Euskadi

2024/09/13
Bilboko hilketa matxista salatzeko eta "aski da" esateko deia egin du mugimendu feministak (1:06 min.)

Hego Euskal Herriko lau hiriburuetan deitu ditu bilkurak.

Audiorik gabe. Yanely Gonzalesen senideek, lagunek, mugimendu feministak eta Santutxuko bizilagunek elkarretaratzeak deitu dituzte Bilbon, 31 urteko emakumearen hilketa matxista gaitzesteko. Bizkaiko hiriburuko udaletxearen aurrean elkarretaratzea egingo dute biktimaren senideek eta lagunek, baita Emakume Migratu Feministak elkarteak ere, 17:00etan, samina eta gaitzespena adierazteko. Bi ordu geroago, 19:00etan, mugimendu feministak beste elkarretaratze bat deitu dute Santutxu auzoan. "Eraso sexistarik ez, autodefentsa feminista" lelopean, Santutxuko Egunkaria plazan (Karmelo plazako eskilaratan) elkartuko dira.

2024/09/13
Tuvisako gidari bati eraso dio gazte batek Gasteizen, eztabaida bat tarteko, autobusetik bota ostean (1:13 min.)

Tuvisak "irmoki" gaitzetsi du "beharrean ari zen lankidearen aurkako erasoa", eta elkarretaratzea deitu du datorren astelehenerako.

Audiorik gabe. Tuvisako —Gasteizko autobusen udal elkartea— enpresa batzordeak elkarretaratzea deitu du datorren astelehenerako, iragan asteartean autobus elektriko adimenduna gidatzen ari zen lankideak jasandako erasoa salatzeko. Hala, 19:00etan, Zaramaga kaleko lehenengo zenbakian egingo dute protesta, hari "babesa" agertze aldera. Ohar batean, irmoki gaitzetsi dute "beharrean ari zen lankidearen aurkako erasoa", eta argitu gisa horretako ekintzak "onartezinak" direla. Gidariari gazte batek egin zion eraso. Dirudienez, erasotzaileak ez zion beste bidaiari bati lekurik utzi nahi izan, aldameneko eserlekuan bere patinetea zuelako. Bi bidaiarien arteko eztabaidan sartu zen orduan gidaria, eta erasotzailea autobusetik bota zuen.

2024/09/12
Gidatzerakoan odolean baimendutako gehienezko alkohol tasa 0,5etik 0,2ra jatsi nahi du Espainiako Go (0:59 min.)

Espainiako Barne ministroaren arabera, Espainiako Estatuan izaten diren istripuen erdietan baino gehiagotan zuzeneko eragina dute alkoholak edota drogak.

Audiorik gabe. Espainiako Gobernuak erdira jaitsi nahi du gidatzeko baimenduta dagoen alkohol tasa gidari guztientzat, Fernando Grande-Marlaska Barne ministroak ostegun honetan iragarri duenez. Gaur egun, odol litro bakoitzeko gehienez 0,5 gramo alkohol izatea baimentzen du legeak Espainian. Marlaska ministroak xehetasunik eman ez badu ere, Barne Ministerioak adierazi du odolean baimenduta dagoen gehieneko alkohol tasa 0,5 gramotik 0,20ra jaistea dela asmoa (botatako aire litroko 0,25 miligramotik 0,10 miligramora). Errepide istripuen biktimen elkarteek egin dute baimendutako alkohol tasa jaisteko eskaria, eta Barne Ministerioak bere egin du eskakizuna. Grande-Marlaskak gaur emandako datuen arabera, Espainiako Estatuan izaten diren istripuen erdietan baino gehiagotan zuzeneko eragina dute alkoholak edota drogak. Horrez gain, uste du gizartea heldua dela iragarritako aldaketa onartzeko.

2024/09/12
Gizon batek 31 urteko emakume bat hil du Bilboko Santutxu auzoan (1:22 min.)

Hilketa matxista goizaldean izan da, 00:20an, bikotearen etxebizitzan. Ertzaintzak 34 urteko gizonezkoa atxilotu du, ustezko hiltzailea delakoan.

