dozenaka zauritu utzi dituelako.

2019/11/13

Azaroa 2019
AAAOOLI
 123
45678910
11121314151617
18192021222324
252627282930 
Urria 2019
AAAOOLI
 123456
78910111213
14151617181920
21222324252627
28293031 

        2019-10-30ko bideoen artxiboa

Ikastetxeetako sarreretan tabakoa saihesteko ekimen bat sustatuko du Jaurlaritzak

Ikastetxeetako sarreretan tabakoa saihesteko ...
Ikastetxeetako sarreretan tabakoa saihesteko ekimen bat sustatuko du Jaurlaritzak

Haur ugari biltzen diren guneetan tab...
1:38 min.

Haur ugari biltzen diren guneetan tabakoa erretzea edota zigarro elektronikoa kontsumitzea debekatu nahi du, nahiz eta toki horiek aire zabalean egon eta legeak bertan erretzea baimentzen duen.

Euskal Autonomia Erkidegoko ikastetxeetako sarreretan tabakoa erretzea saihesteko ekimen bat jarriko du martxan Eusko Jaurlaritzako Osasun Sailak. Zehazki, euskal udalerri batzuetako ikastetxeetan emango diote hasiera sentsibilizazio eta kontzientziazio egitasmo honi, esperientzia pilotu batekin. Nekane Murga Eusko Jaurlaritzako Osasun sailburuak “Kerik gabeko herriak” izeneko ekimena aurkeztu du atzo Eusko Legebiltzarreko Osasun Batzordean. Murgak azaldu duenez, tabakorik gabeko guneak esparru irekietara zabaltzea da horren helburua. Hala, pertsona eta, bereziki, haur ugari biltzen diren guneetan, tabakoa erretzea edota zigarro elektronikoa kontsumitzea debekatu nahi du Jaurlaritzak, nahiz eta toki horiek aire zabalean egon eta legeak bertan erretzea baimentzen duen. Sentsibilizazio programa berria EAEko udalerri batzuetako ikastetxeetan frogatuko dute, Hezkuntza Sailak bultzatuko duen esperientzia pilotu baten bidez. Adikzioen VII. Planaren lehen ebaluazio-txostenaren berri emateko Legebiltzarrean egin duen agerraldian iragarri du Murgak ekimena. Plan horrek adikzioen kontsumoa murriztea du helburu, arreta indibidualeko neurrien bitartez ez ezik, ingurune osasungarriak sortzera eta gizartearen, ekonomiaren eta politikaren eremuei dagozkien faktore estrukturalagoetan eragina izatera bideratutako ekintzen bidez ere.

Uraren faktura % 6 garestituko da Bizkaian, batez beste 11,5 euro gehiago urtean

Uraren faktura % 6 garestituko da Bizkaian, b...
Uraren faktura % 6 garestituko da Bizkaian, batez beste 11,5 euro gehiago urtean

Bilbao Bizkaia Ur Partzuergoaren arab...
2:07 min.

Bilbao Bizkaia Ur Partzuergoaren arabera, azpiegiturak eta zerbitzuaren kalitatea egungo eta etorkizuneko hiri urei buruzko eskakizunetara egokitzeko hartu du erabakia.

Bilbao Bizkaia Ur Partzuergoak hornidura, saneamendu eta arazketa zerbitzuengatiko tarifak % 6 igoko ditu datorren urtean. Gauzak horrela, Bizkaiko etxebizitzetan batez beste 11,5 euro gehiago ordainduko dituzte urtean uraren fakturan. Bilbao Bizkaia Ur Partzuergoak Arrigorriagan egin duen Batzar Nagusian hartu du erabakia. Izan ere, erakundeak egindako azterlanen arabera, egungo tarifekin zerbitzua ematetik eratorritako gastuen % 86 inguru estaltzen da. Hala, Ur Partzuergoaren arabera, beharrezkoa da pixkanaka % 100era hurbiltzea, "urari buruzko Europako zuzentarauaren kostuak berreskuratzeko printzipioari jarraiki". Gainera, erakunde horren arabera, igoera horrek "lurraldeak bere azpiegiturak eta zerbitzuaren kalitatea hiri urei buruzko egungo eta etorkizuneko euskal eta europar araudiak finkatzen dituen eskakizunetara egokitzeko behar duen inbertsioa bermatzen du". Bestalde, batzarrak 183,5 milioi euroko aurrekontua onartu du 2020rako, eta, horrenbestez, aurreko ekitaldiarekin alderatuta 4,5 milioi euro gehiago izango ditu. Ildo horretatik, aurrekontu osoaren % 36,4 hornidura eta saneamendu azpiegituretan inbertsio berriak egiteko erabiliko da. Guztira, 66,8 milioi euro bideratuko dira horretara, eta horietatik 10 milioi euro Ur Partzuergoak Bizkaiko Foru Aldundiarekin udalerrien azpiegiturak hobetzeko sinatutako hitzarmenetik datoz. Bestalde, Partzuergoak jakinarazi duenez, 2019ko urtarriletik irailera bitartean 918 familiek jaso dute saneamendu-tasaren % 80ko hobaria haien fakturetan, hau da, 2.571 likidaziok jaso dute hobaria, guztira, 37.125 euroko zenbatekoan.

