telebista zeinu hizkuntzan
EAJk irabazi du Bilbon eta Donostian, EH Bilduk Gasteizen.
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Audiorik gabe.
EAJ izan da alderdi bozkatuena Bilboko eta Donostiako udal hauteskundeetan; EH Bildu, Gasteizen, eta UPN, Iruñean.
Oro har, M28ko hauteskundeek aldaketa sakonak ekarri dituzte gure mapa instituzionalean: alderdi jeltzalea lehen indarra izan da EAEko hiru hiriburuetako bitan eta Arabako eta Bizkaiko Batzar Nagusietan, baina atzera egin du bototan eta boterea galdu du erakunde guztietan. Koalizio abertzaleak, aitzitik, hazkunde oso handia izan du lurralde guztietan, eta bozkatuena izan da Arabako hiriburuan eta Gipuzkoako Batzar Nagusietan. Iruñean, gainera, aukerak ditu Alkatetza bereganatzeko.
Horrela, Gasteizen, EH Bilduk 7 zinegotzi lortu ditu, duela lau urte baino bat gehiago, eta EAJ (orain arte agintea zuen indarra) laugarren lekura jaitsi da. PSE-EEk, PPk eta EAJk 6na ordezkari lortu dituzte, eta lau indarren arteko aldea 3 puntukoa baino ez da izan.
Bilbon, alderdi jeltzaleak aise irabazi du (12 zinegotzi). Hori bai, bi ordezkari galdu ditu eta gehiengo osotik urrundu da.
Donostian, EAJk eta EH Bilduk berdindu egin dute (8na zinegotzi), baina jeltzaleek puntu bateko aldea dute bototan.
Gasteizko emakume haurdunaren ustezko hiltzailea atxilotu dute Zaragozan
Guardia Zibilak atxilotu du gizona, taxi batean ihes egiten ari zen bitartean Valentziara bidean.
Audiorik gabe.
Guardia Zibilak atxilotu egin du igande honetan Gasteizko apartahotel batean indarkeria zantzuekin hilda agertu den emakumearen ustezko hiltzailea. Ertzaintzak indarkeria matxistaren barruan kokatu du hilketa, eta, biktimarekin batera, haurtxo bat aurkitu dute egoera onean, baina ospitalera eraman dute, mediku-azterketa egin diezaioten.
Urruntze-agindua zuen bikotekide ohia desagertuta egon da orain arte. Guardia Zibilak Zaragozan atxilotu du, antza denez, ibilgailu batean Valentziako Erkidegorako bidean ihes egiten ari zela.
Segurtasun Sailak ohar batean azaldu duenez biktimak 32 urte zituen eta Gasteizkoa zen. Ertzaintzak ikerketa zabalik du, hilketaren nondik norakoak argitzeko.
Mobilizazioak deitu dituzte gaurko Gasteizen, atzo gertatutako hilketa matxista gaitzesteko
12:00etan elkarretaratzea egin dute udaletxe parean. Arratsalderako, protesta deitu du Gasteizko Mugimendu Feministak. Atxilotua aurki eramango dute polizia etxera.
Audiorik gabe.
Gasteizko alkate Gorka Urtaranek Indarkeria Matxistaren aurrean Jendaurreko Erantzuna emateko Protokoloa aktibatu du Udaleko bozeramaile batzordearen bileran, atzo Arabako hiriburuan gertatutako hilketa matxistari erantzuna emate aldera. Ikerketak aurrera egin duen heinean, eta hilketa matxista izan dela jakin berritan, 12:00etan hasi den elkarretaratzea deitu du udaletxe aurrean, hilketa irmoki gaitzesteko.
Era berean, Arabako hiriburuko Udalak Mugimendu Feministak deitutako gaitzespen ekitaldiekin bat egiteko asmoa agertu du, eta herritar guztiak gonbidatu ditu ekitaldiotan parte hartzera.
Gasteizko Mugimendu Feministak, sare sozialen bidez, aurreratu du mobilizazioa egingo duela Andre Maria Zuriaren plazan, 19:00etatik aurrera.
EAJk irabazi du Bilbon eta Donostian, EH Bild...
EAJk irabazi du Bilbon eta Donostian, EH Bilduk Gasteizen.
Alderdi jeltzaleak babesa galdu du er...
1:47 min.
