Zeinu Hizkuntza kurtsoak

250.000 bonu, denda txikietan erosketak bultzatzeko

Pertsona bakoitzak gehienez bi bonu eskuratu eta batera edo banan-banan gastatzeko aukera izango du urtarrilaren 5era arte

Eusko Jaurlaritzako Turismo, Merkataritza eta Kontsumo Sailak 250.000 bonu merkaturatuko ditu, 20 euroko salneurrian, denda txikietan 30 euroko erosketa egin ahal izateko, Gabonetako kanpainan.

Turismo, Merkataritza eta Kontsumo sailburuak Barakaldon (Bizkaia) aurkeztu zuen denda txikiei laguntzeko kanpaina. Era berean, Barakaldoko alkateak aurkezpenean parte hartu zuen.

Sailburuak azaldu zuenez, ekimenarekin dendei lagundu nahi diete; izan ere, 250.000 bonuekin denda txikien esku 2,5 milioi euro jarriko dituzte, eta gutxienez 7,5 milioi euro mugitzeko gaitasuna izango dute.

Bonu bakoitzak 20 euroko kostua du eroslearentzat; Eusko Jaurlaritzako Turismo, Merkataritza eta Kontsumo Sailak 10 euroko ekarpena egingo du, eta kanpainarekin bat egiten duten dendetan 30 euro xahutzeko aukera emango die kontsumitzaileei.

Pertsona bakoitzak gehienez bi bonu eskuratu eta batera edo banan-banan gastatzeko aukera izango du urtarrilaren 5era arte. Sailburuaren hitzetan, kanpaina “barne kontsumorako pizgarri bat da”, baita urte bukaerari begira EAEko familia askorentzako “laguntza” bat ere.

Bonua ez da denda mota zehatz batean erabiltzeko; izan ere, edozein tokitan erosi ahal izango da, hala nola, arrandegi, harategi, zapata-denda, arropa-denda, liburu-denda eta lurrin-dendatan.

Dendek kanpainarekin bat egiteko, izena emateko, abenduaren 22ra arteko epea dute. Erakusleihoetan edo sarreretan kartel bat jarriko dute, kontsumitzaileei kanpainarekin bat egin dutenaren berri emateko.

110.000 bisitari baino gehiago bildu ditu Durangoko Azokak

Durangoko Azokaren antolatzaileek bukatu berri den edizioaren balorazio positiboa egin dute, eta 53. edizioa abenduaren 5etik 9ra ospatuko dela iragarri dute.

Audio gabe.

Durangoko Azokaren 52. edizioa bukatuta, bost egunez Sormenaren Lurraldeak "bizia" hartu duela azpimarratu dute antolatzaileek. Guztira, 110.000 bisitari baino gehiago izan ditu Durangoko Azokak; abenduaren 6a izan zen egunik jendetsuena, eta azken eguna, abenduaren 10a, lasaiena.

Azokako espazio guztietan ibili da jendea bost egunetan, antolatzaileen arabera, eta zenbait unetan bete ere egin dira guneok: Berri Txarrak (Ahotsenea Zuzenekoak), “Handia” eta “Errementari” (Irudienea), “Ele!” (Szenatokia), Ene Kantak (Saguganbara), Glaukoma (Plateruena), Uxue Alberdi, Iñaki Perurena, Silvia Federici (Ahotsenea solasaldiak).

Gerediaga elkarteak ohar batean adierazi duenez, ”aurtengo Azokaren ekarpena handia izan da, hainbat aldetatik begiratuta: askotariko sortzaileak egon dira, kultur lanak ugariak izan dira eta gogoeta aberatsak utzi ditu".

Datu ekonomikoei erreparatuta, Durangoko Azokaren estimazioa da aurtengo edizioak 7,2 milioi euroko ekarpen ekonomikoa izan duela, "bisitari kopurua eta bakoitzak zer nolako gastua egin duen kontuan hartuta".

  1. edizioa amaitu berritan, 53. edizioari begira jarri da Azoka, eta hurrengo urteko datak zehaztu dituzte: abenduaren 5etik 9ra ospatuko da, bost egunez berriro ere, eta Ikasle Eguna mantendu eta indartzeko apustua egingo du Azokak.

