Zeinu Hizkuntza kurtsoak

Astelehenean irekiko dituzte berriro Arabako eguneko zentroak

Abuztuaren 3tik aurrera, adinekoak eta desgaitasunak dituzten pertsonak eguneko zentroetara itzuli ahal izango dira. Astelehenetik ostiralera izango dute zentro horietan egoteko aukera.

Audiorik gabe.

Astelehenean irekiko dituzte berriro adinekoak edota desgaitasunen bat duten pertsonak hartzen dituzten Gizarte Ongizaterako Foru Erakundeko Arabako eguneko zentroak, uztailaren 18tik itxita egon ostean.

Ohar baten bidez Arabako Foru Aldundiak azaldu du neurriak zorrotz aztertu ostean hartu dutela erabakia. Zaharren-egoitzetan, baina, ez da aldaketarik izango, eta abuztuaren 9ra arte ez dituzte indargabetuko koronabirusaren pandemiagatik ezarritako neurri bereziak, "pertsona ahulenen" eta bertako langileen osasuna eta ongizatea bermatze aldera.

Horrela, pertsona bakar baten bisita jaso ahal izango dute astean.

Irteerak eta paseoak debekatuta izango dituzte, zentroetako lorategietara eta inguruetara egiten dituzten joan-etorriak salbu. Halaber, baimenduta izango dute zentroak berak programatutako ekintza terapeutikoetara joatea.

Horrez gain, salbuespeneko irteerak egin ahalko dituzte; gutxienez astebeteko iraupena izango dute, eta gehienez 45 egunekoa, baldin eta zentrora itzulitakoan bertantxe ezarritako osasun-protokola betetzen badute.

Eguneko zentroei dagokienez, esan bezala, abuztuaren 3an zabalduko dituzte ateak, astelehenetik ostiralera.

Lan erregulazioan dauden langileen soldatak osatzeko laguntzak onartu ditu Nafarroak

Uztailean, abuztuan edota irailean enplegu erregulazioan dauden eta urtean 20.000 eurotik beherako soldata gordina duten langileek jaso ahal izango dute osagarria.

Audiorik gabe.

Lan erregulazioan dauden beharginen soldatak osatzeko laguntzak onartu ditu Elkarrizketa Sozialerako Kontseiluak. Nafarroako Gobernuaren, Nafarroako Enpresa Konfederazioaren eta UGT eta CCOO sindikatuen artean hartu dute erabakia.

Horrela, uztailean, abuztuan edota irailean enplegu erregulazioan dauden eta urtean 20.000 eurotik beherako soldata gordina duten langileek eskatu ahal izango dute osagarria. Lanaldi erdia baino gehiago dutenek 150 euro jasoko dituzte hilabetero, eta gainerakoek 100 euro.

Enplegu erregulazioan sartu aurreko hamabi hilabeteetan langileak izandako kotizazioen batezbestekoan oinarrituko dira, laguntzak emateko orduan.

Helburua da deialdia urrian argitaratzea, eta ordainketa bakarrean jasoko dute osagarria eskatzaileek. Laguntza horiek bideratzeko, gehienez 3 milioi euroko aurrekontua izango du Gobernuak, eta behin epea agortuta, laguntzaren bilakaera aztertuko dute.

Voxek zentsura mozioa aurkeztuko du irailean Sanchezen aurka

PPren "erantzukizunari" dei egin dio bereziki, "Espainiako bigarren alderdi gisa", eta Sanchezek galdetu Casadori galdetu dio ea "PPrena ala Voxena" egingo duen bozketan.

Audiorik gabe.

Santiago Abascal Voxen buruak atzo iragarri zuenez, Pedro Sanchezen Gobernuaren aurkako zentsura-mozioa aurkeztuko du irailean, Espainian "hondamendia" eta "heriotza" nagusitu ez dadin, eta horrekin bat egiteko eskatu dio PPri.

Sanchezek Europako Kontseiluaren azken akordioen berri emateko agerraldia egin ostean egin du iragarpena Abascalek, Kongresuko osoko bilkuran.