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Audiorik gabe. EAJ izan da alderdi bozkatuena Bilboko eta Donostiako udal hauteskundeetan; EH Bildu, Gasteizen, eta UPN, Iruñean. Oro har, M28ko hauteskundeek aldaketa sakonak ekarri dituzte gure mapa instituzionalean: alderdi jeltzalea lehen indarra izan da EAEko hiru hiriburuetako bitan eta Arabako eta Bizkaiko Batzar Nagusietan, baina atzera egin du bototan eta boterea galdu du erakunde guztietan. Koalizio abertzaleak, aitzitik, hazkunde oso handia izan du lurralde guztietan, eta bozkatuena izan da Arabako hiriburuan eta Gipuzkoako Batzar Nagusietan. Iruñean, gainera, aukerak ditu Alkatetza bereganatzeko. Horrela, Gasteizen, EH Bilduk 7 zinegotzi lortu ditu, duela lau urte baino bat gehiago, eta EAJ (orain arte agintea zuen indarra) laugarren lekura jaitsi da. PSE-EEk, PPk eta EAJk 6na ordezkari lortu dituzte, eta lau indarren arteko aldea 3 puntukoa baino ez da izan. Bilbon, alderdi jeltzaleak aise irabazi du (12 zinegotzi). Hori bai, bi ordezkari galdu ditu eta gehiengo osotik urrundu da. Donostian, EAJk eta EH Bilduk berdindu egin dute (8na zinegotzi), baina jeltzaleek puntu bateko aldea dute bototan.
2023/05/29
Gasteizko emakume haurdunaren ustezko hiltzai...
Gasteizko emakume haurdunaren ustezko hiltzailea atxilotu dute Zaragozan
Guardia Zibilak atxilotu du gizona, t...
1:05 min.
Guardia Zibilak atxilotu du gizona, taxi batean ihes egiten ari zen bitartean Valentziara bidean.
Audiorik gabe. Guardia Zibilak atxilotu egin du igande honetan Gasteizko apartahotel batean indarkeria zantzuekin hilda agertu den emakumearen ustezko hiltzailea. Ertzaintzak indarkeria matxistaren barruan kokatu du hilketa, eta, biktimarekin batera, haurtxo bat aurkitu dute egoera onean, baina ospitalera eraman dute, mediku-azterketa egin diezaioten. Urruntze-agindua zuen bikotekide ohia desagertuta egon da orain arte. Guardia Zibilak Zaragozan atxilotu du, antza denez, ibilgailu batean Valentziako Erkidegorako bidean ihes egiten ari zela. Segurtasun Sailak ohar batean azaldu duenez biktimak 32 urte zituen eta Gasteizkoa zen. Ertzaintzak ikerketa zabalik du, hilketaren nondik norakoak argitzeko.
2023/05/29
Mobilizazioak deitu dituzte gaurko Gasteizen,...
Mobilizazioak deitu dituzte gaurko Gasteizen, atzo gertatutako hilketa matxista gaitzesteko
12:00etan elkarretaratzea egin dute u...
0:56 min.
12:00etan elkarretaratzea egin dute udaletxe parean. Arratsalderako, protesta deitu du Gasteizko Mugimendu Feministak. Atxilotua aurki eramango dute polizia etxera.
Audiorik gabe. Gasteizko alkate Gorka Urtaranek Indarkeria Matxistaren aurrean Jendaurreko Erantzuna emateko Protokoloa aktibatu du Udaleko bozeramaile batzordearen bileran, atzo Arabako hiriburuan gertatutako hilketa matxistari erantzuna emate aldera. Ikerketak aurrera egin duen heinean, eta hilketa matxista izan dela jakin berritan, 12:00etan hasi den elkarretaratzea deitu du udaletxe aurrean, hilketa irmoki gaitzesteko. Era berean, Arabako hiriburuko Udalak Mugimendu Feministak deitutako gaitzespen ekitaldiekin bat egiteko asmoa agertu du, eta herritar guztiak gonbidatu ditu ekitaldiotan parte hartzera. Gasteizko Mugimendu Feministak, sare sozialen bidez, aurreratu du mobilizazioa egingo duela Andre Maria Zuriaren plazan, 19:00etatik aurrera.
2023/05/29
| A | A | A | O | O | L | I |
|---|---|---|---|---|---|---|
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | ||||
| A | A | A | O | O | L | I |
|---|---|---|---|---|---|---|
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
2023-05-11ko bideoen artxiboa
Banaketa-enpresek eta jatetxeek zigorrak jaso...
Banaketa-enpresek eta jatetxeek zigorrak jasoko dituzte saltzen ez duten janaria ematen ez badute
Enpresek, horretarako gaitasuna duten...
1:02 min.