Audiorik gabe. 34 urteko gizon batek emakume bat, 31 urteko bikotekidea, hil du bart Bilbon, Eusko Jaurlaritzako Segurtasun Sailak ohar batean jakinarazi duenez. Hilketa matxista goizaldean, 00:20 aldera, jazo da Santutxu auzoan, Larreagaburu inguruan (Santutxu eta Atxuri auzoen artean), bikotearen etxean. Zaratak eta oihuak entzuten zirela eta, bizilagunek larrialdi zerbitzuetara deitu dute. Berehala bertaratu dira Udaltzaingoko zein Ertzaintzako hainbat patruila. Behin etxe barruan, biktima lurrean topatu dute, arma zuriz egindako zauriekin. Bertan hil da, medikuak gerora baieztatu duenez. Ertzaintzak ustezko hiltzailea atxilotu du, eta ospitalera eraman. Gizonak ez zuen aurrekaririk tratu txarrengatik, hilketa matxista gehienetan jazo ohi den bezala (2023an, biktimen % 26,7k baino ez zuten salaketa jarri bikotekidearen kontra).

2024/09/12
KPIa % 2,6 eta % 2,2raino apaldu da EAEn. (1:03 min.)

Espainiako Estatuan urtebeteko inflazioa % 2,3an kokatu da, iazko uztailetik izandako tasarik txikiena.

Audiorik gabe. Kontsumoko Prezioen Indizearen (KPI) urtebeteko tasa % 2,6raino jaitsi da abuztuan Euskal Autonomia Erkidegoan. Halaber, elikagaiak % 2,5 garestitu dira batez beste urtebetean Espainian, 2021eko urritik izan den igoerarik txikiena. Espainiako Estatistika Institutuak gaur zabaldutako behin betiko datuen arabera, urtebeteko tasak hiru hamarren egin du behera EAEn —% 2,9tik % 2,6ra—. Uztailetik abuztura, Kontsumorako Prezioen Indizea (KPI) bi hamarren igo da EAEn. Urtea hasi zenetik, prezioak % 2,9 garestitu dira EAEn.

2024/09/11
Foruzaingoa gizon bat ikertzen ari da Lodosan, animaliei tratu txarrak ematea leporatuta (1:02 min.)

Ikerketaren arabera, aipaturiko gizonak 35 txakur zituen osasun eta higiene egoera txarrean, horietatik 5 hilda eta beste 5 hilzorian.

Audiorik gabe. Foruzaingoak izapideak abiatu ditu Lodosako gizon baten aurka, animaliei tratu txarrak ematea leporatuta, Nafarroako Gobernuak ohar baten bidez jakinarazi duenez. Ikerketaren arabera, aipaturiko gizonak 35 txakur zituen osasun eta higiene egoera txarrean, horietatik 5 hilda eta beste 5 hilzorian. Ikerketa uztailean abiatu zuen Foruzaingoak, pertsona batek ohartarazi ostean Lodosako zakurtegi batean hainbat txakur oso egoera txarrean zeudela. Tokira bertaratutako foruzainek eta Lodosako udaltzainek bost txakur hilda aurkitu zituzten. Txakurtegiko osasun eta higiene baldintzak oso eskasak zirela egiaztatu ahal izan zuten: zikina, zizareak eta akainak nonahi.

2024/09/11
Hiru gizon atxilotu dituzte, Basauriko etxebizitza bateko leihotik egindako tiroekin lotura dutelako (1:11 min.)

Ez da inor zauritu, eta Ertzaintzak ikerketa abiatu du Urbi auzoan gertaturikoa argitzeko.

Audiorik gabe. Ertzaintzak hiru gizon atxilotu ditu bart Basaurin, Urbi auzoko etxebizitza bateko leihotik ustez suzko arma batekin egindako tiroekin lotura dutelakoan. Ez da inor zauritu, eta Ertzaintza gertaturikoa ikertzen ari da. Eusko Jaurlaritzako Segurtasun Sailak ohar bidez jakinarazi duenez, Ertzaintzak 21:40ak aldera jaso zuen abisua. Gertatutakoren berri izan ondotik, Ertzaintzako eta Basauriko Udaltzaingoko agenteak bertaratu ziren. Ingurua hesitu ondoren, zauriturik ez zegoela egiaztatu zuten. Segidan, ustez tiroak egin ziren etxebizitzara sartu ziren. Lehen ikerketak egin ondoren, 36, 31 eta 25 urteko hiru gizon atxilotu zituzten, homizidio saiakera leporatuta. Bien bitartean, Ertzaintzak ikerketa abiatu du gertaturikoa argitzeko.