Vox alderdiko buruak, PPren "erantzukizuna" azpimarratu du, "Espainiako bigarren alderdi gisa", baina mozioarekin bat egiteko gonbita luzatu die alderdi guztietako diputatuei, "Espainia hondamendira, heriotzara eta zapalkuntzara ez erortzeko garaiz" daudela uste baitute.

Ohartarazi du Sanchezen eta haren bazkide Pablo Iglesiasen kudeaketaren "hondamendia" ez dela amaierara iritsi, eta hartzen duten erabaki bakoitzarekin larriagotu egiten dela.

Marten inoiz bizirik izan ote den aztertzeko misio bat hasiko du gaur NASAk

2026an Lurrera itzuliko diren laginak biltzea izango da misioaren mugarri nagusia. "Perseverance" izena duen rover espazio-ibilgailu berria otsailaren 18an iritsiko da Martera.

Audiorik gabe.

Ostegun honetan, rover espazio-ibilgailu berria jaurtiko du NASAk Cabo Cañaveraletik (Florida, AEB). Izan ere, gaur bertan hasiko da Marten inoiz bizirik izan ote den aztertzea helburu duen Mars 2020 misioa. Hala, biziaren arrastoak topatzen saiatuko dira, "agentziaren erronka handienetako batean". Ez dakigu han inoiz bizirik izan ote den, baina badakigu Marte bere historiako uneren batean bizitzeko modukoa izan dela", gaineratu du.

Rover-ak 500 milioi kilometro baino gehiago egin beharko ditu datorren otsailaren 18an planeta gorrian lurreratu arte.

Azaldu duenez, "baldintza klimatiko egokiak" espero dituzte jaurtiketaren unerako, baina, aireratzea gaur ez bada posible, abuztuako bigarren astera arte saia daitezke, Lurrak eta Martek lerrokatze egokia mantenduko baitute.

Zeinu tv-ren agurra udako oporrengatik.

Berriak zeinu hizkuntzan irailean emango ditugu berriro

Audiorik gabe.

Zeinu.tv irailera arte egongo da oporretan. Eskerrak eman nahi dizkizuegu zeinu.tv-k emandako berriak zeinu hizkuntzan jarraitzeagatik. Zuek gabe ez zatekeen posible izango proiektu honekin jarraitzea.

Oporrez asko gozatu, kontuz errepidearekin, ez erre azala eguzkiagatik eta ez ahaztu COVID-19ren aurkako babes-neurriak betetzea.

Irailean ikusiko dugu elkar!

Astelehenean irekiko dituzte berriro Arabako eguneko zentroak

Astelehenean irekiko dituzte berriro Arabako ...
Astelehenean irekiko dituzte berriro Arabako eguneko zentroak

Abuztuaren 3tik aurrera, adinekoak et...
1:38 min.

Abuztuaren 3tik aurrera, adinekoak eta desgaitasunak dituzten pertsonak eguneko zentroetara itzuli ahal izango dira. Astelehenetik ostiralera izango dute zentro horietan egoteko aukera.

Audiorik gabe. Astelehenean irekiko dituzte berriro adinekoak edota desgaitasunen bat duten pertsonak hartzen dituzten Gizarte Ongizaterako Foru Erakundeko Arabako eguneko zentroak, uztailaren 18tik itxita egon ostean. Ohar baten bidez Arabako Foru Aldundiak azaldu du neurriak zorrotz aztertu ostean hartu dutela erabakia. Zaharren-egoitzetan, baina, ez da aldaketarik izango, eta abuztuaren 9ra arte ez dituzte indargabetuko koronabirusaren pandemiagatik ezarritako neurri bereziak, "pertsona ahulenen" eta bertako langileen osasuna eta ongizatea bermatze aldera. Horrela, pertsona bakar baten bisita jaso ahal izango dute astean. Irteerak eta paseoak debekatuta izango dituzte, zentroetako lorategietara eta inguruetara egiten dituzten joan-etorriak salbu. Halaber, baimenduta izango dute zentroak berak programatutako ekintza terapeutikoetara joatea. Horrez gain, salbuespeneko irteerak egin ahalko dituzte; gutxienez astebeteko iraupena izango dute, eta gehienez 45 egunekoa, baldin eta zentrora itzulitakoan bertantxe ezarritako osasun-protokola betetzen badute. Eguneko zentroei dagokienez, esan bezala, abuztuaren 3an zabalduko dituzte ateak, astelehenetik ostiralera.