Enpresek, horretarako gaitasuna dutenean, lehentasun hierarkia bat aplikatu beharko dute janaria zakarrontzira ez botatzeko, eta soberan geratzen dena eramateko aukera eskaini beharko dute, betiere arriskurik gabe kontsumi badaiteke.
Audiorik gabe. Elikagaiak ekoizten eta eraldatzen dituzten enpresek, eta banatzen dituztenek, milioi erdi eurorainoko zigorrak jasoko dituzte janaria alferrik galduz gero. Jatetxeei eta gainerako ostalaritza establezimenduei ere eragingo die araudi berriak. Elikagaiak alferrik galtzeari aurre egiteko legea gaur onartu du Kongresuak. Hiru arau-hauste maila ezartzen ditu (arinak, larriak eta oso larriak), eta 2.000 eurotik gorako isunak aurreikusten ditu arauak betetzen ez dituzten enpresentzat. Lege-proiektua Senatuan bozkatuko dute jarraian. Urtero, milioika tona elikagai zakarrontzira botatzen dira.
Epaileen eta fiskalen elkarte gehienek greba ...
Epaileen eta fiskalen elkarte gehienek greba maiatzaren 22ra atzeratzea erabaki dute
Datorren asteartean beste bilera bat ...
1:46 min.
Datorren asteartean beste bilera bat egiteko deia egin die Espainiako Gobernuak epaile eta fiskalei. Egun horretarako zegoen aurreikusita greba hastea, beraz, elkarte gehienek hurrengo astelehenera atzeratzea erabaki dute.
Audiorik gabe. Epaileen eta fiskalen elkarte gehienek ez dute datorren asteartean hasiko greba, aurreikusita zegoen bezala, eta hurrengo astelehenera atzeratu dute, hilaren 22ra, "negoziatzeko tartea egun batzuetan zabaltzeko", Espainiako Gobernuak asteazken honetako bileran eskatu bezala. Ordainsarien mahaiak Justizia Ministerioarekin eta Ogasun eta Funtzio Publikoko Ministerioarekin izandako negoziazioen erdian, epaileen eta fiskalen zazpi elkarteetako batek, Magistraturaren Elkarte Profesional (APM) kontserbatzaile eta nagusi denak, bakarrik eutsi dio deialdiari hilaren 16an, nahiz eta atzeratzeko aukerari buruz "erabakitzeko prozesuan" dagoen. APMren zuzendaritza batzorde nazionalak Espainiako Gobernuaren 46 milioi euroko proposamena "onartezina" dela uste du. Gaur arratsaldean bilduko da atzerapena eztabaidatzeko. Asteartean beste bilera bat egiteko deia egin die Gobernuak epaile eta fiskalei, egun horretarako greba hastea aurreikusita baitzegoen. Horren aurretik, Justiziak eta Funtzio Publikoak "behin betiko proposamena" helaraziko diete elkarteei. Horrek, 46 milioi euro inguruko eskaintza ekonomiko "mugiezinaz" gain, "etorkizunean negoziatzeko irekita geratzen diren ordainsari mahaiko alderdi batzuk" bilduko ditu; "hirurtekoak, lan kargak, lan osasuna, karrera profesionala, guardiak, ordainsari aldakorrak, biztanleria taldeak eta karrerako osagarria, besteak beste", aztertu nahi dituzte, "aurrera egiten saiatzeko”.
Lehorteak kaltetutako nekazarientzako laguntz...
Lehorteak kaltetutako nekazarientzako laguntza zuzenak onartuko ditu gaur Espainiako Gobernuak
Ministroen Kontseiluak lehorteari aur...
1:00 min.
Ministroen Kontseiluak lehorteari aurre egiteko neurri sorta bat onetsiko du, tartean, beherapenak nekazarien Pertsona Fisikoen Errentaren gaineko Zergan (PFEZ) edo salbuespenak nekazaritzako Ondasun Higiezinen gaineko Zergan.
Audiorik gabe. Espainiako Gobernuak Ministroen Kontseiluaren ezohiko bilera deitu du gaur, lehorteari aurre egiteko neurriak onartzeko. Batzar horretatik neurri sorta bat ateratzea espero da, tartean, zuzeneko laguntzak, beherapenak nekazarien Pertsona Fisikoen Errentaren gaineko Zergan (PFEZ) edo salbuespenak nekazaritzako Ondasun Higiezinen gaineko Zergan. Aurreikuspenen arabera, nekazarientzako 650 milioi euroko laguntza zuzenak eta PFEZ zergan 1.807 milioi euroko murrizketak onetsiko ditu Espainiako Gobernuak.