Gainera, 53. edizioan zabalduko da lehen aldiz sormen beka berriaren lehenengo deialdia. 2018ko irailean egingo dute, eta abenduan, Azoka bete-betean, iragarriko da nork jasoko duen. 2019ko Durangoko Azokan gozatu ahal izango sormen bekaren lehenengo emaitza.

Halaber, "kultura guztion eskura" egitasmoa, Azoka bisitari guztientzat irisgarria izan dadin hasitako bidea, indartu nahi dute antolatzaileek hurrengo urteetan, gaitasun ezberdinak dituzten pertsona guztiek euskal kulturaz gozatzeko aukera izan dezaten.

'Euskaraldia' euskal hiztunak aktibatzea helburu duen ekimena aurkeztu dute

Euskal Herri osoko herri erakunde eta gizarte eragileen ekimena 2018ko azaroaren 23tik abenduaren 3ra egingo da, "11 egun euskaraz" lelopean, hizkuntza ohiturak aldatzeko asmoarekin

Euskaraldia euskal hiztunak aktibatzea helburu duen ekimena aurkeztu dute ostegun honetan Bilbon Euskal Herri osoko herri erakunde eta gizarte eragile eta elkarteek.

Egitasmoa 2018ko azaroaren 23tik abenduaren 3ra egingo da, 11 egun euskaraz lelopean, eta euskaraz hitz egin eta ulertzen duten herritarren arteko harremanetan hizkuntza ohiturak aldatzea du helburu, baita era guztietako erakunde eta elkarteak euskarazko hizkuntza praktikak babesteko neurriak hartzera bultzatzea ere.

Aurkezpena Arriaga antzokian egin da, eta Eusko Jaurlaritzako Kultura eta Hizkuntza Politikako sailburuak, Nafarroako Gobernuko Herritarrekiko eta Erakundeekiko Harremanetako kontseilariak hartu dute hitza. Gainera, egitasmoaren sustatzaile izango diren erakundeetako kideak ere egon dira aurkezpenean. Erakunde horien artean daude Araba, Gipuzkoa eta Bizkaiko aldundiak, AEK, Eudel, Elhuyar, EHU, Eusko Ikaskuntza, Hizkuntz Eskubideen Behatokia, Soziolinguistika Klusterra, Tokiko, Uema eta UEU.

Euskal Herriko hainbat euskaltzale elkartek urteetan zehar landu duten "Euskarak 365 egun" lan ildoaren baitan kokatzen da Euskaraldia, eta bi mugarri ditu. Batetik, euskal hiztunen hizkuntza ohituretan eragin nahi du, eta, horrela, beren harreman sareetan euskara gehiago erabiltzea izango da ekimenaren helburua. Bestetik, hizkuntzaren normalizazioaren ardura pertsonen eta entitateen artean partekatua denez, 2019an, mota guztietako entitateek euskararen erabilera babesteko eta bultzatzeko neurriak hartzea ere izango da ekimenaren helburua.

Euskaraldiak iraungo duen 11 egunetan, bi modutara parte hartu ahalko dute 16 urtetik gorako herritarrek, "ahobizi" eta "belarriprest" bihurtuta, hain zuzen ere. Ulertzen duten guztiei euskaraz hitz egiten dieten lagunak izango dira ahobizi, baita ezezagunei lehen hitza, gutxienez, euskaraz egiten dietenak ere; belarriprest, berriz, gutxienez euskara ulertzen duten kideak izango dira, gainerakoei euskaraz aritzeko gonbidapena luzatzen dietenak.

Herri eta erakundeek 2018ko lehen hiruhilekoan izango dute izena emateko aukera, eta udaberrirako jakin ahal izango da zenbat herri eta gunetan parte hartu ahal izango duten hiztunek 2018ko Euskaraldian.

250.000 bonu, denda txikietan erosketak bultzatzeko

250.000 bonu, denda txikietan erosketak bultz...
250.000 bonu, denda txikietan erosketak bultzatzeko

Pertsona bakoitzak gehienez bi bonu e...
1:44 min.