2020/07/30

Lan erregulazioan dauden langileen soldatak osatzeko laguntzak onartu ditu Nafarroak

Lan erregulazioan dauden langileen soldatak o...
Lan erregulazioan dauden langileen soldatak osatzeko laguntzak onartu ditu Nafarroak

Uztailean, abuztuan edota irailean en...
1:14 min.

Uztailean, abuztuan edota irailean enplegu erregulazioan dauden eta urtean 20.000 eurotik beherako soldata gordina duten langileek jaso ahal izango dute osagarria.

Audiorik gabe. Lan erregulazioan dauden beharginen soldatak osatzeko laguntzak onartu ditu Elkarrizketa Sozialerako Kontseiluak. Nafarroako Gobernuaren, Nafarroako Enpresa Konfederazioaren eta UGT eta CCOO sindikatuen artean hartu dute erabakia. Horrela, uztailean, abuztuan edota irailean enplegu erregulazioan dauden eta urtean 20.000 eurotik beherako soldata gordina duten langileek eskatu ahal izango dute osagarria. Lanaldi erdia baino gehiago dutenek 150 euro jasoko dituzte hilabetero, eta gainerakoek 100 euro. Enplegu erregulazioan sartu aurreko hamabi hilabeteetan langileak izandako kotizazioen batezbestekoan oinarrituko dira, laguntzak emateko orduan. Helburua da deialdia urrian argitaratzea, eta ordainketa bakarrean jasoko dute osagarria eskatzaileek. Laguntza horiek bideratzeko, gehienez 3 milioi euroko aurrekontua izango du Gobernuak, eta behin epea agortuta, laguntzaren bilakaera aztertuko dute.

2020/07/30

Voxek zentsura mozioa aurkeztuko du irailean Sanchezen aurka

Voxek zentsura mozioa aurkeztuko du irailean ...
Voxek zentsura mozioa aurkeztuko du irailean Sanchezen aurka

PPren "erantzukizunari" dei egin dio ...
1:24 min.

PPren "erantzukizunari" dei egin dio bereziki, "Espainiako bigarren alderdi gisa", eta Sanchezek galdetu Casadori galdetu dio ea "PPrena ala Voxena" egingo duen bozketan.

Audiorik gabe. Santiago Abascal Voxen buruak atzo iragarri zuenez, Pedro Sanchezen Gobernuaren aurkako zentsura-mozioa aurkeztuko du irailean, Espainian "hondamendia" eta "heriotza" nagusitu ez dadin, eta horrekin bat egiteko eskatu dio PPri. Sanchezek Europako Kontseiluaren azken akordioen berri emateko agerraldia egin ostean egin du iragarpena Abascalek, Kongresuko osoko bilkuran. Vox alderdiko buruak, PPren "erantzukizuna" azpimarratu du, "Espainiako bigarren alderdi gisa", baina mozioarekin bat egiteko gonbita luzatu die alderdi guztietako diputatuei, "Espainia hondamendira, heriotzara eta zapalkuntzara ez erortzeko garaiz" daudela uste baitute. Ohartarazi du Sanchezen eta haren bazkide Pablo Iglesiasen kudeaketaren "hondamendia" ez dela amaierara iritsi, eta hartzen duten erabaki bakoitzarekin larriagotu egiten dela.

2020/07/30

Marten inoiz bizirik izan ote den aztertzeko misio bat hasiko du gaur NASAk

Marten inoiz bizirik izan ote den aztertzeko ...
Marten inoiz bizirik izan ote den aztertzeko misio bat hasiko du gaur NASAk

2026an Lurrera itzuliko diren laginak...
1:25 min.

2026an Lurrera itzuliko diren laginak biltzea izango da misioaren mugarri nagusia. "Perseverance" izena duen rover espazio-ibilgailu berria otsailaren 18an iritsiko da Martera.