2024/09/10
Iaz 204 pertsonak egin zuten euren buruaz beste Hego Euskal Herrian (1:27 min.)

Gaur da suizidioa prebenitzeko nazioarteko eguna. Izan ere, pentsamendu suizidei aurrea hartzea gako da. Europar Batasunean, gazteen artean suizidioa da lehen heriotza eragilea.

Audiorik gabe. Iaz 204 pertsonak egin zuten euren buruaz beste Hego Euskal Herrian, Eustat Euskadiko Estatistika Institutuak eta Nafarroako Gobernuak emandako datuen arabera. Gaur, irailaren 10ean, da, hain justu, Suizidioa Prebenitzeko Nazioarteko Eguna, eta horren harira zabaldu dituzte datuok. Adituen ustez, suizidio arriskuan dauden pertsonak identifikatzea eta haien jarraipena egitea giltzarri da arazoari aurrea hartzeko. Europar Batasunean, gazteen artean suizidioa da lehen heriotza eragilea. Eustatek uztailean jakinarazi zituen suizidioaren inguruko 2023ko datuak. Horien arabera, gizonezkoak izan ziren nagusi (% 74) euren buruaz beste egin zuten pertsonen artean (141etik 105), eta 40-49 eta 50-59 urteko tartean izan zuen intzidentzia gehien. LGTBIQ+ kolektiboa da zaurgarriena, bereziki, pertsona transexualak. 2022arekin alderatuta, behera egin dute suizidioek, baina duela 40 urteko datuekin alderatuz gero, bikoiztu egin da bere buruaz beste egiten dutenen kopurua.

2024/09/10
Etxeko langileentzat, eskubide berriak: doako mediku azterketak eta lan arriskuen ebaluazioa (2:15 min.)

Halaber, Espainiako Ministroen Kontseiluak gaur onartuko duen errege-dekretuak indarkeria eta jazarpen egoeretan jarduteko protokoloa aurreiskusten du etxeko langileentzat.

Audiorik gabe. Lan arriskuen ebaluazioa, arriskuen prebentziorako online ikastaroa eta doako mediku azterketak. Hemendik aurrera etxeko langileek izango dituzten eskubideetako batzuk dira horiek, orain arte ez zituztenak. Espainiako Gobernuak Ministroen Kontseilura eramango duen errege-dekretuan daude jasota, eta ezustekorik ezean, onartu egingo da etxeko langileen eskubideak zabaltzen dituen testu berria. Hala, Laneko Segurtasun eta Osasunerako Institutu Nazionalak lanpostuen arriskuen ebaluazioa egiteko tresnak jarriko ditu kontratatzaileen eskura, eta arriskuei eta prebentzioari buruzko formazio online ikastaroa egiteko aukera izango dute langileek. Lan arriskuei buruzko ikastaroa derrigorrean egin beharko dute langileek: euren lan ordutegian egingo dute, eta hala ez bada, ikastaroan igarotako orduak libratzeko aukera izango dute. Testu berriak, halaber, etxeko lanetan indarkeria eta jazarpen egoerei aurre egiteko jarduera protokolo bat ere aurreikusten du. Protokolo hori Laneko Segurtasun eta Osasunerako Institutu Biztanleria Aktiboaren Inkestako (BAI) datuen arabera, etxeko langileen % 88,9 emakumeak dira, eta ia erdiak, migratzaileak.

2024/09/09
22 urteko gizon bat larri zauritu dute Munetako jaietan izandako liskar batean, labankadaz (0:37 min.)

Aurrena, Lizarrako García Orcoyen ospitalera eraman dute, eta, gero, Nafarroako Unibertsitate Ospitalera, Iruñera.

Audiorik gabe. 22 urteko gizon bat larri zauritu dute Munetan (Nafarroa), labankadaz. Estellerriko herri horretan jaiak ospatzen ari dira, eta jaien testuinguruan sortu den borroka batean jaso du labankada gazteak. Aurrena, Lizarrako García Orcoyen ospitalera eraman dute, eta, gero, Nafarroako Unibertsitate Ospitalera, Iruñera. Foruzaingoak adin ertaineko gizon bat atxilotu du, erasoarekin zerikusia duelakoan.

2024/09/09
6.153 pertsonak asilo eskaera egin zuten iaz EAEn: inoizko daturik altuena (0:53 min.)