Zaballako espetxeko bi funtzionario zauritu dituzte presoekin izandako liskar batean

Zaballako espetxeko bi funtzionario zauritu d...
Zaballako espetxeko bi funtzionario zauritu dituzte presoekin izandako liskar batean

Astelehen arratsaldean gertatu da. Bi...
1:26 min.

Astelehen arratsaldean gertatu da. Bi funtzionarioak bajan daude. Kartzelako zortzi preso bakartu dituzte, liskarragatik.

Zaballako espetxeko bi funtzionario zaurituta daude, astelehen arratsaldetik, hainbat presorekin izandako istilu batean preso batzuen erasoa pairatuta, TAMPM Tu Abandono Me Puede Matar presondegi-langileen elkarteak prentsa-ohar batean jakinarazi duenez. Funtzionarioek kontraktura bat eta besoan lesio bat jasan zituzten, hurrenez hurren, eta bajan daude une honetan. TAMPMen iritziz "istilu jendetsu oso larria" izan zen. Asteleheneko 18:00ak aldera hasi zen. Orduan, zerbitzuetako burua haren moduluan "nolabaiteko indarra duen" preso bati hurbildu zitzaion, eta presoa langilea iraintzen hasi zen; beste preso batzuk, halaber, funtzionarioa inguratu zuten, bai eta hari laguntzeko joan ziren beste funtzionario batzuk ere, eta matxinada bat hasi zen. Istiluetan parte hartu zuten zazpi preso bakartu zituzten. Liskarretan zauritu ziren bi funtzionarioak. Kamerak aztertuta, istiluetan nahasita izan ziren beste bi preso identifikatu zituzten; horietako bat ere bakartu dute, "haren jarreraren larritasunagatik". Elkarteak jakitera eman duenez, Zaballako langileek diote "azken 20 urteotan" bertan bizi duten egoerarik arriskutsuena izan dela.

Nafar neskato bati biluzik hartutako argazkiak eskatzeagatik atxilotu dute gizon bat

Nafar neskato bati biluzik hartutako argazkia...
Nafar neskato bati biluzik hartutako argazkiak eskatzeagatik atxilotu dute gizon bat

Argazkien truke, mugikor bat eskaini ...
1:41 min.

Argazkien truke, mugikor bat eskaini zion gizonak neskatoari; garai hartan, 2018ko abuztuan, horrek 10 urte zituen. Gizona behin-behineko espetxean dago.

Kantabriako 23 urteko gizon bat atxilotu du Polizia Nazionalak, Nafarroako adingabe bat jazartzea egotzita; ustez, neskatoari azken belaunaldiko mugikor bat eskaini zion, eta trukean eskatu zizkion biluzik hartutako argazkiak. Poliziak prentsa-ohar batean jakinarazi duenez, atxiloketa urriaren 21ean egin zuen. Gertakariak 2018ko abuztuaren 10ean jazo ziren. Orduan, neskatoaren gurasoetako bat Nafarroako Bulego Nagusian azaldu zen, salatzeko ezezagun batek 10 urteko haren alaba engainatu egin zuela. Hain zuzen ere, azken belaunaldiko mugikor bat eskaini zion, biluzik hartutako argazkien truke. Bere adineko beste neskato bat zelakoan omen zuen hasia harremana neskatoak gizon harekin, sare sozial ezagun baten bidez. Gizonak argazki-lehiaketa batean parte hartzea eskaini omen zion adingabeari; lehiaketa horren saria gama altuko mugikorra zen, Polizia Nazionalak azaltzen duenez. Mugikor hori irabazteko aukera izateko, biluzik hartutako argazkiak eta bideoak bidali behar zizkion, 'WhatsApp' aplikazioa erabilita. Adingabeak onartu egin zuen eskaintza, baina, salaketaren ostean, polizia-ikerketen ondorioz, Kantabriako gazte bat identifikatu, aurkitu eta atxilotu zuten. I.A.D.A. inizialak ditu, eta leporatzen diote prostituzioarekin, sexu-esplotazioarekin eta adingabeak galbideratzearekin lotutako ustezko delitu bat. Atxilotuak ez zuen aurrekari penalik; epailearen esku utzi zuten, eta epaileak agindu zuen kartzelan sartzea.