Audiorik gabe. Ostegun honetan, rover espazio-ibilgailu berria jaurtiko du NASAk Cabo Cañaveraletik (Florida, AEB). Izan ere, gaur bertan hasiko da Marten inoiz bizirik izan ote den aztertzea helburu duen Mars 2020 misioa. Hala, biziaren arrastoak topatzen saiatuko dira, "agentziaren erronka handienetako batean". Ez dakigu han inoiz bizirik izan ote den, baina badakigu Marte bere historiako uneren batean bizitzeko modukoa izan dela", gaineratu du. Rover-ak 500 milioi kilometro baino gehiago egin beharko ditu datorren otsailaren 18an planeta gorrian lurreratu arte. Azaldu duenez, "baldintza klimatiko egokiak" espero dituzte jaurtiketaren unerako, baina, aireratzea gaur ez bada posible, abuztuako bigarren astera arte saia daitezke, Lurrak eta Martek lerrokatze egokia mantenduko baitute.

2020/07/30

Zeinu tv-ren agurra udako oporrengatik.

Zeinu tv-ren agurra udako oporrengatik....
Zeinu tv-ren agurra udako oporrengatik.

Berriak zeinu hizkuntzan irailean ema...
0:35 min.

Berriak zeinu hizkuntzan irailean emango ditugu berriro

Audiorik gabe. Zeinu.tv irailera arte egongo da oporretan. Eskerrak eman nahi dizkizuegu zeinu.tv-k emandako berriak zeinu hizkuntzan jarraitzeagatik. Zuek gabe ez zatekeen posible izango proiektu honekin jarraitzea. Oporrez asko gozatu, kontuz errepidearekin, ez erre azala eguzkiagatik eta ez ahaztu COVID-19ren aurkako babes-neurriak betetzea. Irailean ikusiko dugu elkar!

2020/07/30

Uztaila 2020
AAAOOLI
 12345
6789101112
13141516171819
20212223242526
2728293031 
Ekaina 2020
AAAOOLI
1234567
891011121314
15161718192021
22232425262728
2930 

        2020-07-13ko bideoen artxiboa

EAJ gailendu da, EH Bilduk igoera handia izan du eta Vox Legebiltzarrean sartu da

EAJ gailendu da, EH Bilduk igoera handia izan...
EAJ gailendu da, EH Bilduk igoera handia izan du eta Vox Legebiltzarrean sartu da

EAJk 31 ordezkari lortu ditu eta EH B...
1:54 min.

EAJk 31 ordezkari lortu ditu eta EH Bilduk 22. PSEk hirugarren tokia kendu dio Elkarrekin Podemosi eta PP-Cs koalizioak behera egin du. Vox sartu da. Parte-hartzea inoizko txikiena izan da.

Audiorik gabe. EAJ nabarmen gailendu da Eusko Legebiltzarrerako hauteskundeetan 31 eserleku eskuratuta, 2016an baino 3 gehiago; EH Bilduk bere inoizko emaitzarik onena izan du: 22 ordezkari izango ditu, lau gehiago gehiago. Gainera, Voxek Gasteizko Ganberan sartzea lortu du. PSE-EEk 10 eserleku eskuratu ditu (+1) eta hirugarren lekua kendu dio Elkarrekin Podemos-IUri. Koalizio moreak sei parlamentari izango ditu, aurreko agintaldia baino bost gutxiago. PP+Cs koalizioak ere beherakada nabarmena izan du: bost ordezkari lortu ditu. Aipatzekoa da Alderdi Popularrak 9 ordezkari lortu zituela 2016ko hauteskundeetan bakarrik aurkeztuta. Estefania Beltran de Heredia Segurtasun sailburuak gogoratu du oraindik zenbatu gabe daudela atzerritik igorritako botoak. Behin-betiko emaitzak datorren ostiralean ezagutaraziko dituztela espero da. Koronabirusaren pandemiak azkenean eragina izan du eta, 2016 hauteskundeekin alderatuta, parte-hartzea 7,2 puntu jaitsi da. Boto-emaileen % 52k soilik bozkatu du, EAEko hauteskundeetan inoiz izan den daturik baxuena. EAJk eta PSE-EEk gehiengo absolutua lortu dute, duela lau urte ez bezala, eta, zantzu guztien arabera, koalizio-gobernua osatzeko ituna egingo dute berriro. Emaitzak kontuan hartuta, ezkerreko hiruko gobernua (EH Bildu, Elkarrekin Podemos eta PSE-EE) ere posible izango litzateke, EH Bilduk, Elkarrekin Podemosek eta PSE-EEk 38 eserleku batzen dituztelako. Alabaina, Idoia Mendiak sarritan baztertu du aukera hori sarritan kanpainak egindako agerraldietan.