2022an aurkeztutako 10 babes eskarietatik ia 6 atzera bota ziren, Venezuelako herritarren kasuan, ordea, 3tik bakarra.

Audiorik gabe. Euskal Autonomia Erkidegoan inoiz baino asilo eskatzaile gehiago izan ziren 2023. urtean, Ikuspegi Immigrazioaren Euskal Behatokiak Espainiako Barne Ministerioaren datuak oinarri hartuta zabaldutako informazioaren arabera. 6.153 asilo eskatzaile izan ziren iaz EAEn, aurreko urtean baino 2.067 gehiago. 2022koa zen, hain zuzen ere, aurreko errekorra. Pandemia aurretik, 2019an, 4.827 asilo eskaera erregistratu ziren. 2022tik joera aldaketa izan da asilo eskatzaileen kopuruari dagokionez.

2024/09/06
Teturik gabe. (0:50 min.)

Testurik gabe.

Audio eta testurik gabe.

2024/09/06
Ikasleen % 70ak D ereduan egingo ditu ikasketak (1:26 min.)

360.000 ikasle gaur itzuliko dira ikasgeletara. Sare publikoan matrikulazioak gora egin du. Haur eta Lehen Hezkuntzan % 53koa da.

Audiorik gabe. Udako oporraldiaren ondoren ostiral honetan hasiko dira eskolak ofizialki Euskal Autonomia Erkidegoan. 358.463 ikasle itzuliko dira ikasgeletara unibertsitatez kanpoko hezkuntza-etapetan, hau da, Haur Hezkuntzatik Batxilergora eta Lanbide Heziketara. 2024-2025 ikasturtean Haur Hezkuntzan eta Lehen Hezkuntzan matrikulazioak % 3 inguru jaitsi da. Derrigorrezko Bigarren Hezkuntzan eta Batxilergoan, zifra orokorrak aurreko ikasturtearen oso antzekoak dira. DBHn, 92.334 ikasle matrikulatu dira, eta Batxilergoan, 33.202. Aurreko urtearekin alderatuz, Lanbide Heziketak igoera izan du matrikulazioetan. % 6,18 hazi da matrikulazioa, eta 48.772 ikasle arituko dira Lanbide Heziketan. Sare publikoan matrikulazioak gora egin du. Haur eta Lehen Hezkuntzan % 53koa da. Orokorrean, matrikulazioen % 51,6 sare publikoan egin da eta % 48,4 itunpekoan. Hizkuntza-ereduari dagokionez, sare publikoko matrikulazioen % 94 D ereduan egiten da.

2024/09/05
Testurik gabe. (0:58 min.)

Testurik gabe.

Audio eta testurik gabe.

2024/09/05
Festetan sexu-erasoengatik jarriko salaketak igo egin direla eta "erne" jarraitzeko eskatu du Emakun (1:44 min.)

Gasteizko, Bilboko eta Donostiako jaietan izan diren sexu-erasoei buruzko datuak eman ditu gaur Emakumearen Euskal Erakundeak.

Audio eta testurik gabe.

2024/09/04
Rafa Mir futbolariak bigarren gaua igaro du atxilotuta, epailearen aurretik pasatzeko zain (1:23 min.)

Valentziako jokalaria astelehenean atxilotu zuten, 21 urteko neska bati sexu-erasoa egitea egotzita. Asteazken honetan epailearen aurrera eramango dutela espero da.

Audiorik gabe. Rafa Mir Valencia CF taldeko futbolariak bigarren gaua igaro du Guardia Zibilaren egoitzan, bi sexu-eraso egotzita atxilotu ostean. Asteazken honetan epailearen aurrera eramango dutela deklaratzera aurreikusten da. Igande honetan, 21 urteko neska batek salatu zuen 27 urteko futbolari murtziarrak eta haren lagun batek sexu-erasoak egin zizkiotela futbolariaren etxebizitzan. Salaketaren arabera, biktima eta 25 urteko beste neska bat futbolariaren etxera joan ziren larunbat gauean, eta bi gizonek eraso egin zieten. Valentziako ospitale batean artatu zituzten bi emakumeak igandean, eta, ondoren, salaketak jarri zituzten biek. Mir astelehenean atxilotu zuten; akusatutako beste gizona, aldiz, asteartean. Valentzia CF taldeak ohar bat argitaratu du atxiloketaren inguruan. Oraingoz, ez du gertakarien inguruko baloraziorik egin nahi izan eta "zuhurtzia" eskatu du, gertaeren bilakaera ikusi arte.