Pertsona bakoitzak gehienez bi bonu eskuratu eta batera edo banan-banan gastatzeko aukera izango du urtarrilaren 5era arte

Eusko Jaurlaritzako Turismo, Merkataritza eta Kontsumo Sailak 250.000 bonu merkaturatuko ditu, 20 euroko salneurrian, denda txikietan 30 euroko erosketa egin ahal izateko, Gabonetako kanpainan. Turismo, Merkataritza eta Kontsumo sailburuak Barakaldon (Bizkaia) aurkeztu zuen denda txikiei laguntzeko kanpaina. Era berean, Barakaldoko alkateak aurkezpenean parte hartu zuen. Sailburuak azaldu zuenez, ekimenarekin dendei lagundu nahi diete; izan ere, 250.000 bonuekin denda txikien esku 2,5 milioi euro jarriko dituzte, eta gutxienez 7,5 milioi euro mugitzeko gaitasuna izango dute. Bonu bakoitzak 20 euroko kostua du eroslearentzat; Eusko Jaurlaritzako Turismo, Merkataritza eta Kontsumo Sailak 10 euroko ekarpena egingo du, eta kanpainarekin bat egiten duten dendetan 30 euro xahutzeko aukera emango die kontsumitzaileei. Pertsona bakoitzak gehienez bi bonu eskuratu eta batera edo banan-banan gastatzeko aukera izango du urtarrilaren 5era arte. Sailburuaren hitzetan, kanpaina “barne kontsumorako pizgarri bat da”, baita urte bukaerari begira EAEko familia askorentzako “laguntza” bat ere. Bonua ez da denda mota zehatz batean erabiltzeko; izan ere, edozein tokitan erosi ahal izango da, hala nola, arrandegi, harategi, zapata-denda, arropa-denda, liburu-denda eta lurrin-dendatan. Dendek kanpainarekin bat egiteko, izena emateko, abenduaren 22ra arteko epea dute. Erakusleihoetan edo sarreretan kartel bat jarriko dute, kontsumitzaileei kanpainarekin bat egin dutenaren berri emateko.

2017/12/13

110.000 bisitari baino gehiago bildu ditu Durangoko Azokak

110.000 bisitari baino gehiago bildu ditu Dur...
110.000 bisitari baino gehiago bildu ditu Durangoko Azokak

Durangoko Azokaren antolatzaileek buk...
2:01 min.

Durangoko Azokaren antolatzaileek bukatu berri den edizioaren balorazio positiboa egin dute, eta 53. edizioa abenduaren 5etik 9ra ospatuko dela iragarri dute.

Audio gabe. Durangoko Azokaren 52. edizioa bukatuta, bost egunez Sormenaren Lurraldeak "bizia" hartu duela azpimarratu dute antolatzaileek. Guztira, 110.000 bisitari baino gehiago izan ditu Durangoko Azokak; abenduaren 6a izan zen egunik jendetsuena, eta azken eguna, abenduaren 10a, lasaiena. Azokako espazio guztietan ibili da jendea bost egunetan, antolatzaileen arabera, eta zenbait unetan bete ere egin dira guneok: Berri Txarrak (Ahotsenea Zuzenekoak), “Handia” eta “Errementari” (Irudienea), “Ele!” (Szenatokia), Ene Kantak (Saguganbara), Glaukoma (Plateruena), Uxue Alberdi, Iñaki Perurena, Silvia Federici (Ahotsenea solasaldiak). Gerediaga elkarteak ohar batean adierazi duenez, ”aurtengo Azokaren ekarpena handia izan da, hainbat aldetatik begiratuta: askotariko sortzaileak egon dira, kultur lanak ugariak izan dira eta gogoeta aberatsak utzi ditu". Datu ekonomikoei erreparatuta, Durangoko Azokaren estimazioa da aurtengo edizioak 7,2 milioi euroko ekarpen ekonomikoa izan duela, "bisitari kopurua eta bakoitzak zer nolako gastua egin duen kontuan hartuta". 52. edizioa amaitu berritan, 53. edizioari begira jarri da Azoka, eta hurrengo urteko datak zehaztu dituzte: abenduaren 5etik 9ra ospatuko da, bost egunez berriro ere, eta Ikasle Eguna mantendu eta indartzeko apustua egingo du Azokak. Gainera, 53. edizioan zabalduko da lehen aldiz sormen beka berriaren lehenengo deialdia. 2018ko irailean egingo dute, eta abenduan, Azoka bete-betean, iragarriko da nork jasoko duen. 2019ko Durangoko Azokan gozatu ahal izango sormen bekaren lehenengo emaitza. Halaber, "kultura guztion eskura" egitasmoa, Azoka bisitari guztientzat irisgarria izan dadin hasitako bidea, indartu nahi dute antolatzaileek hurrengo urteetan, gaitasun ezberdinak dituzten pertsona guztiek euskal kulturaz gozatzeko aukera izan dezaten.