PPk gehiengo osoa lortu du berriro Galizian

PPk gehiengo osoa lortu du berriro Galizian...
PPk gehiengo osoa lortu du berriro Galizian

Alberto Nuñez Feijook laugarren aldiz...
1:08 min.

Alberto Nuñez Feijook laugarren aldiz lortu du gehiengo osoa. BNGk inoiz izan duen emaitzarik onena lortu du, 19 aulkirekin, 2016an baino 13 gehiago, eta oposizioaren lidergoa hartu du.

Audiorik gabe. PPk gehiengo osoa lortu du, berriro ere, igande honetan, Galiziako hauteskundeetan. Hain zuzen ere, Alberto Nuñez Feijoo Galiziako PPko liderrak laugarren aldiz jarraian eskuratu du erabateko gehiengoa. BNGk historiako bere emaitzarik onena eskuratu du, 19 aulkirekin, 2016an baino 13 gehiago, eta oposizioaren lidergoa hartu du. Podemosek, IUk eta Anovak osatutako koalizioak, berriz, ez du ordezkaritzarik lortu; 2016an, "mareek" 14 aulki izan zituzten. Hala, 2016an bezala 41 aulki lortuta, Nuñez Feijoo indartuta irten da; izan ere, berriro erakutsi du PPk autonomia erkidegoetan duen lider sendoena dela. PSdeG-PSOEk 2016an izandako 14 aulkiei beste bat gehitu dio. Voxek eta Ciudadanosek, Unidas Podemosek bezala, ez dute ordezkaritzarik lortu.

Bahiketa faltsuen erreskatea eskatzen duten hamar bat dei atzeman ditu Ertzaintzak

Bahiketa faltsuen erreskatea eskatzen duten h...
Bahiketa faltsuen erreskatea eskatzen duten hamar bat dei atzeman ditu Ertzaintzak

Telefonoa finkoen titularrei zuzentze...
1:05 min.

Telefonoa finkoen titularrei zuzentzen dizkiete deiak, eta horietan, pertsona anonimo batek telefono hartzen duenaren senide bat bahituta duela adierazi eta askatzeko 10.000 euro eskatzen dizkio.

Audiorik gabe. Ertzaintzak hamar bat dei atzeman ditu Euskal Autonomia Erkidegoan, uztailaren 9tik 10era bitartean, eta, horietan, ezezagun batzuek senide bat bahituta dutela adieraziz, erreskatea eskatzen dute, diru kopuru baten truke. Normalean, telefono finkoen titularrei egiten dizkiete deiak, pertsona anonimo batek jakinarazten die senide bat bahituta dagoela, eta, askatzeko, 10.000 euro inguruko diru-kopurua eskatzen dute. Ertzaintzak zehaztu duenez, delitugileak "familiak izutzen" saiatu dira, "nahasmen, larritasun eta beldur handia sortuz". Dei horietako bat jasoz gero, bahiketaren ustezko biktima une horretan egon beharko lukeen lekuan dagoela egiaztatzeko eskatu du Ertzaintzak. "Funtsezkoa da izuak egoera aztertzeko eta arrazionalki jokatzeko dugun gaitasuna ez blokeatzea. Baloratu behar dugu egoera benetakoa den edo ez eta, iruzurra izan daitekeela planteatu", ohartarazi du Ertzaintzak. Era berean, "eskatutako zenbatekoa ez ordaintzea" eskatu dute eta Poliziari gertatutakoa "berehala" jakinaraztea gomendatu dute. Hala ere, Segurtasun Sailak zehaztu duenez, "kontuan izan behar da ustez bahitutako pertsonarekin harremanetan jartzeko ezintasuna estaldurarik gabeko gune batean egotearen ondorio izan daitekeela, edo haren telefono mugikorra piztuta ez izatea zineman, Unibertsitatean edo ikastetxean egotearen ondorio izan daitekeela".