2024/09/04
Sei urteko espetxea ezarri diote gizon bati Gasteizen, bikotekideari tratu txarrak eman eta sexu-abu (1:29 min.)

Defentsak eta Fiskaltzak akordioa erdietsi, eta bi aldeek onartu egin dute jarritako zigorra. Erasotzaileak alkoholarekiko duen mendekotasuna aringarritzat jo du epaileak.

Audiorik gabe. Ia sei urteko espetxe-zigorra ezarri dio Arabako Lurralde Auzitegiko epaile batek gizon bati, bikotekideari behin eta berriz tratu txarrak eman (21 hilabete) eta sexu-abusua egiteagatik (4 urte), 2022an, Gasteizen. Goizean egin den epaiketan, akusatuaren defentsak eta Ministerio Fiskalak akordioa erdietsi dute, eta bi aldeek ontzat eman dituzte ezarritako zigorrak. Erasotzaileak alkoholarekiko duen mendekotasuna aringarritzat jo du epaileak. Halaber, defentsa abokatuak hala eskatuta, epaileak ebatzi du gizonezkoa ez dela espetxean sartuko, hainbat baldintza beteta: alkoholarekiko duen mendekotasunaren aurkako tratamendua jaso beharko du, biktimarekiko urruntze-agindua ezarriko zaio eta indarkeria matxistari buruzko formazio-saio batean hartu beharko du parte.

2024/09/03
Abisu horia gaur gauean euriteengatik Kantauri isurialdean (2:01 min.)

Hamabost litro metro koadroko pila litezke leku batzuetan. Ez da aldaketa handirik espero larunbata arte, orduan hasiko baita atertzen, eta eguzkia ere ikusi ahal izango da.

Audiorik gabe. Eguraldi euritsuak eta ekaitzek ez dute etenik izango gutxienez ostiralera arte, eta gaur gauean, 21:00etatik biharko 09:00ak arte, abisu horia egongo da indarrean euriteengatik. Gaur giroa goibela izango da eta euria egingo du, batez ere Kantauri isurialdean; bertan espero ditugu zaparradarik mardulenak eta zenbait lekutan euria ugaria izan daiteke. Hegoaldean euria urriagoa izango da. Barnealdean iparraldeko haizea ibiliko da; tenperatura maximoak nabarmen jaitsi eta 19 edo 20 ºC ingurukoak izango dira, Ebro bailaran altuagoak. Kostaldean mendebal-osagaiko haizea ibiliko da, bolada gogor batzuekin. Aldaketa handirik gabe jarraituko dugu asteazkenean. Zerua oso hodeitsu edo estalita egongo da eta euria ia denean egin dezake. Hala ere, beste egun batez, euria ugariagoa izango da ipar partean. Ipar-mendebaldeko haizea ibiliko da eta udazken itxurako giroa gailenduko da, 20 ºC inguruko tenperatura maximoekin. Ostegunean eguraldiak ildo beretik jarraituko du. Hodeiak nagusituko dira zeruan, ostarteren bat ager daitekeen arren. Zaparradak egingo ditu, gehienbat Kantauri isurialdean; hegoaldean euria askoz urriagoa izango da. Gauean hodeiak ugaritu egingo dira eta zaparrada mardulagoak botako ditu, batez ere ipar-mendebaldean. Ipar-haizeak ahultzera egingo du. Tenperaturan aldaketa handirik ez, baina jaisteko joera izango du. Ostiralean euria egiten jarraituko du, nahiz eta tenperaturako gora egingo duen, eta larunbatean ateriago eutsiko dio eta eguzkia ere ikusiko da.

2024/09/03
Gizonezko bat atxilotu dute Loiuko aireportuan, hegazkinean emaztea jotzeagatik (1:35 min.)

Erasoak hegazkin barruan izan ziren, aireratu aurretik. Emakumea ikerketapean dago, gizonari ukabilkadak emateagatik.