2017/12/11

'Euskaraldia' euskal hiztunak aktibatzea helb...
'Euskaraldia' euskal hiztunak aktibatzea helburu duen ekimena aurkeztu dute

Euskal Herri osoko herri erakunde e...
2:49 min.

Euskal Herri osoko herri erakunde eta gizarte eragileen ekimena 2018ko azaroaren 23tik abenduaren 3ra egingo da, "11 egun euskaraz" lelopean, hizkuntza ohiturak aldatzeko asmoarekin

Euskaraldia euskal hiztunak aktibatzea helburu duen ekimena aurkeztu dute ostegun honetan Bilbon Euskal Herri osoko herri erakunde eta gizarte eragile eta elkarteek. Egitasmoa 2018ko azaroaren 23tik abenduaren 3ra egingo da, 11 egun euskaraz lelopean, eta euskaraz hitz egin eta ulertzen duten herritarren arteko harremanetan hizkuntza ohiturak aldatzea du helburu, baita era guztietako erakunde eta elkarteak euskarazko hizkuntza praktikak babesteko neurriak hartzera bultzatzea ere. Aurkezpena Arriaga antzokian egin da, eta Eusko Jaurlaritzako Kultura eta Hizkuntza Politikako sailburuak, Nafarroako Gobernuko Herritarrekiko eta Erakundeekiko Harremanetako kontseilariak hartu dute hitza. Gainera, egitasmoaren sustatzaile izango diren erakundeetako kideak ere egon dira aurkezpenean. Erakunde horien artean daude Araba, Gipuzkoa eta Bizkaiko aldundiak, AEK, Eudel, Elhuyar, EHU, Eusko Ikaskuntza, Hizkuntz Eskubideen Behatokia, Soziolinguistika Klusterra, Tokiko, Uema eta UEU. Euskal Herriko hainbat euskaltzale elkartek urteetan zehar landu duten "Euskarak 365 egun" lan ildoaren baitan kokatzen da Euskaraldia, eta bi mugarri ditu. Batetik, euskal hiztunen hizkuntza ohituretan eragin nahi du, eta, horrela, beren harreman sareetan euskara gehiago erabiltzea izango da ekimenaren helburua. Bestetik, hizkuntzaren normalizazioaren ardura pertsonen eta entitateen artean partekatua denez, 2019an, mota guztietako entitateek euskararen erabilera babesteko eta bultzatzeko neurriak hartzea ere izango da ekimenaren helburua. Euskaraldiak iraungo duen 11 egunetan, bi modutara parte hartu ahalko dute 16 urtetik gorako herritarrek, "ahobizi" eta "belarriprest" bihurtuta, hain zuzen ere. Ulertzen duten guztiei euskaraz hitz egiten dieten lagunak izango dira ahobizi, baita ezezagunei lehen hitza, gutxienez, euskaraz egiten dietenak ere; belarriprest, berriz, gutxienez euskara ulertzen duten kideak izango dira, gainerakoei euskaraz aritzeko gonbidapena luzatzen dietenak. Herri eta erakundeek 2018ko lehen hiruhilekoan izango dute izena emateko aukera, eta udaberrirako jakin ahal izango da zenbat herri eta gunetan parte hartu ahal izango duten hiztunek 2018ko Euskaraldian.

2017/11/24