Audiorik gabe. Guardia Zibilak Ibizatik iritsi berri zen bidaiari bat atxilotu zuen Loiuko aireportuan, bikotekideari hegazkinean tratu txarrak ematea leporatuta. Bizkaiko Komandantziako iturriek jakinarazi dutenez, emakumea ere ikerketapean dago, atxilotu gabe, gizonari aurpegian ukabilkadak emateagatik. Borroka hegazkinaren barrualdean gertatu zen, aireratu aurretik. Abuztuaren 22an izan zen gertakaria. Guardia Zibileko Zerga eta Muga Ataleko agenteei ohartarazi zieten Ibizatik Loiura joan behar zen hegazkin batean bikote batek eztabaida handia izan zuela, eta elkar joka aritu zirela. Hori horrela, guardia zibilak hegazkinaren zain geratu ziren, eta emakumeari deklarazioa hartu ziotenean, azaldu omen zien gizonarekin non eseri eztabaidatzen hasi eta elkar joz amaitu zutela. Lekukoek, berriz, agenteei esan zieten emakumeak ere ukabilkadak eman zizkiola gizonari aurpegian, eta emakumea ere ikerketapean dago etxeko indarkeria delituagatik. Izapideak beteta, atxilotua eta txostena Bilboko Guardiako Auzitegiaren esku utzi zituzten.

2024/09/02
18 urteko espetxe-zigorra onartu du Iruñeko taberna batean bikotekide ohia hil zuen gizonak (1:10 min.)

Halaber, ebazpenaren arabera, 552.383 euroko kalte-ordaina eman beharko die akusatuak biktimaren lau seme-alabei.

Audiorik gabe. 18 urteko espetxe-zigorra ezarri dio Nafarroako Lurralde Auzitegiak 2023ko uztailean Iruñean bikotekide ohia hil zuen gizonezkoari. Goizean egin den ahozko bista laburrean, aldeek ontzat eman dute zigorra, baita akusatuak ere. Ermitagañako auzoko taberna batean izan zen hilketa, iaz. 53 urteko gizonezkoak bere bazkide eta bikotekide ohia zen emakumea (47 urtekoa bera) labankadaz hil zuen. Hilketa delitua egotzita ezarri diote 18 urteko kartzela-zigorra akusatuari, eta biktimarekiko zuen senitasuna larrigarritzat jo da. Halaber, erasotzaileak hilketa aitortu izana aringarri gisa aplikatu du epaileak. Horrez gain, 552.383 euroko kalte-ordaina eman beharko die akusatuak biktimaren lau seme-alabei.

2024/09/02
Testurik gabe. (0:48 min.)

Testurik gabe.

Audio eta testurik gabe.

2024/09/02
Gizon bat atxilotu dute Getxon, adin txikiko neska bat indarrez atxikitzen saiatzeagatik eta mehatxa (1:28 min.)

Biktimarekin harremanetan jarri zen abuztuaren amaieran, sare sozial baten bidez, ikasturtean zehar eskola partikular batzuk adosteko.

Audiorik gabe. 30 urteko gizonezko bat atxilotu dute igande honetan, Ertzaintzak eta Getxoko Udaltzaingoak elkarlanean, adin txikiko neska bat bere borondatearen aurka atxikitzen saiatzeagatik eta haren aurkako mehatxuak egiteagatik. Segurtasun Sailak jakitera eman duenez, abuztuaren amaieran, gizona sare sozial baten bidez jarri zen harremanetan biktimarekin, ikasturtean zehar neska bati eskola partikularrak adosteko. Getxon geratu ziren, tokia ezagutu eta eskolei buruzko xehetasunen berri izateko. Geratu ziren lekura iritsitakoan, gizonak garajera eraman zuen, igogailua ondo ez zebilela esanez. Behean zeudenean, itxitako garaje batean indarrez sarrarazten saiatu zen. Adingabeak gizonarekin borroka egin eta ihes egitea lortu zuen. Oinezko batzuei laguntza eskatu zien, eta SOS Deiak 112 Larrialdiei Aurre Egiteko Zerbitzuari deitu zioten. Biktima artatu ondoren, Ertzaintzak ikerketa abiatu zuen eta, gaur, Getxoko Udaltzaingoarekin elkarlanean, susmagarriaren ibilgailua aurkitu dute. Ondoren, atxilotu egin dute 30 urteko gizona, mehatxu-delitua eta legez kanpoko atxiloketa egotzita. Hurrengo orduetan eramango dute epailearen aurrera.